سجينة،الظلم والانتقام

51

#سجينة_الظلم_والانتقام
بقلم سارة الشمري
#بارت٥١
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻗﺎﻟﻮﺍ ﺍﻻﻣﻞ
ﻫﻮ ﺣﺴﺮﺓ ﺍﻟﻈﻤﺂﻥ ﺣﻴﻦ ﻳﺮﻯ ﺍﻟﻜﺆﻭﺱ
ﻓﻰ ﺻﻮﺭﺓ ﻓﻮﻕ ﺍﻟﺠﺪﺍﺭ
ﻫﻮ ﺫﻟﻚ ﺍﻟﻠﻮﻥ ﺍﻟﻌﺒﻮﺱ
ﻓﻲ ﻭﺟﻪ ﻋﺼﻔﻮﺭِ ﺗَﺤﻄَﻢ ﻋﺸﻪ ﻓﺒﻜﻰ ﻭﻃﺎﺭ
ﻭﺃﻗﺎﻡ ﻳﻨﺘﻈﺮ ﺍﻟﺼﺒﺎﺡَ ﻟﻌﻞ ﻣﻌﺠﺰﺓُ ﺗُﻌﻴﺪ
ﺃﻧﻘﺎﺽ ﻣﺄﻭﺍﻩ ﺍﻟﻤُﺨﺮَﺏ ﻣﻦ ﺟﺪﻳﺪ
ﻗﺎﻃﻌﻬﻢ ﺩﺧﻮﻝ ﺍﺑﻮ ﻏﺰﻭﺍﻥ ﻋﻠﻴﻬﻢ ..
ﻭﻛﻔﻮ ﺿﺤﻚ ﻫﻤﺔ ﻭﻭﻛﻔﻮ ﺍﺣﺘﺮﺍﻣﺎ ﺍﻟﺔ ..
ﻏﺰﻭﺍﻥ ﻋﻘﺪ ﺣﻮﺍﺟﺒﺔ ﺑﻘﻠﻖ ﻭﻫﻮ ﻳﺸﻮﻑ ﺷﻜﻞ ﺍﺑﻮﻩ ﺍﻟﻤﺎ ﻳﺘﻔﺴﺮ ﻭﻣﺒﻴﻦ ﻋﺼﺒﻲ ..
ﻏﺰﻭﺍﻥ : ﺧﻴﺮ ﺑﻮﻳﺔ ﺻﺎﻳﺮ ﺷﻲ .. ﺷﻮ ﻭﺟﻬﻚ ﻣﻮ ﻃﺒﻴﻌﻲ ..
ﺍﺑﻮ ﻏﺰﻭﺍﻥ : ﻣﺎ ﺻﺎﻳﺮ ﺷﻲ .. ﻣﺆﻳﺪ ﺗﻌﺎﻝ ﻭﺭﺍﻱ ..
ﻃﻠﻊ ﻭﻋﺎﻓﻬﻢ ﻭﺍﺣﺪ ﺻﺎﻓﻦ ﺑﻮﺟﻪ ﺍﻟﺜﺎﻧﻲ ..
ﺣﻤﺰﺓ ﻭﻫﻮ ﻳﻠﺰﻡ ﻣﺆﻳﺪ : ﺍﻧﺖ ﻣﺴﻮﻳﻠﻚ ﺳﺎﻟﻔﺔ ﻟﻮ ﺷﻨﻲ ...
ﻣﺆﻳﺪ ﺭﻓﻊ ﺍﻛﺘﺎﻓﺔ : ﻭﺍﻟﻠﻪ ﻣﺎﺩﺭﻱ .. ﺑﺲ ﺣﺴﺐ ﻋﻠﻤﻲ ﻣﺎ ﻣﺴﻮﻱ ﺷﻲ ..
ﻏﺰﻭﺍﻥ : ﺭﻭﺡ ﺭﻭﺡ ﻻ ﺗﺘﺄﺧﺮ ﻋﻠﻲ ﻭﻳﻌﺼﺐ ﺑﺎﻟﺰﺍﻳﺪ ..
ﻣﺆﻳﺪ ﻭﻫﻮ ﻳﻄﻠﻊ : ﺍﻟﻠﻪ ﺍﻟﻴﺴﺘﺮ ﺑﺲ ...
ﻃﻠﻊ ﻣﺆﻳﺪ ﻭﺭﺍﺡ ﻭﺭﺓ ﺍﺑﻮﻩ ﺍﻟﻲ ﺩﺧﻞ ﻟﻠﺒﻴﺖ ..
ﺷﺎﻑ ﺍﻣﺔ ﻭﺧﻮﺍﺗﺔ ﻭﺑﺴﻤﺔ ﻭﺟﻮﺭﻱ ﻭﻣﻴﺎﻣﻴﻦ ﺑﺎﻟﻤﻄﺒﺦ ... ﻣﺆﻳﺪ : ﺍﻟﺴﻼﻡ ﻋﻠﻴﻜﻢ ..
ﺍﻟﺒﻨﺎﺕ : ﻭﻋﻠﻴﻜﻢ ﺍﻟﺴﻼﻡ ..
ﻣﺆﻳﺪ : ﺷﻠﻮﻧﺞ ﻣﻴﺎﻣﻴﻦ .. ﺑﺎﻟﻌﺎﻓﻴﺔ ﺧﻮﻳﺔ ..
ﻣﻴﺎﻣﻴﻦ : ﺍﻟﻠﻪ ﻳﻌﺎﻓﻴﻚ .. ﺍﻟﺤﻤﺪﺍﻟﻠﻪ ﺑﺨﻴﺮ ..
ﻣﺆﻳﺪ : ﻳﻤﺔ ﺍﺑﻮﻱ ﻭﻳﻦ ..
ﺍﻡ ﻏﺰﻭﺍﻥ : ﺭﺍﺡ ﻟﻐﺮﻓﺘﺔ ﺯﻫﻜﺎﻥ ﻣﺪﺭﻱ ﺷﺒﻲ ..
ﻣﺆﻳﺪ ﻭﻫﻮ ﻳﻄﻠﻊ : ﻫﺴﺔ ﺍﻓﺘﻬﻢ ﺍﻟﺴﺎﻟﻔﺔ ﻣﻨﺔ ..
ﺗﻮﺟﻪ ﻟﻐﺮﻓﺔ ﺍﺑﻮ ﻭﺩﻙ ﺍﻟﺒﺎﺏ .. ﺍﺟﺎ ﺻﻮﺕ ﺍﺑﻮﻩ : ﺗﻌﺎﻝ ..
ﺩﺧﻞ ﻟﻠﻐﺮﻓﺔ ﻭﺑﻘﻰ ﻭﺍﻛﻒ : ﺍﻣﺮﻧﻲ ﺑﻮﻳﺔ ..
ﺍﺑﻮ ﻏﺰﻭﺍﻥ ﻳﺄﺷﺮ ﻋﺎﻟﻜﺮﺳﻲ : ﺍﻛﻌﺪ ..
ﻣﺆﻳﺪ ﻛﻌﺪ ﻋﺎﻟﻜﺮﺳﻲ ﺑﻬﺪﻭﺀ ..
ﺍﺑﻮ ﻏﺰﻭﺍﻥ ﻭﻫﻮ ﻳﻔﺮ ﺑﺴﺒﺤﺘﺔ : ﻣﺆﻳﺪ ﺍﻧﺔ ﺻﺤﺘﻚ ﻋﻠﻤﻮﺩ ﺳﺎﻟﻔﺔ .. ﺍﺳﻤﻌﻨﻲ ﺯﻳﻦ ..
ﻣﺆﻳﺪ : ﺍﻣﺮﻧﻲ ﺑﻮﻳﺔ .. ﺷﻨﻲ ﻣﺴﻮﻱ ﺷﻲ ﻭﺍﻧﻲ ﻣﺎﺩﺭﻱ ﺑﺮﻭﺣﻲ ..
ﺍﺑﻮ ﻏﺰﻭﺍﻥ : ﻻ ﺑﻮﻳﺔ ﻣﺎ ﻣﺴﻮﻱ ﺷﻲ .. ﺑﺲ ﺍﺭﻳﺪ ﻃﻠﺒﺔ ﻣﻨﻚ ..
ﻣﺆﻳﺪ ﺑﻨﺨﻮﺓ : ﻋﺪ ﻋﻴﻨﺎﻙ ﺑﻮﻳﺔ ..
ﺍﺑﻮ ﻏﺰﻭﺍﻥ ﺑﺘﻨﻬﺪ : ﺑﻮﻳﺔ ﺍﻛﻮ ﻭﺍﺣﺪ ﻣﺘﻘﺪﻡ ﻟﺒﺖ ﻋﻤﻚ ﺟﻮﺭﻱ ..
ﻣﺆﻳﺪ ﺑﻠﻊ ﺭﻳﻜﺔ : ﺍﻱ ﺑﻮﻳﺔ ﺑﻴﻬﺔ ﺍﻟﺨﻴﺮ .. ﺑﺲ ﺍﻧﺔ ﺷﻨﻲ ﺍﻟﻤﻄﻠﻮﺏ ﻣﻨﻲ ..
ﺍﺑﻮ ﻏﺰﻭﺍﻥ ﺑﺘﻨﻬﺪ : ﺍﺳﻤﻊ ﺑﻮﻳﺔ .. ﺟﻮﺭﻱ ﺑﺖ ﻋﻤﻚ ﺍﻧﺔ ﺍﺩﺭﻱ ﺑﻴﻬﺔ ﺟﺎﻧﺖ ﻫﺎﻭﻳﺔ ﺍﺧﻮﻙ ﻓﺎﺭﺱ ... ﻭﺍﻧﺔ ﺍﻟﻠﻪ ﻳﺸﻬﺪ ﺗﻤﻨﻴﺘﻬﺔ ﻟﻮﺍﺣﺪ ﻣﻦ ﺍﻭﻻﺩﻱ ﺑﺲ ﺍﺧﻮﻙ ﻓﺎﺭﺱ ﺟﺎﻥ ﺩﻭﻣﺔ ﺭﺍﻓﺾ ﻭﻳﻜﻮﻝ ﻣﺜﻞ ﺍﺧﺘﻲ ..
ﻣﺆﻳﺪ ﺟﺎﻥ ﻳﺴﺘﻤﻊ ﻟﻜﻼﻡ ﺍﺑﻮﻩ ﻭﻳﺮﻳﺪ ﻳﻌﺮﻑ ﺷﻨﻮ ﺍﻟﻤﻄﻠﻮﺏ ﻣﻨﺔ ..
ﺍﺑﻮ ﻏﺰﻭﺍﻥ ﻳﻜﻤﻞ : ﻭﻫﺴﺔ ﺟﺎﻳﻴﻦ ﺧﻄﺎﺑﺔ ﻋﻠﻴﻬﺔ .. ﺣﺠﻮ ﻭﻳﺔ ﺍﺑﻮﻫﺔ ﻭﻫﻮ ﻛﺎﻟﻠﻬﻢ ﺍﻃﻮﻧﺔ ﻣﻬﻠﺔ ..
ﻣﺆﻳﺪ : ﺍﻱ ﺑﻮﻳﺔ ﺑﺲ ﺍﻧﺔ ﺷﻨﻬﻲ ﺑﺎﻟﺴﺎﻟﻔﺔ ..
ﺍﺑﻮ ﻏﺰﻭﺍﻥ : ﺟﺎﻳﻚ ﺑﺎﻟﺤﺠﻲ .. ﻋﻤﻚ ﺍﻳﻜﻮﻝ ﺍﺫﺍ ﻣﺎ ﻭﺍﻓﻘﺖ ﻫﺎﻟﻤﺮﺓ ﺑﺮﺿﺎﻫﺔ ﺭﺍﺡ ﺍﺧﻠﻴﻬﺔ ﺗﻮﺍﻓﻖ ﻏﺼﺒﺎً ﻋﻠﻴﻬﺔ ..
ﻣﺆﻳﺪ ﻋﻘﺪ ﺣﻮﺍﺟﺒﺔ : ﻭﻟﻴﺶ ﻳﺮﻳﺪ ﻳﻐﺼﺒﻬﺔ ..
ﺍﺑﻮ ﻏﺰﻭﺍﻥ : ﻳﺎﺑﻮﻳﺔ ﻣﻮ ﺍﻳﻜﻮﻝ ﺍﺟﺎﻫﺔ ﺍﻛﺜﺮ ﻣﻦ ﻭﺍﺣﺪ ﻭﻫﻲ ﺗﺮﻓﻀﻬﻢ ﺣﺘﻰ ﺑﺪﻭﻥ ﻣﺎ ﺗﻌﺮﻑ ﻋﻨﻬﻢ ﺷﻲ .. ﻭﺍﺧﺘﻬﺔ ﺍﻻﺻﻐﺮ ﻣﻨﻬﺔ ﺑﺴﻤﺔ ﺍﻧﺨﻄﺒﺖ ﻭﺭﺍﺡ ﺗﺘﺰﻭﺝ ﻭﻫﻲ ﺑﻌﺪﻫﺔ .. ﻳﻌﻨﻲ ﻫﻲ ﻣﻮ ﺯﻏﻴﺮﺓ ﺗﻘﺮﻳﺒﺎً ﻋﻤﺮﻫﺔ ..
ﻣﺆﻳﺪ ﺑﺪﻭﻥ ﻭﻋﻲ : ٢٥ ﺳﻨﺔ ..
ﺍﺑﻮ ﻏﺰﻭﺍﻥ : ﺍﻱ ﺑﻌﺪ ﺷﻨﻲ .. ﺍﺑﻮﻫﺔ ﺍﻳﻜﻮﻝ ﺍﺫﺍ ﻣﺎ ﻭﺍﻓﻘﺖ ﻫﺴﺔ ﻋﻠﻰ ﺍﻟﻨﺎﺱ ﺍﻟﺰﻳﻨﺔ ﺍﻟﺘﺠﻴﻬﺔ ﻭﻫﻲ ﺑﻬﺬﺍ ﺍﻟﻌﻤﺮ .. ﺑﻌﺪ ﻣﻦ ﺗﻜﺒﺮ ﺍﻳﻜﻮﻣﻮﻥ ﻳﺠﻮﻧﻬﺔ ﺍﻟﻤﻄﻠﻚ ﻟﻮ ﻣﺮﺗﺔ ﻣﻴﺘﺔ ﻟﻮ ﺟﺒﻴﺮ ﺑﺎﻟﻌﻤﺮ ..
ﻣﺆﻳﺪ ﺑﺄﺳﺘﻐﺮﺍﺏ : ﻳﻌﻨﻲ ﻟﻬﺎﻟﺴﺒﺐ ﻋﻤﻲ ﻳﺮﻳﺪ ﻳﻐﺼﺒﻬﺔ ﻋﻠﻰ ﺍﻟﻲ ﺟﺎﻳﻴﻦ ﻳﺨﻄﺒﻮﻧﻬﺔ ..
ﺍﺑﻮ ﻏﺰﻭﺍﻥ : ﺍﻱ .. ﺷﻮﻑ ﺑﻮﻳﺔ ﺍﻧﺔ ﺍﺩﺭﻱ ﺑﺠﻮﺭﻱ ﺟﺎﻧﺖ ﺗﺤﺐ ﻓﺎﺭﺱ .. ﻭﺍﻟﻜﻠﺐ ﻣﻦ ﻳﻬﻮﻯ ﻭﻳﺤﺐ ﻣﻮ ﺑﺴﻬﻮﻟﺔ ﻳﻨﺴﻰ .. ﻭﺍﻧﺔ ﺟﻮﺭﻱ ﻋﻨﺪﻱ ﺍﻋﺰ ﻭﺣﺪﺓ ﺍﺑﻨﺎﺕ ﺍﺧﻮﺗﻲ ﻭﺧﻮﺍﺗﻲ ﻭﺍﻋﺘﺒﺮﻫﺔ ﺣﺎﻟﻬﺔ ﻣﻦ ﺣﺎﻝ ﻣﻬﺎ ﻭﺧﺎﺗﻮﻧﺔ .. ﻭﻫﻲ ﺍﺫﺍ ﺗﺰﻭﺟﺖ ﻣﻦ ﻭﺍﺣﺪ ﻭﻫﻲ ﻛﻠﺒﻬﺔ ﻋﺪ ﺍﺣﺪ ﺛﺎﻧﻲ ﻣﺎ ﺭﺍﺡ ﺗﺮﺗﺎﺡ ﻭﺧﺎﺻﺎ ﺍﺫﺍ ﺭﺟﻠﻬﺔ ﻋﺮﻑ ﺑﻬﺎﻟﺸﻲ ﺑﺴﺎﻋﺘﻬﺔ ﻣﻤﻜﻦ ﻳﻌﺎﻣﻠﻬﺔ ﺑﻄﺮﻳﻘﺔ ﻣﻮ ﺯﻳﻨﺔ ..
ﻣﺆﻳﺪ ﻳﻔﻜﺮ ﺑﻜﻼﻡ ﺍﺑﻮﻩ .. ﻛﻠﺔ ﺻﺤﻴﺢ .. ﺑﺲ ﻋﻤﻲ ﻣﺎ ﻳﻌﺮﻑ ﺑﺠﻮﺭﻱ ﺟﺎﻧﺖ ﺗﺤﺐ ﻓﺎﺭﺱ ..
ﻣﺆﻳﺪ ﺍﻟﺘﻔﺖ ﻋﻠﻰ ﺍﺑﻮﻩ ﻭﻛﺎﻝ : ﻭﺷﻨﻮ ﺍﻟﻲ ﺗﺄﻣﺮﻧﻲ ﺍﻧﻲ ﺑﻲ ﺑﻮﻳﺔ ..
ﺍﺑﻮ ﻏﺰﻭﺍﻥ : ﺍﻟﻲ ﺍﺭﻳﺪﺓ ﻣﻨﻚ ﺍﻧﻚ ﺗﺨﻄﺐ ﺑﺖ ﻋﻤﻚ ﺟﻮﺭﻱ ﻭﺗﺘﺰﻭﺟﻬﺔ ﺣﺘﻰ ﺗﺠﻨﺒﻬﺔ ﺍﺿﺮﺍﺭ ﺍﻟﺰﻭﺍﺝ ﻣﻦ ﻫﺎﻟﺸﺨﺺ ﺍﻟﻐﺮﻳﺐ .. ﻭﺍﻧﻲ ﺍﺧﺘﺎﺭﻳﺘﻚ ﻻﻥ ﺍﺩﺭﻱ ﺑﻴﻚ ﺗﻌﺮﻑ ﺑﺤﻘﻴﻘﺔ ﺣﺐ ﺟﻮﺭﻱ ﻟﻔﺎﺭﺱ ..
ﻣﺆﻳﺪ ﻭﻫﻮ ﻣﺼﺪﻭﻡ ﻣﻦ ﻛﻼﻡ ﺍﺑﻮﻩ : ﺑﻮﻳﺔ ﺍﻧﺖ ﻣﺘﺨﻴﻞ ﺷﺠﺎﻱ ﺗﺤﺠﻲ .. ﺷﻠﻮﻥ ﺗﺮﻳﺪﻧﻲ ﺍﺗﺰﻭﺝ ﻭﺣﺪﺓ ﺗﺤﺐ ﺍﺧﻮﻱ ..
ﺍﺑﻮ ﻏﺰﻭﺍﻥ : ﻣﺆﻳﺪ ﺍﻧﺖ ﺗﺪﺭﻱ ﺑﺄﺧﻮﻙ ﻣﺘﻮﻓﻲ ﻳﻌﻨﻲ ﻟﻴﺶ ﻣﺼﻌﺐ ﺍﻻﻣﻮﺭ ..
ﻣﺆﻳﺪ : ﺑﻮﻳﺔ ﻣﺎﻛﺪﺭ ﺍﺗﺨﻴﻞ ﺍﺑﺎﻭﻉ ﺑﻮﺟﻬﺔ ﻭﺍﻧﻲ ﺍﺩﺭﻱ ﺑﻜﻠﺒﻬﺔ ﻳﺤﺐ ﺍﺧﻮﻱ .. ﺍﻋﺬﺭﻧﻲ ﺑﻮﻳﺔ ﺑﺲ ﻛﺮﺍﻣﺘﻲ ﻣﺎ ﺗﺴﻤﺤﻠﻲ ﺍﺭﺧﺺ ﻧﻔﺴﻲ ﻫﻴﺞ ..
ﺍﺑﻮ ﻏﺰﻭﺍﻥ : ﺟﺎ ﺧﻮﺵ .. ﻭﺍﻧﺖ ﺍﻟﺪﻛﻴﺖ ﺻﺪﺭﻙ ﻭﻛﻠﺖ ﻋﺪ ﻋﻴﻨﺎﻙ ﺑﻮﻳﺔ .. ﺷﺒﺴﺮﻋﺔ ﺑﺪﻟﺖ ﺣﺠﺎﻳﺘﻚ ..
ﻣﺆﻳﺪ : ﺑﺲ ﻳﺎﺑﻮﻳﺔ ﻭﺍﻟﻠﻪ ﻫﺎﻟﺴﺎﻟﻔﺔ ﻣﺎﻛﺪﺭﻟﻬﺔ .. ﺍﻧﻲ ﻣﺎﻛﺪﺭ ﺍﺧﺬ ﻭﺣﺪﺓ ﺗﺤﺐ ﺍﺧﻮﻱ .. ﻧﻔﺴﻲ ﻣﺎ ﺗﻄﻴﻨﻲ ..
ﺍﺑﻮ ﻏﺰﻭﺍﻥ : ﺍﻧﺖ ﻓﻜﺮ ﺑﺎﻟﻤﻮﺿﻮﻉ ﻣﻦ ﻧﺎﺣﻴﺔ ﺍﻧﺖ ﺭﺍﺡ ﺗﻨﻘﺬ ﺑﺖ ﻋﻤﻚ ﻭﺑﺲ ..
ﻣﺆﻳﺪ ﻭﻫﻮ ﻳﻔﺮﻙ ﻭﺟﻬﺔ ﺑﻌﺼﺒﻴﺔ : ﺑﺲ ﺑﻮﻳﺔ ..
ﺍﺑﻮ ﻏﺰﻭﺍﻥ ﻳﻨﻬﻲ ﺍﻟﻨﻘﺎﺵ : ﻻ ﺑﺲ ﻭﻻ ﺷﻲ .. ﻓﻜﺮ ﺑﺎﻟﻤﻮﺿﻮﻉ ﺯﻳﻦ ﻭﺑﺎﺟﺮ ﺭﺟﻌﻠﻲ ﺧﺒﺮ .. ﻭﺍﺗﻤﻨﻰ ﺟﻮﺍﺑﻚ ﻳﺮﻳﺢ ﻛﻠﺒﻲ ..
ﻣﺆﻳﺪ ﻭﻛﻒ : ﻣﻦ ﺭﺧﺼﺘﻚ ﺑﻮﻳﺔ ..
ﺍﺑﻮ ﻏﺰﻭﺍﻥ ﻫﺰ ﺭﺍﺳﺔ ﻭﻣﺆﻳﺪ ﻃﻠﻊ ﻣﻌﺼﺐ
ﻃﻠﻊ ﻣﺆﻳﺪ ﻭﺷﺎﻑ ﺍﻟﺒﻨﺎﺕ ﻛﺎﻋﺪﺍﺕ ﻳﺴﻮﻟﻔﻦ ..
ﺑﺎﻭﻉ ﻟﺠﻮﺭﻱ ﺑﺘﻨﻬﺪ ﻭﺑﻌﺪﻳﻦ ﻧﺰﻝ ﺭﺍﺳﺔ ﻭﻃﻠﻊ ..
ﺻﻌﺪ ﺳﻴﺎﺭﺗﺔ ﻭﻣﺸﻰ ﻭﻫﻮ ﻣﺎ ﻳﺪﺭﻱ ﻭﻳﻦ ﻳﺮﻭﺡ ..
ﻳﺴﻮﻕ ﻭﻋﻴﻨﺔ ﻟﻠﻄﺮﻳﻖ ﻭﻫﻮ ﺗﻔﻜﻴﺮﺓ ﺑﻜﻼﻡ ﺍﺑﻮﻩ .. ﺷﻠﻮﻥ ﻣﻤﻜﻦ ﺍﺗﺰﻭﺝ ﻭﺣﺪﺓ ﺗﺤﺐ ﺍﺧﻮﻱ .. ﺷﻠﻮﻥ ﺭﺍﺡ ﺍﻋﻴﺶ ﻭﻳﺎﻫﺔ ﻭﻛﻠﺒﻬﺔ ﻣﻮ ﻳﻤﻲ .. ﺷﻠﻮﻥ ﺭﺍﺡ ﺍﻛﺪﺭ ﺍﺑﺎﻭﻉ ﺑﻌﻴﻮﻧﻬﺔ ﺑﺤﺐ ﻭﻋﻴﻮﻧﻬﺔ ﻣﺎﺗﺒﺎﺩﻟﻨﻲ ﻫﺎﻟﺸﻲ ..
ﺍﻧﻲ ﺍﻋﺮﻑ ﺯﻳﻦ ﺍﻥ ﺍﺫﺍ ﺣﺒﻴﺖ ﻣﺴﺘﺤﻴﻞ ﺗﻜﺪﺭ ﺗﻨﺴﻰ ﺍﻟﻲ ﺗﺤﺒﺔ ﺍﻋﺮﻑ ﻫﺎﻟﺸﻲ ﻭﻣﺠﺮﺑﺔ .. ﻭﺍﻋﺮﻑ ﺯﻳﻦ ﻫﻲ ﻣﺴﺘﺤﻴﻞ ﺗﺤﺒﻨﻲ ﻣﺜﻞ ﻣﺎ ﺗﺤﺐ ﻓﺎﺭﺱ .. ﺟﻨﺖ ﺍﺷﻮﻑ ﻫﺎﻟﺤﺐ ﺑﻌﻴﻮﻧﻬﺔ ﺑﺲ ﺍﻛﻮﻝ ﻳﻤﻜﻦ ﻳﺘﻬﻴﺄﻟﻲ .. ﺑﺲ ﻣﻦ ﺳﻤﻌﺘﻬﺔ ﻛﺎﻟﺖ ﻫﺎﻟﺸﻲ ﻟﻔﺎﺭﺱ ﺑﻨﻔﺴﻬﺔ ﻭﺍﻋﺘﺮﻓﺘﻠﺔ ﺑﻮﻗﺘﻬﺔ ﺗﺄﻛﺪﺕ ﻭﺩﻋﻴﺖ ﺭﺑﻲ ﺍﻥ ﻳﺸﻴﻞ ﺣﺒﻬﺔ ﻣﻦ ﻛﻠﺒﻲ ﺑﺲ ﻣﺎﻛﺪﺭﺕ .. ﺟﻨﺖ ﺍﻭﻫﻢ ﻧﻔﺴﻲ ﺍﻥ ﻧﺴﻴﺘﻬﺔ ﻭﻣﺎ ﺍﻓﻜﺮ ﺑﻴﻬﺔ ﻭﻣﻦ ﺍﺷﻮﻓﻬﺔ ﻓﺠﺄﺓ ﻛﻠﺸﻲ ﻳﺘﺒﺨﺮ ﻭﺗﺮﺟﻊ ﺟﺮﻭﺣﻲ ﺗﺘﻔﺘﺢ ﻣﻦ ﺍﻭﻝ ﻭﺟﺪﻳﺪ ..
ﺻﺢ ﻫﻮ ﻣﺎ ﻳﻜﺪﺭ ﻳﺘﺰﻭﺟﻬﺔ ﻭﻫﻲ ﺗﺤﺐ ﺍﺧﻮﻩ .. ﺑﺲ ﺑﻨﻔﺲ ﺍﻟﻮﻗﺖ ﻣﺎ ﻳﻜﺪﺭ ﻳﺸﻮﻓﻬﺔ ﺗﺘﻌﺬﺏ ﻭﻳﺔ ﺷﺨﺺ ﺛﺎﻧﻲ ﺑﻤﺠﺮﺩ ﻣﺎ ﻳﻌﺮﻑ ﺑﻴﻬﺔ ﺟﺎﻧﺖ ﺗﺤﺐ ﺍﺣﺪ ﺛﺎﻧﻲ ..
ﻭﻛﻒ ﺳﻴﺎﺭﺗﺔ ﻋﻠﻰ ﺻﻔﺤﺔ ﻭﺗﻨﻬﺪ ﻭﻫﻮ ﻳﺤﻂ ﺭﺍﺳﺔ ﻋﺎﻟﺴﺘﻴﺮﻥ ‏( ﺍﻟﻤﻘﻮﺩ ‏) .. ﺭﺑﻲ ﺳﺎﻋﺪﻧﻲ ﻣﺎﻟﻲ ﻏﻴﺮﻙ .. ﺩﻟﻴﻨﻲ ﻋﺎﻟﻄﺮﻳﻖ ﺍﻟﺼﺢ ﻭﺳﺎﻋﺪﻧﻲ ﺍﺧﺘﺎﺭ ﺍﻟﺨﻴﺎﺭ ﺍﻟﻤﻨﺎﺳﺐ ..
££££££££££££££
ﻣﺠﻤﻊ ﺭﺍﺋﺪ ...
ﻛﺎﻋﺪ ﻋﺎﻟﻤﻜﺘﺐ ﻭﻫﻮ ﻳﻔﻜﺮ ﺑﻤﻴﺎﻣﻴﻦ ﻭﺷﺠﺎﻱ ﺗﺴﻮﻱ ﻫﺴﺔ .. ﺍﺑﺘﺴﻢ ﻭﻫﻮ ﻳﻤﺮ ﻃﻴﻔﻬﺔ ﺍﺑﺎﻟﺔ .. ﺣﺲ ﺍﻥ ﻣﺸﺘﺎﻗﻠﻬﺔ ﻭﻣﺸﺘﺎﻕ ﻟﺸﻮﻓﺘﻬﺔ ..
ﺍﺧﺘﻔﺖ ﺍﺑﺘﺴﺎﻣﺘﺔ ﻭﻫﻮ ﻳﻜﻮﻝ : ﺍﻧﺴﺎﻫﺔ ﺭﺍﺋﺪ .. ﺧﻠﺺ ﻫﻲ ﺭﺍﺡ ﺗﺘﺰﻭﺝ .. ﻣﻮ ﻣﻦ ﺷﻴﻤﻚ ﺗﺒﺎﻭﻉ ﻋﻠﻰ ﺣﻼﻝ ﻏﻴﺮﻙ ..
ﺗﻨﻬﺪ ﻣﻦ ﻛﻠﺒﺔ ﻭﻫﻮ ﻳﻔﺮﻙ ﺑﻮﺟﻬﺔ ..
ﺩﻕ ﺗﻠﻴﻔﻮﻧﺔ ﺭﻓﻌﺔ ﻭﺍﺑﺘﺴﻢ ﻭﻫﻮ ﻳﺸﻮﻑ ﺍﻻﺳﻢ ..
ﺭﺩ ﺑﺄﺑﺘﺴﺎﻣﺔ : ﺍﻣﻮﻭﻧﻲ ..
ﻣﻴﺎﻣﻴﻦ : ﺭﺍﺋﺪ ﺣﺒﻴﺒﻲ ﺷﻠﻮﻧﻚ ..
ﺭﺍﺋﺪ : ﺍﻟﺤﻤﺪﺍﻟﻠﻪ ﻣﺎ ﻧﺎﻗﺼﻨﻲ ﺑﺲ ﺷﻮﻓﺘﺞ ..
ﻣﻴﺎﻣﻴﻦ : ﻣﻮ ﺍﻟﺒﺎﺭﺣﺔ ﺷﻔﺘﻨﻲ .. ﺷﻨﻮ ﺷﻮﻛﺖ ﻟﺤﻜﺖ ﺗﺸﺘﺎﻗﻠﻲ ..
ﺭﺍﺋﺪ : ﺷﺴﻮﻱ ﺍﺷﺘﺎﻗﻴﺘﻠﺞ ﺑﻌﺪ ..
ﻣﻴﺎﻣﻴﻦ ﻭﻫﻲ ﺗﺮﻳﺪ ﺗﻮﺻﻞ ﻟﻠﻤﻮﺿﻮﻉ ﺍﻟﺮﺋﻴﺴﻲ : ﺍﺫﺍ ﺗﺮﻳﺪ ﺗﺸﻮﻓﻨﻲ .. ﺗﺰﻭﺝ ﺣﺘﻰ ﺍﺟﻲ ﺍﺣﻀﺮ ﻋﺮﺳﻚ .. ﻭﻫﻢ ﺍﻧﻲ ﺿﺎﻳﺠﺔ ﻭﺍﺭﻳﺪ ﺍﺭﻛﺺ ..
ﺭﺍﺋﺪ ﺭﺍﺣﺖ ﺍﺑﺘﺴﺎﻣﺘﺔ ﻭﺗﻨﻬﺪ : ﺍﻟﻠﻪ ﻛﺮﻳﻢ ﻋﻮﻓﺞ ﻣﻨﻲ ﻫﺴﺔ ﻣﻮ ﻣﺎﻝ ﺯﻭﺍﺝ .. ﻣﻮ ﺭﺍﺡ ﻳﺼﻴﺮ ﻋﺪﻛﻢ ﻋﺮﺱ ﻭﺍﺭﻛﺼﻲ ﺑﻲ ..
ﻣﻴﺎﻣﻴﻦ : ﻋﺮﺱ ﻣﻨﻮ ..
ﺭﺍﺋﺪ ﺑﺄﻟﻢ : ﻻ ﺗﺴﺘﻐﺒﻴﻦ ﻣﻮ ﺣﻤﺎﺗﺞ ﺧﺎﺗﻮﻥ ﺭﺍﺡ ﺗﺘﺰﻭﺝ ..
ﻣﻴﺎﻣﻴﻦ ﺑﺴﺮﻋﺔ : ﻻ ﺟﺬﺏ ﻣﺎ ﺗﺘﺰﻭﺝ ..
ﺭﺍﺋﺪ ﻛﺎﻡ ﻋﻠﻰ ﺣﻴﻠﺔ : ﺷﻠﻮﻥ ﻳﻌﻨﻲ ﻣﺎ ﺗﺘﺰﻭﺝ .. ﻣﻮ ﻫﺬﺍﻙ ﺍﻟﻴﻮﻡ ﺩﺯﻭﻟﺞ ﺍﻥ ﺭﺍﺡ ﺗﺘﺰﻭﺝ ..
ﻣﻴﺎﻣﻴﻦ ﺍﺑﺘﺴﻤﺖ ﻋﻠﻰ ﺻﻮﺗﺔ ﻛﻠﺔ ﻟﻬﻔﺔ : ﻻ ﻫﺬﺍ ﺟﺎﻥ ﻣﻘﻠﺐ ﻣﻦ ﺍﻟﺒﻨﺎﺕ .. ﻳﻌﻨﻲ ﺗﻌﺮﻑ ﻣﻘﺎﻟﺐ ﺍﻟﺒﻨﺎﺕ ﻭﻛﻞ ﻭﺣﺪﺓ ﺍﺗﻜﻮﻝ ﺍﻧﺨﻄﺒﺖ ﻭﺭﺍﺡ ﺍﺗﺰﻭﺝ ﻭﻣﻦ ﻫﺎﻟﺤﺠﻲ ...
ﻏﺰﻭﺍﻥ ﺑﻔﺮﺣﺔ : ﻳﻌﻨﻲ ﺧﺎﺗﻮﻥ ﻣﺎ ﺭﺍﺡ ﺗﺘﺰﻭﺝ ﺍﺑﻦ ﻋﻤﻬﺔ ﻣﻮ ..
ﻣﻴﺎﻣﻴﻦ ﺑﺨﺒﺚ : ﻻ ﻣﺘﺘﺰﻭﺟﺔ ... ﺑﺲ ﺷﺒﻴﻚ ﻫﺎﻟﻜﺪ ﻓﺮﺣﺎﻥ ..
ﺭﺍﺋﺪ ﻭﻫﻮ ﻳﺤﻚ ﺭﺍﺳﺔ : ﻫﺎ .. ﻫﻴﺞ ﻣﺎﻛﻮ ﺷﻲ ..
ﻣﻴﺎﻣﻴﻦ ﺑﺄﺑﺘﺴﺎﻣﺔ ﺧﺒﻴﺜﺔ : ﺍﻣﻤﻤﻢ .. ﻫﺴﺔ ﺗﻌﺎﻝ ﺻﺪﻙ ﻟﻴﺶ ﻣﺘﺮﻳﺪ ﺗﺘﺰﻭﺝ ﺍﻧﺘﺔ ..
ﺭﺍﺋﺪ ﺑﺄﺑﺘﺴﺎﻣﺔ : ﻭﻟﻴﺶ ﻻ .. ﻋﺎﺩﻱ ﻣﺎﻋﻨﺪﻱ ﻣﺎﻧﻊ ..
ﻣﻴﺎﻣﻴﻦ : ﺍﺷﻮﻑ ﺗﻐﻴﺮ ﻛﻼﻣﻚ ﻣﻦ ﺑﻌﺪ ﻣﺎ ﻛﺘﻠﻚ ﻋﻠﻰ ﺧﺎﺗﻮﻥ ..
ﺭﺍﺋﺪ : ﺍﻛﻮﻝ ﺍﻧﺘﻲ ﻣﻌﻠﻴﺞ .. ﻳﻠﺔ ﻭﻟﻲ ﻋﻨﺪﻱ ﺷﻐﻞ ﻣﻬﻢ ﻫﺴﺔ ..
ﺳﺪ ﺍﻟﺘﻠﻴﻔﻮﻥ ﺑﻮﺟﻬﺔ ..
ﻣﻴﺎﻣﻴﻦ ﻟﻠﺘﻠﻴﻔﻮﻥ : ﺷﻮﻑ ﺍﻟﺨﺎﻳﻦ .. ﺑﺲ ﺍﺧﺬ ﺍﺧﺒﺎﺭﻫﺔ ﺳﺪ ﺍﻟﺘﻠﻴﻔﻮﻥ ﺑﻮﺟﻬﻲ .. ﻳﺼﻴﺮ ﺧﻴﺮ .. ﻫﺴﺔ ﻳﺮﺟﻌﻚ ﺍﻟﻮﻛﺖ ﻋﻠﻴﺔ
££££££
ﺭﺍﺋﺪ ﻣﻦ ﺳﻤﻊ ﺍﻥ ﺧﺎﺗﻮﻥ ﻣﺎ ﺭﺍﺡ ﺗﺘﺰﻭﺝ ﺣﺲ ﺍﻥ ﺍﻟﺮﻭﺡ ﺭﺟﻌﺘﻠﺔ .. ﻫﻮ ﺣﺲ ﺍﻥ ﺿﻴﻌﻬﺔ ﻣﻦ ﺍﻳﺪﺓ ﻣﺮﺓ .. ﻣﺴﺘﺤﻴﻞ ﻳﻀﻴﻌﻬﺔ ﻣﺮﺓ ﺛﺎﻧﻴﺔ .. ﻻﺯﻡ ﻳﺘﺼﺮﻑ ﺑﺄﺳﺮﻉ ﻭﻗﺖ ﻣﻤﻜﻦ ..
ﺭﻛﺐ ﺳﻴﺎﺭﺗﺔ ﻭﺗﻮﺟﻪ ﻟﺒﻴﺘﻬﻢ ..
ﺷﺎﻑ ﺍﻣﺔ ﺑﺎﻟﻤﻄﺒﺦ ﻭﺧﺎﻟﺪ ﻛﺎﻋﺪ ﻳﻤﻬﺔ ﻋﺎﻟﻜﺮﺳﻲ ﻣﺎﻝ ﺍﻟﻄﺎﻭﻟﺔ ..
ﺭﺍﺋﺪ ﺗﺄﻓﻒ : ﻳﺎﺧﻲ ﺍﻣﻨﻴﺘﻲ ﺍﺩﺧﻞ ﻟﺒﻴﺘﻨﺔ ﻣﺎ ﺍﻟﻜﺎﻙ ﻣﻮﺟﻮﺩ ..
ﺧﺎﻟﺪ ﺑﺪﻭﻥ ﺍﻫﺘﻤﺎﻡ : ﺑﻜﻴﻔﻲ .. ﻛﺎﻋﺪ ﻋﻠﻰ ﻛﻠﺒﻚ ..
ﺣﺴﺎﻥ ﺩﺧﻞ ﻭﻫﻮ ﻳﻄﻚ ﺍﺻﺒﻊ ﻭﻳﻐﻨﻲ : ﻭﺷﻌﻨﺪﻙ ﻭﺷﻌﻨﺪﻙ ... ﻭﺷﻌﻨﺪﻙ ﻛﺎﻋﺪ ﺑﻜﻠﺒﻲ ﻣﺎﻋﺪﻛﻢ ﺑﻴﺖ ..
ﺿﺤﻜﻮ ﺣﺴﺎﻥ ﻭﺭﺍﺋﺪ .. ﻭﻫﺎﻟﺪﻣﻨﻄﻴﻬﻢ ﺍﻻﺫﻥ ﺍﻟﻄﺮﺷﺔ ﻭﻣﺎ ﻣﻬﺘﻤﻠﻬﻢ ..
ﺍﻡ ﺭﺍﺋﺪ : ﺻﺪﻙ ﻳﻤﺔ ﺷﻮ ﺟﺎﻱ ﻣﻦ ﻭﻛﺖ ﺍﻟﻴﻮﻡ ..
ﺭﺍﺋﺪ ﻛﻌﺪ ﻋﺎﻟﻜﺮﺳﻲ ﺑﺼﻒ ﺧﺎﻟﺪ : ﺟﺎﻳﺞ ﺑﺸﻐﻠﺔ ﻣﻬﻤﺔ ﻳﻤﺔ ..
ﺧﺎﻟﺪ ﺍﻟﺘﻔﺖ ﻋﻠﻲ ﺑﻔﻀﻮﻝ : ﺷﻨﻮ ﻫﻲ ﺍﻟﺸﻐﻠﺔ ..
ﺭﺍﺋﺪ ﻳﻘﻠﺪ ﻛﻌﺪﺓ ﺧﺎﻟﺪ ﺑﻌﺪﻡ ﺍﻫﺘﻤﺎﻡ : ﻣﻌﻠﻴﻚ ..
ﺧﺎﻟﺪ ﺿﺮﺑﺔ ﺑﻌﻜﺴﺔ : ﺩﺣﺠﻲ ﻻ ﺗﺼﻴﺮ ﺧﺒﻴﺚ ..
ﺭﺍﺋﺪ : ﻳﺎﺧﻲ ﺷﻌﻠﻴﻚ ﺍﻧﺘﺔ ﺷﻜﺪ ﺣﺸﺮﻱ ..
ﺍﻡ ﺭﺍﺋﺪ ﻭﻫﻲ ﺗﻐﺴﻞ ﺍﻳﺪﻫﺔ ﻭﺗﻜﻌﺪ ﻋﺎﻟﻜﺮﺳﻲ ﻛﺒﺎﻝ ﺭﺍﺋﺪ ﻭﺧﺎﻟﺪ .. : ﻛﻮﻝ ﻳﻤﺔ .. ﺧﻴﺮﻙ ..
ﺭﺍﺋﺪ ﻳﺤﻚ ﺷﻌﺮﺓ ﻭﻫﻮ ﻣﻴﺪﺭﻱ ﺷﻠﻮﻥ ﻳﺒﺘﺪﻱ ﺑﺎﻟﻤﻮﺿﻮﻉ .. : ﻳﻤﺔ .. ﻣﺎﺩﺭﻱ ﺷﻠﻮﻥ ﺍﺣﺠﻲ ..
ﺧﺎﻟﺪ ﺑﺒﺮﻭﺩ : ﺷﺒﻴﻚ .. ﺗﺮﻳﺪ ﺗﺘﺰﻭﺝ ﻣﺜﻼ ﻭﺍﺣﻨﺔ ﻣﺎﻧﺪﺭﻱ ..
ﺭﺍﺋﺪ ﺍﻟﺘﻔﺖ ﻋﻠﻲ ﺑﺴﺮﻋﺔ : ﺷﻤﺪﺭﻳﻚ ..
ﺧﺎﻟﺪ ﻓﺘﺢ ﻋﻴﻮﻧﺔ ﻭﺍﻟﺘﻔﺖ ﻋﻠﻰ ﺭﺍﺋﺪ : ﺻﺪﺩﻙ ﺗﺤﺠﻲ ..
ﺍﻡ ﺭﺍﺋﺪ : ﺭﺍﺋﺪ .. ﺻﺪﻙ ﻳﻤﺔ ﺗﺮﻳﺪ ﺗﺘﺰﻭﺝ .. ﻫﻴﺞ ﻭﺗﻔﺮﺡ ﻛﻠﺒﻲ ﺻﺪﻙ ..
ﺭﺍﺋﺪ ﺑﺄﺑﺘﺴﺎﻣﺔ : ﺍﻱ ﻳﻤﺔ ﺻﺪﻙ .. ﻭﻫﺎﻟﻤﺮﺓ ﺍﺳﺘﻌﺠﻠﻲ ..
ﺍﻡ ﺭﺍﺋﺪ ﺑﻔﺮﺣﺔ : ﻳﺎ ﻳﻤﺔ ﺍﻧﺔ ﻣﺎ ﺻﺪﻛﺖ ﺗﺠﻲ ﺗﻜﻠﻲ ﺍﺭﻳﺪ ﺍﺗﺰﻭﺝ .. ﻛﻠﻲ ﺍﻛﻮ ﻭﺣﺪﺓ ﺍﺑﺎﻟﻚ ﻟﻮ ﺍﺩﻭﺭﻟﻚ ..
ﺭﺍﺋﺪ ﺑﺴﺮﻋﺔ : ﻻ ﻳﻤﺔ ﻣﻮﺟﻮﺩﺓ ﻣﺎ ﻳﺤﺘﺎﺝ ﺗﺪﻭﺭﻳﻦ ..
ﺧﺎﻟﺪ ﻟﺰﻣﺔ ﻣﻦ ﺍﻳﺪﺓ : ﻣﻨﻬﻲ ﻫﺎﻱ .. ﻳﻤﺘﺔ ﻟﺤﻜﺖ ﺗﺤﺐ ﻭﻟﻚ ..
ﺭﺍﺋﺪ ﻧﻔﺾ ﺍﻳﺪﺓ ﻣﻦ ﺧﺎﻟﺪ ﻭﺑﺎﻭﻉ ﻻﻣﺔ : ﺍﻱ ﻳﻤﺔ ﻧﺮﺟﻊ ﻟﻤﻮﺿﻮﻋﻨﺔ ..
ﺍﻡ ﺭﺍﺋﺪ : ﻛﻮﻝ ﻳﻤﺔ ﻣﻨﻬﻲ ﻫﺎﻱ ﺍﻟﺘﺮﻳﺪﻫﺔ ..
ﺭﺍﺋﺪ ﺍﺑﺘﺴﻢ : ﺍﺣﻢ .. ﺍﺧﺖ ﻏﺰﻭﺍﻥ .. ﻳﻌﻨﻲ ﺣﻤﺎﺓ ﻣﻴﺎﻣﻴﻦ ..
ﺧﺎﻟﺪ ﻓﺘﺢ ﻋﻴﻮﻧﺔ ﺑﺼﺪﻣﺔ ﻭﺍﺧﺘﻔﺖ ﺍﺑﺘﺴﺎﻣﺘﺔ ...
ﺍﻡ ﺭﺍﺋﺪ : ﻳﺎ ﻳﻤﺔ ﺯﻳﻦ ﻣﺎ ﺍﺧﺘﺎﺭﻳﺖ ﻭﺍﻟﻨﻌﻢ ﻣﻨﻬﻦ ... ﺑﺲ ﻳﺎﻫﻲ ﺑﻴﻬﻦ ﻻﻥ ﻫﻨﺔ ﺍﺛﻨﻴﻦ ..
ﺭﺍﺋﺪ : ﺍﻟﺠﺒﻴﺮﺓ .. ﺧﺎﺗﻮﻥ ..
ﺧﺎﻟﺪ ﺭﺟﻌﺖ ﺍﺑﺘﺴﺎﻣﺘﺔ ﻣﺮﺓ ﺛﺎﻧﻴﺔ .. ﺣﻀﻦ ﺭﺍﺋﺪ ﻭﻫﻮ ﻳﻀﺤﻚ : ﻛﻮﻝ ﻭﺍﻟﻠﻪ .. ﻳﺎﺍﺍﺧﻲ ﺍﻧﻲ ﻟﻴﺶ ﺍﺣﺒﻚ ..
ﺭﺍﺋﺪ ﻓﺘﺢ ﻋﻴﻮﻧﺔ : ﺧﻴﻴﻴﺮ ﺍﻧﺸﺎﻟﻠﻪ ... ﺷﺒﻴﻚ ﻓﺮﺣﺖ ﻣﻦ ﻛﻠﺖ ﺧﺎﺗﻮﻥ .. ﺷﻌﻠﻴﻚ ﺍﻧﺖ ..
ﺧﺎﻟﺪ ﺑﻜﻞ ﺻﺮﺍﺣﺔ : ﻻﻥ ﺍﻧﻲ ﺍﺭﻳﺪ ﺍﻟﺰﻏﻴﺮﺓ ﺍﺳﻤﻬﺔ ﻣﻬﺎ ...
ﺍﻡ ﺭﺍﺋﺪ : ﺍﻭﻛﻒ ﺍﻭﻛﻒ .. ﺍﻧﺖ ﻣﻨﻴﻦ ﺗﻌﺮﻑ ﻣﻬﺎ ..
ﺧﺎﻟﺪ ﻳﺤﻚ ﺭﺍﺳﺔ ﺑﺘﻔﻜﻴﺮ : ﺷﻔﺘﻬﺔ ﻣﻦ ﺍﺟﻮ ﺍﻟﺒﺎﺭﺣﺔ ..
ﺭﺍﺋﺪ ﻓﺘﺢ ﻋﻴﻮﻧﺔ : ﻭﻳﻦ ﺷﻔﺘﻬﺔ ﻭﻟﻚ ...
ﺧﺎﻟﺪ : ﺻﻌﺪ ﺳﻴﺎﺭﺗﻲ ﺑﺎﻟﻐﻠﻂ ﻭﻋﺒﺎﻟﻬﺔ ﺳﻴﺎﺭﺓ ﺍﺧﻮﻫﺔ ﻣﺆﻳﺪ ...
ﺭﺍﺋﺪ ﺑﺮﻓﻌﺔ ﺣﺎﺟﺐ : ﻭﺷﻤﺪﺭﻳﻚ ﻫﻲ ﻫﺎﻱ ﻣﻬﺎ ..
ﺧﺎﻟﺪ ﺑﻜﺬﺏ : ﻣﻦ ﺧﺎﺑﺮﺕ ﻣﺆﻳﺪ ﻛﺘﻠﺔ ﻭﺣﺪﺓ ﻣﻦ ﺍﻫﻠﻜﻢ ﺻﻌﺪﺕ ﺳﻴﺎﺭﺗﻲ ﺑﺎﻟﻐﻠﻂ ﻭﻋﺒﺎﻟﻬﺔ ﺳﻴﺎﺭﺗﻚ ﻭﻫﻮ ﻛﺎﻝ ﻳﺎﺍ ﻫﺎﻱ ﻣﻬﺎ ..
ﺭﺍﺋﺪ ﺑﻌﺪﻡ ﺗﺼﺪﻳﻖ : ﺍﻫﺎﺍﺍﺍﺍ ...
ﺍﻡ ﺭﺍﺋﺪ : ﻫﺴﺔ ﺧﻠﻮﻧﻲ ﺍﻓﺘﻬﻢ .. ﺭﺍﺋﺪ ﺍﻧﺖ ﺗﺮﻳﺪ ﺧﺎﺗﻮﻥ ﻣﻮ ..
ﺭﺍﺋﺪ ﻫﺰ ﺭﺍﺳﺔ : ﺍﻱ ﻳﻤﺔ ﺍﺭﻳﺪﻫﺔ ﻭﻣﺎﺭﻳﺪ ﻏﻴﺮﻫﺔ ..
ﺍﻟﺘﻔﺘﺖ ﻋﻠﻰ ﺧﺎﻟﺪ ﻭﻛﺎﻟﺖ : ﻭﺍﻧﺖ ﺻﺪﻙ ﺗﺮﻳﺪ ﻣﻬﺎ ﻟﻮ ﺗﺠﺬﺏ ﻋﻠﻴﺔ ..
ﺧﺎﻟﺪ : ﻻ ﻳﻤﺔ ﻣﺎ ﺍﺟﺬﺏ ﻋﻠﻴﺞ .. ﺍﻧﻲ ﻣﻦ ﺷﻔﺘﻬﺔ ﺩﺧﻠﺖ ﺍﺑﺎﻟﻲ ﻭﻋﺠﺒﺘﻨﻲ ﻭﺍﺭﻳﺪﻫﺔ ...
ﺍﻡ ﺭﺍﺋﺪ : ﻋﻠﻰ ﺧﻴﺮ ﺍﻧﺸﺎﻟﻠﻪ .. ﺑﺲ ﺍﻭﻝ ﺷﻲ ﺍﺧﺎﺑﺮ ﺍﻣﻚ ﻭﺍﻛﻠﻠﻬﺔ ﺣﺘﻰ ﻫﻲ ﺗﻜﻞ ﻻﺑﻮﻙ .. ﻭﺍﻧﺖ ﺭﺍﺋﺪ ﺧﺎﺑﺮ ﺍﺑﻮ ﻏﺰﻭﺍﻥ ﻭﺍﻃﻠﺐ ﺍﻟﺒﻨﻴﺔ ﻣﻨﺔ ... ﻭﺍﺫﺍ ﺍﻃﺎﻙ ﺍﻟﻤﻮﺍﻓﻘﺔ ﺣﺘﻰ ﺍﻧﻲ ﺍﺧﺎﺑﺮ ﺍﻡ ﻏﺰﻭﺍﻥ ..
ﺭﺍﺋﺪ ﺑﻔﺮﺣﺔ : ﺍﻧﺸﺎﻟﻠﻪ ﻳﻤﺔ ..
ﺍﻡ ﺭﺍﺋﺪ : ﺍﻟﻠﻪ ﻳﻮﻓﻘﻜﻢ ﺍﻧﺸﺎﻟﻠﻪ ﻭﻳﻜﺘﺐ ﺍﻟﻲ ﺑﻲ ﺍﻟﺨﻴﺮ
(((((((((((((((((((
ﻣﺆﻳﺪ ﻣﻦ ﺑﻌﺪ ﺍﻟﺘﻔﻜﻴﺮ ﻭﻫﻮ ﻣﺎ ﺗﻮﺻﻞ ﻻﻱ ﺣﻞ ..
ﺗﻮﺟﻪ ﻟﺒﻴﺖ ﺣﻤﺰﺓ ... ﺩﺧﻞ ﻛﻌﺪ ﺑﺎﻟﺼﺎﻟﺔ ﻣﺎﻟﺘﻬﻢ ..
ﺣﻤﺰﺓ : ﻣﺆﻳﺪ ﺷﺒﻴﻚ .. ﺷﻮ ﻣﻦ ﻃﻠﻌﺖ ﻭﺭﺓ ﻋﻤﻲ ﺍﻟﻴﻮﻡ ﻭﺍﻧﺖ ﺑﻌﺪ ﻣﺎ ﺑﻴﻨﺖ .. ﺧﻴﺮ ﺷﻜﺎﻟﻚ ﻋﻤﻲ ...
ﻣﺆﻳﺪ ﺣﺠﺎﻟﺔ ﺍﻟﻲ ﺻﺎﺭ ﻣﻦ ﺍﻟﺒﺪﺍﻳﺔ ...
ﺣﻤﺰﺓ ﺑﺤﻴﺮﺓ : ﻭﺍﻟﻠﻪ ﻣﺎﺩﺭﻱ ﺷﺄﻛﻠﻚ ..
ﻣﺆﻳﺪ : ﺍﻃﻴﻨﻲ ﺣﻞ ﺷﺄﻛﻮﻝ ﻻﺑﻮﻱ ...
ﺣﻤﺰﺓ : ﻭﺍﻟﻠﻪ ﺍﻧﺖ ﻭﺍﺧﻮﻙ ﻣﺴﻮﻳﻨﻲ ﻣﺼﻠﺢ ﺍﺟﺘﻤﺎﻋﻲ ﺍﺣﻞ ﻣﺸﺎﻛﻠﻜﻢ ﻣﺎﻝ ﺍﻟﺤﺐ .. ﺍﺣﺪ ﺿﺤﻚ ﻋﻠﻴﻜﻢ ﻭﻛﺎﻝ ﺍﻧﻲ ﻃﺒﻴﺐ ﻧﻔﺴﻲ ﻟﻮ ﻃﺒﻴﺐ ﻣﺠﺎﻧﻴﻦ ..
ﻣﺆﻳﺪ ﻭﻫﻮ ﻳﻜﻮﻡ : ﻭﺍﻟﻠﻪ ﺍﻧﺖ ﻣﻮ ﺻﻮﺟﻚ .. ﺻﻮﺟﻲ ﺍﻧﻲ ﺍﺟﻴﺘﻚ ...
ﺣﻤﺰﺓ ﺳﺤﺒﺔ ﺑﺴﺮﻋﺔ ﻭﻛﻌﺪﺓ : ﺍﻛﻌﺪ ﺍﺷﺎﻗﺔ ﻭﻳﺎﻙ ﻭﺍﻟﻠﻪ ...
ﻣﺆﻳﺪ ﻛﻌﺪ ﻭﻫﻮ ﺑﻌﺰ ﺿﻮﺟﺘﺔ ...
ﺣﻤﺰﺓ : ﺷﻮﻑ ﺑﻤﺎ ﺍﻧﻚ ﺍﺗﻜﻮﻝ ﺗﺤﺒﻬﺔ ﻑ ﺍﻛﻴﺪ ﻣﺎ ﺭﺍﺡ ﺗﺮﺿﻰ ﺍﻥ ﻫﻲ ﺗﺘﻌﺬﺏ ﻣﻮ ﺻﺢ .. ﻭﺛﺎﻧﻲ ﺷﻲ ﺍﻧﺖ ﻣﺎ ﺗﺮﻳﺪ ﺗﺘﺰﻭﺟﻬﺔ ﻻﻥ ﻫﻲ ﺗﺤﺐ ﻓﺎﺭﺱ ﺻﺢ ..
ﻣﺆﻳﺪ : ﺍﻱ .. ﺷﻨﻮ ﺍﻟﺠﺪﻳﺪ ﺑﺎﻟﺤﺠﻴﺘﺔ ..
ﺣﻤﺰﺓ : ﺷﻮﻑ ﺍﻧﻲ ﺍﻟﻲ ﺍﻓﻜﺮ ﺑﻲ ﻳﻌﻨﻲ ﻭﺑﺮﺃﻳﻲ ﺍﻧﻚ ﺗﻮﺍﻓﻖ ﻋﻠﻰ ﻫﺬﺍ ﺍﻟﺰﻭﺍﺝ ..
ﻣﺆﻳﺪ : ﺷﻠﻮﻥ ﺍﻭﺍﻓﻖ ﻭﻫﻲ ﻣﺎ ﺗﺤﺒﻨﻲ ﻭﺗﺤﺐ ﺍﺧﻮﻱ ..
ﺣﻤﺰﺓ : ﺷﻮﻑ .. ﺍﻛﻮ ﻧﻮﻋﻴﻦ ﻟﻠﺤﺐ .. ﺍﻟﻨﻮﻉ ﺍﻻﻭﻝ ﻫﻮ ﺍﻟﺤﺐ ﺍﻟﺤﻘﻴﻘﻲ .. ﻭﺍﻟﻨﻮﻉ ﺍﻟﺜﺎﻧﻲ ﺍﻟﻲ ﺍﺣﻨﺔ ﻧﻌﺘﻘﺪ ﻫﻮ ﺣﻘﻴﻘﻲ ﺑﺲ ﻫﻮ ﺑﺎﻟﺘﺎﻟﻲ ﻣﺠﺮﺩ ﻧﺰﻭﺓ ﺍﻭ ﻣﺮﺍﻫﻘﺔ ...
ﻣﺆﻳﺪ ﺑﺄﻫﺘﻤﺎﻡ : ﺷﻠﻮﻥ ﻳﻌﻨﻲ .. ؟؟؟
ﺣﻤﺰﺓ ﺑﺘﺮﻛﻴﺰ : ﺷﻮﻑ ﻣﺜﻞ ﻣﺎ ﺍﻧﺖ ﻛﻠﺖ ﺍﻥ ﺟﻮﺭﻱ ﺗﺤﺐ ﻓﺎﺭﺱ ﻣﻦ ﻃﻔﻮﻟﺘﻬﺔ ﻭﻫﺎﻟﺸﻲ ﺍﺑﺘﺪﺉ ﺍﺑﻜﻠﺒﻬﺔ ﻣﻦ ﺟﺎﻧﺖ ﺗﺴﻤﻊ ﻛﻠﻤﺎﺕ ﻓﺎﺭﺱ ﻭﺍﻥ ﻫﻮ ﻳﺴﻤﻴﻬﺔ ﺍﻡ ﻋﻴﻮﻥ ﺯﺭﻙ ﻭﺍﻳﻜﻮﻝ ﺍﻧﻲ ﺍﺣﺒﻬﺔ ﻭﺍﺗﺰﻭﺟﻬﺔ ﻣﻦ ﺗﻜﺒﺮ ... ﻫﺎﻟﺸﻲ ﻣﻌﻨﺎﺗﺔ ﺍﻥ ﻫﻲ ﺑﻘﺖ ﺗﻘﻨﻊ ﺑﻨﻔﺴﻬﺔ ﺍﻥ ﻫﻮ ﻓﻌﻼ ﻳﺤﺒﻬﺔ ﻣﻊ ﺍﻥ ﺟﺎﻧﺖ ﻃﻔﻠﺔ ﺯﻏﻴﺮﺓ ﻭﻫﻮ ﻫﻢ ﺯﻏﻴﺮ .. ﻳﻌﻨﻲ ﻻ ﻫﻮ ﺟﺎﻥ ﻳﻔﺘﻬﻢ ﻭﻻ ﻫﻲ ﺗﻔﺘﻬﻢ ﻣﻦ ﻫﺎﻟﺪﻧﻴﺎ ﺷﻲ ..
ﻣﺆﻳﺪ : ﺍﻳﻲ ..
ﺣﻤﺰﺓ : ﻫﺎﻟﺸﻲ ﻳﻌﻨﻲ ﺍﻥ ﻫﺬﺍ ﻧﺰﻭﺓ ﻃﻔﻮﻟﺔ .. ﺟﻮﺭﻱ ﺣﺒﺖ ﻓﺎﺭﺱ ﺑﺲ ﻻﻥ ﻫﻮ ﺍﻫﺘﻢ ﺑﻴﻬﺔ ﺑﻔﺘﺮﺓ ﺑﺴﻴﻄﺔ ﻣﻦ ﻃﻔﻮﻟﺘﻬﺔ ﻭﻫﺎﻟﺸﻲ ﺧﻼﻫﺔ ﺗﺘﻌﻠﻖ ﺑﻲ ﻭﺗﻌﺘﻘﺪ ﺍﻥ ﻫﻲ ﺣﺒﺘﺔ ﺑﺲ ﺑﺎﻟﺘﺎﻟﻲ ﻫﻲ ﺣﺒﺖ ﺍﻫﺘﻤﺎﻣﺔ ﻻﻥ ﻣﺴﺘﺤﻴﻞ ﻃﻔﻠﺔ ﺗﻜﻮﻥ ﺑﻌﻤﺮﻫﺔ ﺗﺤﺐ .. ﻭﻫﻲ ﻛﺒﺮﺕ ﻭﻓﻘﺪﺕ ﻫﺎﻻﻫﺘﻤﺎﻡ ﻣﻦ ﻛﺒﺮ ﻓﺎﺭﺱ ﻭﺻﺎﺭ ﻳﺴﺘﺤﻲ ﻳﺴﻮﻟﻒ ﻭﻳﺔ ﺑﻨﺎﺕ ﻋﻤﺔ ﻣﺜﻞ ﻗﺒﻞ .. ﻳﻌﻨﻲ ﻫﻲ ﻓﻘﺪﺕ ﺍﻫﺘﻤﺎﻣﺔ ﺑﻴﻬﺔ ﻭﺑﻘﺔ ﺍﺑﻜﻠﺒﻬﺔ ﻫﺎﻟﺸﻲ ﻭﻫﻲ ﻣﻌﺘﺒﺮﺗﺔ ﺣﺐ ﻟﺪﺭﺟﺔ ﺭﺍﺣﺖ ﻭﺍﻋﺘﺮﻓﺘﻠﺔ ﺑﻬﺎﻟﺸﻲ ..
ﻣﺆﻳﺪ : ﻳﻌﻨﻲ ﻗﺼﺪﻙ ﺍﻥ ﺟﻮﺭﻱ ﻣﺎ ﺗﺤﺐ ﻓﺎﺭﺱ ..
ﺣﻤﺰﺓ : ﻫﻲ ﻣﻌﺘﻘﺪﺓ ﺍﻥ ﺗﺤﺒﺔ ﻭﻫﺎﻟﺸﻲ ﺭﺍﺳﺦ ﺑﻌﻘﻠﻬﺔ ﻣﻮ ﺑﻜﻠﺒﻬﺔ ...
ﻣﺆﻳﺪ ﻧﺰﻝ ﺭﺍﺳﺔ ﺑﺘﻔﻜﻴﺮ ..
ﺣﻤﺰﺓ ﺣﻂ ﺍﻳﺪﺓ ﻋﻠﻰ ﺭﻛﺒﺘﺔ ﻭﻛﺎﻝ : ﺍﻧﻲ ﺑﺮﺃﻳﻲ ﺍﻥ ﺗﻮﺍﻓﻖ ﻋﻠﻰ ﻫﺎﻟﺰﻭﺍﺝ .. ﻭﺻﺪﻛﻨﻲ ﻭﺭﺓ ﺯﻭﺍﺟﻜﻢ ﻣﻦ ﺗﺒﺪﻱ ﺍﻧﺖ ﺗﻬﺘﻢ ﺑﻴﻬﺔ ﻭﺗﺤﺒﻬﺔ .. ﻫﻲ ﺭﺍﺡ ﺗﺤﺒﻚ ﻭﺗﺘﻌﻠﻖ ﺑﻴﻚ ﻭﺑﺎﻟﺘﺎﻟﻲ ﺗﺼﻴﺮ ﺗﻀﺤﻚ ﻋﻠﻰ ﻧﻔﺴﻬﺔ ﻻﻥ ﺟﺎﻧﺖ ﻣﻌﺘﻘﺪﺓ ﺍﻥ ﻫﻲ ﺗﺤﺐ ﺷﺨﺺ ﻏﻴﺮﻙ .. ﺑﺲ ﺩﻳﺮ ﺑﺎﻟﻚ ﺗﺼﻴﺮ ﻣﺜﻞ ﻏﺰﻭﺍﻥ ﻭ ﺗﺴﺘﻌﻤﻞ ﺍﻟﻌﻨﻒ .. ﺗﺮﺓ ﺍﻟﺼﺒﺮ ﺍﺣﺴﻦ ﺣﻞ .. ﺍﺻﺒﺮ ﻋﻠﻴﻬﺔ ﻣﻬﻤﺎ ﻛﺎﻧﺖ ﺗﺼﺮﻓﺎﺗﻬﺔ ﻭﻫﻲ ﺑﺎﻟﺘﺎﻟﻲ ﺭﺍﺡ ﺗﺘﻐﻴﺮ ..
ﻣﺆﻳﺪ ﺍﺑﺘﺴﻢ ﻭﻫﻮ ﻳﺒﺎﻭﻉ ﻟﺤﻤﺰﺓ ..
ﺭﻓﻊ ﺍﻳﺪﺓ ﻭﺿﺮﺑﺔ ﻋﻠﻰ ﻛﺘﻔﺔ ﺑﻜﻞ ﻗﻮﺓ : ﻳﺎﺍﺍﺍﺧﻴﻴﻲ ﻭﺗﻠﻮﻭﻣﻨﺔ ﻣﻦ ﻧﺴﻮﻳﻚ ﻣﺼﻠﺢ ﺍﺟﺘﻤﺎﻋﻲ .. ﻻﺯﻡ ﻳﺴﻤﻮﻧﻚ ﺍﺑﻮ ﺍﻟﻨﺼﺎﻳﺢ ..
ﺣﻤﺰﺓ ﻭﻫﻮ ﻳﻔﺮﻙ ﻛﺘﻔﺔ ﺑﺄﻟﻢ : ﺍﻟﻠﻪ ﻳﺎﺧﺬﻙ ﺑﺠﺎﻩ ﺍﻟﺤﺒﻴﺐ ﻣﺤﻤﺪ .. ﻛﻮﻭﻭﻝ ﺍﻣﻴﻴﻴﻦ ..
&&&&&&&&&&&
ﻣﻴﺎﻣﻴﻦ ﻭﻣﻬﺎ ﻛﺎﻋﺪﺍﺕ ﺍﺑﻴﺖ ﻏﺰﻭﺍﻥ ﺑﺎﻟﺼﺎﻟﺔ ...
ﻣﻴﺎﻣﻴﻦ ﻻﺯﻣﺔ ﺍﻟﺮﻳﻤﻮﺕ ﻣﺎﻝ ﺍﻟﺘﻠﻔﺰﻳﻮﻥ ﻭﺗﺘﺎﺑﻊ ﻣﺴﻠﺴﻞ ﺗﺮﻛﻲ ..
ﻣﻬﺎ ﻣﺘﻤﺪﺩ ﻋﺎﻟﻘﻨﻔﺔ ﻭﺣﺎﻃﺔ ﺭﺍﺳﻬﺔ ﻋﻠﻰ ﺭﺟﻞ ﻣﻴﺎﻣﻴﻦ ﻭﻻ ﺯﻣﺔ ﻣﻮﺑﺎﻳﻞ ﻣﻴﺎﻣﻴﻦ ﻭﺗﻜﻠﺐ ﺑﺎﻟﺼﻮﺭ ..
ﻭﻫﻲ ﺗﻜﻠﺐ ﺑﺎﻟﺼﻮﺭ ﺷﺎﻓﺖ ﺻﻮﺭﺓ ﺧﺎﻟﺪ ﻛﺎﻋﺪ ﻋﻠﻰ ﺍﻟﻘﻨﻔﺔ ﻭﻣﻴﺎﻣﻴﻦ ﻭﺍﻛﻔﺔ ﻭﺭﺍﻩ ﻭﺣﺎﺿﻨﺘﺔ ﻣﻦ ﻭﺭﺓ ..
ﺷﻬﻜﺖ ﻭﻛﻌﺪﺕ ﻋﻠﻰ ﺣﻴﻠﻬﺔ ﻭﻫﻲ ﺗﺒﺎﻭﻉ ﻋﺎﻟﺘﻠﻴﻔﻮﻥ ..
ﻣﻴﺎﻣﻴﻦ ﻛﻤﺰﺕ : ﺷﺒﻴﻴﻴﺞ ...
ﻣﻬﺎ : ﻣﻨﻮ ﻫﺬﺍ ﺍﻟﻲ ﺑﺎﻟﺼﻮﺭﺓ ..
ﻣﻴﺎﻣﻴﻦ ﺑﺄﺳﺘﻐﺮﺍﺏ : ﻫﺬﺍ ﺧﺎﻟﺪ ﺍﺧﻮﻱ .. ﺑﺲ ﻟﻴﺶ ﺗﺴﺄﻟﻴﻦ ..
ﻣﻬﺎ : ﻋﻨﺪﺝ ﺍﺥ ﺍﺳﻤﺔ ﺧﺎﻟﺪ ؟ ..
ﻣﻴﺎﻣﻴﻦ : ﻻ ﻫﻮ ﺍﺧﻮﻱ ﺑﺎﻟﺮﺿﺎﻋﺔ ﻭﺍﺑﻦ ﺧﺎﻟﺘﻲ .. ﺑﺲ ﺍﻧﻲ ﺍﻋﺘﺒﺮﺓ ﺣﺎﻟﺔ ﺣﺎﻝ ﺍﺧﻮﺍﻧﻲ .. ﺷﻨﻮ ﺍﻟﻲ ﺧﻼﺝ ﺗﺘﻔﺎﺟﺄﻳﻦ ..
ﻣﻬﺎ ﻭﻫﻲ ﻣﺘﻮﺗﺮﺓ : ﻻ ﺑﺲ ﺷﻔﺘﺞ ﺣﺎﺿﻨﺘﺔ ﻭﻗﺮﻳﺒﺔ ﻋﻠﻲ ﻭﻫﻮ ﻣﻮ ﺍﺧﻮﺝ ..
: ﻣﻨﻮ ﻫﺬﺍ ﺍﻟﻲ ﺣﺎﺿﻨﺘﺔ ﻭﻫﻮ ﻣﻮ ﺍﺧﻮﻫﺔ !!!!..... ؟؟؟؟
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻫﻠﻮ ﺣﺒﺎﻳﺒﻲ 😘 ﺗﻮﻗﻌﺎﺗﻜﻢ ﻟﻠﺒﺎﺭﺕ ﺍﻟﺠﺎﻱ 😘 ﻓﺪﻳﺘﻜﻢ ﺍﺗﻤﻨﻰ ﻋﺠﺒﻜﻢ ﺍﻟﺒﺎﺭﺕ