سجينة،الظلم والانتقام

57

#سجينة_الظلم_والانتقام
بقلم
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
#بارت٥٧
ﺭﺃﻳـﺖ ﺑﻬـﺎ ﺑﺪﺭﺍً ﻋﻠﻰ ﺍﻷﺭﺽ ﻣﺎﺷـﻴﺎً ....... ﻭﻟـﻢ ﺃﺭ ﺑـﺪﺭﺍً ﻗـﻂ ﻳـﻤﺸﻲ ﻋـﻠﻰ ﺍﻷﺭﺽ .
ﻗـﺎﻟﻮﺍ ﺍﻟﻔﺮﺍﻕ ﻏـﺪﺍً ﻻ ﺷﻚ ﻗـﻠﺖ ﻟﻬـﻢ ..... ﺑـﻞ ﻣـﻮﺕ ﻧـﻔـﺴﻲ ﻣـﻦ ﻗﺒﻞ ﺍﻟﻔﺮﺍﻕ ﻏـﺪﺍً .
ﻏﺰﻭﺍﻥ ... ﺩﺧﻠﺖ ﻟﻠﺪﻳﻮﺍﻥ ﻣﺎﻟﺘﻨﺔ ﻭﺷﻔﺖ ﺍﺑﻮﻱ ﻭﻋﻤﺎﻣﻲ ﻭﻭﻟﺪ ﻋﻤﺎﻣﻲ ﻛﺎﻋﺪﻳﻦ ﻭﻫﺬﺍ ﺍﻟﻌﺎﺭ ﻛﺎﻋﺪ ﺑﺼﻒ ﺍﺑﻮﻩ ..
ﺳﻠﻤﺖ ﺑﻮﺟﻪ ﻋﺼﺒﻲ ﻭﺍﻟﻜﻞ ﺭﺩﻭ ﺍﻟﺴﻼﻡ ..
ﻛﻌﺪﺕ ﺑﺼﻒ ﺍﺑﻮﻱ ..
ﻋﻤﻲ ﺑﺪﺓ ﻳﺤﺠﻲ ﻭﻳﻌﺘﺬﺭ ﻭﺍﻧﻲ ﺍﺑﺎﻭﻉ ﻟﻬﺬﺍ ﺍﻟﻌﺎﺭ ﻛﻠﺒﻲ ﻣﺎ ﺷﻔﺔ ﻣﻨﺔ ..
ﺍﻟﺘﻔﺘﺖ ﻟﻌﻤﻲ ﻭﻛﻠﺖ : ﻋﻤﻲ ﺧﺼﻢ ﺍﻟﺤﺠﻲ .. ﺍﻧﺖ ﻋﺎﻟﻌﻴﻦ ﻭﺍﻟﺮﺍﺱ .. ﺑﺲ ﻫﺬﺍ ﺍﻟﻌﺎﺭ ﺍﺫﺍ ﺷﻔﺘﺔ ﻣﻌﺘﺐ ﺍﺑﺎﺏ ﺑﻴﺘﻨﺔ ﻭﺍﻟﻠﻪ ﺑﻮﻛﺘﻬﺔ ﻟﺤﺪ ﻳﻠﻮﻣﻨﻲ ﻋﻠﻰ ﺍﻻﺳﻮﻱ .. ﻻﻥ ﺍﻧﺔ ﻣﻦ ﺳﺎﻟﻔﺘﺔ ﻣﺎﻝ ﺧﻄﺒﺔ ﺍﺧﺘﻲ ﻭﺭﺍﺡ ﻳﺪﻭﺭ ﺑﻨﺎﺕ ﻭﻫﻮ ﺣﺎﺟﻲ ﺑﻴﻬﺔ ﻭﺍﺩﻭﺭ ﻫﺴﺔ ﻫﺎﻱ ﻋﻤﻠﺘﺔ ﺍﻧﺔ ﺗﺮﺓ ﻛﻮﺓ ﻛﺎﻅ ﺭﻭﺣﻲ ﻻ ﻫﺴﺔ ﺍﻛﻠﺐ ﻭﺟﻬﺔ ..
ﺍﺑﻮ ﻋﻤﺮﺍﻥ : ﻋﻤﻲ ﺩﺻﻠﻲ ﻋﻠﻰ ﻣﺤﻤﺪ .. ﻣﺎ ﺗﺸﻮﻑ ﻭﺟﻬﺔ ﺍﻧﺖ ﻭﺣﻤﺰﺓ ﺷﻤﺴﻮﻳﻦ ﺑﻲ ﺑﻌﺪ ﺷﺘﻜﻠﺐ ﻣﻨﺔ ..
ﺣﻤﺰﺓ : ﻭﺍﻟﻠﻪ ﻋﻤﻲ ﺍﺑﻨﻚ ﻣﺤﺬﺭﻳﻨﺔ ﻣﻦ ﻛﺒﻞ ﻭﺟﻢ ﻣﺮﺓ ﻣﺎﺧﺬ ﻣﺜﻞ ﻫﺎﻟﺪﻛﺎﺕ ﺑﺲ ﻫﻮﺓ ﻣﺎ ﻳﺘﻮﺏ .. ﻭﺍﻟﻤﺎ ﻳﺘﻌﻠﻢ ﺍﻟﺪﺭﺱ ﻣﻦ ﺍﻭﻝ ﻣﺮﺓ ﻫﺬﺍ ﻣﺎ ﻳﻨﻌﺪﻝ ﺑﻌﺪ ..
ﻛﻤﺖ ﻭﻭﻛﻔﺖ : ﺑﻮﻳﺔ ﻣﻦ ﺭﺧﺼﺘﻚ ﺍﻧﺔ ﺍﺭﻭﺡ ﻻﻥ ﺭﺍﺋﺪ ﺟﺎﻱ ﻫﻮ ﻭﺍﺧﻮﺗﺔ ﻳﺮﺩﻭﻥ ﻳﺘﺒﺎﺭﻛﻮﻥ ﻟﻤﺆﻳﺪ ﻭﺟﺎﻳﻴﻦ ﻣﺸﻴﺔ ﻫﻢ ﻭﺍﻧﺔ ﻃﺎﻟﻊ ﺍﺗﻠﻜﺎﻫﻢ ..
ﺍﺑﻮ ﻏﺰﻭﺍﻥ : ﺍﻭﻭﻭ ﺍﻧﺔ ﻫﻢ ﺧﺎﺑﺮﻧﻲ ﻭﻛﺎﻝ ﺟﺎﻳﻴﻦ ﻣﺸﻴﺔ ﺑﺲ ﻧﺴﻴﺖ ﻭﺭﺍﺣﺖ ﻣﻦ ﺑﺎﻟﻲ .. ﻛﻮﻡ ﻭﻟﻚ ﻣﺆﻳﺪ ﺟﻴﺐ ﺫﺑﺎﻳﺢ ﻭﺧﻞ ﻳﺴﻮﻭﻥ ﺍﻟﻐﺪﺓ ﻭﺍﻃﻴﻬﻢ ﺧﺒﺮ ﺍﻥ ﺣﺘﻰ ﺍﻣﻬﺎﺗﻬﻢ ﺗﺠﻲ ﻳﺸﻮﻓﻦ ﺍﻟﺒﻨﺎﺕ ..
ﻃﻠﻌﺖ ﻣﻦ ﻳﻤﻬﻢ ﻭﺗﺬﻛﺮﺕ ﺍﻥ ﻣﺎ ﻛﻠﺖ ﻟﻤﻴﺎﻣﻴﻦ ..
ﺧﺎﺑﺮﺕ ﻋﻠﻴﻬﺔ ﻭﺑﻌﺪ ﺭﻧﺘﻴﻦ ﺟﺎﻭﺑﺖ : .. ﺍﻟﻮ ..
ﺍﺑﺘﺴﻤﺖ ﻭﻛﻠﺖ : ﺑﻌﺪﺓ ﺯﻋﻼﻥ ﺍﻟﺤﻠﻮ ..
ﻣﻴﺎﻣﻴﻦ : ﻟﻴﺶ ﺩﺍﻙ ..
ﻏﺰﻭﺍﻥ : ﻋﻨﺪﻱ ﺍﻟﺞ ﺧﺒﺮ ﻣﺘﺄﻛﺪ ﺭﺍﺡ ﻳﻔﺮﺣﺞ .. ﺍﻫﻠﺞ ﻫﺴﺔ ﺟﺎﻳﻴﻦ ﻣﺸﻴﺔ ﻋﻠﻴﻨﺔ ﻳﺨﻄﺒﻮﻥ ﺍﻟﺒﻨﺎﺕ .. ﻭﺍﺯﻳﺪﺝ ﻣﻦ ﺍﻟﺸﻌﺮ ﺑﻴﺖ ﺣﺘﻰ ﻧﺴﻮﺍﻥ ﻳﺠﻦ ..
ﻣﻴﺎﻣﻴﻦ ﺑﺼﺪﻣﺔ : ﺷﻨﻮﻭﻭﻭ ﺻﺪﻙ ﺗﺤﺠﻲ ﻟﻮ ﺗﺘﺸﺎﻗﺔ ..
ﻏﺰﻭﺍﻥ ﺑﺄﺳﺘﻐﺮﺍﺏ : ﺍﻱ ﻭﺍﻟﻠﻪ ﺭﺍﺡ ﻳﺠﻮﻥ ﺷﺒﻴﺞ ﻣﺼﺪﻭﻣﺔ ..
ﻣﻴﺎﻣﻴﻦ ﺑﻌﺼﺒﻴﺔ : ﺍﻛﻮ ﻭﺍﺣﺪ ﺑﺮﺍﺳﺔ ﻋﻘﻞ ﻫﺴﺔ ﻳﺤﺠﻲ .. ﻟﻴﺶ ﻣﺎ ﻛﺘﻠﻲ ﻣﻦ ﺍﻟﺒﺪﺍﻳﺔ .. ﻫﺴﺔ ﻫﻤﺔ ﺷﻜﺪ ﻭﻳﻮﺻﻠﻮﻥ ..
ﻏﺰﻭﺍﻥ : ﻣﻴﺎﻣﻴﻦ ﻋﻠﻴﻤﻦ ﻋﺼﺒﺘﻲ ﻧﺴﻴﺖ ﻣﺎ ﻛﺘﻠﺞ ﻭﻫﻤﺔ ﻫﺴﺔ ﺗﻘﺮﻳﺒﺎ ﺳﺎﻋﺘﻴﻦ ﻭﻳﻮﺻﻠﻮﻥ ..
ﻣﻴﺎﻣﻴﻦ : ﻻ ﻳﻌﻨﻲ ﻣﺎ ﺗﺮﻳﺪﻧﻲ ﺍﻋﺼﺐ .. ﺟﺎﻳﻴﻦ ﺧﻄﺎﺑﺔ ﻋﺎﻟﺒﻨﺎﺕ ﻭﻧﺴﻮﺍﻥ ﻳﺸﻮﻓﻨﻬﻦ ﻭﻻﺯﻡ ﻳﺘﺠﻬﺰﻥ ﻭﺍﻧﺖ ﻫﺴﺘﻮﻙ ﻳﻠﺔ ﺗﺤﺠﻲ ..
ﻏﺰﻭﺍﻥ : ﻭﺷﻜﻮ ﺑﻴﻬﺔ ﻳﻌﻨﻲ ﻫﻨﺔ ﻋﺮﺍﻳﺲ ﺷﻨﻮ ﻭﻳﺘﺠﻬﺰﻥ ..
ﻣﻴﺎﻣﻴﻦ : ﻻ ﻭﺍﻟﻠﻪ .. ﺗﺮﺓ ﺍﻟﺒﻨﺎﺕ ﻣﻮ ﻣﺜﻞ ﺍﻟﻮﻟﺪ ﻳﻌﻨﻲ ﺑﺲ ﺗﻠﺒﺲ ﺩﺷﺪﺍﺷﺔ ﻫﺎﻳﻬﻴﺔ ﻃﻠﻌﺖ ﻛﺸﺨﺔ .. ﺍﻟﺒﻨﺎﺕ ﻳﺮﺍﺩﻟﻬﻦ ﺗﻌﺪﻳﻞ ﻭﻟﺒﺲ ﻭﺗﻨﺴﻴﻖ ﺧﻮ ﻣﺎ ﺗﺪﺧﻞ ﻋﺎﻟﺨﻄﺎﺑﺔ ﺑﻬﺬﺍ ﺷﻜﻠﻬﺔ .. ﻭﺍﺻﻼ ﺍﻧﻲ ﻟﻴﺶ ﻫﺴﺔ ﺍﺣﺠﻲ ﻭﻳﺎﻙ ..
ﺳﺪﺕ ﺍﻟﺘﻠﻴﻔﻮﻥ ﺑﻮﺟﻬﻲ .. ﺑﺴﻢ ﺍﻟﻠﻪ ﺍﻛﻠﺘﻨﻲ ﺑﻜﺸﻮﺭﻱ ..
&&&&&&&&&&&&
ﻣﻴﺎﻣﻴﻦ .... ﻣﻦ ﺧﺎﺑﺮﻧﺔ ﻏﺰﻭﺍﻥ ﻭﺍﻟﺒﻨﺎﺕ ﺧﺎﻳﻔﺎﺕ ﻭﻋﻤﺘﻲ ﻣﺤﺘﺎﺭﺓ ﻭﺩﺯﺕ ﻋﻠﻰ ﻧﺴﻮﺍﻥ ﺟﻮﺍﺭﻳﻨﻬﻢ ﻳﺴﺎﻋﺪﻧﻬﺔ ﺑﺎﻟﻄﺒﺦ ..
ﺍﻧﻲ ﻭﺟﻮﺭﻱ ﻭ ﻣﻬﺎ ﻭﺧﺎﺗﻮﻥ ﺻﻌﺪﻧﺔ ﻟﻐﺮﻓﺔ ﺟﻮﺭﻱ ﻧﺠﻬﺰ ﺍﻟﺒﻨﺎﺕ ﻻﻥ ﺟﻮﺭﻱ ﻫﻢ ﺭﺍﺡ ﺗﺘﺠﻬﺰ ﺟﺎﻳﻴﻦ ﻳﺒﺎﺭﻛﻮﻟﻬﺔ ..
ﺍﻧﻲ ﺍﺳﻮﻱ ﺑﺸﻌﺮ ﻣﻬﺎ .. ﻭﺟﻮﺭﻱ ﺗﺴﺮﺡ ﺑﺸﻌﺮ ﺧﺎﺗﻮﻥ ..
ﻃﺒﻌﺎ ﺍﻟﺒﻨﺎﺕ ﺟﺎﻧﻦ ﻣﺘﻮﺗﺮﺍﺕ ﻭﻣﻬﺎ ﻛﻞ ﺷﻮﻱ ﺗﺮﻳﺪ ﺗﺒﺠﻲ ﻣﻦ ﺍﻟﺨﻮﻑ .. ﻭﺍﻧﻲ ﻭﺟﻮﺭﻱ ﻧﻀﺤﻚ ﻋﻠﻴﻬﻦ ﻭﻧﺼﻨﻒ ...
ﺳﻮﻳﻨﺎﻟﻬﻦ ﺍﻟﻤﻜﻴﺎﺝ ﻭﻣﺎ ﻛﺜﺮﻧﺔ ﻳﻌﻨﻲ ﺷﻲ ﺑﺴﻴﻂ ﻭﺧﻔﻴﻒ ..
ﺧﺎﺗﻮﻥ ﻟﺒﺴﺖ ﺗﻨﻮﺭﺓ ﻗﺼﻴﺮﺓ ﺿﻴﻘﺔ ﻟﻮﻧﻬﺔ ﺍﺣﻤﺮ ﻭﻓﻮﻛﺎﻫﺔ ﺳﺘﺮﺓ ﺣﻤﺮﺓ ﻭﺟﻮﺍﻫﻦ ﺑﺪﻱ ﺍﺑﻴﺾ ﻭﻃﻠﻌﺖ ﺗﺨﺒﻞ ..
ﻣﻬﺎ ﻟﺒﺴﺖ ﻓﺴﺘﺎﻥ ﻗﺼﻴﺮ ﻟﻮﻧﺔ ﻧﻴﻠﻲ ﻭﺑﻲ ﺣﺰﺍﻡ ﺍﺣﻤﺮ ﻳﺼﻴﺮ ﺿﻴﻖ ﻋﺎﻟﺠﺴﻢ ﻭﻟﺒﺴﺖ ﻃﻮﻙ ﺍﺑﻮ ﺍﻟﻔﻴﻮﻧﻜﺔ ﻟﻮﻧﺔ ﺍﺣﻤﺮ ﻭﻃﻠﻌﺖ ﻛﻴﻮﺕ ..
ﻃﺒﻌﺎ ﺍﻧﻲ ﺟﺪﺩﺕ ﻣﻜﻴﺎﺟﻲ ﻭﺟﻨﺖ ﻓﺮﺣﺎﻧﺔ ﺍﻥ ﺭﺍﺡ ﺍﺷﻮﻑ ﺍﻫﻠﻲ ﻻﻥ ﻣﺸﺘﺎﻗﺘﻠﻬﻢ ..
ﻋﻔﺖ ﺍﻟﺒﻨﺎﺕ ﻭﻧﺰﻟﺖ ﺍﺷﻮﻑ ﺧﺎﻑ ﻋﻤﺘﻲ ﺗﺤﺘﺎﺝ ﻣﺴﺎﻋﺪﺓ .. ﺳﻮﻳﺖ ﺍﻟﺴﻠﻄﺎﺕ ﻻﻥ ﻣﺎﺭﻳﺪ ﺍﺩﺧﻞ ﻟﻠﻤﻄﺒﺦ ﻭﺍﻧﺘﺮﺱ ﺭﻳﺤﺔ ﻃﺒﺦ ﻫﻬﻪ ...
ﻧﻀﻔﺖ ﺍﻟﺒﻴﺖ ﻋﺎﻟﺴﺮﻳﻊ ﻻﻥ ﻫﻮﺓ ﺍﺻﻼ ﻧﻀﻴﻒ ﻻﻥ ﺍﻟﺨﻄﺎﺭ ﻳﻄﺐ ﻭﻳﻄﻠﻊ ﻳﺘﺒﺎﺭﻛﻮﻥ ﻟﻤﺆﻳﺪ .. ﻋﻄﺮﺕ ﺍﻟﺒﻴﺖ ﻭﺷﻐﻠﺖ ﻣﻦ ﺑﺨﻮﺭ ﺍﻟﺤﺠﻴﺔ ﺭﻳﺤﺘﺔ ﺗﺠﻨﻦ
ﻭﺭﺓ ﻧﺺ ﺳﺎﻋﺔ ﻛﺎﻟﻮ ﺍﺟﻮ .. ﻛﻤﺰﺕ ﻭﺭﺣﺖ ﺍﺭﻛﺾ ﺍﻧﻄﻴﺖ ﺧﺒﺮ ﻟﻠﺒﻨﺎﺕ ﻭﻧﺰﻟﻨﺔ ﺍﻧﻲ ﻭﺟﻮﺭﻱ ﻧﺴﺘﻘﺒﻠﻬﻢ ..
ﺷﻔﺖ ﺍﺧﻮﺍﺗﻲ ﺟﺎﻳﺎﺕ ﻓﺮﺣﺖ ﻛﻠﺶ ﻭﺧﺎﺻﺎً ﺑﺸﻬﺪ ﻻﻥ ﻛﻮﻟﺶ ﻣﺸﺘﺎﻗﺘﻠﻬﺔ .. ﺳﻠﻤﺖ ﻋﻠﻰ ﺍﻣﻲ ﻭﺧﺎﻟﺘﻲ ﺍﻡ ﺧﺎﻟﺪ ﻭﻛﻌﺪﺕ ﺑﺼﻒ ﺟﻮﺭﻱ .. ﻫﻨﺔ ﺳﻠﻤﻦ ﻋﻠﻰ ﺟﻮﺭﻱ ﻭﺗﺒﺎﺭﻛﻠﻬﺔ ..
ﻛﻌﺪﻧﺎﻫﻦ ﺑﺎﻟﺼﺎﻟﺔ ﻭﺑﺪﻥ ﻳﺴﻮﻟﻔﻦ ﻋﺎﻟﺨﻄﻮﺑﺔ ﻭﻣﺪﺭﻱ ﻣﻨﻴﻦ ﻳﺮﻫﻤﻦ ﺍﻟﺤﺠﻲ ﻳﻌﻨﻲ ﺳﻮﺍﻟﻒ ﻋﺠﺎﻳﺰ ..
ﻟﺤﺪ ﻣﺎ ﻛﺎﻟﺖ ﻋﻤﺘﻲ ﺍﻡ ﻏﺰﻭﺍﻥ : ﻣﻴﺎﻣﻴﻦ ﻋﻤﺔ ﺭﻭﺣﻲ ﺻﻴﺤﻲ ﺍﻟﺒﻨﺎﺕ ﺧﻠﻲ ﻳﺠﻦ ﻳﺴﻠﻤﻦ ﻋﻠﻰ ﺍﻡ ﺭﺍﺋﺪ ﻭﺍﻡ ﺧﺎﻟﺪ ..
ﻛﻤﺖ ﺑﺴﺮﻋﺔ ﻭﺩﺧﻠﺖ ﻋﻠﻴﻬﻦ ﻟﻠﻐﺮﻓﺔ : ﻳﻠﺔ ﻛﻮﻣﻦ ﻳﺮﺩﻭﻧﺠﻦ ..
ﻣﻬﺎ ﻭﻫﻲ ﺗﺤﻂ ﺍﻳﺪﻫﺔ ﻋﻠﻰ ﺑﻄﻨﻬﺔ : ﻳﻤﻤﺔ ﺑﻄﻨﻲ ﻣﻐﺼﺘﻨﻲ .. ﻣﺎﺭﻳﺪ ﺍﺩﺧﻞ ﺑﻄﻠﺖ ..
ﺧﺎﺗﻮﻥ ﻭﻫﻲ ﺗﻔﺮﻙ ﺑﻴﺪﻳﻬﺔ : ﺍﻛﻠﺞ ﻫﻨﺔ ﻫﻮﺍﻱ ﻟﻮ ﻻ ..
ﺗﻨﻬﺪﺕ ﻭﻛﻠﺖ : ﺍﺫﺍ ﻣﺎ ﻛﻤﺘﻦ ﻫﺴﺔ ﺍﺭﻭﺡ ﺍﺻﻴﺢ ﻋﻤﺘﻲ ﻋﻠﻴﺠﻦ ..
ﻛﺎﻣﻦ ﻫﻨﺔ ﻭﻣﻬﺎ ﻛﻮﺓ ﺳﺤﻠﻨﺎﻫﺔ ﻣﺪﺭﻱ ﺷﺒﻴﻬﺔ ﻭﺧﺎﺗﻮﻥ ﻣﺘﻮﺗﺮﺓ ﺑﺲ ﺑﺼﻤﺖ ﻣﻮ ﻣﺜﻞ ﻣﻬﺎ ﻛﻠﺴﺎﻉ ﻭﺗﺴﺄﻝ .. ﻣﺜﻼ ﻋﻠﻰ ﻣﻨﻮ ﺍﺳﻠﻢ ﻗﺒﻞ .. ﻫﻨﺔ ﻛﺎﻋﺪﺍﺕ ﺑﻴﺎ ﺟﻬﺔ .. ﺷﻜﻢ ﻭﺣﺪﺓ ﺟﺎﻳﺔ ﻭﻳﺎﻫﻦ .. ﺷﻴﺒﺖ ﺭﺍﺳﻲ ..
ﺍﻧﻄﻴﺖ ﺻﻴﻨﻴﺔ ﻋﺼﻴﺮ ﺑﻴﺪ ﺧﺎﺗﻮﻥ ﻭﺍﻟﺼﻴﻨﻴﺔ ﺍﻟﺜﺎﻧﻴﺔ ﺑﻴﺪ ﻣﻬﺎ .. ﻭﺍﻧﻲ ﺷﺎﻳﻠﺔ ﺻﻴﻨﻴﺔ ﺍﻟﻜﻴﻚ ..
ﺩﺧﻠﺖ ﺧﺎﺗﻮﻥ ﻭﻭﺭﺍﻫﺔ ﻣﻬﺎ ﻭﺍﻧﻲ ﺑﺎﻻﺧﻴﺮ ..
ﺍﻡ ﺧﺎﻟﺪ : ﻳﺎ ﻣﻴﺔ ﻫﻼ .. ﺗﻌﺎﻱ ﻋﻤﺔ ﻳﻤﻲ ..
ﺍﻡ ﺭﺍﺋﺪ : ﻫﻼ ﻋﻤﺔ ﺧﺎﺗﻮﻥ .. ﺷﻮ ﺗﻌﺎﻱ ﺑﺼﻔﻲ ﺍﺷﻮﻓﻨﺞ ..
ﻛﻞ ﻭﺣﺪﺓ ﺍﺧﺬﺕ ﺟﻨﺘﻬﺔ ﺑﺼﻔﻬﺔ ﻭﺍﻧﻲ ﻭﺍﻛﻔﺔ ﺍﺑﺎﻭﻋﻠﻬﻦ ﺷﻠﻮﻥ ﺣﻄﺖ ﺍﻟﻌﺼﺎﻳﺮ ﻋﺎﻟﻄﺒﻠﺔ ﺍﻟﺠﺒﻴﺮﺓ ﺑﺪﻭﻥ ﻣﺎ ﻳﻘﺪﻣﻦ ﻭﺭﺍﺣﻦ ﻛﻌﺪﻥ ﻳﻤﻬﻦ ﻭﻫﻨﺔ ﻣﺴﺘﺤﻴﺎﺕ ..
ﺣﺠﻴﺖ ﻭﺍﻧﻲ ﺭﺍﻓﻌﺔ ﺣﺎﺟﺒﻲ : ﺍﻳﻴﻲ ﻛﻞ ﻭﺣﺪﺓ ﺍﺧﺬﺕ ﺟﻨﺘﻬﺔ ﻳﻤﻬﺔ ﻭﺍﻟﻌﺼﺎﻳﺮ ﻣﻨﻮ ﻳﻘﺪﻣﻬﻦ ﻏﻴﺮ ﺷﻐﻠﺘﻬﻦ ﻫﺎﻱ ..
ﺍﻡ ﺭﺍﺋﺪ : ﺟﺎ ﻭﺍﻧﺘﻲ ﺷﻨﻲ ﺷﻐﻠﺞ ..
ﻓﺘﺤﺖ ﻋﻴﻮﻧﻲ : ﻳﻤﻤﻤﺔ ﺷﺒﺴﺮﻋﺔ ﺑﻌﺘﻴﻨﻲ ..
ﺟﻮﺭﻱ ﻛﺎﻣﺖ ﻭﻫﻲ ﺗﻀﺤﻚ : ﺗﻌﺎﻱ ﺍﻗﺪﻣﻬﻦ ﻭﻳﺎﺝ .. ﻫﻨﺔ ﻛﻞ ﻭﺣﺪﺓ ﺗﺎﻟﻴﻬﻦ ﺭﺍﻳﺤﺔ ﻟﺒﻴﺖ ﺭﺟﻠﻬﺔ ﺑﺲ ﺍﻧﻲ ﺍﺑﻘﻰ ﻳﻤﺞ ..
ﺿﺤﻜﺖ ﻭﺍﻧﻲ ﺷﺎﻳﻠﺔ ﺍﻟﺼﻴﻨﻴﺔ ﻭﻫﻲ ﺗﺎﺧﺬ ﻭﺗﺤﻂ ﻛﺪﺍﻣﻬﻦ ...
ﻛﻌﺪﺕ ﻭﺑﺪﺕ ﺍﻟﺴﻮﺍﻟﻒ .. ﺍﺑﺎﻭﻉ ﻟﺨﺎﺗﻮﻥ ﻣﺪﻧﻜﺔ ﻭﻣﺴﺘﺤﻴﺔ ﻭﻣﺒﺘﺴﻤﺔ .. ﻭﻣﻬﺎ ﻣﻮ ﻟﻴﻜﻮﻝ ﻧﻔﺴﻬﺔ ﺍﻟﻲ ﺟﺎﻧﺖ ﺑﺮﺓ .. ﺍﻧﻄﻠﻘﺖ ﺑﺎﻟﺴﻮﺍﻟﻒ ﻭﺧﺎﻟﺘﻲ ﻣﻜﻴﻔﺔ ﺑﻴﻬﺔ ..
ﺗﺬﻛﺮﺕ ﺑﺴﺮﻋﺔ ﺭﻓﻌﺖ ﺗﻠﻴﻔﻮﻧﻲ ﻭﺍﺗﺼﻠﺖ ﻋﻠﻰ ﻏﺰﻭﺍﻥ ...
££££££
ﻏﺰﻭﺍﻥ .... ﻛﺎﻋﺪ ﺑﺎﻟﺪﻳﻮﺍﻥ ﺍﻟﻲ ﻛﻠﺔ ﺯﻟﻢ ﻭﻛﺎﻋﺪ ﺍﺑﻮ ﺯﻳﺎﺩ ﻭﺍﺑﻮ ﺧﺎﻟﺪ ﻭﺭﺍﺋﺪ ﻭﺧﺎﻟﺪ ﻭﺣﺴﺎﻥ ﻭﻳﺴﻮﻟﻔﻮﻥ ﻭﻳﻀﺤﻜﻮﻥ ﻭﻳﺔ ﺍﺑﻮﻱ ﻭﻋﻤﺎﻣﻲ ..
ﺩﻙ ﺗﻠﻴﻔﻮﻧﻲ ﺭﻓﻌﺘﺔ ﻭﺷﻔﺘﺔ ﻣﻴﺎﻣﻴﻦ .. ﻣﺎﻛﺪﺭ ﺍﺭﺩ ﻋﻠﻴﻬﺔ ﻛﺪﺍﻣﻬﻢ .. ﺳﺪﻳﺖ ﺍﻟﺨﻂ ﻭﻛﺘﺒﺘﻠﻬﺔ ﺭﺳﺎﻟﺔ ..
ﻏﺰﻭﺍﻥ : ﻣﺎﻛﺪﺭ ﺍﺟﺎﻭﺏ ﻻﻥ ﺍﻟﻜﻞ ﻣﻮﺟﻮﺩ .. ﻛﻮﻟﻲ ؟
ﻣﻴﺎﻣﻴﻦ : ﺍﺭﻳﺪ ﺍﺷﻮﻑ ﺍﺧﻮﺍﻧﻲ ﺍﻟﻌﺮﺳﺎﻥ .. ﺻﻴﺤﻬﻢ ﺧﻞ ﺍﺳﻠﻢ ﻋﻠﻴﻬﻢ ..
ﺗﻨﻬﺪﺕ ﻭﻛﺘﺒﺖ : ﻣﺎﺷﻲ ﺭﻭﺣﻲ ﻟﻠﺒﻴﺖ ﻭﺍﻧﻲ ﺍﺟﻴﺒﻬﻢ ﻭﺍﺟﻲ ..
ﻃﻔﻴﺖ ﺍﻟﺘﻠﻴﻔﻮﻥ ﻭﻛﻤﺖ ﻭﻃﻠﻌﺖ ..
ﺩﻛﻴﺖ ﻋﻠﻰ ﺭﺍﺋﺪ ﻭﻃﻠﺒﺖ ﻣﻨﺔ ﻳﺠﻴﺐ ﺣﺴﺎﻥ ﻭﺧﺎﻟﺪ ﻭﻳﻄﻠﻊ ﻭﺭﺍﻱ .. ﻭﻓﻌﻼ ﺩﻗﻴﻘﺘﻴﻦ ﻭﻫﻤﺔ ﻃﻠﻌﻮ ..
ﺍﺧﺬﺗﻬﻢ ﻭﺗﻮﺟﻬﺖ ﻟﺒﻴﺘﻨﺔ ﺩﺧﻠﺘﻬﻢ ﻟﻠﺼﺎﻟﺔ ﻭﺧﺎﻟﺪ ﺍﺟﺎﻩ ﺍﺗﺼﺎﻝ ﻭﻃﻠﻊ ﻳﺨﺎﺑﺮ ﻭﻛﺎﻝ ﻫﺴﺔ ﺍﺟﻲ ..
ﻃﻠﻌﺖ ﻣﻴﺎﻣﻴﻦ ﻣﻦ ﺍﻟﻤﻄﺒﺦ ﺻﺎﺣﺖ ﺑﻔﺮﺣﺔ : ﺭﺍﺍﺍﺋﺪ ..
ﺣﻀﻨﺘﺔ ﻭﻫﻮ ﻳﻀﺤﻚ : ﻋﻠﻰ ﻛﻴﻔﺞ ﺧﻨﻜﺘﻴﻨﻲ ..
ﻭﺧﺮﺗﺔ ﻭﻛﺎﻟﺖ : ﺍﻱ ﻋﻴﻨﻲ ﺻﺮﻧﺔ ﻧﺨﻨﻚ ﻭﻣﺎ ﻧﻌﺠﺐ ..
ﺣﻀﻨﺖ ﺣﺴﺎﻥ ﻭﻫﻲ ﺗﺼﻨﻒ ﻋﻠﻰ ﺭﺍﺋﺪ ..
ﺳﺤﺒﺘﻬﺔ ﻭﺣﻄﻴﺘﺔ ﺟﻮﺓ ﺍﻳﺪﻱ : ﺍﻧﺘﻲ ﺗﻌﺠﺒﻴﻨﻲ ﺍﻧﻲ ﺷﻌﻠﻴﺞ ﺑﻴﻬﻢ ..
ﻭﺟﻬﺔ ﺻﺎﺭ ﺍﺣﻤﺮ ﻭﺭﺍﺋﺪ ﻭﺣﺴﺎﻥ ﻳﻀﺤﻜﻮﻥ ﻋﻠﻴﻬﺔ ..
ﻣﻴﺎﻣﻴﻦ : ﻭﻳﻦ ﺧﻮﻳﻠﺪ ﻟﻴﺶ ﻣﺎ ﺍﺟﺔ ﻭﻳﺎﻛﻢ ..
ﺧﺎﻟﺪ ﻣﻦ ﻭﺭﺍﻧﺔ : ﺧﻮﻳﻠﺪ ﺑﻌﻴﻨﺞ ..
ﻣﻴﺎﻣﻴﻦ ﻛﻤﺰﺕ ﻭﻭﺧﺮﺕ ﺍﻳﺪﻱ ﺑﺴﺮﻋﺔ ﻣﻦ ﻛﺘﻔﻬﺔ ﻭﺭﺍﺣﺖ ﺗﺮﻛﺾ ﻟﺨﺎﻟﺪ ..
ﻓﺘﺤﺖ ﻋﻴﻮﻧﻲ ﻭﺍﻧﻲ ﺍﺷﻮﻓﺔ ﺷﺎﻳﻠﻬﺔ ﻣﻦ ﺧﺼﺮﻫﺔ ﻭﻳﻔﺘﺮ ﺑﻴﻬﺔ ..
ﻣﻴﺎﻣﻴﻦ : ﺍﺍﺍﻩ ﻧﺰﻟﻨﻲ ﺧﺎﻟﺪ ﻻ ﺍﻃﻴﺢ ..
ﺧﺎﻟﺪ ﻭﻫﻮ ﻳﻨﺰﻟﻬﺔ : ﻳﻤﺔ ﺷﻨﻲ ﻫﺎﻱ ﺻﺎﻳﺮﺓ ﺷﺴﻤﻨﺞ ...
ﻣﻴﺎﻣﻴﻦ ﺑﺰﻋﻞ : ﻳﻌﻨﻲ ﻻﺯﻡ ﻛﻞ ﻣﺎ ﺗﺸﻮﻓﻨﻲ ﺍﺗﻜﻠﻲ ﻫﻴﺞ .. ﻭﺧﺮ ﻣﻮ ﺻﻮﺟﻚ ..
ﺍﻓﺮ ﺑﺴﺒﺤﺘﻲ ﻭﺣﺴﻴﺘﻬﺔ ﺭﺍﺡ ﺗﻨﻜﻄﻊ ﺑﻴﺪﻱ .. ﺣﺴﻴﺖ ﺑﻐﻴﺮﺓ ﻣﻦ ﺧﺎﻟﺪ ﻭﺭﺍﺋﺪ ﻻﻥ ﺍﺷﻮﻓﻬﺔ ﺗﻀﺤﻜﻠﻬﻢ ﻭﺗﺘﺸﺎﻗﺔ ﻭﻳﺎﻫﻢ ﻭﺗﺤﻀﻨﻬﻢ ﻭﺍﻧﻲ ﺍﺗﺤﺴﺮ ﻋﻠﻰ ﺷﻲ ﻣﻦ ﺫﻧﻲ ..
ﺧﺎﻟﺪ ﻭﻫﻮ ﻳﻜﺮﺻﻬﺔ ﻣﻦ ﺧﺪﻫﺔ : ﻳﺤﻠﻮ ﺗﺼﻴﺮ ﻣﻮ ﺣﻠﻮ ﻣﻦ ﺗﺰﻋﻞ ﺗﺮﺓ ..
ﺳﻮﻳﺘﻬﺔ ﺑﺸﻘﺔ ﻭﺍﻧﻲ ﺑﺲ ﺍﺭﻳﺪﺓ ﻳﻮﺧﺮ ﺳﺤﺒﺘﻬﺔ ﻣﻨﺔ : ﻭﺧﺮ ﻋﻨﻬﺔ ﺷﻠﻌﺖ ﺧﺪﻫﺔ .. ﻣﻤﻨﻮﻉ ﺍﺣﺪ ﻳﻠﻤﺴﻬﺔ ﻫﺎﻱ ﺑﺲ ﺍﻟﻲ ..
ﻣﻴﺎﻣﻴﻦ ﻭﻫﻲ ﺗﻔﺮﻙ ﺧﺪﻫﺔ ﻭﻛﺎﻟﺖ ﺑﺰﻋﻞ ﻭﺩﻟﻊ : ﻏﺰﻭﺍﻥ ﺷﻮﻓﺔ ﺷﺴﻮﺓ ﺑﺨﺪﻱ ..
ﺑﻠﻌﺖ ﺭﻳﻜﻲ ﻣﻦ ﺩﻟﻌﻬﺔ ﺣﺠﻴﺖ ﺑﺎﻟﻜﻮﺓ : ﺧﺎﻟﺪ ﻋﻮﻓﻬﺔ ..
ﺧﺎﻟﺪ ﻭﻫﻮ ﻳﻘﻠﺪ ﻃﺮﻳﻘﺔ ﻛﻼﻣﻲ : ﺍﻭﻭﻱ ﺩﻳﺮ ﺑﺎﻟﻚ ﻻ ﺗﺬﻭﺏ ﻋﻠﻴﻨﺔ ..
ﺭﺍﺋﺪ : ﺧﺎﺍﻟﺪ ﻣﻮ ﻭﻛﺘﻚ .. ﻳﻠﺔ ﺍﻣﻮﻧﻲ ﺍﺣﻨﺔ ﻧﺴﺘﺄﺫﻥ ﺭﺍﺡ ﻧﺮﻭﺡ ﻻﻥ ﺗﺄﺧﺮﻧﺔ ﻋﻠﻴﻬﻢ ..
ﻣﻴﺎﻣﻴﻦ ﻫﺰﺕ ﺭﺍﺳﻬﺔ ﺑﺄﺑﺘﺴﺎﻣﺔ : ﺍﻟﻠﻪ ﻭﻳﺎﻛﻢ
£££££££££
ﻣﻴﺎﻣﻴﻦ ... ﺑﻌﺪ ﻣﺎ ﺭﺍﺣﻮ ﺍﻫﻠﻲ ﻛﻌﺪﺕ ﻭﻳﺔ ﺍﻟﺒﻨﺎﺕ ﻭﺍﻧﻲ ﺍﺗﺬﻛﺮ ﻣﻦ ﺣﺠﻴﺖ ﻫﻴﺞ ﻛﺪﺍﻡ ﺭﺍﺋﺪ ﺣﺘﻰ ﻻ ﻳﺸﻚ ﺑﺎﻟﻤﻮﺿﻮﻉ .. ﺣﺼﺮﺗﻨﻲ ﺍﻟﻀﺤﻜﺔ ﻋﻠﻰ ﺷﻜﻞ ﻏﺰﻭﺍﻥ ﺷﻠﻮﻥ ﺗﻔﺎﺟﺄ ...
ﺩﺧﻠﺖ ﻋﻠﻴﻨﺔ ﺧﺎﻟﺘﻲ : ﻋﻤﺔ ﺧﺎﺑﺮﺗﻨﻲ ﺍﻡ ﻧﻮﺭﺓ ﺍﺗﻜﻮﻝ ﺑﺎﺟﺮ ﻣﻌﺰﻭﻣﻴﻦ ﻳﻤﻨﺔ ﻋﺎﻟﻐﺪﺍ ﻋﻠﻤﻮﺩ ﺍﻟﻌﺮﺳﺎﻥ ..
ﺍﻟﺤﺠﻴﺔ : ﺍﻱ ﻳﻤﺔ ﻟﻴﺶ ﻻ ..
ﻣﻴﺎﻣﻴﻦ : ﻋﻤﺔ ﺍﻧﻲ ﻣﺎﻟﻲ ﺧﻠﻚ ﺍﺭﻭﺡ .. ﺍﻧﺘﻮ ﺭﻭﺣﻮ ﻭﺍﻧﻲ ﺍﺑﻘﻰ ﻫﻨﺎ ..
ﺍﻟﺤﺠﻴﺔ : ﻟﻴﺶ ﺣﺒﻮﺑﺔ ﺷﻨﻲ ﺑﻴﺞ ﺷﻲ ﻟﻴﺶ ﻣﺎﻟﺞ ﺧﻠﻚ ..
ﺣﺠﻴﺖ ﺑﻜﺬﺏ : ﺣﺒﻮﺑﺔ ﺩﺍﻳﺨﺔ ﻭﺭﺍﺳﻲ ﻳﻮﺟﻌﻨﻲ ﻳﻤﻜﻦ ﻣﻦ ﻭﺭﺓ ﺍﻟﻬﻮﺳﺔ ﻣﺎﻝ ﺍﻟﻨﺴﻮﺍﻥ ﻳﻮﻣﻴﺔ ..
ﻣﻬﺎ ﺑﻔﺮﺡ : ﻳﺎﺍ ﻭﻟﺞ ﺧﺎﻑ ﺣﺎﻣﻞ ..
ﺭﺩﻳﺖ ﺑﺴﺮﻋﺔ : ﻻ ﻣﻮ ﺣﺎﻣﻞ ﻭﺍﻟﻠﻪ ﺑﺲ ﻭﺟﻊ ﺭﺍﺱ ﺷﻮﻳﺔ ..
ﺍﻟﺤﺠﻴﺔ : ﻳﻠﺔ ﺣﺒﻮﺑﺔ ﺷﻨﻲ ﺟﺎ ﻃﺎﻳﺮﺓ ﻋﺎﻟﺤﺒﺎﻟﺔ ..
&&&&&&&&&
ﺟﻮﺭﻱ .. ﺑﻌﺪ ﻣﺎ ﺭﺍﺣﻮ ﺍﻫﻞ ﻣﻴﺎﻣﻴﻦ ﻭﺣﺪﺩﻭ ﻣﻮﻋﺪ ﺍﻟﻌﻘﺪ ﺍﻻﺳﺒﻮﻉ ﺍﻟﺠﺎﻱ ﺑﻘﻴﺖ ﻛﺎﻋﺪﺓ ﻳﻢ ﺍﻟﺒﻨﺎﺕ ﺟﻮﺓ ﻻﻥ ﻛﻌﺪﺗﻬﻦ ﻣﺎ ﺗﻨﻤﻞ ﻭﺳﻮﺍﻟﻒ ﺣﺒﻮﺑﺘﻲ ﻭﻫﻲ ﺗﺼﻨﻒ ﻋﺎﻟﺒﻨﺎﺕ ﻭﺗﻌﻠﻢ ﺑﻴﻬﻦ ...
ﺻﻌﺪﺕ ﻟﻐﺮﻓﺘﻲ ﻭﻓﺘﺤﺖ ﺑﺎﺏ ﺍﻟﻐﺮﻓﺔ ..
ﻣﺆﻳﺪ ﺑﺎﻗﻲ ﺑﺲ ﺑﺎﻟﺒﺠﺎﻣﺔ ﻭﻣﺎ ﻻﺑﺲ ﺑﺪﻱ ﻭﻧﺎﻳﻢ ﻋﻠﻰ ﺑﻄﻨﺔ ﺑﻌﺮﺽ ﺍﻟﺠﺮﺑﺎﻳﺔ .. ﻭﺟﻬﻲ ﺻﺎﺭ ﺍﺣﻤﺮ ﻣﻦ ﺍﻟﻤﺴﺘﺤﺔ .. ﺷﻠﻮﻥ ﺍﻛﻌﺪﺓ ﻫﺴﺔ .. ﻣﺎ ﻳﺼﻴﺮ ﻳﺒﻘﺔ ﻧﺎﻳﻢ ﻫﻴﺞ ..
ﺗﺤﻤﺤﻤﺖ ﻭﻛﻠﺖ ﺑﺼﻮﺕ ﺧﻔﻴﻒ ﺣﺘﻰ ﻻ ﻳﻔﺰ : ﻣﺆﻳﺪ ..
ﻋﻠﻴﺖ ﺻﻮﺗﻲ ﻣﻦ ﺷﻔﺘﺔ ﻣﺎ ﺗﺤﺮﻙ : ﻣﺆﻳﺪ .. ﻣﺆﻳﺪ ..
ﻃﺒﻜﺖ ﺣﻮﺍﺟﺒﻲ ﻭﺧﻔﺖ .. ﺷﺒﻲ ﻟﻴﺶ ﻣﺎ ﻳﺮﺩ ..
ﺣﺠﻴﺖ ﺑﺼﻮﺕ ﻋﺎﻟﻲ : ﻣﺆﻳﺪ ﻛﻮﻡ ..
ﻏﻮﺭﻛﺖ ﻋﻴﻮﻧﻲ ﻣﻦ ﺍﻟﺨﻮﻑ .. ﺣﻄﻴﺖ ﺍﻳﺪﻱ ﻋﻠﻰ ﻛﺘﻔﺔ ﺍﻟﻤﻜﺸﻮﻑ ﻭﻫﺰﻳﺘﺔ ﺣﻴﻞ : ﻣﺆﻳﻴﻴﺪ ﺍﻟﻠﻪ ﻳﺨﻠﻴﻚ ﻛﻮﻡ ..
ﻓﺰ ﺑﺴﺮﻋﺔ ﻣﻦ ﻧﻮﻣﺔ ﻭﻛﻌﺪ ﻋﻠﻰ ﺣﻴﻠﺔ ﻭﻫﻮ ﻣﺨﺘﺮﻉ . :.. ﻫﺎﻩ ﺷﺒﻴﺞ ﺷﻜﻮ ..
ﺗﺨﻮﺻﺮﺕ ﻭﻛﻠﺖ ﺑﻌﺼﺒﻴﺔ : ﻳﺎ ﺳﻼﻡ .. ﻃﻠﻊ ﻧﻮﻣﻚ ﺛﻜﻴﻞ ﻭﺍﻧﻲ ﻛﻠﺒﻲ ﺻﺎﺭ ﺑﺤﻀﻨﻲ .. ﻭﺑﻌﺪﻳﻦ ﻟﻴﺶ ﻧﺎﻳﻢ ﻫﻴﺞ ..
ﻣﺆﻳﺪ ﻭﻫﻮ ﻳﻔﺮﻙ ﻋﻴﻮﻧﺔ : ﻫﻲ ﻫﻴﺞ ﺍﻟﺘﻜﻌﺪ ﺭﺟﻠﻬﺔ .. ﻭﺑﻌﺪﻳﻦ ﺍﺟﻴﺖ ﺗﻌﺒﺎﻥ ﻭﺷﻤﺮﺕ ﺭﻭﺣﻲ ﻋﺎﻟﺠﺮﺑﺎﻳﺔ ﻭﻏﻔﻴﺖ ﻣﺎ ﺣﺴﻴﺖ ﻋﻠﻰ ﺭﻭﺣﻲ ..
ﺟﻮﺭﻱ : ﻣﺎﺷﻲ ﺍﻟﺒﺲ ﺍﻱ ﺷﻲ ﻭﻧﺎﻡ ﻋﺪﻝ ..
ﺍﻧﺘﺒﻬﺘﻠﺔ ﺍﺳﺘﻮﻋﺐ ﻟﻨﻔﺴﺔ ﺍﻥ ﻣﺎ ﻻﺑﺲ ﺷﻲ .. ﻃﻔﺮ ﺑﺴﺮﻋﺔ ﻭﺟﺮ ﺍﻟﺒﺪﻱ ﻣﺎﻝ ﺍﻟﻨﻮﻡ ﻭﻟﺒﺴﺔ ..
ﻣﺆﻳﺪ : ﺗﻜﺪﺭﻳﻦ ﺗﺠﻴﺒﻴﻠﻲ ﻓﺮﺍﺵ ..
ﺟﻮﺭﻱ : ﺍﻛﻴﺪ ..
ﺭﺣﺖ ﻟﻠﻐﺮﻓﺔ ﺍﻟﺜﺎﻧﻴﺔ ﺟﺎﻥ ﺑﻴﻬﺔ ﺍﻛﺜﺮ ﻣﻦ ﻓﺮﺍﺵ .. ﺟﺒﺖ ﻭﺍﺣﺪ ﻭﻓﺮﺷﺘﺔ ﻭﺭﺗﺒﺖ ﺍﻟﻠﺤﺎﻑ ﻭﺣﻄﻴﺘﻠﺔ ﻣﺨﺪﺓ .. ﺗﻤﺪﺩ ﻋﺎﻟﻔﺮﺍﺵ ﻭﺍﻧﻲ ﺩﺧﻠﺖ ﻟﻐﺮﻓﺔ ﺍﻟﺘﺒﺪﻳﻞ ﻟﺒﺴﺖ ﺗﺮﺍﻙ ﻃﻮﻳﻞ ﻭﻃﻠﻌﺖ ﺗﻤﺪﺩﺕ ﻋﺎﻟﺠﺮﺑﺎﻳﺔ ..
ﺣﺎﻃﺔ ﺭﺍﺳﻲ ﻋﺎﻟﻤﺨﺪﺓ ﻭﺍﺟﺔ ﺍﺑﺎﻟﻲ ﻃﻴﻔﺔ .. ﻫﺬﺍ ﺣﺎﻟﻲ ﻛﻞ ﻣﺎ ﺍﺭﻳﺪ ﺍﻧﺎﻡ ..
ﻗﻄﻊ ﺳﻠﺴﻠﺔ ﺍﻓﻜﺎﺭﻱ : ﺟﻮﺭﻱ ..
ﻣﺎ ﺗﺤﺮﻛﺖ : ﻫﻤﻤﻢ ؟
ﻣﺆﻳﺪ : ﺷﺴﻮﻳﺘﻲ ﺍﻟﻴﻮﻡ .. ﺗﻮﻧﺴﺘﻲ ﻭﻳﺔ ﺍﻫﻞ ﻣﻴﺎﻣﻴﻦ ..
ﺣﺠﻴﺖ ﺑﺤﻤﺎﺱ ﻭﺍﻧﻲ ﺍﺑﺎﻭﻉ ﻟﻔﻮﻙ : ﺍﻳﻴﻲ ﻛﻠﺶ .. ﻫﻤﺔ ﺣﺒﺎﺑﻴﻦ ﻭﺳﻮﺍﻟﻔﻬﻢ ﺣﻠﻮﺓ .. ﻭﺍﻧﻲ ﻭﻣﻴﺎﻣﻴﻦ ﺻﻔﻴﻨﺔ ﺳﻮﺓ ﻭﻣﻬﺎ ﻭﺧﺎﺗﻮﻥ ﺳﻮﺓ ...
ﺑﻘﻴﺖ ﺍﺳﻮﻟﻔﻠﺔ ﻋﻠﻰ ﺍﻟﻲ ﺻﺎﺭ ﺍﻟﻴﻮﻡ ﻭﺍﻧﻲ ﻣﺘﺤﻤﺴﺔ ﻭﻫﻮ ﻳﻀﺤﻚ ﻭﻳﺎﻱ ..
ﻣﺎﺩﺭﻱ ﻟﻴﺶ ﻓﺮﺣﺖ ﻣﻦ ﺳﺄﻟﻨﻲ ﻋﻨﻲ ﺍﻭ ﺍﻫﺘﻢ ﻟﻴﻮﻣﻲ ﺷﻠﻮﻥ ﺟﺎﻥ .. ﻳﻤﻜﻦ ﻻﻥ ﻣﻦ ﻗﺒﻞ ﻣﺤﺪ ﺟﺎﻥ ﻳﻬﺘﻢ ﻻﻣﺮﻱ ﻻﻥ ﺟﻨﺖ ﺍﻏﻠﺐ ﺍﻻﻭﻗﺎﺕ ﺑﻐﺮﻓﺘﻲ ﻭﻣﺎ ﺍﺳﻮﻟﻒ ﻭﻳﺔ ﺍﺣﺪ ﻟﻬﺎﻟﺴﺒﺐ ﺣﺘﻰ ﺍﻫﻠﻲ ﺻﺎﺭﻭ ﻣﻮ ﺩﺍﺋﻤﺎً ﻳﺴﻮﻟﻔﻮﻥ ﻭﻳﺎﻱ ...
&&&&&&&&&
ﻣﻴﺎﻣﻴﻦ .. ﺍﻟﻴﻮﻡ ﺍﻟﺜﺎﻧﻲ ﻋﻤﺘﻲ ﺍﺻﺮﺕ ﻋﻠﻴﺔ ﺍﻥ ﺍﺭﻭﺡ ﻭﻳﺎﻫﻢ ﻭﺍﻧﻲ ﻣﺎﻛﺪﺭﺕ ﺍﺧﺠﻠﻬﺔ ﻣﻊ ﺍﻥ ﻛﻠﺶ ﻣﻮ ﻃﺎﻳﻘﺔ ﺍﻟﺮﻭﺣﺔ ﻟﻬﻨﺎﻙ ..
ﺗﻮﺟﻬﻨﺔ ﺍﻟﻬﻢ ﻭﺍﻟﻌﺰﻳﻤﺔ ﺟﺎﻧﺖ ﺯﻟﻢ ﻭﻧﺴﻮﺍﻥ ..
ﺩﺧﻠﻨﺔ ﺍﻟﻬﻢ ﻭﻧﻮﺭﺓ ﻭﺍﻣﻬﺔ ﻳﺴﻠﻤﻦ ﻋﻠﻴﺔ ﻣﻦ ﻭﺭﺓ ﺧﺸﻤﻬﻦ ﻭﻋﺒﺎﻟﻚ ﺑﺎﻳﻜﺔ ﺣﻼﻟﻬﻦ .. ﻣﺎ ﺍﻫﺘﻤﻴﺖ ﺍﻟﻬﻦ ﻭﺩﺧﻠﺖ ﻭﻛﻌﺪﺕ ﻭﻳﺔ ﺍﻟﺒﻨﺎﺕ ﻭﺧﺎﺻﺎً ﺑﺴﻤﺔ ﻣﻮﺟﻮﺩﺓ ﻻﻥ ﺣﺘﻰ ﻫﻤﺔ ﻋﺰﻣﻮﻫﻢ ..
ﺑﺴﻤﺔ ﺑﻬﻤﺲ : ﺍﻛﻮﻝ ﺑﻨﺎﺕ .. ﺷﻮﻓﻦ ﻧﻮﺭﺓ ﺷﻠﻮﻥ ﺭﺍﺡ ﺗﺎﻛﻞ ﻣﻴﺎﻣﻴﻦ ﺑﻌﻴﻮﻧﻬﺔ ..
ﺭﻓﻌﺖ ﻋﻴﻮﻧﻲ ﻭﺑﺎﻭﻋﺘﻠﻬﺔ ﺑﺒﺮﻭﺩ ﻭﻓﻌﻼ ﺗﺒﺎﻭﻋﻠﻲ .. ﻧﻀﺮﺍﺗﻬﺔ ﺍﺣﺴﻬﺔ ﻭﺩﻫﺔ ﺗﻜﻮﻡ ﻭﺗﺠﺮﻧﻲ ﻣﻦ ﺷﻌﺮﻱ ..
ﺻﺎﺭ ﻭﻗﺖ ﺍﻻﻛﻞ .. ﺩﺧﻠﺖ ﺍﻡ ﻧﻮﺭﺓ : ﻛﻮﻣﻦ ﺑﻨﻴﺎﺗﻨﺔ ﺍﻟﺸﺎﺑﺎﺕ ﺳﺎﻋﺪﻧﺔ ﺑﺘﺮﺗﻴﺐ ﺍﻻﻛﻞ ..
ﺍﻟﺒﻨﺎﺕ ﻛﺎﻣﻦ ﻭﺍﻧﻲ ﺭﺩﺕ ﺍﻛﻮﻡ ﺑﺲ ﺍﻟﺤﺠﻴﺔ ﻛﻌﺪﺗﻨﻲ : ﺍﻧﺘﻲ ﺍﻛﻌﺪﻱ ﻣﻴﺎﻣﻴﻦ ﺣﺒﻮﺑﺔ ﺗﻌﺒﺎﻧﺔ ﻻ ﺗﺸﺘﻐﻠﻴﻦ ..
ﻧﻮﺭﺓ ﺑﺴﺮﻋﺔ : ﻭﻟﻴﺶ ﻣﺎ ﺗﺸﺘﻐﻞ ﺷﻨﻮ ﺣﺎﻣﻞ ..
ﺍﻟﺤﺠﻴﺔ : ﻭﺍﻧﺘﻲ ﻳﺎﻫﻮ ﻣﺎﻟﺘﺞ .. ﺍﻱ ﺍﻧﺸﺎﻟﻠﻪ ﺣﺎﻣﻞ ..
ﻧﻮﺭﺓ ﻭﺟﻬﺔ ﺻﺎﺭ ﺍﺣﻤﺮ ﻭﺍﻟﺒﻨﺎﺕ ﺿﺤﻜﻦ ﻋﻠﻴﻬﺔ .. ﻋﺎﻓﺘﻨﺔ ﻭﻣﺸﺖ ﻭﻋﻴﻮﻧﻬﺔ ﻛﻠﻬﺔ ﻏﻀﺐ .. ﺍﻟﻠﻪ ﺍﻟﻴﺴﺘﺮ ﻣﻨﺞ ..
ﺧﻠﺼﻨﺔ ﻏﺪﺓ ﻭﺟﺎﺑﻮ ﺍﻟﺠﺎﻱ ﻭﺍﻟﻌﺼﺎﻳﺮ ..
ﺣﻄﻴﺖ ﺍﻟﻌﺼﻴﺮ ﻛﺪﺍﻣﻲ ﻻﻥ ﻛﻠﺶ ﻣﺎﻟﻲ ﻭﺍﻫﺲ ﻭﺿﺎﻳﺠﺔ ﻣﻦ ﺍﻟﻜﻌﺪﺓ ﺑﺲ ﺍﺭﻳﺪ ﺍﺭﺟﻊ .. ﻧﻀﺮﺍﺕ ﺍﻡ ﻧﻮﺭﺓ ﻭﻧﻮﺭﺓ ﺍﻛﻠﺘﻨﻲ ..
ﻧﻮﺭﺓ ﺑﻄﺮﻑ ﺧﺸﻤﻬﺔ : ﺷﻨﻮ ﻣﻴﺎﻣﻴﻦ ﻻﺯﻡ ﺍﻟﻌﺼﻴﺮ ﻣﺎ ﻋﺠﺒﺞ .. ﻟﻮ ﻣﺘﺸﺮﺑﻴﻦ ﻣﻦ ﻋﺪﻧﺔ ﻋﻴﻨﻲ ..
ﻣﺎﻟﻲ ﺧﻠﻚ ﻟﺴﻮﺍﻟﻔﻬﺔ ﺳﺤﺒﺖ ﺍﻟﻜﻼﺹ ﻭﺷﺮﺑﺖ ﻧﺼﺔ : ﻋﺎﺷﺖ ﺍﻳﺪﻳﻜﻢ ﻛﻮﻟﺶ ﻃﻴﺐ ..
ﻛﻌﺪﻥ ﻫﻨﺔ ﻳﺴﻮﻟﻒ ﺑﻔﻼﻥ ﻭﻓﻼﻥ ﻭﺍﻧﻲ ﺭﺍﺳﻲ ﺍﺣﺴﺔ ﺻﺎﺭ ﺷﻜﺒﺮﺓ ﻭﻛﻤﺖ ﺍﻓﺮﻙ ﺑﻲ ..
ﻧﻮﺭﺓ ﺑﺘﺮﻗﺐ : ﺷﺒﻴﺞ ﻣﻴﺎﻣﻴﻦ ..
ﺣﺠﻴﺖ ﺑﺄﺑﺘﺴﺎﻣﺔ ﻣﺰﻳﻔﺔ : ﺭﺍﺳﻲ ﺻﺎﺭ ﻳﻮﺟﻌﻨﻲ ..
ﻧﻮﺭﺓ : ﺍﻫﺎ .. ﺳﻼﻣﺘﺞ ﻋﻴﻨﻲ ..
ﻳﺮﺑﻲ ﻣﺎ ﺍﻃﻴﻖ ﻫﺎﻟﻤﺨﻠﻮﻗﺔ ...
ﻭﺭﺓ ﻧﺺ ﺳﺎﻋﺔ ﻛﺎﻟﻮ ﺭﺍﺡ ﻧﺮﻭﺡ ﺍﻧﻲ ﻣﺎ ﺻﺪﻛﺖ ﻛﻤﺖ ﺍﻭﻝ ﻭﺣﺪﺓ ..
ﺭﺟﻌﻨﺔ ﻟﻠﺒﻴﺖ ﻭﺍﻧﻲ ﻃﻮﻝ ﺍﻟﻄﺮﻳﻖ ﺍﺣﺲ ﺑﻤﻐﺺ ﺑﺒﻄﻨﻲ ﻳﺮﻭﺡ ﻭﻳﺮﺟﻊ .. ﻣﻊ ﺍﻥ ﻣﺎ ﺛﻜﻠﺖ ﺑﺎﻻﻛﻞ ﺑﺲ ﺍﺣﺲ ﺷﻲ ﻭﺍﻛﻒ ﻋﻠﻰ ﻣﻌﺪﺗﻲ ...
ﺭﺣﺖ ﻟﻠﺒﻴﺖ ﻣﺒﺎﺷﺮﺓ ﺑﺪﻟﺖ ﻭﺗﻤﺪﺩﺕ .. ﺍﺧﺬﺕ ﺣﺒﺎﻳﺔ ﺑﻨﺪﻭﻝ ﻻﻥ ﺍﻻﻟﻢ ﺯﺍﺩ ﻋﻠﻴﺔ ..
ﺩﺧﻞ ﻏﺰﻭﺍﻥ ﻟﻠﻐﺮﻓﺔ .. ﺗﻤﺪﺩ ﻭﺭﺍﻱ ﻭﺣﺎﻭﻁ ﺧﺼﺮﻱ ﺑﻴﺪﻱ .. ﻫﻤﺲ ﻳﻢ ﺍﺫﻧﻲ : ﻟﻴﺶ ﻧﺎﻳﻤﺔ ﻭﺍﻟﺴﺎﻋﺔ ٥ ﺍﻟﻌﺼﺮ .. ﻣﺮﻳﻀﺔ ﺷﻨﻮ ..
ﺭﺩﺕ ﺍﺣﺠﻲ ﺑﺲ ﻓﺠﺄﺓ ﺣﺴﻴﺖ ﺑﺎﻻﻟﻢ ﻋﺒﺎﻟﻚ ﺳﺠﻴﻨﺔ ﻭﺩﺧﻞ ﺍﺑﻄﻨﻲ .. ﺻﺮﺧﺖ : ﺍﺍﺍﺍﺍﺍﺍﻩ ...
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
يتبع