#سجينة_الظلم_والأنتقام
بقلم
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🏻✍
ﺍﻟﺤﺐ ﻳﺴﺘﺄﺫﻥ ﺍﻟﻤﺮﺃﺓ ﻓﻲ ﺃﻥ ﻳﺪﺧﻞ ﻗﻠﺒﻬﺎ ، ﻭﺃﻣﺎ ﺍﻟﺮﺟﻞ ﻓﺈﻧﻪ ﻳﻘﺘﺤﻢ ﻗﻠﺒﻪ ﺩﻭﻥ ﺍﺳﺘﺌﺬﺍﻥ ، ﻭﻫﺬﻩ ﻫﻲ ﻣﺼﻴﺒﺘﻨﺎ ( ﺑﺮﻧﺎﺭﺩ ﺷﻮ )
ﻭﺭﺓ ﻧﺺ ﺳﺎﻋﺔ ﺳﻤﻌﺘﻬﺔ ﺭﺟﻌﺖ ﺻﺎﺣﺖ : ﻣﺆﻳﻴﻴﺪ ..
ﺭﻓﻌﺖ ﺭﺍﺳﻲ ﺍﻟﻬﺔ ﺑﻤﻠﻞ : ﺷﻜﻮ ﻫﻢ ﺻﺮﺻﻮﺭ ..
ﻛﻤﺰﺕ ﺑﺴﺮﻋﺔ ﺑﺨﻮﻑ ﻭﺍﻧﻲ ﺍﺷﻮﻑ ﻭﺟﻬﺔ ﺍﺣﻤﺮ ﻭﻣﻐﻤﻀﺔ ﻋﻴﻮﻧﻬﺔ ..
ﺭﺣﺘﻠﻬﺔ ﺑﺴﺮﻋﺔ ﻭﻛﻌﺪﺕ ﻳﻤﻬﺔ ﻭﻟﺰﻣﺖ ﺍﻳﺪﻫﺔ : ﺟﻮﺭﻱ ﻓﺘﺤﻲ ﻋﻴﻮﻧﺞ ..
ﻭﺍﺿﺢ ﺍﻥ ﺟﺎﻱ ﺗﺤﻠﻢ ﻭﺗﺮﺩﺩ ﺑﺲ ﺍﺳﻤﻲ ..
ﻛﺼﺘﻬﺔ ﻋﺮﻛﺎﻧﺔ : .. ﺟﻮﺭﻱ ﺍﺻﺤﻲ ﻫﺬﺍ ﺣﻠﻢ ..
ﺷﻔﺎﻳﻔﻬﺔ ﺗﺮﺟﻒ ﻭﻓﺠﺄﺓ ﺷﻬﻜﺖ ﻭﻓﺘﺤﺖ ﻋﻴﻮﻧﻬﺔ ..
ﺷﺎﻓﺘﻨﻲ ﻛﺪﺍﻣﻬﺔ ﻭﺑﺴﺮﻋﺔ ﺣﻀﻨﺘﻨﻲ ﻭﺗﻤﺴﻜﺖ ﺑﻴﺔ ..
ﻟﻨﺼﺪﻣﺖ ﺑﺲ ﺧﻀﻨﺘﻬﺔ ﻣﻦ ﺻﺎﺭﺕ ﺗﺒﺠﻲ : ﻣﺆﻳﺪ ﻻ ﺗﺮﻭﺡ ﻓﺪﻭﺓ ...
ﺻﺮﺕ ﺍﻣﺴﺢ ﻋﻠﻰ ﺭﺍﺳﻬﺔ : ﺍﺷﺸﺶ ﻣﺎ ﺭﺍﻳﺢ ﺍﻫﺪﻱ ..
ﺻﺮﺕ ﺍﻗﺮﻯ ﺍﻳﺎﺕ ﻗﺮﺀﺁﻧﻴﺔ ﺑﺼﻮﺕ ﻭﻫﻲ ﻫﺪﺃﺕ ﺷﻮﻱ ... ﻭﻭﺭﺓ ﺭﺑﻊ ﺳﺎﻋﺔ ﻏﻔﺖ ..
££££££
ﻳﻮﻡ ﺍﻟﺰﻓﺔ ... ﺍﻟﺼﺒﺢ ..
ﻏﺰﻭﺍﻥ ... ﻓﺘﺤﺖ ﻋﻴﻮﻧﻲ ﻭﺍﺑﺎﻭﻉ ﺑﺎﻟﻐﺮﻓﺔ ﺗﺄﻛﺪﺕ ﺍﻥ ﻣﻮ ﺣﻠﻢ .. ﺍﺑﺘﺴﻤﺖ ﻭﺍﻧﻲ ﺍﺳﻤﻊ ﺻﻮﺕ ﺍﻟﻤﻲ ﺑﺎﻟﺤﻤﺎﻡ ..
ﺭﻓﻌﺖ ﺗﻠﻴﻔﻮﻧﻲ ﺍﻟﻲ ﻳﺪﻙ .. ﺷﻔﺖ ﺍﻟﻤﺘﺼﻞ ﺧﺎﺗﻮﻥ ..
ﺭﺩﻳﺖ ﺑﺼﻮﺕ ﺭﺍﻳﻖ : ﺻﺒﺎﺡ ﺍﻟﻮﺭﺭﺩ ..
ﺧﺎﺗﻮﻥ ﺑﺼﻴﺎﺡ : ﺑﻌﻌﻌﻌﺪ ﻭﻭﻭﻛﺖ ﻫﻤﺰﻳﻦ ﺟﺎﻭﺑﺘﻮ .. ﻣﻦ ﺍﻟﺼﺒﺢ ﻟﻬﺴﺔ ﺍﺩﻙ ﻋﻠﻰ ﻣﻴﺎﻣﻴﻦ ﻭﻣﺎ ﺗﺠﺎﻭﺏ .. ﻣﻤﻜﻦ ﺗﻜﻠﻲ ﻭﻳﻨﻬﺔ ...
ﻭﺧﺮﺕ ﺍﻟﺘﻠﻴﻔﻮﻥ ﻣﻦ ﺍﺫﻧﻲ ﻣﻦ ﺻﻮﺗﻬﺔ ﺍﻟﻌﺎﻟﻲ ﻭﺧﻠﻴﺘﻬﺔ ﺗﻜﻤﻞ ﻭﺭﺩﻳﺖ : ﻣﻴﺎﻣﻴﻦ ﺑﺎﻟﺤﻤﺎﻡ ﻭﻫﺴﺘﻮﻫﺔ ﻛﻌﺪﺕ .. ﻟﻴﺶ ﺍﻛﻮ ﺷﻲ ؟؟ ..
ﺭﺩﺕ ﺑﻘﻬﺮ ﻭﻋﺼﺒﻴﺔ : ﺷﻨﻮ ﺍﻛﻮ ﺷﻲ .. ﺍﻟﻴﻮﻡ ﻋﺮﺳﻲ ﻭﺍﺣﻨﺔ ﻣﺘﻔﻘﻴﻦ ﻧﺮﻭﺡ ﺳﻮﺓ ﻟﻠﺼﺎﻟﻮﻥ ﻭﺣﻀﺮﺗﻬﺔ ﻫﺴﺔ ﻛﻌﺪﺕ ﻭﺍﻟﺴﺎﻋﺔ ١٠ .. ﻛﻠﻠﻬﺔ ﻋﻔﻨﺎﻫﺔ ﻭﺭﺣﻨﺔ ﻭﻫﻲ ﺧﻞ ﺗﺒﻘﻰ ﺗﺘﺠﻬﺰ ﺑﺎﻟﺒﻴﺖ ﻭﻣﺸﻜﻮﺭﺓ ..
ﺳﺪﺕ ﺍﻟﺘﻠﻴﻔﻮﻥ ﺑﻮﺟﻬﻲ ﻭﺍﻧﻲ ﺍﺑﺎﻭﻉ ﻟﻠﺘﻠﻴﻔﻮﻥ ﻭﺍﺿﺤﻚ .. ﺣﺘﻰ ﻧﺴﻴﺖ ﺍﻟﻴﻮﻡ ﻋﺮﺱ ﺧﻮﺍﺗﻲ ..
ﺍﻧﻔﺘﺢ ﺑﺎﺏ ﺍﻟﺤﻤﺎﻡ .. ﻃﻠﻌﺖ ﺑﺎﻟﺒﺮﻧﺺ ﻭﺷﻌﺮﻫﺔ ﺍﻟﻤﺒﻠﻞ ﻭﻃﻮﻳﻞ ﻧﺎﺯﻝ ﻋﻠﻰ ﻭﺟﻬﺔ ...
ﺍﺑﺘﺴﻤﺖ ﻣﻦ ﺷﺎﻓﺘﻨﻲ : ﺻﺒﺎﺡ ﺍﻟﺨﻴﺮ ...
ﻛﻤﺖ ﻭﺳﺤﺒﺘﻬﺔ ﻣﻦ ﺧﺼﺮﻫﺔ ﺍﻟﻲ ﻭﺣﻄﻴﺖ ﻭﺟﻬﻲ ﺑﺮﻛﺒﺘﻬﺔ ﺍﺗﻨﻔﺲ ﻋﻄﺮﻫﺔ ﻭﺍﺗﻨﻬﺪ : ﺻﺒﺎﺡ ﺍﻟﺨﻴﺮ ﻭﺍﻟﻤﺴﻚ ﻭﺍﻟﻌﻨﺒﺮ ﻭﺍﻟﻜﺎﺩﻱ ﻭﺍﻟﻴﺎﺳﻤﻴﻦ ﻭﺍﻟﻘﺮﻧﻔﻞ ...
ﺿﺤﻜﺖ ﻭﻫﻲ ﺗﺤﺎﻭﻝ ﺗﻔﻚ ﻧﻔﺴﻬﺔ ﻣﻨﻲ : ﻏﺰﻭﺍﻥ ﻭﺧﺮ ﻭﺍﻟﻠﻪ ﺗﺄﺧﺮﺕ ﻋﺎﻟﺒﻨﺎﺕ ﺍﻛﻴﺪ ﻳﻨﺘﻀﺮﻭﻧﻲ ﻫﺴﺔ ..
ﺑﺎﻭﻋﺘﻠﻬﺔ ﺑﻀﺤﻜﺔ : ﺧﺎﺗﻮﻥ ﻛﺎﻟﺖ ﻛﻮﻝ ﻟﻤﻴﺎﻣﻴﻦ ﺗﺠﻬﺰ ﻧﻔﺴﻬﺔ ﺑﺎﻟﺒﻴﺖ ﻭﻣﺸﻜﻮﺭﺓ .. ﻭﻫﻨﺔ ﻋﺎﻓﻨﺞ ﻭﻣﺸﻦ ..
ﻓﺘﺤﺖ ﻋﻴﻮﻧﻬﺔ ﺑﺄﻋﺘﺮﺍﺽ : ﻻﺍﺍﺍ ﻣﻮ ﻣﺘﻔﻘﻴﻦ ﻧﺮﻭﺡ ﺳﻮﺓ ..
ﻏﺰﻭﺍﻥ : ﻭﺍﻧﺘﻲ ﺭﺍﺣﺖ ﻋﻠﻴﺞ ﻧﻮﻣﺔ ..
ﺿﺮﺑﺘﻨﻲ ﻋﻠﻰ ﻛﺘﻔﻲ ﺑﺨﻔﺔ : ﻛﻠﺔ ﻣﻦ ﻭﺭﺍﻙ ﻣﺎ ﺧﻠﻴﺘﻨﻲ ﺍﻧﺎﻡ ﺍﻟﺒﺎﺭﺣﺔ ..
ﺑﺎﻭﻋﺘﻠﻬﺔ ﺑﺨﺒﺚ : ﻟﻴﺶ ﺷﺴﻮﻳﺖ ﺍﻧﻲ ﺍﻟﺒﺎﺭﺣﺔ ...
ﻭﺟﻬﺔ ﺻﺎﺭ ﺍﺣﻤﺮ ﻭﺗﺤﺎﻭﻝ ﺗﺪﻓﻌﻨﻲ : ﻏﺰﻭﻭﺍﻥ ﻭﺧﺮﺭﺭ ﺧﻞ ﺍﺣﻀﺮ ﻧﻔﺴﻲ ..
ﻗﺮﺑﺖ ﻭﺑﺴﺘﻬﺔ ﻣﻦ ﺧﺪﻫﺔ : ﺷﻨﻮ ﺭﺃﻳﺞ ﺗﻌﻮﻓﻴﻦ ﺍﻟﻌﺮﺱ ﻭﺗﺒﻘﻴﻦ ﻳﻤﻲ ﺍﻟﻴﻮﻡ ...
ﻓﺘﺤﺖ ﻋﻴﻮﻧﻬﺔ : ﻻﺍﺍﺍ ﻃﺒﻌﺎ .. ﺍﻧﻲ ﺍﺧﺖ ﺍﻟﻌﺮﺳﺎﻥ ﻭﺍﻧﺖ ﺍﺧﻮ ﺍﻟﻌﺮﺍﻳﺲ ﻭﻋﻴﺐ ﻣﺎ ﻧﺤﻀﺮ ..
ﺩﺭﺕ ﻭﺟﻬﻲ ﻋﻨﻬﺔ : ﻗﻨﻌﻴﻨﻲ ﻟﻌﺪ ...
ﺣﻄﻴﺖ ﺍﻳﺪﻫﺔ ﻭﺭﺓ ﺭﻛﺒﺘﻲ ﻭﺍﻳﺪﻫﺔ ﺍﻟﺜﺎﻧﻴﺔ ﻣﺸﺖ ﻋﻠﻰ ﻟﺤﻴﺘﻲ ﻭﻛﺎﻟﺖ ﺑﺪﻟﻊ : ﻏﺰﺯﻭﻭﻭﺍﻥ ....
ﺫﺑﺖ ﻭﻳﺎﻫﺔ ﻛﺒﻞ : ﺍﻗﺘﻨﻌﺖ ...
ﺑﺎﺳﺘﻨﻲ ﺑﺨﺪﻱ ﻭﺍﻧﻲ ﺿﺎﻋﺖ ﺍﺣﻮﺍﻟﻲ : ﻳﻠﺔ ﻫﺴﺔ ﻋﻮﻓﻨﻲ ﺧﻞ ﺍﺟﻬﺰ ﻧﻔﺴﻲ ﺣﺒﺎﺏ ..
ﻭﺧﺮﺕ ﻋﻨﻲ ﻭﺭﺍﺣﺖ ﺗﺒﺪﻝ ﻣﻼﺑﺴﻬﺔ ﻭﺍﻧﻲ ﺩﺧﻠﺖ ﻟﻠﺤﻤﺎﻡ ..
ﻣﻴﺎﻣﻴﻦ ... ﻧﺸﻔﺖ ﺷﻌﺮﻱ ﻭﺑﺪﻟﺖ ﻣﻼﺑﺴﻲ ﻭﺣﻀﺮﺕ ﻣﻼﺑﺲ ﻏﺰﻭﺍﻥ ..
ﻛﻌﺪﺕ ﺍﺣﻂ ﻣﻜﻴﺎﺝ ﻭﻏﺰﻭﺍﻥ ﻃﻠﻊ ﻣﻦ ﺍﻟﺤﻤﺎﻡ ﻭﻛﻠﺴﺎﻉ ﻳﺘﺤﺎﺭﺵ ﺑﻴﺔ .. ﻛﻮﺓ ﺧﻠﺼﺖ ﺍﻟﻤﻜﻴﺎﺝ .. ﻭﻟﺒﺴﺖ ﻓﺴﺘﺎﻥ ﻃﻮﻳﻞ ﻟﻮﻧﺔ ﺍﺧﻀﺮ ﻃﻮﺥ .. ﻭﻟﻔﻴﺖ ﺷﺎﻟﻲ ﺑﻔﻴﻜﺔ ﺣﻠﻮﺓ ...
ﻏﺰﻭﺍﻥ ﻟﺒﺲ ﺩﺷﺪﺍﺷﺔ ﺑﻴﻀﺔ ﻭﻟﻒ ﺟﺮﺍﻭﻳﺔ ﻟﻮﻧﻬﺔ ﺭﺻﺎﺻﻲ ﻭﻃﻠﻊ ﻳﺨﺒﻞ ...
ﺍﺗﺼﻠﺖ ﻋﺎﻟﺒﻨﺎﺕ ﻭﺍﻋﺘﺬﺭﺕ ﻣﻨﻬﻦ ﻭﺧﺎﺗﻮﻥ ﻛﻮﺓ ﻗﺒﻠﺖ ﺗﺮﺍﺿﻴﻨﻲ
ﺟﻮﺭﻱ .. ﻣﻦ ﻛﻌﺪﺕ ﻣﻦ ﺍﻟﻨﻮﻡ ﻟﻬﺴﺔ ﻭﺍﻧﻲ ﺍﻟﺤﻠﻢ ﻣﺎﻝ ﺍﻟﺒﺎﺭﺣﺔ ﻣﺠﺎﻱ ﻳﺮﻭﺡ ﻣﻦ ﺑﺎﻟﻲ ..
ﻛﺎﻋﺪﺓ ﻋﺎﻟﻜﺮﺳﻲ ﻭﺍﻟﻤﺼﻔﻔﺔ ﺗﺴﻮﻱ ﺑﺸﻌﺮﻱ ﻭﻣﻬﺎ ﻭﺧﺎﺗﻮﻥ ﺍﻡ ﺍﻟﺼﺎﻟﻮﻥ ﺗﺴﻮﻳﻠﻬﻦ ﺑﺎﻟﻤﻜﻴﺎﺝ ..
ﻣﺎ ﺭﺩﺕ ﺍﺟﻲ ﻻﻥ ﺣﺎﺳﺔ ﺑﻀﻴﻘﺔ ﻣﻮ ﻃﺒﻴﻌﻴﺔ ﺑﺲ ﺍﻟﺒﻨﺎﺕ ﺍﺻﺮﻥ ﻋﻠﻴﺔ ﺍﻥ ﺍﺟﻲ ﻭﻳﺎﻫﻦ ..
ﺻﺎﺭﺕ ﺍﻟﺴﺎﻋﺔ ١١ ﻭﺧﻠﺼﻨﺎ ﻛﻠﻨﺎ .. ﺍﻟﺒﻨﺎﺕ ﻃﻠﻌﻦ ﻳﺨﺒﻠﻦ ﻣﺎﺷﺎﻟﻠﻪ ..
ﺍﺟﺔ ﻣﺆﻳﺪ ﻣﺮ ﻋﻠﻴﻨﺔ ﻟﻠﺼﺎﻟﻮﻥ ﻭﻃﺒﻌﺎً ﺑﺄﻣﺮ ﻣﻨﺔ ﻛﻠﻨﺔ ﻧﻠﺒﺲ ﺑﻮﺍﺷﻲ ﻻﻥ ﺣﺎﻃﻴﻦ ﻣﻜﻴﺎﺝ ..
ﻛﻌﺪﺕ ﺑﺼﻔﺔ ﺟﺎﻥ ﻣﺒﺪﻝ ﻭﻛﺎﺷﺦ ﻃﺎﻟﻊ ﻳﺨﺒﻞ ...
ﻭﺻﻠﻨﺔ ﻟﻠﺒﻴﺖ ﻭﺩﺧﻠﻦ ﺍﻟﺒﻨﺎﺕ ﻭﻟﺒﺴﻦ ﺑﺪﻻﺗﻬﻦ ﺟﻮﺓ ﻻﻥ ﻛﺎﻟﻮ ﺍﻟﺰﻓﺔ ﺭﺍﺡ ﺗﻮﺻﻞ ..
ﺻﻌﺪﺕ ﻟﻐﺮﻓﺘﻲ ﻭﺍﺧﺬﺕ ﻓﺴﺘﺎﻧﻲ ﻭﻟﺒﺴﺘﺔ ..
ﻭﺍﻛﻔﺔ ﻛﺪﺍﻡ ﺍﻟﻤﺮﺍﻳﺔ ﺍﺗﺄﻛﺪ ﻣﻦ ﻣﻜﻴﺎﺟﻲ ﻭﺩﺧﻞ ﻣﺆﻳﺪ ..
ﺷﺎﻓﻨﻲ ﻭﺑﻘﺔ ﻭﺍﻛﻒ ﺑﻤﻜﺎﻧﺔ .. ﺑﻌﺪﻳﻦ ﺍﺭﺗﺒﻚ ﻭﻧﺰﻝ ﻋﻴﻮﻧﺔ .. ﻭﻛﺎﻝ ﺑﺘﻮﺗﺮ : ﺟﻴﺒﻴﻠﻲ ﻃﺒﺎﻗﺎﺕ ﻣﺎﻝ ﺩﺷﺪﺍﺷﺔ ﻻﻥ ﻫﺎﻱ ﺍﻧﻜﺴﺮﺕ ..
ﺩﺧﻠﺖ ﻟﻠﻐﺮﻓﺔ ﻭﺟﺒﺘﻠﺔ ﻃﺒﺎﻗﺎﺕ .. ﺍﺧﺬﻫﻦ ﻣﻨﻲ ﻭﺑﺎﻭﻉ ﺑﻮﺟﻬﻲ : ﻫﻴﺞ ﺭﺍﺡ ﺗﺮﺣﻴﻦ ﻭﺣﻤﺮﺗﺞ ﻃﻮﺥ ...
ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ : ﻟﻴﺶ ﻣﻮ ﺣﻠﻮﺓ ﺷﻨﻮ ..
ﻣﺆﻳﺪ ﺑﺴﺮﻋﺔ : ﻻ ﺑﺎﻟﻌﻜﺲ ... ﻳﻌﻨﻲ ﻗﺼﺪﻱ ﻣﺎ ﻳﺼﻴﺮ ﺗﺮﺣﻴﻦ ﻭﺣﻤﺮﺗﺞ ﻃﻮﺥ .. ﺣﻄﻲ ﻟﻮﻥ ﺧﻔﻴﻒ ..
ﻫﺰﻳﺖ ﺭﺍﺳﻲ ﻭﺍﺑﺘﺴﻤﺖ ﻭﻫﻮ ﻃﻠﻊ ...
ﺿﺤﻜﺖ ﻳﻐﺎﺭ ﻋﻠﻴﺔ ﻳﻌﻨﻲ ... ﻣﺴﺤﺖ ﺍﻟﺤﻤﺮﺓ ﻣﺎﻟﺘﻲ ﻭﺣﻄﻴﺖ ﻟﻮﻥ ﺧﻔﻴﻒ ..
ﻧﺰﻟﺖ ﻛﻌﺪﺕ ﻳﻢ ﺍﻟﺒﻨﺎﺕ ..
ﻣﻴﺎﻣﻴﻦ ... ﺭﺣﺖ ﻟﺒﻴﺖ ﻋﻤﻲ ﻭﻃﺒﻌﺎ ﻣﻦ ﺑﻌﺪ ﻋﺮﻛﺔ ﻭﻳﺔ ﻏﺰﻭﺍﻥ ﻭﻣﻨﻌﻨﻲ ﺍﺭﻭﺡ ﻭﻳﺎﻫﻢ ﺑﺎﻟﺰﻓﺔ ﻻﻥ ﻫﺴﺘﻮﻧﻲ ﺭﺟﻌﺖ ﻣﻦ ﻳﻤﻬﻢ .. ﺑﺲ ﺑﻌﺪﻳﻦ ﻭﺍﻓﻘﺖ ﻳﻌﻨﻲ ﻣﺎﻋﻨﺪﻱ ﺧﻴﺎﺭ ﺛﺎﻧﻲ ..
ﻛﻌﺪﺕ ﻳﻢ ﺍﻟﺒﻨﺎﺕ ﻭﺷﻐﻠﺖ ﺍﻟﺪﻳﺠﻲ ﻭﻛﻤﻨﺔ ﻧﺮﻛﺺ ﺍﻧﻲ ﻭﺑﺴﻤﺔ ﻭﺟﻮﺭﻱ ﻭﻭﺭﺓ ﺭﺑﻊ ﺳﺎﻋﺔ ﻛﺎﻟﻮ ﺍﺟﺖ ﺍﻟﺰﻓﺔ ...
ﻃﺒﻌﺎ ﺩﺧﻠﻦ ﺍﻟﻨﺴﻮﺍﻥ ﺍﻭﻝ ﺷﻲ ﻭﺑﺪﻳﻨﺔ ﺑﺎﻟﻬﻮﺳﺎﺕ ﻭﺍﻟﺮﻛﺺ .. ﻭﻏﺰﻭﺍﻥ ﻛﻞ ﺷﻮﻱ ﻳﺨﺎﺑﺮﻧﻲ ﻳﺮﻳﺪ ﻳﺴﻮﻟﻒ ﻭﻳﺎﻱ ﺍﻳﻜﻠﻲ ﺍﺷﺘﺎﻗﻴﺘﻠﺞ ..
ﻛﺎﻋﺪﺓ ﻋﺎﻟﺪﺭﺝ ﻭﺍﺣﺠﻲ ﻭﻳﺎﻩ ﻭﺍﺟﺖ ﺍﺧﺘﻲ ﺯﻳﻨﺐ : ﻣﻴﺎﻣﻴﻦ ﻭﻳﺎﻣﻦ ﺗﺤﺠﻴﻦ ﻫﺴﺔ ﻭﻛﺘﻬﺔ .. ﺩﻛﻮﻣﻲ ﻋﻮﺩ ﺍﻧﺘﻲ ﺍﺧﺖ ﺍﻟﻌﺮﺳﺎﻥ ..
ﻫﺰﻳﺖ ﺭﺍﺳﻲ ﻭﺍﺷﺮﺗﻠﻬﺔ ﺑﻤﻌﻨﻰ ﻫﺬﺍ ﻏﺰﻭﺍﻥ ..
ﺿﺤﻜﺖ ﻭﻫﺰﺕ ﺭﺍﺳﻬﺔ ﻭﻣﺸﺖ ..
ﺑﻘﻴﺖ ﺍﺣﺠﻲ ﻭﻳﺎﻩ ﻭﺻﻮﺕ ﺍﻟﻬﻼﻫﻞ ﻣﺎﻟﺘﻬﻦ ﻃﺮﺵ ﺍﺫﻧﻲ .. ﻭﺭﺓ ﺭﺑﻊ ﺳﺎﻋﺔ ﺭﺟﻌﺖ ﺍﺧﺘﻲ ﺍﺟﺖ : ﺍﻧﺘﻲ ﺑﻌﺪﺝ ﺗﺤﺠﻴﻦ ﻭﻳﺔ ﻏﺰﻭﺍﻥ .. ﺩﻛﻮﻣﻲ ﺷﻨﻮ ﻣﺎ ﻋﺪﻛﻢ ﺑﻴﺖ ﻭﻫﺴﺘﻮﻛﻢ ﺗﺤﺠﻮﻥ .. ﻣﺎ ﻣﻠﻴﺘﻮ ..
ﻏﺰﻭﺍﻥ ﺳﻤﻌﻬﺎ ﻭﺣﺠﺔ : ﺍﻟﻠﻪ ﻭﺍﺍﺍﻛﺒﺮ .. ﻣﻨﻮ ﻫﺎﻱ ﺍﻟﺤﺎﺳﺪﺗﻨﺔ ..
ﺣﺠﻴﺖ ﺑﻀﺤﻜﺔ : ﻫﺎﻱ ﺍﺧﺘﻲ ﺯﻳﻨﺐ ...
ﻏﺰﻭﺍﻥ ﺑﻌﺼﺒﻴﺔ : ﻛﻠﻴﻠﻬﺔ ﺻﻠﻲ ﻋﺎﻟﻨﺒﻲ ﺍﺣﻨﺔ ﻣﺎ ﺻﺪﻛﻨﺔ ..
ﺣﺠﻴﺖ ﺑﺼﻮﺕ ﺧﻔﻴﻒ : ﻓﺸﻠﺔ ..
ﻭﺭﺓ ﺭﺑﻊ ﺳﺎﻋﺔ ﻛﺎﻟﻮ ﺭﺍﺡ ﺗﺮﻭﺡ ﺍﻟﺰﻓﺔ ...
ﺩﺧﻞ ﺭﺍﺋﺪ ﻭﺧﺎﻟﺪ ﻭﺍﺧﺬﻭ ﺍﻟﻌﺮﺍﻳﺲ ﻭﺻﻌﺪﻭﻫﻦ ﺑﺎﻟﺴﻴﺎﺭﺍﺕ .. ﻭﺍﻧﻲ ﺷﻮﻳﺔ ﻭﺍﺭﻳﺪ ﺍﺑﺠﻲ ﻻﻥ ﻏﺰﻭﺍﻥ ﻣﻨﻌﻨﻲ ﻣﻦ ﺍﻟﺮﻭﺣﺔ ..
ﻣﺸﺖ ﺍﻟﺰﻓﺔ ﻭﻛﻌﺪﻧﺔ ﺍﻧﻲ ﻭﺟﻮﺭﻱ ﻭﺑﺴﻤﺔ ﻧﺒﺠﻲ ﻋﻠﻰ ﻣﻬﺎ ﻭﺧﺎﺗﻮﻥ .. ﻳﻌﻨﻲ ﻃﻘﻮﺱ ﻭﺭﺓ ﻛﻞ ﻋﺮﻭﺱ .. ﺍﻟﻲ ﻳﺸﻮﻓﻨﻲ ﻣﻮ ﻋﺒﺎﻟﻚ ﺍﺧﺖ ﺍﻟﻌﺮﺳﺎﻥ .. ﺑﺲ ﺍﻟﻲ ﻣﻄﻤﻨﻲ ﺍﻥ ﺭﺍﺡ ﻳﻮﺻﻠﻮﻥ ﻣﺘﺄﺧﺮﻳﻦ ﻭﻳﺰﻓﻮﻥ ﻣﺒﺎﺷﺮﺓً ..
ﻭﺣﺘﻰ ﻋﻤﺘﻲ ﻣﺎ ﺭﺍﺣﺖ ﻻﻥ ﻋﻤﻲ ﻣﺎ ﻗﺒﻞ ﻭﻣﺎ ﻣﺘﻌﻮﺩﻳﻦ ﺍﻥ ﺗﺒﻘﻰ ﺑﺮﺓ ﺍﻟﺒﻴﺖ ...
ﺑﺴﻤﺔ ﻭﺭﺓ ﺍﻟﻌﺸﻰ ﻣﺸﺖ ﻟﺒﻴﺘﻬﻢ ﻭﺑﻘﻴﻨﺔ ﺍﻧﻲ ﻭﺟﻮﺭﻱ .. ﻛﻌﺪﻧﺔ ﻧﺴﻮﻟﻒ ...
ﺧﺎﺗﻮﻥ ... ﻭﺻﻠﻨﺔ ﻟﻠﺒﺼﺮﺓ ﻭﻃﻮﻝ ﺍﻟﻄﺮﻳﻖ ﺭﺍﺋﺪ ﻻﺯﻡ ﺍﻳﺪﻱ ﻭﺍﻧﻲ ﻭﺟﻬﻲ ﻳﻜﻠﺐ ﺍﻟﻮﺍﻥ ﻣﻦ ﺍﻟﺨﺠﻞ ﻻﻥ ﻣﺎ ﻣﺘﻌﻮﺩﺓ ﻋﻠﻲ ..
ﻃﺒﻌﺎ ﻭﺻﻠﻨﺔ ﺍﻟﺴﺎﻋﺔ ٨ ﺑﻠﻴﻞ ﻻﻥ ﺍﻟﻄﺮﻳﻖ ﻃﻮﻳﻞ ﻭﻫﻢ ﺯﻓﺔ ﻭﺍﻟﺴﻴﺎﺭﺍﺕ ﻛﻠﺴﺎﻉ ﺗﻮﻛﻒ ﻭﺍﻛﻮ ﺷﺒﺎﺏ ﻳﻨﺰﻟﻮﻥ ﻳﺮﻛﺼﻮﻥ ﺑﺎﻟﺸﺎﺭﻉ .. ﻳﻌﻨﻲ ﺗﺄﺧﺮﻧﺔ ..
ﺍﺧﺬﻭﻧﺔ ﺍﻧﻲ ﻭﻣﻬﺎ ﻭﻛﻞ ﺳﻴﺎﺭﺓ ﺗﻮﺟﻬﺖ ﻟﻠﺒﻴﺖ ﺍﻟﻌﺮﻳﺲ .. ﻳﻌﻨﻲ ﺳﻴﺎﺭﺓ ﺧﺎﻟﺪ ﺭﺍﺣﺖ ﻟﺒﻴﺘﺔ ﻭﺳﻴﺎﺭﺗﻨﺔ ﺭﺍﺣﺖ ﻟﺒﻴﺖ ﺍﻫﻞ ﺭﺍﺋﺪ ..
ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﺩﺧﻠﻨﻲ ﺍﺧﻮﺍﺗﺔ ﻭﺑﺪﻥ ﻳﻬﻠﻬﻠﻦ ﻭﻳﺮﻛﺼﻦ ﻭﻳﻬﻮﺳﻦ ..
ﻭﺭﺓ ﻧﺺ ﺳﺎﻋﺔ ﺻﻌﺪﻭﻧﻲ ﻟﻠﻐﺮﻓﺔ .. ﺟﺎﻧﺖ ﻛﻮﻟﺶ ﺣﻠﻮﺓ ﻭﺍﻟﺒﻨﺎﺕ ﻳﺮﺗﺒﻦ ﺑﻤﻼﺑﺴﻲ ﺑﺎﻟﻜﻨﺘﻮﺭ ﻻﻥ ﺍﻟﺠﻨﻂ ﻫﺴﺘﻮﻫﺔ ﺍﺟﺖ ..
ﻭﺭﺓ ﺷﻮﻳﺔ ﺳﻤﻌﻨﺔ ﺻﻮﺕ ﺍﻟﻬﻼﻫﻞ ﻭﺍﻟﺮﻛﺺ ﺍﻗﺘﺮﺑﺖ ﻣﻦ ﻳﻤﻨﺔ
ﻭﺩﺧﻞ ﺭﺍﺋﺪ ﻟﻠﻐﺮﻓﺔ .. ﺍﻧﻲ ﺟﻨﺖ ﺍﻓﺮﻙ ﺑﻴﺪﻳﺔ ﻣﻦ ﺍﻟﺘﻮﺗﺮ ..
ﻣﺪﻧﻜﺔ ﺭﺍﺳﻲ ﻭﺷﻔﺖ ﺭﺟﻠﻲ ﺻﺎﺭﺕ ﻛﺪﺍﻣﻲ .. ﺭﻓﻊ ﺍﻟﻄﺮﺣﺔ ﻋﻦ ﻭﺟﻬﻲ ..
ﺣﺴﻴﺖ ﺑﺄﺻﺎﺑﻌﺔ ﻋﻠﻰ ﻓﻜﻲ ﻭﺭﻓﻊ ﺭﺍﺳﻲ ﺑﺮﻗﺔ ..
ﻋﻴﻮﻧﻲ ﺍﺟﺖ ﺑﻌﻴﻮﻧﺔ ...
ﻧﻀﺮﺍﺗﺔ ﺟﺎﻧﺖ ﺗﺤﺠﻲ ﻣﻮ ﻟﺴﺎﻧﺔ .. ﺍﻟﺤﺐ ﺟﺎﻥ ﻭﺍﺿﺢ ﺑﻴﻬﻦ .. ﻧﻀﺮﺍﺗﺔ ﺗﺘﺄﻣﻞ ﻋﻴﻮﻧﻲ ﺑﺤﺐ ﻭﺍﺑﺘﺴﺎﻣﺔ ..
ﺣﺎﻭﻁ ﻭﺟﻬﻲ ﺑﺄﻳﺪﻱ ﻭﻗﺮﺑﻨﻲ ﻭﺑﺎﺳﻨﻲ ﺑﻜﺼﺘﻲ ..
ﺣﺠﺔ ﺑﻬﻤﺲ ﺣﺐ : ﻧﻮﺭﺗﻲ ﺑﻴﺘﺞ ﻭﻧﻮﺭﺗﻲ ﻛﻠﺒﻲ ﻭﻋﻴﻮﻧﻲ ..
ﺍﺑﺘﺴﻤﺖ ﺑﺨﺠﻞ .. ﺣﻂ ﺍﻳﺪﻱ ﻋﻠﻰ ﺍﻛﺘﺎﻓﻲ ﻭﻛﻌﺪﻧﻲ ﻋﺎﻟﺠﺮﺑﺎﻳﺔ : ﻟﻴﺶ ﺟﺴﻤﺞ ﺑﺎﺭﺩ .. ﺷﻨﻮ ﺑﺮﺩﺍﻧﺔ ..
ﺣﺠﻴﺖ ﺑﺘﻮﺗﺮ : ﻻ .. ﻳﻌﻨﻲ ﻣﻮ ﻛﻠﺶ ..
ﺍﺑﺘﺴﻢ ﻭﻛﺎﻡ ﻓﺘﺢ ﺍﻟﻤﺠﺮ ﺍﻟﻲ ﻳﻢ ﺭﺍﺱ ﺍﻟﺠﺮﺑﺎﻳﺔ ﻭﻃﻠﻊ ﻋﻠﺒﺔ ﺣﻤﺮﺓ ..
ﻛﻌﺪ ﻋﻠﻰ ﺭﻛﺒﺔ ﻛﺪﺍﻣﻲ ﺑﺎﻟﻜﺎﻉ .. ﻭﻓﺘﺢ ﺍﻟﻌﻠﺒﺔ ﻭﻃﻠﻊ ﻣﻦ ﻋﺪﻫﺔ ﺣﺠﻞ ﺫﻫﺐ ﺍﺑﻮ ﺍﻟﺴﻠﺴﺎﻝ ﻭﻧﺎﺯﻟﺔ ﻣﻨﺔ ﻭﺭﺩﺍﺕ ﺯﻏﺎﺭ ﻛﻠﺶ ﺣﻠﻮ ﻭﻧﺎﺯﻙ ...
ﺭﻓﻊ ﺍﻟﺒﺪﻟﺔ ﻭﻟﺰﻡ ﺭﺟﻠﻲ .. ﺣﺴﻴﺖ ﺑﻘﺸﻌﺮﻳﺮﺓ ﻣﺸﺖ ﺑﺠﺴﻤﻲ ﻣﻦ ﻟﻤﺴﺘﺔ .. ﺭﻓﻊ ﺍﻟﺤﺠﻞ ﻭﻟﺒﺴﻨﻴﺎﻩ ﺑﺮﺟﻠﻲ ..
ﺭﻓﻊ ﺍﻳﺪﻱ ﻭﺑﺎﺳﻬﺔ : ﻭﺍﺧﻴﺮﺍً ﺻﺮﺗﻲ ﺍﻟﻲ .. ﻣﺎ ﺗﺪﺭﻳﻦ ﺷﻜﺪ ﺍﻧﺘﻀﺮﺕ ﻫﺎﻟﻴﻮﻡ ...
ﺑﻠﻌﺖ ﺭﻳﻜﻲ ﻭﺍﻧﻲ ﺍﺣﺲ ﺭﺍﺡ ﻳﻐﻤﻰ ﻋﻠﻴﺔ ﻣﻦ ﺍﻟﺘﻮﺗﺮ ..
ﺭﻓﻌﺖ ﺑﺪﻟﺘﻲ ﻭﻛﻠﺖ : ﺍﻧﻲ ﺭﺍﺡ ﺍﺑﺪﻝ ﻣﻼﺑﺴﻲ ﻻﻥ ﺍﻟﺒﺪﻟﺔ ﺿﺎﻳﻘﺘﻨﻲ ..
ﺭﺩﺕ ﺍﺭﻭﺡ ﺑﺲ ﺳﺤﺒﻨﻲ ﺑﺴﺮﻋﺔ ﻭﺿﺮﺑﺖ ﺑﺼﺪﺭﺓ ..
ﺣﺠﺔ ﻭﻫﻮ ﻳﺤﺎﻭﻁ ﺧﺼﺮﻱ ﺑﺄﻳﺪﻱ : ﻣﺎ ﻳﺤﺘﺎﺝ ﺍﻧﻲ ﺍﺳﺎﻋﺪﺝ ﺑﻴﻬﺔ ..
ﻣﺎ ﻟﺤﻜﺖ ﺍﺳﺘﻮﻋﺐ ﺍﻻ ﻭﻫﻮ ﺑﺎﺳﻨﻲ ﻣﻦ ﺷﻔﺘﻲ ﻭﺍﻳﺪﺓ ﺍﻧﻤﺪﺕ ﻟﻠﺒﺪﻟﺔ ﻣﺎﻟﺘﻲ
££££££££££££
ﻣﻬﺎ ... ﻛﺎﻋﺪﺓ ﺑﺎﻟﻐﺮﻓﺔ ﻭﺩﺧﻞ ﺧﺎﻟﺪ ﻭﺍﻧﻲ ﺷﻮﻳﺔ ﻭﺍﺭﻳﺪ ﺍﺑﺠﻲ ﻣﻦ ﺍﻟﺨﻮﻑ .. ﻳﺮﺑﻲ ﺍﻧﻲ ﻟﻴﺶ ﻭﺍﻓﻘﺖ ﺍﺗﺰﻭﺝ ..
ﻳﻌﻨﻲ ﻟﻮ ﺑﺎﻗﻴﺔ ﺍﺑﻴﺖ ﺍﻫﻠﻲ ﺷﺠﺎﻥ ﺻﺎﺭ ..
ﻭﻛﻒ ﻛﺒﺎﻟﻲ ﻭﺭﻓﻊ ﺍﻟﻄﺮﺣﺔ ﻣﺎﻟﺘﻲ :.. ﻣﺒﺮﻭﻙ ﻳﺎﻟﺰﺭﻛﺔ ..
ﺍﻧﺼﺪﻣﺖ ﻭﻧﺴﻴﺖ ﻧﻔﺴﻲ ﻭﺑﺎﻭﻋﺘﻠﺔ : ﻧﻌﻌﻌﻢ .. ؟ ﻣﻨﻮ ﺍﻟﺰﺭﻛﺔ ..
ﺧﺎﻟﺪ ﺑﺄﺑﺘﺴﺎﻣﺔ : ﺍﻧﺘﻲ ﺍﻡ ﻋﻴﻮﻥ ﺯﺭﻙ .. ﻋﻴﻮﻧﺞ ﺯﺭﻙ ﻟﻬﺎﻟﺴﺒﺐ ﺍﺳﻤﻴﺞ ﺍﻟﺰﺭﻛﺔ ..
ﺭﻓﻌﺖ ﺣﺎﺟﺐ ﻭﻛﺘﻠﺔ : ﺑﺲ ﺍﻟﺰﺭﻛﺔ ﺗﻨﻜﺎﻝ ﻟﻠﻤﻮ ﺣﻠﻮﺓ ..
ﻟﺰﻡ ﺍﻳﺪﻱ ﻭﻛﺎﻝ ﻭﻫﻮ ﻋﻴﻮﻧﺔ ﺗﻤﺸﻲ ﻋﻠﻴﺔ ﻣﻦ ﻓﻮﻙ ﻟﻴﺠﻮﺓ : ﻭﺍﻟﻠﻪ ﺍﺫﺍ ﻋﺎﻟﺤﻼﺓ ﻑ ﺍﻧﺘﻲ ﻣﻦ ﺍﻭﻝ ﻳﻮﻡ ﺷﻔﺘﺞ ﺑﻲ ﻭﺍﻧﻲ ﻛﻠﺖ ﻣﺎﻛﻮ ﺑﺤﻼﺗﻬﺔ ..
ﺩﻧﻜﺖ ﺭﺍﺳﻲ ﺑﺨﺠﻞ .. ﺣﻀﻨﻲ ﻟﺼﺪﺭﺓ ﻭﻫﻤﺲ : ﺍﻧﺘﻲ ﺗﺪﺭﻳﻦ ﺷﺴﻮﻳﺘﻲ ﺑﻴﺔ ﻣﻦ ﺍﻭﻝ ﻣﺮﺓ ﺷﻔﺘﺞ .. ﺍﺧﺬﺗﻲ ﻛﻠﺒﻲ ﻭﻋﻘﻠﻲ ﻭﺭﺍﺣﺔ ﺑﺎﻟﻲ ..
ﺍﺑﺘﺴﻤﺖ ﻋﻠﻰ ﻛﻼﻣﺔ ﻭﺭﻓﻌﺖ ﺍﻳﺪﻳﺔ ﻭﺣﻀﻨﺘﺔ ..
ﺣﻄﻴﺖ ﺧﺪﻱ ﻋﻠﻰ ﺻﺪﺭﺓ ..
ﻭﺭﺓ ﺛﻮﺍﻧﻲ ﻛﺎﻝ : ﺷﻠﻮﻥ ﻳﻌﻨﻲ ﺭﺍﺡ ﻧﺨﻠﺼﻬﺔ ﻫﻴﺞ ..
ﻭﺧﺮﺕ ﻛﺘﻠﻬﺔ ﺑﺄﺳﺘﻐﺮﺍﺏ : ﻫﺎﺍ ..
ﺳﺤﺒﻨﻲ ﺍﻟﺔ ﻣﺮﺓ ﺛﺎﻧﻴﺔ : ﺩﺗﻌﺎﻱ ﻭﺍﻧﻲ ﺍﻋﻠﻤﺞ ﺷﻨﻮ ﺍﻟﻬﺎ ..
ﺑﺎﺳﻨﻲ ﺑﺸﻔﺘﻲ ﻭﺍﻧﻲ ﻓﺘﺤﺖ ﻋﻴﻮﻧﻲ ﻣﺎ ﻣﺴﺘﻮﻋﺒﺔ ...
£££££££££
ﺯﻳﺎﺩ ... ﺻﺎﻋﺪ ﺳﻴﺎﺭﺗﻲ ﻭﻣﺘﻮﺟﻪ ﻟﻠﻤﻄﺎﺭ ...
ﺍﻟﻴﻮﻡ ﺍﻟﻜﻞ ﻓﺮﺣﺎﻥ ﻭﻣﺤﺪ ﺣﺎﺱ ﺑﻨﺎﺭ ﻛﻠﺒﻲ .. ﺷﻨﻮ ﺍﻟﺴﻮﻳﺘﺔ ﺍﻧﻲ ﺣﺘﻰ ﺍﺗﻌﺎﻗﺐ ﻫﻴﺞ .. ﺫﻧﺒﻲ ﻻﻥ ﺣﺒﻴﺖ ﻫﻴﺞ ﺻﺎﺭ ﺑﻴﺔ .. ﻋﻤﺮﻱ ﻛﻠﺔ ﺭﺍﺡ ﻭﺍﻧﻲ ﺍﻧﺘﻀﺮﻫﺔ ..
ﻣﺎ ﺟﺎﻱ ﺍﻛﺪﺭ ﺍﻃﻠﻌﻬﺔ ﻣﻦ ﻛﻠﺒﻲ .. ﻟﻴﻠﻲ ﻣﺎ ﺍﻧﺎﻣﺔ ﻣﻦ ﻭﺭﺍﻫﺔ .. ﻭﻫﻲ ﻭﻻ ﻋﻠﻰ ﺑﺎﻟﻬﺔ .. ﻟﻴﺶ ﺍﻧﻲ ﺣﻀﻲ ﻫﻴﺞ ﻳﺮﺑﻲ ..
ﻭﻛﻔﺖ ﺳﻴﺎﺭﺗﻲ ﻋﻠﻰ ﺟﻬﺔ ﻭﺭﻓﻌﺖ ﺗﻠﻴﻔﻮﻧﻲ ﻭﺷﻔﺖ ﺭﻗﻢ ﺍﺧﺘﻲ ﻭﺭﻭﺩ ﺗﺘﺼﻞ ..
ﺟﺎﻭﺑﺘﻬﺔ ﺑﻬﺪﻭﺀ : ﻫﺎ ﻭﺭﻭﺩ ..
ﻭﺭﻭﺩ : ﺯﻳﺎﺩ ﻭﻳﻦ ﺍﻧﺘﺔ .. ﻟﻴﺶ ﺗﺄﺧﺮﺕ ..
ﺟﺎﻭﺑﺘﻬﺔ ﺑﺄﺑﺘﺴﺎﻣﺔ ﺍﻟﻢ : ﻻ ﺗﻨﺘﻀﺮﻭﻧﻲ ﻣﺎ ﺭﺍﺡ ﺍﺭﺟﻊ ..
ﻭﺭﻭﺩ : ﻟﻴﺶ ﻣﺎ ﺗﺮﺟﻊ .. ﻭﻳﻦ ﺍﻧﺖ ﺯﻳﺎﺩ ﺍﺣﺠﻲ ..
ﺯﻳﺎﺩ : ﻭﺭﻭﺩ ﺍﻧﻲ ﻣﺴﺎﻓﺮ ﻭﻣﺎﺩﺭﻱ ﺍﺫﺍ ﺍﺭﺟﻊ ﻟﻮ ﻻ .. ﺩﻳﺮﻱ ﺑﺎﻟﺞ ﻋﻠﻰ ﺍﻫﻠﻲ ﺑﻐﻴﺎﺑﻲ ..
ﻭﺭﻭﺩ : ﺷﻨﻮﻭﻭﻭ .. ﺯﻳﺎﺩ ﺷﻨﻮ ﻫﺎﻟﺤﺠﻲ ﻭﻳﻦ ﺭﺍﺡ ﺗﺴﺎﻓﺮ ..
ﺟﺎﻭﺑﺘﻬﺔ ﻭﺍﻧﻲ ﺭﻭﺣﻲ ﻃﺎﻟﻌﺔ : ﻭﺭﻭﺩ ﻣﺎﻛﺪﺭ ﺍﻛﻠﺞ ﻭﻳﻦ ﺑﺲ ﺍﻻﻛﺪﺭ ﺍﻛﻮﻟﺔ ﺍﻥ ﺗﻌﺒﺖ ﻭﻣﺎﻛﺪﺭ ﺍﺗﺤﻤﻞ ﺍﻛﺜﺮ .. ﺧﻠﻴﻨﻲ ﺍﺭﻭﺡ ﻳﻤﻜﻦ ﺍﺫﺍ ﺍﺑﺘﻌﺪﺕ ﺍﻛﺪﺭ ﺍﻧﺴﺎﻫﺔ ..
ﻭﺭﻭﺩ ﻭﻫﻲ ﺗﺒﺠﻲ : ﺯﻳﺎﺩ ﺍﻟﻠﻪ ﻳﺨﻠﻴﻚ ﺍﺭﺟﻊ .. ﺻﺪﻛﻨﻲ ﺭﺍﺡ ﺗﻜﺪﺭ ﺗﻨﺴﺎﻫﺔ ﻭﺗﺤﺐ ﻏﻴﺮﻫﺔ ..
ﺍﺑﺘﺴﻤﺖ : ﺍﻟﺴﻨﻴﻦ ﻣﺎ ﺗﻜﺪﺭ ﺗﻤﺤﻴﻬﺔ ﺍﻳﺎﻡ .. ﻣﻊ ﺍﻟﺴﻼﻣﺔ ﻭﺭﻭﺩ ..
ﺳﺪﻳﺖ ﺍﻟﺘﻠﻴﻔﻮﻥ ﻭﺗﻨﻬﺪﺕ ﻣﻦ ﻛﻠﺒﻲ ...
ﻃﻠﻌﺖ ﺗﻠﻴﻔﻮﻧﻲ ﺍﻟﺠﺪﻳﺪ ﻭﺍﺗﺼﻠﺖ ﻋﻠﻰ ﺭﻗﻤﻬﺔ ﻻﻥ ﻣﺎﺗﻌﺮﻑ ﻫﺬﺍ ﺭﻗﻤﻲ ..
ﺭﺩﺕ ﻋﻠﻴﺔ ﺑﺼﻮﺗﻬﺔ .. ﺍﺑﺘﺴﻤﺖ ﻭﻧﺰﻟﺖ ﺩﻣﻮﻋﻲ ...
: ﺍﻟﻮﻭ .. ﺍﻟﻮﻭﻭ .. ﻟﻴﺶ ﻣﺤﺪ ﻳﺮﺩ ... ﺍﻓﻔﻒ ..
ﺳﺪﺕ ﺍﻟﺘﻠﻴﻔﻮﻥ ﺑﻮﺟﻬﻲ .. ﺫﺑﻴﺖ ﺍﻟﺘﻠﻴﻔﻮﻥ ﻭﺭﺟﻌﺖ ﺭﺍﺳﻲ ﻋﺎﻟﻜﺸﻦ ﻭﻣﺴﺤﺖ ﺩﻣﻮﻋﻲ ﺑﺴﺮﻋﺔ ...
ﺷﻐﻠﺖ ﺳﻴﺎﺭﺗﻲ ﻭﺗﻮﺟﻬﺖ ﻟﻠﻤﻄﺎﺭ ﻭﺍﻧﻲ ﺍﺭﻳﺪ ﺍﺑﺘﻌﺪ ﻋﻦ ﻛﻠﺸﻲ ﺑﻠﻜﻲ ﺗﻄﻠﻊ ﻣﻦ ﻛﻠﺒﻲ ..
ﻭﺻﻠﺖ ﻟﻠﻤﻄﺎﺭ ﻭﻭﺭﺓ ﻧﺺ ﺳﺎﻋﺔ ﺍﻗﻠﻌﺖ ﺍﻟﻄﻴﺎﺭﺓ ﻭﺍﻧﻲ ﺍﺑﺘﻌﺪﺕ ﻋﻦ ﻛﻞ ﻫﺎﻟﻨﺎﺱ ﻭﺍﺭﻳﺪ ﺍﺑﻌﺪﻫﺔ ﻣﻦ ﻛﻠﺒﻲ ..
£££££££
ﻣﻴﺎﻣﻴﻦ ... ﻛﺎﻋﺪﻳﻦ ﺑﺎﻟﺼﺎﻟﺔ ﻭﺩﺧﻞ ﻋﻤﻲ ﻋﻠﻴﻨﺔ .. ﺷﺎﻓﻨﺔ ﻧﺒﺠﻲ ﻋﺎﻟﺒﻨﺎﺕ ..
ﻛﻌﺪ ﻋﺎﻟﻘﻨﻔﺔ : ﺩﻛﺎﻓﻲ ﻭﻟﺠﻦ ﺍﻧﺔ ﻛﻮﺓ ﻻﺯﻡ ﺭﻭﺣﻲ .. ﻫﺴﺔ ﺣﺴﻴﺖ ﺑﺄﺧﻮﻱ ﻣﻦ ﺯﻭﺝ ﺑﻨﺎﺗﺔ ﺛﻨﻴﻨﻬﻦ ﺑﻴﻮﻡ ﻭﺍﺣﺪ ...
ﻛﻤﻨﺔ ﺍﻧﻲ ﻭﺟﻮﺭﻱ ﻭﻛﻌﺪﻧﺔ ﻳﻤﺔ ..
ﺟﻮﺭﻱ : ﺍﺣﻨﺔ ﺑﻨﺎﺗﻚ ...
ﻣﻴﺎﻣﻴﻦ : ﻫﻨﺔ ﺍﺛﻨﻴﻨﻬﻦ ﺗﺰﻭﺟﻦ ﺍﻋﺘﺒﺮﻧﺔ ﺍﺣﻨﺔ ﺍﻻﺛﻨﻴﻦ ﻣﻜﺎﻧﻬﻦ ..
ﺟﻮﺭﻱ : ﺍﺣﻨﺔ ﻣﺎ ﺭﺍﺡ ﻧﻌﻮﻓﻚ ﻭﺭﺍﺡ ﻧﺒﻘﻰ ﻳﻤﻚ ..
ﺣﻀﻨﺔ ﻭﺑﺎﺳﻨﺔ ﺑﺮﺍﺳﻨﺔ : ﺍﻧﺘﻦ ﺍﺻﻼ ﺑﻨﺎﺗﻲ .. ﺍﻟﻠﻪ ﻳﺤﻔﻀﺠﻦ ﻳﺎ ﺑﻮﻳﺔ ..
ﺍﻟﺘﻔﺖ ﻋﻠﻰ ﻋﻤﺘﻲ : ﻋﻠﻴﻤﻦ ﺗﺒﺠﻴﻦ ﻭﻋﻨﺪﺝ ﻫﺎﻟﻮﺭﺩﺍﺕ ﺫﻧﻲ .. ﺍﻧﺸﺎﻟﻠﻪ ﻳﻌﻮﺿﻨﺞ ﻋﻦ ﺑﻨﺎﺗﺞ ..
ﻋﻤﺘﻲ ﺑﺄﺑﺘﺴﺎﻣﺔ : ﺍﻟﻠﻪ ﻳﺤﻔﻀﻬﻦ ﺍﻧﺸﺎﻟﻠﻪ ﺟﺎ ﺷﻌﻨﺪﻱ ﻏﻴﺮﻫﻦ ..
ﺩﺧﻞ ﻏﺰﻭﺍﻥ ﻭﻫﻮ ﻳﺒﺎﻭﻋﻠﻲ ﺑﺄﺑﺘﺴﺎﻣﺔ ..
ﻛﻌﺪ ﻳﻢ ﺍﻟﺤﺠﻴﺔ : ﻛﻮﺍﺝ ﺍﻟﻠﻪ ﺣﺠﻴﺔ ..
ﺍﻟﺤﺠﻴﺔ : ﻛﻮﺍﻙ ﺍﻟﻠﻪ .. ﺩﻛﻌﺪ ﻭﻟﻚ ﻋﻨﺪﻱ ﺣﺠﺎﻳﺔ ﻭﻳﺎﻙ ..
ﻏﺰﻭﺍﻥ : ﺍﻣﺮﻳﻨﻲ .. ﺷﻤﺴﻮﻱ ﻫﺎﻟﻤﺮﺓ ﺑﻌﺪ ..
ﺍﻟﺤﺠﻴﺔ : ﺟﺎ ﻭﻟﻚ ﻫﺎﻱ ﺳﻮﺍﻳﺔ ﺗﺴﻮﻳﻬﺔ .. ﺗﻤﻨﻊ ﺍﻟﺒﺖ ﻣﻦ ﻋﺮﺱ ﺍﺧﻮﻫﺔ ...
ﻏﺰﻭﺍﻥ : ﺟﺎ ﺣﺒﻮﺑﺔ ﻏﻴﺮ ﺻﺎﺭﻟﻬﺔ ﺍﺳﺒﻮﻋﻴﻦ ﻋﺪﻫﻢ ..
ﺍﻟﺤﺠﻴﺔ : ﺟﺎ ﻣﺎ ﻛﻠﺖ ﺧﻮﺍﺗﻲ ﻳﺴﺘﺎﺣﺸﻦ ﻏﺎﺩ ﻭﺣﺪﻫﻦ .. ﻟﻮ ﺭﺍﻳﺤﺔ ﻫﻲ ﻭﻳﺎﻫﻦ ﺟﺎ ﺿﺎﻟﺔ ﻳﻤﻬﻦ ..
ﻏﺰﻭﺍﻥ : ﺣﺒﻮﺑﺔ ﺧﻮﺍﺗﻲ ﻣﺎ ﻋﻠﻴﻬﻦ .. ﻛﻞ ﻭﺣﺪﺓ ﻳﻢ ﺭﺟﻠﻬﺔ ﻭﺍﺍﻧﻲ ﺗﺮﺩﻳﻦ ﺗﻮﺩﻳﻦ ﻣﺮﺗﻲ ﻳﻤﻬﻦ .. ﺟﺎ ﻣﺎ ﺗﻜﻮﻟﻴﻦ ﻋﻠﻴﺔ ﺧﻄﻴﺔ ..
ﺍﻟﺤﺠﻴﺔ : ﺩﻛﻮﻡ ﻏﺎﺩ ﻛﻮﻡ .. ﺍﻧﺖ ﺯﻟﻤﺔ ﺷﻄﻮﻟﻚ ﺷﻜﺪﻙ .. ﺟﺎ ﻣﺎ ﺗﻜﺪﺭ ﺑﺪﻭﻥ ﻣﺮﺗﻚ ..
ﻏﺰﻭﺍﻥ : ﺣﺒﻮﺑﺔ ﺍﻧﺘﻲ ﻟﻴﺶ ﺩﻭﻣﺞ ﻭﺍﻛﻔﺔ ﺿﺪﻱ ..
ﺍﻟﺤﺠﻴﺔ : ﻋﺒﻨﻚ ﻣﻮﺵ ﺍﺩﻣﻲ ﻭﺩﻭﻣﻚ ﻣﻬﻮﺭ ﻣﺎ ﻳﻨﻜﺪﺭﻟﻚ ..
ﻏﺰﻭﺍﻥ ﺑﻀﺤﻜﺔ : ﻻ ﻭﺍﻟﻠﻪ ﺣﺒﻮﺑﺔ ﻣﻮ ﻣﻬﻮﺭ ﺑﺲ ﻫﻲ ﻫﺎﻟﺒﺖ ﺳﻮﺩﻧﺘﻨﻲ ﺑﻌﺸﻜﻬﺔ ﺷﺴﻮﺍﻳﺘﻲ ﺑﻌﺪ ..
ﻓﺘﺤﺖ ﻋﻴﻮﻧﻲ ﻭﻭﺟﻬﻲ ﺻﺎﺭ ﺍﺣﻤﺮ .. ﻳﻤﺔ ﻭﻻ ﻳﺴﺘﺤﻲ ..
ﺩﻙ ﺗﻠﻴﻔﻮﻧﺔ ﻭﺭﻓﻌﺔ : ﻫﺎ ﺍﺑﻮ ﺍﺳﺪ ..
ﻃﻔﺮ ﺑﺴﺮﻋﺔ ﻣﻦ ﻣﻜﺎﻧﺔ ﻭﻛﺎﻝ ﺑﺨﻮﻑ ﻭﻭﺟﻬﺔ ﺻﺎﺭ ﺍﺣﻤﺮ : ﺷﻠﻮﻭﻥ ﻣﺆﻳﺪ ﻣﺴﻮﻱ ﺣﺎﺩﺙ ....
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺣﺒﺎﻳﺒﻲ ﺍﺩﺭﻱ ﺍﻟﺒﺎﺭﺕ ﻗﺼﻴﺮ ﺑﺲ ﻭﺍﻟﻠﻪ ﺍﻟﺒﺎﺭﺣﺔ ﺍﻛﺘﺐ ﺑﺎﻟﺒﺎﺭﺕ ﻭﺍﻓﺘﺢ ﻋﻴﻦ ﻭﺍﻏﻤﺾ ﻋﻴﻦ ﻣﻦ ﺍﻟﻨﻌﺎﺱ ﻭﺍﻟﻠﻪ 😂 ﻳﻌﻨﻲ ﺍﺫﺍ ﺷﻔﺘﻮ ﺍﺧﻄﺎﺀ ﻏﻠﺴﻮ ﻋﻠﻴﻬﻦ ﻓﺪﻳﺘﻜﻢ
أنت تقرأ
سجينة،الظلم والانتقام
Mystery / Thrillerﺍﻟﻲ ﺩﺍ ﺗﺤﺠﻲ ﻋﻨﺔ ﻫﺬﺍ ﺍﺧﻮﻳﺔ ﺷﻠﻮﻥ ﺍﺗﻜﻮﻟﻲ ﻣﺎ ﺍﺫﻛﺮﺓ ﻗﺮﺏ ﻭﺟﻬﺔ ﻣﻨﻲ ﻭﺣﺠﺔ ﺑﻔﺤﻴﺢ : ﺍﺧﻮﺝ ﻣﻮ ... ﻣﻦ ﺍﻟﻴﻮﻡ ﻭﺟﺎﻱ ﺗﻨﺴﻴﻦ ﺷﻲ ﺍﺳﻤﺔ ﺍﺧﻮﺝ ﻭﺍﻣﺞ ﻭﺍﺧﺘﺞ ﺷﻴﻠﻴﻬﻢ ﻣﻦ ﺭﺍﺳﺞ ... ﻭﺭﺑﻲ ﻭﺟﻼﻟﺔ ﺍﺫﺍ ﻣﺎ ﺣﺮﻛﺖ ﮔﻠﺐ ﺍﺧﻮﺝ ﻋﻠﻴﺞ ﻭﺣﺮﻛﺖ ﻛﻠﺒﺞ ﻋﻠﻰ ﺍﺧﻮﺝ ﻭﺍﻫﻠﺞ ﻣﺜﻞ ﻣﺎ ﺣﺮﻛﺘﻮ ﻛﻠﺒﻲ ﻋﻠﻰ ﺍﺧﻮﻱ ﻣﺎ ﻳﻄﻠﻊ ﺍﺳ...
