سجينة،الظلم والانتقام

الاخيرررر

#سجينة_الظلم_والأنتقام

بقلم  ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﺇﺫﺍ ﺃﺣﺐ ﺍﻟﺮﺟﻞ ﺍﻣﺮﺃﺓ ﺳﻘﺎﻫﺎ ﻣﻦ ﻛﺄﺱ ﺣﻨﺎﻧﻪ ، ﻭﺇﺫﺍ ﺃﺣﺒﺖ ﺍﻟﻤﺮﺃﺓ ﺭﺟﻼً ﺃﻇﻤﺄﺗﻪ ﺩﺍﺋﻤﺎً ﺇﻟﻰ ﺷﻔﺘﻴﻬﺎ ‏( ﺑﻴﺮﻭﻥ ‏)
ﻣﻴﺎﻣﻴﻦ .... ﺻﺎﺭﻟﻲ ﻧﺺ ﺳﺎﻋﺔ ﻛﺎﻋﺪﺓ ﻛﺪﺍﻡ ﺍﻟﺘﻠﻔﺰﻳﻮﻥ ﻭﻣﻨﺘﻀﺮﺓ ﺍﻟﻔﻴﻠﻢ ﻋﻠﻰ ﻧﺎﺭ ﻝ ﺟﻮﻧﻲ ﺩﻳﺐ ﻣﻤﺜﻠﻲ ﺍﻟﻤﻔﻀﻞ ..
ﺑﻌﺪﺓ ﺍﻟﻔﻠﻢ ﻣﺎ ﺑﺪﺓ ﻭﺩﺧﻞ ﻏﺰﻭﺍﻥ ﻟﻠﻐﺮﻓﺔ ﻭﺍﺟﺔ ﻛﻌﺪ ﺑﺼﻔﻲ ..
ﺳﺤﺐ ﻣﻦ ﺍﻟﻌﺼﻴﺮ ﻣﻦ ﺍﻳﺪﻱ ﻭﺷﺮﺏ ﻣﻨﺔ : ﺷﺠﺎﻱ ﺗﺘﺎﺑﻌﻴﻦ ..
ﺣﺠﻴﺖ ﺑﺤﻤﺎﺱ : ﺭﺍﺡ ﻳﺒﺪﻱ ﻓﻴﻠﻢ ﻟﻠﻤﻤﺜﻞ ﺍﻟﻤﻔﻀﻞ ﻋﻨﺪﻱ ﻫﺴﺔ ..
ﺣﺠﺔ ﺑﻬﺪﻭﺀ ﻭﻫﻮ ﻳﻨﺰﻝ ﺍﻟﻌﺼﻴﺮ ﻋﺎﻟﻄﺎﻭﻟﺔ : ﺟﻮﻧﻲ ﺩﻳﺐ ؟؟
ﺍﻟﺘﻔﺘﺘﻠﺔ ﻣﺴﺘﻐﺮﺑﺔ : ﺍﻱ .. ﺑﺲ ﺷﻤﺪﺭﻳﻚ ﺍﻧﻲ ﺍﺣﺐ ﺟﻮﻧﻲ ﺩﻳﺐ ..
ﺑﺎﻭﻋﻠﻲ ﺑﻄﺮﻑ ﻋﻴﻨﺔ : ﺍﻧﺘﻲ ﻛﺎﺗﺒﺔ ﺑﺪﻓﺘﺮﺝ ﺗﺤﺒﻴﻨﺔ ..
ﻓﺘﺤﺖ ﻋﻴﻮﻧﻲ ﻭﺩﺭﺕ ﻋﻠﻲ : ﻗﺮﻳﻴﻴﺖ ﺩﻓﺘﺮﻱ .. ﻭﺍﻧﻲ ﺍﻛﻮﻝ ﻭﻳﻦ ﺭﺍﺡ ﻫﺎﻟﺪﻓﺘﺮ ..
ﺑﺎﻭﻋﻠﻲ ﺑﺄﺑﺘﺴﺎﻣﺔ : ﻗﺮﻳﺘﺔ ﻛﻠﺔ ﻣﻦ ﺍﻭﻝ ﻳﻮﻡ ﺭﺣﺘﻲ ﻻﻫﻠﺞ .. ﻭﻋﺮﻓﺖ ﻛﻠﺸﻲ ﻋﻨﺞ ﻣﻦ ﺧﻼﻝ ﻫﺎﻟﺪﻓﺘﺮ ..
ﺗﺨﻮﺻﺮﺕ ﻭﻛﺘﻠﺔ : ﺑﺲ ﻫﺎﻟﺸﻲ ﻋﻴﺐ ﻻﻥ ﻫﺬﺍ ﺩﻓﺘﺮ ﺫﻛﺮﻳﺎﺗﻲ .. ﻣﺎ ﻳﺼﻴﺮ ﺗﻘﺮﺍﻩ ..
ﺭﻓﻊ ﺣﺎﺟﺒﺔ ﻭﻣﺎ ﻋﺎﺟﺒﺔ ﻛﻼﻣﻲ : ﻭﺍﺫﺍ ﺩﻓﺘﺮ ﺫﻛﺮﻳﺎﺗﺞ .. ﺍﻧﻲ ﺯﻭﺟﺞ ﻳﻌﻨﻲ ﻋﺎﺩﻱ ﺍﻗﺮﺍﻩ .. ﻭﺑﻌﺪﻳﻦ ﺍﺣﻤﺪﻱ ﺭﺑﺞ ﺑﻌﺪﻧﻲ ﻣﺎ ﺣﺎﺳﺒﺘﺞ ﻻﻥ ﻛﺎﺗﺒﺔ ﺍﻧﺘﻲ ﺗﺤﺒﻴﻦ ﺟﻮﻧﻲ ﺩﻳﺐ .. ﺷﺤﺎﻟﺔ ﻫﻮﺓ ﺟﻨﺔ ﺑﻨﻴﺔ ..
ﻃﺒﻜﺖ ﺣﻮﺍﺟﺒﻲ ﺑﻌﺼﺒﻴﺔ : ﺭﺟﺎﺀً ﻻ ﺗﺤﺠﻲ ﻋﻠﻲ .. ﻫﺬﺍ ﺍﺣﺒﺔ ﻣﻦ ﻃﻔﻮﻟﺘﻲ .. ﻭﺑﻌﺪﻳﻦ ﺍﺻﻼ ﻛﻠﺔ ﺭﺟﻮﻟﺔ ﻭﻛﺎﺭﻳﺰﻣﺎ ﻭﺷﺨﺼﻴﺔ ﻭﺍﺩﻭﺍﺭﺓ ﻣﺨﺘﻠﻔﺔ .. ﻳﻌﻨﻲ ﻳﺠﻨﻦ ..
ﺑﺎﻭﻋﻠﻲ ﺑﻌﺼﺒﻴﺔ : ﺑﻌﺪ ﺑﻌﺪ ﻛﻤﻠﻲ ..
ﺳﺤﺐ ﺍﻟﺮﻳﻤﻮﺕ ﻣﻨﻲ ﻭﻃﻔﻰ ﺍﻟﺘﻠﻔﺰﻳﻮﻥ ﻭﺿﻤﺔ .. ﺣﺠﺔ ﺑﻌﺼﺒﻴﺔ : ﺣﺘﻰ ﺗﺘﻌﻠﻤﻴﻦ ﺷﻠﻮﻥ ﺗﻜﻮﻟﻴﻦ ﺍﺣﺐ ﺷﺨﺺ ﻛﺪﺍﻡ ﺭﺟﻠﺞ .. ﻳﻠﺔ ﻛﻮﻣﻲ ﻣﺎﻛﻮ ﻓﻠﻢ .. ﻻ ﺟﻮﻧﻲ ﺩﻳﺐ ﻭﻻ ﻏﻴﺮﺓ ..
ﺑﺎﻭﻋﺘﻠﺔ ﺑﺼﺪﻣﺔ : ﻏﺰﻭﺍﻥ ﺑﻼ ﻫﺎﻟﺴﻮﺍﻟﻒ .. ﺟﻴﺐ ﺍﻟﺮﻳﻤﻮﺕ ..
ﺑﺎﻭﻋﻠﻲ ﺑﻌﺼﺒﻴﺔ : ﻭﺧﺮﻱ ﻣﺎ ﺍﻃﻲ ﺍﻟﺮﻳﻤﻮﺕ ..
ﺑﺎﻭﻋﺘﻠﺔ ﺑﻌﺼﺒﻴﺔ : ﻏﺰﻭﺍﻥ ﺍﻟﻔﻠﻢ ﺭﺍﺡ ﻳﺒﺪﻱ ﺻﺎﺭﻟﻲ ﺍﺳﺒﻮﻉ ﺍﻧﺘﻀﺮﺓ ...
ﻏﺰﻭﺍﻥ : ﻭﺷﻨﻮ ﻳﻌﻨﻲ ﻭﺍﺫﺍ ﺻﺎﺭﻟﺞ ﺍﺳﺒﻮﻉ ﺗﻨﺘﻀﺮﻳﻨﺔ .. ﺍﻛﻮ ﻭﺣﺪﺓ ﺗﻜﻞ ﻟﺮﺟﻠﻬﺔ ﺍﺣﺐ ﻭﺍﺣﺪ ..
ﻣﻴﺎﻣﻴﻦ : ﻳﻌﻨﻲ ﻫﺴﺔ ﺍﻧﺘﺔ ﻏﺮﺕ ﻣﻦ ﺍﻟﻤﻤﺜﻞ .. ﻋﺎﺩﻱ ﻳﻌﻨﻲ ﺣﺎﻟﻲ ﻣﻦ ﺣﺎﻝ ﺑﺎﻗﻲ ﺍﻟﻤﻌﺠﺒﻴﻦ ﺍﻟﺔ ..
ﻃﺒﻚ ﺣﻮﺍﺟﺒﺔ : ﻭﺷﻨﻮ ﻳﻌﻨﻲ ﻭﺍﺫﺍ ﻣﻤﺜﻞ .. ﻣﻮ ﺑﺸﺮ ﻳﻌﻨﻲ ..
ﺟﺮﻳﺖ ﻧﻔﺲ ﻭﺍﻧﻲ ﺍﺑﺎﻭﻉ ﻟﻠﺴﺎﻋﺔ ﺍﻛﻴﺪ ﺑﺪﺓ ﺍﻟﻔﻠﻢ ..
ﺭﺳﻤﺖ ﺍﺑﺘﺴﺎﻣﺔ ﻋﻠﻰ ﻭﺟﻬﻲ ﻭﻗﺮﺑﺖ ﻣﻨﺔ ..
ﺣﻄﻴﺖ ﺍﻳﺪﻳﺔ ﻋﻠﻰ ﺻﺪﺭﺓ ﻭﻗﺮﺑﺖ ﻭﺟﻬﻲ ﻣﻦ ﺭﻛﺒﺘﺔ .. ﺣﺠﻴﺖ ﺑﻬﻤﺲ ﻭﺧﺸﻤﻲ ﻻﻣﺲ ﺭﻛﺒﺘﺔ : ﺍﺳﻔﺔ ﺣﺒﻴﺒﻲ .. ﺍﺻﻼ ﻣﺎ ﺍﺣﺐ ﺍﺣﺪ ﻏﻴﺮﻙ ..
ﺑﺎﻭﻋﻠﻲ ﺑﻌﻴﻮﻧﺔ ﻭﺫﺍﺏ ﻭﻳﺎﻱ ﺭﻓﻊ ﺍﻳﺪﺓ ﻳﺮﻳﺪ ﻳﺤﻀﻨﻲ ..
ﺳﺤﺒﺖ ﺍﻟﺮﻳﻤﻮﺕ ﻣﻨﺔ ﺑﺴﻬﻮﻭﻭﻭﻭﻭﻟﻠﻠﺔ ..
ﻭﺧﺮﺕ ﺑﺴﺮﻋﺔ ﻭﺍﻧﻲ ﺍﺿﺤﻚ ﻭﺷﻐﻠﺖ ﺍﻟﺘﻠﻔﺰﻳﻮﻥ ﻭﻫﻮ ﻳﺒﺎﻭﻋﻠﻲ ﻣﺼﺪﻭﻡ ..
££££££££
ﺑﻌﺪ ﻣﺮﻭﺭ ﺍﺷﻬﺮ ... ﺑﺎﻗﻲ ﻳﻮﻣﻴﻦ ﻟﻌﻴﺪ ﺭﺃﺱ ﺍﻟﺴﻨﺔ ..
ﺣﺴﺎﻥ ﺍﻗﺘﺮﺡ ﻋﺎﻟﺸﺒﺎﺏ ﺍﻥ ﻳﻌﻴﺪﻭﻥ ﻫﺎﻟﺴﻨﺔ ﺑﺘﺮﻛﻴﺎ ..
ﺍﻟﺸﺒﺎﺏ ﺍﻗﺘﻨﻌﻮﺍ ﻭﻭﺍﻓﻘﻮ ﻳﺮﺣﻮﻥ ﻭﺣﺪﻫﻢ ﻙ ﻟﻤﺔ ﺷﺒﺎﺑﻴﺔ ..
ﻣﻴﺎﻣﻴﻦ .. ﻣﻦ ﺑﻌﺪ ﻣﺎ ﺣﺠﺔ ﻭﻳﺎﻱ ﻏﺰﻭﺍﻥ ﻋﻦ ﺭﻭﺣﺘﻬﻢ ﻟﺘﺮﻛﻴﺎ ﻭﺍﻧﻲ ﺍﻓﻜﺮ ﺷﻠﻮﻥ ﺍﺧﻠﻲ ﻣﺎ ﻳﺮﻭﺡ ..
ﺍﺟﺖ ﺍﺑﺎﻟﻲ ﻓﻜﺮﺓ ﻭﺩﺯﻳﺖ ﺭﺳﺎﻟﺔ ﻟﻠﺒﻨﺎﺕ ﻋﺎﻟﻜﺮﻭﺏ ..
ﻣﻴﺎﻣﻴﻦ : ﺑﻨﺎﺍﺕ ﺭﺍﺡ ﺍﻃﻚ ﻣﻦ ﺍﻟﺘﻔﻜﻴﺮ .. ﺳﺎﻋﺪﻭﻧﻲ ..
ﺍﻟﺒﻨﺎﺕ ﺑﺮﺩﻭﺩ ﻣﺘﻔﺮﻗﺔ : ﺧﻴﺮ .. ﺷﺒﻴﺞ .. ﺑﺸﻨﻮ .. ﺷﻜﻮ
ﻣﻴﺎﻣﻴﻦ : ﺍﻛﻴﺪ ﺗﺪﺭﻥ ﺑﺎﻟﻮﻟﺪ ﻳﺮﺩﻭﻥ ﻳﺴﺎﻓﺮﻭﻥ ﺻﺢ ..
ﺧﺎﺗﻮﻥ : ﺍﺳﻜﺘﻲ ﻻ ﺗﺬﻛﺮﻳﻨﻲ .. ﻣﺎﻛﺪﺭﺕ ﺍﻛﻠﺔ ﻻ ﺗﺮﻭﺡ .
ﺑﺴﻤﺔ : ﻭﺍﻟﻠﻪ ﺣﺘﻰ ﺍﻧﻲ ﻛﺘﻠﺔ ﺭﻭﺡ ﺷﻌﻠﻴﺔ ﺑﻴﻚ ﻭﻃﻨﻜﺮﺕ ﻭﻧﻤﺖ ﻣﻦ ﻭﻗﺖ ..
ﺟﻮﺭﻱ : ﺍﻧﻲ ﻣﻦ ﺷﻔﺖ ﺍﺳﻠﻮﺑﺔ ﻣﻦ ﻳﺤﺠﻲ ﺑﻬﺪﻭﺀ ﻭﻭﺩ ﻣﺎ ﻛﺪﺭﺕ ﺍﻋﺘﺮﺽ ..
ﻣﻬﺎ : ﻭﺍﻟﻠﻪ ﺍﻧﻲ ﺭﺩﺕ ﺍﺗﻌﺎﺭﻙ ﻭﻳﺎﻩ ﺑﺲ ﺗﻌﺒﺎﻥ ﺍﺟﺔ ﻭﺍﻟﻴﻮﻡ ﺍﻟﺼﺒﺢ ﻣﺎ ﻛﺪﺭﺕ ﺍﺣﺠﻲ ﻭﻳﺎﻩ ..
ﻣﻴﺎﻣﻴﻦ : ﻭﺍﻟﻠﻪ ﺍﻧﻲ ﻣﺜﻠﺠﻦ .. ﺟﺎﻱ ﺍﺩﻭﺭ ﻃﺮﻳﻘﺔ ﺍﺧﻠﻲ ﻳﺒﻄﻞ ﺍﻟﺮﻭﺣﺔ ﺑﺲ ﻣﻮ ﺍﻧﻲ ﺍﻛﻠﺔ ..
ﺧﺎﺗﻮﻥ : ﺍﻱ ﺑﺲ ﺷﻠﻮﻥ ..
ﻣﻬﺎ : ﺍﻱ ﻃﺮﻳﻘﺔ ﺑﺲ ﺍﻟﻤﻬﻢ ﻣﺎ ﻳﺴﺎﻓﺮﻭﻥ .. ﻭﺍﻟﻠﻪ ﺍﻣﻮﺕ ﻗﻬﺮ ﻫﻨﺎ .. ﻫﺎﻱ ﺍﻭﻝ ﺳﻨﺔ ﺍﻟﻨﺔ ﺳﻮﺓ ﻭﻫﻮ ﻳﺮﻳﺪ ﻳﺮﻭﺡ ﻳﻌﻴﺪ ﻳﻢ ﺍﻟﺤﻠﻮﺍﺕ ..
ﺑﺴﻤﺔ : ﺑﻨﺎﺕ ﺍﻧﻲ ﻋﻨﺪﻱ ﻃﺮﻳﻘﺔ ﻭﻻﺯﻡ ﻛﻠﻨﺔ ﻧﺴﻮﻳﻬﺔ ..
ﺍﻟﻜﻞ :.. ﺷﻨﻮﻭ ﻫﻲ ..
ﺑﺴﻤﺔ : ﺍﻭﻝ ﺷﻲ ﻫﻤﺔ ﺍﺑﻴﺶ ﺍﻟﺴﺎﻋﺔ ﻃﻴﺎﺭﺗﻬﻢ ..
ﺟﻮﺭﻱ : ﻣﺆﻳﺪ ﻛﺎﻝ ﺍﻟﺴﺎﻋﺔ ١ ﻭﻧﺺ ﺑﻠﻴﻞ ﻃﻴﺎﺭﺗﻬﻢ ﺗﻄﻴﺮ .. ﻭﻫﻤﺔ ﻳﻄﻠﻌﻮﻥ ﻣﻨﺎ ﺍﻟﺴﺎﻋﺔ ٩ ﻭﻳﺮﺣﻮﻥ ﻟﻤﻄﺎﺭ ﺍﻟﻨﺠﻒ ﺣﺘﻰ ﻳﺘﻼﻛﻮﻥ ﻫﻤﺔ ﻭﺭﺍﺋﺪ ﻭﺧﺎﻟﺪ ﻭﺣﺴﺎﻥ ﻫﻨﺎﻙ ﺑﺎﻟﻤﻄﺎﺭ ..قصص عراقيه حقيقيه من واقعنا.روعه الطائي
ﺑﺴﻤﺔ : ﺣﻠﻮﻭﻭ .. ﺍﺳﻤﻌﻦ ﺯﻳﻦ ﻟﻌﺪ
ﻣﻴﺎﻣﻴﻦ ... ﺍﺟﺔ ﺍﻟﻠﻴﻞ ﻭﺻﺎﺭﺕ ﺍﻟﺴﺎﻋﺔ ٨ ﻭﻧﺺ ..
ﺍﺟﻴﺖ ﻟﻠﺒﻴﺖ ﺑﺴﺮﻋﺔ ﻭﺍﺳﻮﻱ ﻣﺜﻞ ﻣﺎ ﻛﺎﻟﺖ ﺑﺴﻤﺔ .. ﺳﺒﺤﺖ ﻭﻃﻠﻌﺖ ﻧﺸﻔﺖ ﺷﻌﺮﻱ .. ﺳﻮﻳﺖ ﻣﻜﻴﺎﺝ ﺧﻔﻴﻒ ﻭﺣﻄﻴﺖ ﺣﻤﺮﺓ ﺣﻤﺮﺓ ﻭﺣﻄﻴﺖ ﺻﺒﻎ ﺍﺿﺎﻓﺮ ﺍﺣﻤﺮ ..
ﻟﺒﺴﺖ ﺳﻴﺖ ﻧﻮﻡ ﻣﺎﺭﻭﻧﻲ ﻭﻋﻜﺲ ﻟﻮﻥ ﺑﺸﺮﺗﻲ ..
ﺍﺧﺬﺕ ﺍﻟﻌﻄﺮ ﻣﺎﻝ ﻏﺰﻭﺍﻥ ﺍﻟﻲ ﻳﺤﺒﺔ ﻭﺍﺑﺘﺴﻤﺖ ﺑﺨﺒﺚ ﻭﺭﺷﻴﺖ ﻣﻨﺔ ﻋﻠﻴﺔ ..
ﺩﺧﻠﺖ ﺟﻨﻄﺔ ﻏﺰﻭﺍﻥ ﻟﻐﺮﻓﺔ ﺍﻟﻤﻼﺑﺲ .. ﺍﻛﻴﺪ ﻫﺴﺔ ﻳﺮﻳﺪ ﻳﺠﻲ ﻳﺎﺧﺬﻫﺔ ﺣﺘﻰ ﻳﺮﻭﺡ ﻟﻠﻤﻄﺎﺭ ..
ﻭﺭﺓ ﺩﻗﺎﻳﻖ ﺩﺧﻞ ﻏﺰﻭﺍﻥ .. ﺑﺎﻭﻋﻠﻲ ﺑﺄﺑﺘﺴﺎﻣﺔ ﻭﺭﻓﻌﺔ ﺣﺎﺟﺐ ..
ﺭﺣﺘﻠﺔ ﻭﺍﻧﻲ ﺍﻣﺸﻲ ﻛﺪﺍﻣﺔ ﺑﺪﻟﻊ : ﺣﺒﻴﺒﻲ ﺍﺟﻴﺖ ..
ﺍﺧﺬﺕ ﺍﻟﺴﺘﺮﺓ ﻣﺎﻟﺘﺔ ﻭﺗﻌﻤﺪﺕ ﺍﻛﻮﻥ ﻗﺮﻳﺒﺔ ﻣﻨﺔ ..
ﺳﺤﺐ ﻧﻔﺲ ﻭﻫﻮ ﻳﻐﻤﺾ ﻋﻴﻮﻧﺔ ﻭﺑﻌﺪﻳﻦ ﺗﻨﻬﺪ : ﻻ ﻭﺣﺎﻃﺔ ﻣﻦ ﻋﻄﺮﻱ ﻫﻢ ..
ﺍﺑﺘﺴﻤﺖ ﻭﻛﻠﺖ ﺑﺒﺮﺍﺋﺔ : ﺍﻣﻤﻢ ﺣﺒﻴﺖ ﺍﺟﺮﺑﺔ .. ﺣﻠﻮ ﻋﻠﻴﺔ ..
ﺳﺤﺒﻨﻲ ﻣﻦ ﺧﺼﺮﻱ ﺍﻟﺔ : ﺍﻧﺘﻲ ﻛﻠﺸﻲ ﻳﻠﻮﻙ ﺍﻟﺞ .. ﺍﻧﺘﻲ ﺍﻟﺘﺤﻠﻴﻨﺔ ﻣﻮ ﻫﻮﺓ ..
ﻣﺸﻴﺖ ﺍﺻﺎﺑﻌﻲ ﺑﺨﻔﺔ ﻋﻠﻰ ﻟﺤﻴﺘﺔ ﻭﺍﻧﺰﻝ ﻋﻠﻰ ﺭﻛﺒﺘﺔ : ﺍﻛﻴﺪ ﻣﻮ ﻣﺜﻞ ﻟﻤﺎ ﻳﻜﻮﻥ ﻋﻠﻴﻚ ..
ﺣﻄﻴﺖ ﺧﺸﻤﻲ ﻋﻠﻰ ﺭﻛﺒﺘﺔ ﻭﺍﻧﻲ ﺍﺟﺮ ﻧﻔﺲ : ﻳﺼﻴﺮ ﻳﺮﺩ ﺍﻟﺮﻭﺡ ..
ﺑﺎﻭﻋﺖ ﺑﻌﻴﻮﻧﺔ : ﺗﻌﺎﻝ ﺣﺒﻴﺒﻲ ﺍﻛﻴﺪ ﺗﻌﺒﺎﻥ ..
ﺳﺤﺒﺘﺔ ﻭﻛﻌﺪﺗﺔ ﻋﺎﻟﺠﺮﺑﺎﻳﺔ .. ﺍﺧﺬﺕ ﺍﻟﺴﺘﺮﺓ ﻣﺎﻟﺘﺔ ﺍﺭﻳﺪ ﺍﻋﻠﻜﻬﺔ ﻭﻃﻠﻌﺖ ﺗﻠﻴﻔﻮﻧﺔ ﻭﺳﻮﻳﺘﺔ ﺻﺎﻣﺖ ﻭﺑﺴﺮﻋﺔ ﺣﻄﻴﺘﺔ ﻋﺎﻟﻤﻴﺰ ..
ﺭﺣﺖ ﻭﺻﺮﺕ ﻭﺭﺍﻩ ﻭﺍﻓﺮﻙ ﺑﺄﻛﺘﺎﻓﺔ ..
ﺗﻌﻤﺪﺕ ﺷﻌﺮﻱ ﻳﻨﺰﻝ ﻋﻠﻲ ..
ﺳﺤﺒﻨﻲ ﻟﺤﻀﻨﺔ ﺑﺴﺮﻋﺔ ﻭﻛﺎﻝ : ﺷﺠﺎﻱ ﺗﺤﺎﻭﻟﻴﻦ ﺗﺴﻮﻳﻦ ﺍﻟﻴﻮﻡ ..
ﻗﺮﺑﺖ ﺷﻔﺘﻲ ﻣﻨﺔ ﻭﻛﻠﺖ ﺑﻬﻤﺲ : ﻟﻴﺶ ﺷﻤﺴﻮﻳﺔ ﺍﻧﻲ ..
ﻗﺮﺏ ﺷﻔﺘﺔ ﻣﻨﻲ ﻭﺑﺎﺳﻨﻲ ﺑﺴﺮﻋﺔ ﻭﺳﺤﺒﻨﻲ ﻟﻠﺠﺮﺑﺎﻳﺔ ..
£££££
ﺟﻮﺭﻱ ... ﺟﻬﺰﺕ ﻧﻔﺴﻲ ﻭﻟﺒﺴﺖ ﺳﻴﺖ ﻧﻮﻡ ﻗﺼﻴﺮ ﻟﻮﻧﺔ ﺍﺣﻤﺮ .. ﺣﻄﻴﺖ ﻣﻜﻴﺎﺝ ﺧﻔﻴﻒ ..
ﺑﺎﻭﻋﺖ ﻟﻨﻔﺴﻲ ﺑﺎﻟﻤﺮﺍﻳﺔ .. ﺍﺑﺘﺴﻤﺖ ﺑﺮﺿﻰ ..
ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﻣﺆﻳﺪ ﺑﺎﻭﻋﻠﻲ ﻭﻓﺘﺢ ﻋﻴﻮﻧﺔ ..
ﻭﻛﻔﺖ ﻛﺪﺍﻣﺔ ﻭﻟﻔﻴﺖ ﺍﻳﺪﺓ ﻋﻠﻰ ﺭﻛﺒﺘﺔ : ﺍﺷﺘﺎﻗﻴﺘﻠﻚ ..
ﺑﺎﻭﻋﻠﻲ ﺑﻔﻬﺎﻭﺓ : ﻫﺎ ..
ﺣﺠﻴﺖ ﻭﺍﻧﻲ ﺍﻗﻠﺪﺓ : ﻫﻮ ﺷﻨﻮ ﺍﻟﻬﺎ .. ﺍﻛﻠﻚ ﻣﺸﺘﺎﻗﺘﻠﻚ ..
ﺣﺎﻭﻁ ﺧﺼﺮﻱ ﺑﺄﻳﺪﻱ ﻭﺑﺎﻭﻉ ﺑﻌﻴﻮﻧﻲ ﺑﺨﺒﺚ : ﺷﻬﺎﻟﺠﺮﺃﺓ .. ﻣﺎ ﻋﺮﻓﺘﺞ ..
ﺿﺤﻜﺖ ﺑﺪﻟﻊ ﻭﻫﻮ ﺑﺴﺮﻋﺔ ﺑﺎﺳﻨﻲ ﻣﻦ ﺷﻔﺘﻲ ﻭﻫﻮ ﻳﻤﺸﻲ ﺑﻴﺔ ﻟﻠﺠﺮﺑﺎﻳﺔ ...
£££££££
ﺑﺴﻤﺔ ... ﻛﺎﻋﺪﺓ ﻋﺎﻟﻤﺮﺍﻳﺔ ﻭﺍﺭﺗﺐ ﺑﻨﻔﺴﻲ ﻗﺒﻞ ﻻ ﻳﺠﻲ ﺣﺴﻨﻴﻦ .. ﻭﺍﺩﻧﺪﻥ ﻧﺎﻭﻳﺎﻟﻚ ﻋﻠﻰ ﻧﻴﺔ ﺑﺲ ﺍﻧﺖ ﺍﺻﺒﺮ ﺷﻮﻳﺔ ﺍﺫﺍ ﻣﺎ ﺍﻋﻠﻘﻚ ﻓﻴﻨﻲ ﻭﻫﻮﺍﻙ ﻳﺼﻴﺮ ﺑﻴﺪﻳﺔ ..
ﻭﻛﻔﺖ ﻛﺪﺍﻡ ﺍﻟﻤﺮﺍﻳﺔ ﻭﺩﺯﻳﺖ ﻟﻨﻔﺴﻲ ﺑﻮﺳﺔ : ﻭﺍﻟﻠﻪ ﺗﺨﺒﻠﻴﻦ ..
ﺟﻨﺖ ﻻﺑﺴﺔ ﺳﻴﺖ ﻧﻮﻡ ﻭﺭﺩﻱ ﻭﺷﻌﺮﻱ ﺣﺎﻃﺘﺔ ﺻﻔﺢ .. ﻭﺣﺎﻃﺔ ﻣﻜﻴﺎﺝ ﻃﻮﺥ ﺷﻮﻱ ﻻﻥ ﻳﻠﻮﻛﻠﻲ ..
ﺳﻤﻌﺖ ﺻﻮﺗﺔ ﻭﺑﺴﺮﻋﺔ ﺭﺣﺖ ﻓﺘﺤﺘﻠﺔ ﺍﻟﺒﺎﺏ ﻗﺒﻞ ﻻ ﻳﻔﺘﺤﺔ ﻫﻮﺓ ..
ﺷﺎﻓﻨﻲ ﻭﺑﺎﻭﻋﻠﻲ ﺑﺄﺳﺘﻐﺮﺍﺏ ﻭﺑﻌﺪﻳﻦ ﺩﺧﻞ ﻟﻠﻐﺮﻓﺔ ..
ﺑﺎﻭﻋﺘﻠﺔ ﺑﺪﻟﻊ : ﻫﻠﻮ ﻳﺮﻭﺣﻲ ..
ﺑﺎﻭﻋﻠﻲ ﺑﺮﻓﻌﺔ ﺣﺎﺟﺐ ﻭﻫﻮ ﻳﺤﻂ ﺍﻳﺪﺓ ﻋﻠﻰ ﻛﺼﺘﻲ : ﺑﺴﻮﻣﻲ ﺣﺒﻴﺒﺘﻲ ﺷﺒﻴﺞ .. ﻣﺼﺨﻨﺔ ﺷﻨﻮ .. ﻣﻮ ﺍﻟﺒﺎﺭﺣﺔ ﺍﻧﺘﻲ ﻣﻄﻨﻜﺮﺓ ..
ﻭﺧﺮﺕ ﻋﻨﺔ ﻭﺑﺮﻃﻤﺖ ﺑﺰﻋﻞ : ﻣﻮ ﺻﻮﺟﻚ ..
ﺣﻀﻨﻲ ﻣﻦ ﻭﺭﺓ ﻭﺣﻂ ﺣﻨﺠﺔ ﻋﻠﻰ ﻛﺘﻔﻲ : ﺍﺳﻒ ﻳﺤﻠﻮ .. ﺑﺲ ﻭﺭﺍﻱ ﺳﻔﺮﺓ .. ﻭﻫﺴﺔ ﺍﺫﺍ ﻧﻤﺖ ﺗﺪﺭﻳﻦ ﺑﻴﺔ ﻣﺎ ﺍﻛﻌﺪ ﻟﻠﺼﺒﺢ ..
ﺗﺬﻛﺮﺕ ﺑﺴﺮﻋﺔ ﻭﺍﻟﺘﻔﺖ ﻋﻠﻲ ﻭﺗﻤﺴﻜﺖ ﺑﺮﻛﺒﺘﺔ ﻭﺣﺠﻴﺖ ﺑﺪﻟﻊ : ﻳﻌﻨﻲ ﺗﺮﻳﺪ ﺗﻌﻮﻓﻨﻲ ﻭﺍﻧﻲ ﻣﺘﺠﻬﺰﺓ ﺍﻟﻚ ..
ﺑﺎﻭﻋﻠﻲ ﺑﻌﻴﻮﻥ ﺫﺍﻳﺒﺔ : ﺷﻠﻮﻥ ﺍﻛﺪﺭ ﺍﻋﻮﻓﺞ ..
ﺳﺤﺒﻨﻲ ﺍﻟﺔ ﻭﺍﻧﻲ ﺍﺑﺘﺴﻢ ﺑﺄﻧﺘﺼﺎﺭ ..
££££££££
ﻣﻬﺎ ... ﺟﻬﺰﺕ ﻧﻔﺴﻲ ﻭﺳﻮﻳﺖ ﻣﺜﻞ ﻣﺎ ﻛﺎﻟﺖ ﺑﺴﻤﺔ ﺑﺎﻟﺤﺮﻑ ﺍﻟﻮﺍﺣﺪ .. ﻭﺍﻛﻔﺔ ﻛﺪﺍﻡ ﺍﻟﻤﺮﺍﻳﺔ ﻭﺍﺣﻂ ﺑﺎﻟﺤﻤﺮﺓ ﻭﺩﺧﻞ ﺧﺎﻟﺪ ..
ﺷﺎﻓﻨﻲ ﻭﺻﻮﻓﺮ ﺑﺄﻋﺠﺎﺏ .. ﺫﺑﻴﺖ ﺍﻟﺤﻤﺮﺓ ﻭﺭﺣﺘﻠﺔ ﺑﺪﻟﻊ .. ﺍﺧﺬ ﺍﻳﺪﻱ ﻭﻓﺮﻧﻲ ﻭﻋﻴﻮﻧﺔ ﺗﻤﺸﻲ ﻋﻠﻴﺔ : ﺧﻔﻲ ﻋﻠﻴﺔ .. ﺣﺮﺍﻡ ﻋﻠﻴﺞ ﺷﺎﻳﻠﺔ ﻛﻞ ﻫﺎﻟﺠﻤﺎﻝ .. ﻻ ﻭﺣﺎﻃﺔ ﻛﺤﻠﺔ ﻭﺍﻧﻲ ﺑﺪﻭﻥ ﻛﻠﺸﻲ ﺍﻟﻌﻴﻮﻥ ﺣﺎﺭﻛﺎﺕ ﺍﻫﻠﻲ ..
ﺑﺎﻭﻋﺘﻠﺔ ﺑﻀﺤﻜﺔ : ﺷﻌﻨﺪﻱ ﻏﻴﺮﻙ ﺣﺒﻴﺒﻲ ..
ﻣﺸﻴﺖ ﻛﺪﺍﻣﺔ ﺑﺪﻟﻊ ﻭﺍﻧﻲ ﻻﺑﺴﺔ ﻗﺼﻴﺮ : ﺗﻌﺎﻝ ﺣﺒﻴﺒﻲ ﻣﺤﻀﺮﺗﻠﻚ ﺍﻟﻌﺸﻰ ..قصص عراقيه حقيقيه من واقعنا.روعه الطائي
ﺳﺤﺒﻨﻲ ﺍﻟﺔ :.. ﺷﻮ ﺗﻌﺎﻱ ﻫﻲ ﻣﺎﻝ ﻋﺸﻰ .. ﺍﻟﻴﻮﻡ ﺍﺗﻌﺸﻰ ﺑﻴﺞ
£££££££££
ﺧﺎﺗﻮﻥ ... ﻓﻌﻼ ﻣﺸﻴﺖ ﺑﺨﻄﺔ ﺑﺴﻤﺔ .. ﻟﺒﺴﺖ ﺳﻴﺖ ﻧﻮﻡ ﺍﺳﻮﺩ .. ﺣﻄﻴﺖ ﻣﻜﻴﺎﺝ ﺧﻔﻴﻒ .. ﺭﺷﻴﺖ ﻣﻦ ﺍﻟﻌﻄﺮ ﺍﻟﻲ ﻳﺤﺒﺔ ﺭﺍﺋﺪ .. ﺑﺎﻭﻋﺖ ﻟﺸﻜﻠﻲ ﺑﺎﻟﻤﺮﺍﻳﺔ : ﻫﺬﺍ ﻭﺟﻬﻲ ﺍﺫﺍ ﺧﻠﻴﺘﻚ ﺗﺮﻭﺡ ..
ﺛﻮﺍﻧﻲ ﻭﺍﻧﻔﺘﺢ ﺍﻟﺒﺎﺏ ﻭﺩﺧﻞ ﺭﺍﺋﺪ .. ﺑﺎﻭﻋﺘﻠﺔ ﺑﺤﺐ ﻭﻣﺸﻴﺖ ﺍﻟﺔ ﻭﺻﻮﺕ ﺍﻟﺤﺠﻞ ﻳﺮﻥ ﻭﻳﺔ ﻣﺸﻴﺘﻲ ..
ﻭﻛﻔﺖ ﻛﺪﺍﻣﺔ : ﺍﻟﻠﻪ ﻳﺴﺎﻋﺪﻙ ..
ﻗﺮﺏ ﺭﺍﺳﺔ ﻣﻦ ﺭﻛﺒﺘﻲ ﻭﺳﺤﺐ ﻧﻔﺲ ﻗﻮﻱ : ﺧﺮﺏ ﺑﻠﻴﺴﺞ ﻋﻠﻰ ﻫﺎﻟﻌﻄﺮ ..
ﺍﺑﺘﺴﻤﺘﻠﺔ : ﺍﺩﺭﻱ ﺑﻴﻚ ﺗﺤﺒﺔ .. ﻭﺣﻄﻴﺘﺔ ﻋﻠﻤﻮﺩﻙ ..
ﺣﺠﺔ ﻭﻫﻮ ﻳﻬﺰ ﺭﺍﺳﺔ ﺑﺘﻨﻬﺪ : ﻭﻟﺞ ﻣﻮ ﻭﺭﺍﻱ ﺳﻔﺮﺓ .. ﻫﺴﺔ ﻭﻛﺘﻬﺔ ..
ﺑﺎﻭﻋﺘﻠﺔ ﺑﺰﻋﻞ ﻭﺍﻧﻲ ﺍﻣﺸﻲ : ﺧﻠﺺ ﺑﺮﺍﺣﺘﻚ .. ﺗﺮﻳﺪ ﺗﻌﻮﻓﻨﻲ ﻋﻠﻤﻮﺩ ﺍﻟﺴﻔﺮﺓ ..
ﺳﺤﺒﻨﻲ ﺍﻟﺔ ﻭﺑﺜﺎﻧﻴﺔ ﺻﺮﺕ ﺑﺤﻀﻨﺔ ..
ﺣﺠﺔ ﻭﻫﻮ ﻳﺤﻂ ﺭﺍﺳﺔ ﺑﺮﻛﺒﺘﻲ : ﻻ ﻳﺎ ﺑﻮﻱ .. ﺍﻻ ﻣﺴﻮﺩﻥ ﻭﺍﻋﻮﻓﺞ ..
£££££££
‏( ﺍﻟﺒﻨﺎﺕ .. ﻛﻞ ﻭﺣﺪﺓ ﺧﻠﺖ ﺭﺟﻠﻬﺔ ﻳﻨﺎﻡ ﻭﺳﻮﺕ ﺗﻠﻴﻔﻮﻧﺔ ﺻﺎﻣﺖ .. ﺣﺎﺳﺒﺎﺗﻬﺔ ﺯﻳﻦ ‏)
ﺣﺴﺎﻥ .. ﻣﻨﺰﻝ ﺟﻨﻄﺘﻲ ﻭﺣﺎﻃﻬﺔ ﺑﺎﻟﺒﺎﺏ ﻭﻭﺍﻛﻒ ﺍﻧﺘﻀﺮ ﺭﺍﺋﺪ ﻳﻨﺰﻝ ﺣﺘﻰ ﻧﻤﺮ ﻋﻠﻰ ﺧﺎﻟﺪ ﻭﻧﻨﻄﻠﻖ ﻟﻤﻄﺎﺭ ﺍﻟﻨﺠﻒ ﻭﻣﻦ ﻫﻨﺎﻙ ﻧﺘﻼﻛﺔ ﻭﻳﺔ ﺍﻟﺸﺒﺎﺏ ﺑﺎﻟﻤﻄﺎﺭ ..
ﺻﺎﺭﻟﻲ ﺳﺎﻋﺔ ﺍﻧﺘﻀﺮ ﺑﺎﻟﺼﺎﻟﺔ .. ﺍﻣﻲ ﻧﺎﻣﺖ ﺧﻄﻴﺔ ﻻﻥ ﻣﺎ ﻣﺘﻌﻮﺩﺓ ﺗﺴﻬﺮ ..
ﺍﻓﻔﻔﻒ ﻭﻳﻦ ﺻﺎﺭ ﻫﺬﺍ .. ﺍﺗﺼﻞ ﻋﻠﻲ ﻣﺎ ﻳﺮﺩ .. ﺍﻛﻴﺪ ﻫﺴﺔ ﺧﺎﻟﺪ ﻳﻌﺼﺐ ﻻﻥ ﺧﻠﻴﻨﺎﻩ ﻳﻨﺘﻀﺮ ﻫﻮﺍﻱ ..
ﺩﻛﻴﺖ ﻋﻠﻰ ﺧﺎﻟﺪ ﺍﻛﺜﺮ ﻣﻦ ﻣﺮﺓ .. ﻫﺬﺍ ﺍﻟﺜﺎﻧﻲ ﻫﻢ ﻣﺎ ﻳﺠﺎﻭﺏ .. ﻳﺮﺑﻲ ﻫﺴﺔ ﺍﻧﻲ ﺷﺴﻮﻱ .. ﺣﺘﻰ ﻋﻴﺐ ﺍﺭﻭﺡ ﺍﺩﻙ ﻋﻠﻲ ﺍﻟﺒﺎﺏ ..
ﺗﻤﺪﺩﺕ ﻋﺎﻟﻘﻨﻔﺔ ﻭﺍﻧﻲ ﺍﻧﺘﻀﺮ ﺍﻻﻓﻨﺪﻱ ﻳﺸﺮﻑ ..
ﻏﻤﻀﺖ ﻋﻴﻮﻧﻲ ﻭﻣﺎ ﺣﺴﻴﺖ ﻏﻴﺮ ﺭﺣﺖ ﺑﺴﺎﺑﻊ ﻧﻮﻣﺔ ..
‏( ﻫﻬﻬﻪ ﻫﺎﻱ ﻋﺎﻗﺒﺔ ﺍﻟﻲ ﻳﻀﻞ ﺑﺪﻭﻥ ﺯﻭﺍﺝ .. ﻳﻨﺎﻡ ﺑﺎﻟﺼﺎﻟﺔ ‏)
ﺍﻟﺴﺎﻋﺔ ٧ ﺍﻟﺼﺒﺢ ..
ﻣﻴﺎﻣﻴﻦ ... ﻧﺎﻳﻤﺔ ﻭﺣﺎﻃﺔ ﺭﺍﺳﻲ ﻋﻠﻰ ﺻﺪﺭﺓ .. ﺗﺤﺮﻙ ﻫﻮ ﻭﺳﺤﺐ ﺗﻠﻴﻔﻮﻧﺔ .. ﻓﺘﺤﺖ ﻋﻴﻮﻧﻲ ﻋﻠﻰ ﺣﺮﻛﺘﺔ ..
ﻛﻠﺖ ﺑﺼﻮﺕ ﻧﻌﺴﺎﻥ : ﺣﺒﻴﺒﻲ ﺷﺠﺎﻱ ﺗﺴﻮﻱ ..
ﻏﺰﻭﺍﻥ : ﺍﺭﻳﺪ ﺍﺗﻄﻤﻦ ﻋﺎﻟﺸﺒﺎﺏ ﻭﺻﻠﻮ ﻟﻮ ﻻ ..
ﻓﺘﺤﺖ ﻋﻴﻮﻧﻲ ﺑﺴﺮﻋﺔ ﻭﺷﻠﺖ ﺭﺍﺳﻲ : ﺷﻠﻮﻥ ﻳﻌﻨﻲ ﺍﻟﻮﻟﺪ .. ﻭﺍﻧﺘﺔ ﻣﺎ ﺟﻨﺖ ﺭﺍﺡ ﺗﺴﺎﻓﺮ ..
ﻏﺰﻭﺍﻥ : ﻻ ﻛﺘﻠﻬﻢ ﻣﺎ ﺍﺳﺎﻓﺮ .. ﻻﻥ ﺗﺪﺭﻳﻦ ﺑﻴﺔ ﻣﺎﻛﺪﺭ ﺍﺑﻌﺪ ﻋﻨﺞ ﻛﻢ ﻳﻮﻡ .. ﻭﻫﻢ ﻛﻠﺖ ﺍﺑﺘﺪﻱ ﺍﻟﺴﻨﺔ ﺍﻟﺠﺪﻳﺪﺓ ﺑﺸﻮﻓﺔ ﻋﻴﻮﻧﺞ ..
ﺭﺟﻌﺖ ﺭﺍﺳﻲ ﻭﻓﺮﺣﺖ ﺍﻛﺜﺮ ﻻﻥ ﻣﺎ ﺳﺎﻓﺮ ﻋﻠﻤﻮﺩﻱ ..
ﺑﻘﺔ ﻳﺪﻙ ﻋﻠﻴﻬﻢ ﺑﺲ ﻣﺤﺪ ﻳﺸﻴﻠﺔ ..
ﻋﻘﺪ ﺣﻮﺍﺟﺒﺔ ﻭﺣﺠﺔ ﺑﺨﻮﻑ : ﻟﻴﺶ ﻣﺤﺪ ﻳﺠﺎﻭﺏ .. ﺧﺎﻑ ﺻﺎﻳﺮ ﻋﻠﻴﻬﻢ ﺷﻲ ...
ﺍﺑﺘﺴﻤﺖ ﻭﺣﺎﺑﺴﺔ ﺿﺤﻜﺘﻲ : ﻻ ﺗﺨﺎﻑ ﻋﻠﻴﻬﻢ .. ﻛﻠﻬﻢ ﻧﺎﻳﻤﻴﻦ ﻫﺴﺔ ..
ﺑﺎﻭﻋﻠﻲ ﻣﺴﺘﻐﺮﺏ : ﻭﺍﻧﺘﻲ ﺷﻤﺪﺭﻳﺞ ..
ﺣﺠﻴﺖ ﺑﻀﺤﻜﺔ : ﻻ ﻛﻞ ﻭﺣﺪﺓ ﻣﺴﻮﻳﺔ ﻋﻠﻰ ﺭﺟﻠﻬﺔ ﺧﻄﺔ .. ﻳﻌﻨﻲ ﺍﺣﻨﺔ ﻣﺘﻔﻘﻴﻦ ﻣﺎ ﻧﺨﻠﻴﻜﻢ ﺗﺴﺎﻓﺮﻭﻥ .. ﻭﺍﻧﺘﻮ ﻛﻠﺒﻜﻢ ﺭﺟﻴﺞ ﻣﺎ ﻳﺘﺤﻤﻞ ﻫﺎﻟﺠﻤﺎﻝ ﻫﺬﺍ ..
ﻃﺒﻚ ﺣﻮﺍﺟﺒﺔ : ﻳﻌﻨﻲ ﻫﺎﻱ ﺧﻄﺔ ﻣﻨﺠﻦ .. ﺯﻳﻦ ﺧﺎﻑ ﺍﻟﻮﻟﺪ ﺳﺎﻓﺮﻭ ﻭﺻﺎﺭﻟﻬﻢ ﺷﻲ .. ﺷﻤﺪﺭﻳﺞ ﺑﺨﻄﺘﺠﻦ ﻧﺠﺤﺖ ..
ﺍﺑﺘﺴﻤﺖ : ﺍﺗﺼﻞ ﻋﻠﻰ ﺣﺴﺎﻥ ﻭﺗﺄﻛﺪ ﺑﻨﻔﺴﻚ ..
ﻓﻌﻼ ﺳﺤﺐ ﺗﻠﻴﻔﻮﻧﺔ ﻭﺍﺗﺼﻞ ﻋﻠﻰ ﺣﺴﺎﻥ .. ﻭﺭﺓ ﻛﻢ ﺭﻧﺔ ﺭﺩ ﻋﻠﻲ ﺣﺴﺎﻥ : ﻫﺎ ﻏﺰﻭﺍﻥ ..
ﻏﺰﻭﺍﻥ : ﻫﺎ ﺣﺴﺎﻥ ﻣﺎ ﺳﺎﻓﺮﺗﻮ ..
ﺣﺴﺎﻥ ﻭﻛﺄﻧﺔ ﺗﺬﻛﺮ ﻭﻃﻔﺮ : ﻻ ﻳﺮﺑﻲ ﺭﺍﺣﺖ ﻋﻠﻴﺔ ﻧﻮﻣﺔ .. ﺍﻛﻴﺪ ﻋﺎﻓﻮﻧﻲ ﻭﻣﺸﻮ .. ﻻﻥ ﻳﺪﺭﻭﻥ ﺑﻴﺔ ﻛﻮﺓ ﺍﻛﻌﺪ ..
ﻏﺰﻭﺍﻥ ﺑﻀﺤﻚ : ﺭﺩ ﻧﺎﻡ ﻳﻜﻠﺒﻲ ﺭﺩ ﻧﺎﻡ .. ﻛﻠﻬﺔ ﻣﻨﻮﻣﺔ ﺍﻟﻴﻮﻡ ﻣﻮ ﺑﺲ ﺍﻧﺘﺔ ..
ﺳﺪ ﺍﻟﺘﻠﻴﻔﻮﻥ ﻣﻦ ﺣﺴﺎﻥ ﻭﺍﻟﺘﻔﺖ ﻋﻠﻴﺔ ﻭﻫﺰ ﺭﺍﺳﺔ : ﻣﺎ ﺟﺬﺏ ﺍﻟﻜﺎﻝ ﺍﻥ ﻛﻴﺪﻫﻦ ﻋﻀﻴﻢ
ﺟﻮﺭﻱ ... ﺍﺑﺘﺴﻤﺖ ﺑﺨﺒﺚ ﻭﺍﻧﻲ ﺍﺷﻮﻓﺔ ﻳﻄﻔﺮ ﻣﻦ ﺍﻟﻨﻮﻡ ﻭﻳﺸﻮﻑ ﺗﻠﻴﻔﻮﻧﺔ ﺻﺎﻣﺖ : ﺭﺍﺣﺖ ﺍﻟﻄﻴﺎﺭﺓ ..
ﺳﻮﻳﺖ ﺭﻭﺣﻲ ﻧﺎﻳﻤﺔ ﻭﻣﺎ ﺗﺤﺮﻛﺖ ..
ﺍﺳﻤﻌﺔ ﻳﺤﺠﻲ ﻭﻳﺔ ﺭﻭﺣﺔ .. ﻏﺰﻭﺍﻥ ﺩﺍﻙ ﻋﻠﻴﺔ ﻭﺍﻧﻲ ﺷﻠﻮﻥ ﺻﺎﺭ ﺗﻠﻴﻔﻮﻧﻲ ﺻﺎﻣﺖ ..
ﺿﺤﻜﺖ ﺑﻜﻠﺒﻲ ﻭﻛﻤﻠﺖ ﻧﻮﻣﺘﻲ ﻭﻫﻮ ﻧﻔﺲ ﺍﻟﺸﻲ ..
ﺑﺎﻗﻲ ﺍﻟﺸﺒﺎﺏ ﺣﺎﻟﻬﻢ ﻧﻔﺲ ﺣﺎﻝ ﻣﺆﻳﺪ .. ﻭﺍﻟﺒﻨﺎﺕ ﻓﺮﺣﺎﻧﺎﺕ ﺍﻥ ﺣﻘﻘﻦ ﻏﺎﻳﺘﻬﻦ ...
££££££
ﺑﻌﺪ ﻣﺮﻭﺭ ٨ ﺷﻬﻮﺭ ...
ﺭﺍﺋﺪ ... ﺭﺟﻌﺖ ﻣﻦ ﺍﻟﻤﺠﻤﻊ ﻭﺩﺧﻠﺖ ﻟﻠﺒﻴﺖ .. ﺻﻌﺪﺕ ﻓﻮﻙ ﻭﺍﻧﻲ ﺍﺩﻭﺭ ﺑﻌﻴﻮﻧﻲ ﻋﻠﻴﻬﺔ ﺑﺄﺳﺘﻐﺮﺍﺏ ﻻﻥ ﺍﺳﻤﻊ ﺻﻮﺗﻬﺔ ﺑﺲ ﻣﺎﻛﻮ ..
ﺣﺠﻴﺖ ﺑﺼﻮﺕ : ﺧﺎﺍﺗﻮﻭﻥ ..
ﺍﺟﺎﻧﻲ ﺻﻮﺗﻬﺔ ﻣﻦ ﻭﺭﺓ ﺍﻟﻘﻨﻔﺔ : ﺍﻧﻲ ﻫﻨﺎ ..
ﺑﺎﻭﻋﺘﻠﻬﺔ ﻭﻃﺒﻜﺖ ﺣﻮﺍﺟﺒﻲ : ﺷﺘﺴﻮﻳﻦ ﻫﻨﺎ ..
ﻟﻤﺖ ﺷﻔﺎﻳﻔﻬﺔ ﻭﻋﺒﺎﻟﻚ ﺑﺲ ﺗﺮﻳﺪ ﺍﺣﺪ ﻳﺤﺠﻲ ﻭﻳﺎﻫﺔ ﺣﺘﻰ ﺗﺒﺠﻲ : ﻣﺎﻫﻮﺓ .. ﺿﺎﻉ ﻣﻨﻲ ..
ﻛﺎﻣﺖ ﻣﻦ ﻭﺭﺓ ﺍﻟﻘﻨﻔﺔ ﻭﺗﻤﺸﻲ ﺟﻨﻬﺔ ﺑﻄﺔ ﻭﺑﻄﻨﻬﺔ ﺑﺎﺭﺯﺓ ﻻﻥ ﺑﺸﻬﺮﻫﺔ ﺍﻟﺴﺎﺑﻊ ..
ﺭﺍﺋﺪ : ﺷﻨﻮ ﻫﻮﺓ ﺍﻟﻀﺎﻉ ..
ﻣﺎ ﺣﺎﺟﺘﻨﻲ ﺑﺲ ﻭﺟﻬﺔ ﺍﺣﻤﺮ ﻣﻦ ﺍﻟﻌﺼﺒﻴﺔ ﻭﻧﻔﺸﺖ ﺍﻟﻤﺨﺎﺩ ﻣﺎﻝ ﺍﻟﻘﻨﻔﺎﺕ ﻭﺗﺸﻤﺮﻫﻦ ﺑﺎﻟﻜﺎﻉ ﻭﺗﺪﻭﺭ ﺑﺄﻃﺮﺍﻑ ﺍﻟﻘﻨﻔﺎﺕ ..
ﺭﺍﺋﺪ : ﺧﺎﺗﻮﻥ ﻣﺎ ﺭﺍﺡ ﺗﻜﻠﻴﻠﻲ ﻋﻠﻴﻤﻦ ﺗﺪﻭﺭﻳﻦ ..
ﻧﻔﺨﺖ ﻛﺬﻟﺘﻬﺔ ﻭﻛﺎﻟﺖ ﺑﻘﻬﺮ : ﺍﻟﺤﺠﻞ ﻣﺎﻟﺘﻲ ﻣﺎﻛﻮ .. ﻣﺎﺩﺭﻱ ﻭﻳﻦ ﺣﻄﻴﺘﺔ ... ﻛﻠﺒﺖ ﻋﻠﻲ ﺍﻟﺒﻴﺖ ﺑﺲ ﻣﺎﻫﻮﺓ ..
ﺑﺎﻭﻋﺘﻠﻬﺔ ﺑﻌﺼﺒﻴﺔ : ﻭﻫﺴﺔ ﺍﻧﺘﻲ ﺗﻔﺘﺮﻳﻦ ﻋﻠﻤﻮﺩ ﺣﺠﻞ .. ﺍﻧﻌﻞ ﺍﺑﻮ ﺍﻟﺤﺠﻞ .. ﺗﻌﺎﻱ ﺍﻛﻌﺪﻱ ..
ﺗﺨﻮﺻﺮﺕ ﻭﻛﺎﻟﺖ ﻭﻋﻴﻮﻧﻬﺔ ﻣﻐﻮﺭﻛﺔ : ﻣﺎﺍ ﺍﻛﻌﺪ .. ﻫﺬﺍ ﺍﻟﺤﺠﻞ ﺍﻧﺘﺔ ﺟﺒﺘﺔ ﺍﻟﻲ ﺑﻴﻮﻡ ﻋﺮﺳﻲ .. ﺷﻠﻮﻥ ﻣﺎ ﺍﻓﺘﺮ ﻋﻠﻤﻮﺩﺓ ..
ﺑﺎﻭﻋﺘﻠﻬﺔ ﻭﻭﺭﺣﺖ ﻛﻌﺪﺕ ﻳﻤﻬﺔ ﺑﺄﺑﺘﺴﺎﻣﺔ :.. ﺍﻧﺘﻲ ﺩﻭﺭﺗﻲ ﺯﻳﻦ ﻭﻣﺎ ﻟﻜﻴﺘﻲ ..
ﺟﻮﺭﻱ : ﺍﻱ ﺩﻭﺭﺗﺔ ﻣﺎ ﺗﺸﻮﻑ ﺷﻠﻮﻥ ﻛﺎﻟﺒﺔ ﺍﻟﺒﻴﺖ ..
ﺭﺍﺋﺪ : ﺍﻧﺘﻲ ﺗﺪﻭﺭﻳﻦ ﻭﻫﻮ ﻭﻳﺎﺝ ﻃﻮﻝ ﺍﻟﻮﻗﺖ ..
ﻃﺒﻜﺖ ﺣﻮﺍﺟﺒﻬﺔ : ﻭﻳﻨﺔ ..
ﺭﻓﻌﺖ ﺍﻳﺪﻫﺔ .. ﺟﺎﻧﺖ ﻻﺑﺴﺘﺔ ﻋﻠﻰ ﺷﻜﻞ ﺳﻮﺍﺭ ..
ﺣﻜﺖ ﺭﺍﺳﻬﺔ ﺑﺒﺮﺍﺋﺔ : ﻧﺴﻴﺘﺔ ..
££££££££££
ﺧﺎﻟﺪ ... ﻛﺎﻋﺪ ﺍﻟﻌﺐ ﺩﻭﻣﻨﺔ ﺍﻧﻲ ﻭﻣﻬﺎ ..
ﺧﺎﻟﺪ : ﻣﻬﺎﺍﺍ .. ﺭﺍﺡ ﺍﻣﻮﺗﺞ .. ﻻ ﺗﻐﺸﻴﻦ ..
ﻣﻬﺎ ﺑﻀﺤﻜﺔ : ﻣﺎ ﺍﻋﺮﻑ ﻣﺘﻌﻮﺩﺓ ﻋﺎﻟﻐﺶ ..
ﺧﺎﻟﺪ : ﻻ ﺣﺒﻴﺒﺘﻲ ﺍﻧﻲ ﻣﺎ ﺗﻐﺸﻴﻨﻲ ..
ﺗﺄﻓﻔﺖ ﻭﺷﻤﺮﺕ ﺍﻟﺪﻭﻣﻨﺔ : ﺧﻠﻮﺩﻱ ﺣﺒﻴﺒﻲ ﺷﻨﻮ ﺭﺃﻳﻚ ﺗﺠﺮﺏ ﺗﻄﺒﺨﻠﻲ ﺍﻟﻴﻮﻡ ..
ﺑﺎﻭﻋﺘﻠﻬﺔ ﺑﺮﻓﻌﺔ ﺣﺎﺟﺐ : ﻛﻮﻟﻲ ﻭﺍﻟﻠﻪ .. ﻣﺎ ﺍﻋﺮﻑ ﺍﻃﺒﺦ ..
ﻣﻬﺎ ﻛﺎﻣﺖ ﺑﻤﻠﻞ : ﺯﻳﻦ ﺍﻧﻲ ﻣﻠﻴﺖ ﺷﺴﻮﻱ ..
ﺧﺎﻟﺪ : ﺍﻱ ﻛﻮﻟﻲ ﻫﻴﺞ ﻣﻦ ﺍﻟﺒﺪﺍﻳﺔ .. ﻣﻠﻴﺘﻲ ﻣﻨﻲ ..
ﻣﻬﺎ : ﻻ ﻣﻮ ﻣﻠﻴﺖ ﻣﻨﻚ .. ﺑﺲ ﻣﻠﻴﺖ ﻣﻦ ﻛﻌﺪﺓ ﺍﻟﺒﻴﺖ .. ﺍﺧﺬﻧﻲ ﻟﺒﻴﺖ ﺍﻫﻠﻚ ﺍﺭﻳﺪ ﺍﺷﻮﻑ ﻋﻤﺘﻲ ..
ﺧﺎﻟﺪ ﺑﺄﺑﺘﺴﺎﻣﺔ : ﻛﻮﻣﻲ ﺍﻣﺮﻱ ﻻﻟﻠﻪ ..
ﻛﻤﺰﺕ ﻣﻦ ﻣﻜﺎﻧﻬﺔ ﻭﺍﻧﻲ ﺻﺤﺖ ﺑﻴﻬﺔ : ﻋﻠﻰ ﻛﻴﻔﺞ ﺗﺮﺓ ﺍﺭﻳﺪ ﺍﺑﻨﻲ ...
ﺑﺎﻭﻋﺘﻠﻲ ﺑﻌﺼﺒﻴﺔ : ﻭﺍﻟﻠﻪ ﻣﻦ ﻭﺭﺓ ﺍﺑﻨﻚ ﺍﻧﻲ ﻣﺤﺒﻮﺳﺔ ﺑﺎﻟﺒﻴﺖ ﻻﻥ ﺍﻟﺪﻛﺘﻮﺭﺓ ﻛﺎﻟﺖ ﻻ ﺗﺘﺤﺮﻛﻴﻦ ﻫﻮﺍﻱ .. ﻫﺎﻟﻤﺮﺓ ﻟﻮ ﻣﻮ ﺍﺑﻨﻚ ﺍﻃﻠﻊ ﺍﻃﻠﻊ ...
ﺿﺤﻜﺖ ﻋﻠﻴﻬﺔ ﺑﻄﻨﻬﺔ ﻫﺴﺘﻮﻫﺔ ﺑﺪﺕ ﺗﺮﺯ ﻻﻥ ﺑﺸﻬﺮﻫﺎ ﺍﻟﺮﺍﺑﻊ .. ﺍﻟﻠﻪ ﻳﺴﻬﻠﻠﻬﺔ ..
&&&&&&&&
ﺣﺴﻨﻴﻦ ... ﻛﺎﻋﺪﻳﻦ ﻭﻳﺔ ﺍﻫﻠﻲ ﻋﻠﻰ ﺳﻔﺮﺓ ﺍﻻﻛﻞ .. ﺩﺧﻠﺖ ﺩﻋﺎﺀ ﻭﺑﻴﺪﻫﺔ ﻃﺎﺳﺔ ﻛﺰﺍﺯ ﻭﺣﻄﺘﻬﺔ ﻛﺪﺍﻡ ﺑﺴﻤﺔ ..
ﺑﺴﻤﺔ ﻓﺘﺤﺖ ﺣﻠﻜﻬﺔ ﻭﻫﻲ ﻣﺘﺤﻤﺴﺔ ﺗﺮﻳﺪ ﺗﺎﻛﻞ ..
ﺍﺧﺘﻲ ﺷﻤﺲ ﻋﺎﻃﺖ : ﻭﻳﻴﻴﻴﻊ .. ﺷﻨﻮ ﻫﺬﺍ ..
ﺑﺴﻤﺔ ﻛﻤﺰﺕ : ﺷﺒﻴﻴﻴﺞ .. ﻋﺎﺩﻱ ﺯﻻﻃﺔ ﻭﻓﻮﻛﺎﻫﺔ ﻧﻮﺗﻴﻼ ﻭﻣﺎﻳﻮﻧﻴﺰ ..
ﺣﻮﺭﺍﻱ ﺍﺧﺘﻲ ﺍﻟﺜﺎﻧﻴﺔ ﺣﻄﺖ ﺍﻳﺪﻫﺔ ﻋﻠﻰ ﺣﻠﻜﻬﺔ : ﺑﺴﻤﻤﻤﺔ ﺻﺪﻙ ﺭﺍﺡ ﺗﺎﻛﻠﻴﻦ ﻫﺬﺍ .. ﻭﺍﻟﻠﻪ ﺍﺣﺲ ﺭﺍﺡ ﺍﺳﺘﻔﺮﻍ ﺑﺲ ﺑﻤﺠﺮﺩ ﺍﻟﻤﻨﻀﺮ ...
ﺷﻮﻕ ﺍﺧﺘﻲ ﺍﻟﺜﺎﻟﺜﺔ : ﺑﺴﻤﺔ ﺷﻮﻛﺖ ﺗﺨﻠﺺ ﻓﺘﺮﺓ ﺍﻟﻨﺴﺎﻭﺓ ﻣﺎﻟﺘﺞ ﻭﻧﺮﺗﺎﺡ ..
ﺑﺎﻭﻋﺘﻠﻬﻦ ﻭﻫﻲ ﺗﺒﺎﻭﻋﻠﻬﻦ ﻣﻦ ﻭﺣﺪﺓ ﻟﻮﺣﺪﺓ ..
ﺣﺴﻨﻴﻦ : ﺷﻌﻠﻴﺠﻦ ﺑﻴﻬﺔ .. ﺧﻞ ﺗﺎﻛﻞ ﺑﻜﻴﻔﻬﺔ ..
ﺑﺎﻭﻋﺘﻠﻲ ﺑﺄﺑﺘﺴﺎﻣﺔ ﻭﻋﺒﺎﻟﻚ ﺷﺠﻌﺘﻬﺔ ﻭﻛﺎﻣﺖ ﺗﺎﻛﻞ ﻭﻫﻲ ﺗﺘﻠﺬﺫ .. ﺍﺑﺎﻭﻉ ﻻﺧﻮﺍﺗﻲ ﻃﺎﺑﻜﺎﺕ ﺣﻮﺍﺟﺒﻬﻦ ﺑﻘﺮﻑ ﻭﺍﻧﻲ ﺣﺎﻟﻲ ﺍﺭﺩﺉ ﻣﻦ ﺣﺎﻟﻬﻦ ﺑﺲ ﻣﺎﺭﻳﺪ ﺍﻛﺴﺮ ﺑﺨﺎﻃﺮﻫﺔ ..
ﺑﺴﻤﺔ ﻣﻦ ﺍﺑﺘﺪﺕ ﻓﺘﺮﺓ ﺍﻟﻨﺴﺎﺓ ﻭﻫﻲ ﺗﺸﺘﻬﻲ ﺍﺷﻴﺎﺀ ﻏﺮﻳﺒﺔ ﻋﺠﻴﺒﺔ .. ﻭﺩﻋﺎﺀ ﻣﺎ ﺗﺨﻠﻲ ﺷﻲ ﻣﺎ ﺗﺴﻮﻱ ﺍﻟﻬﺔ ..
££££££££
ﻣﺆﻳﺪ ... ﻛﺎﻋﺪ ﺑﺎﻟﻐﺮﻓﺔ ﻭﺍﺷﺘﻐﻞ ﻋﺎﻻﺑﺘﻮﺏ ...
ﻃﻠﻌﺖ ﺟﻮﺭﻱ ﻣﻦ ﺍﻟﺤﻤﺎﻡ ﻭﻫﻮ ﻣﺪﻧﻚ ﺗﺒﺎﻭﻉ ﻟﺸﻲ ﺑﻴﺪﻫﺔ ..
ﺍﺟﺖ ﻭﻛﻔﺖ ﻛﺒﺎﻟﻲ .. ﺣﺠﺖ ﺑﺼﻮﺕ ﺣﺰﻳﻦ : ﻣﺆﻳﺪ ﻳﻌﻨﻲ ﺍﺫﺍ ﺧﻄﻴﻦ ﻣﻮ ﺣﺎﻣﻞ ﺻﺢ ..
ﺑﺎﻭﻋﺘﻠﺔ ﺑﺴﺮﻋﺔ .. ﻳﺎ ﺣﻤﻞ ..
ﻛﻤﺖ ﻭﻛﻔﺖ : ﺷﻨﻮﻭ ..
ﺍﻧﻄﺘﻨﻲ ﺍﺧﺘﺒﺎﺭ ﺗﺤﻠﻴﻞ ﺍﻟﺤﻤﻞ ﺍﻟﻤﻨﺰﻟﻲ :.. ﺍﺷﺘﺮﻳﺖ ﻫﺬﺍ ﻣﻦ ﺍﻟﺼﻴﺪﻟﻴﺔ ﻻﻥ ﺷﻜﻴﺖ ﺍﻥ ﺣﺎﻣﻞ .. ﺑﺲ ﻃﻠﻌﻠﻲ ﺧﻄﻴﻦ .. ﻳﻌﻨﻲ ﻣﻮ ﺣﺎﻣﻞ ..
ﺍﺑﺎﻭﻉ ﻟﻸﺧﺘﺒﺎﺭ ﻭﺍﻳﺪﻳﺔ ﺗﺮﺟﻒ ..
ﺑﺎﻭﻋﺘﻠﻬﺔ ﻭﻛﻠﺖ : ﺟﻮﺭﻱ ﺍﺫﺍ ﺧﻄﻴﻦ ﺣﺎﻣﻞ .. ﻭﺍﺫﺍ ﺧﻂ ﻭﺍﺣﺪ ﻣﻮ ﺣﺎﻣﻞ ..
ﺑﺎﻭﻋﺘﻠﻲ ﻭﻋﻴﻮﻧﻬﺔ ﺷﻌﺖ ﺑﻔﺮﺡ : ﻭ ﻭﺍﻟﻠﻪ ..
ﺣﺠﻴﺖ ﺑﻔﺮﺡ : ﻭﺍﻟﻠﻪ ..
ﺑﻘﻴﺖ ﻭﺍﻛﻒ : ﻟﺤﻀﺔ ﺧﻞ ﺍﺳﺘﻮﻋﺐ .. ﺭﺍﺡ ﺍﺻﻴﺮ ﺍﺏ .. ﺭﺍﺡ ﻳﺼﻴﺮ ﻋﺪﻧﺔ ﺑﻨﺖ ﺍﻭ ﻭﻟﺪ ﺻﺢ ..
ﻫﺰﺕ ﺭﺍﺳﻬﺔ ﻭﻫﻲ ﺗﻀﺤﻚ ...
ﺣﻀﻨﺘﻬﺔ ﻟﺼﺪﺭﻱ ﺣﻴﻞ ..
ﻧﺰﻟﺖ ﺍﺑﺸﺮ ﺍﻫﻠﻲ ﺑﻬﺎﻟﺨﺒﺮ ..
£££££££££££££££££££££££
ﻣﻴﺎﻣﻴﻦ : ﻛﺎﻋﺪﺓ ﺑﺎﻟﺒﻠﻜﻮﻧﺔ ﻭﺍﻟﺠﻮ ﺣﻠﻮ ﻻﻥ ﺩﻧﻴﺎ ﺍﻟﻠﻴﻞ .. ﺍﻟﺴﻤﺎ ﺻﺎﻓﻴﺔ ﻭﺍﻟﻨﺠﻮﻡ ﻣﺘﻨﺎﺛﺮﺓ ﺑﻜﻞ ﺟﻬﺔ ..
ﺣﺴﻴﺖ ﺑﺄﻳﺪﻳﻦ ﺣﺎﻭﻃﺘﻨﻲ ﻣﻦ ﻭﺭﺓ ﺑﺪﻓﻮ ﻭﻫﻤﺲ ﺑﺄﺫﻧﻲ :.. ﻟﻴﺶ ﻛﺎﻋﺪﺓ ﺑﺮﺓ ..
ﺣﻄﻴﺖ ﺍﻳﺪﻱ ﻓﻮﻙ ﺍﻳﺪﻱ ﻭﺭﺟﻌﺖ ﺭﺍﺳﻲ ﻟﺼﺪﺭﺓ : ﺍﻟﺠﻮ ﺣﻠﻮ .. ﺗﻌﺎﻝ ﺍﻛﻌﺪ ﻳﻤﻲ ..
ﻛﻌﺪ ﺑﺼﻔﻲ ﻭﺣﻀﻨﻲ ﻟﺼﺪﺭﺓ ..
ﺣﺠﻴﺖ ﺑﻬﻤﺲ : ﻏﺰﻭﺍﻥ ..
ﻏﺰﻭﺍﻥ : ﻫﻤﻤﻢ ..
ﻣﻴﺎﻣﻴﻦ : ﺗﺘﺬﻛﺮ ﺍﻭﻝ ﻳﻮﻡ ﺍﺟﻴﺖ ﺑﻲ ﻟﻬﺎﻟﺒﻴﺖ ..
ﺗﻨﻬﺪ ﻭﻛﺎﻝ : ﺷﺬﻛﺮﺝ ﺑﻬﺎﻟﻴﻮﻡ ..
ﺣﺠﻴﺖ ﺑﺄﺑﺘﺴﺎﻣﺔ : ﻻ ﻭﺍﻟﻠﻪ ﺻﺪﻙ .. ﺗﺪﺭﻱ ﺑﻴﻮﻣﻬﺔ ﺟﻨﺖ ﻣﻴﺘﺔ ﻣﻦ ﺍﻟﺨﻮﻑ ﺑﺲ ﺣﺎﻭﻟﺖ ﻣﺎ ﺍﺑﻴﻦ ﻫﺎﻟﺸﻲ .. ﺗﺨﻴﻠﺖ ﻫﺎﻟﻤﻜﺎﻥ ﺭﺍﺡ ﻳﻜﻮﻥ ﺳﺠﻨﻲ ﻃﻮﻝ ﺍﻟﻌﻤﺮ ..
ﻏﺰﻭﺍﻥ ﺑﻬﺪﻭﺀ : ﻧﺪﻣﺎﻧﺔ ؟؟
ﺍﻟﺘﻔﺘﺘﻠﺔ ﺑﺴﺮﻋﺔ : ﺍﺑﺪﺍً .. ﺍﺻﻼ ﺍﺣﻤﺪ ﺍﻟﻠﻪ ﻭﺍﺷﻜﺮﺓ ﻛﻞ ﻳﻮﻡ ﺍﻟﻲ ﺟﻤﻌﻨﺔ ﻣﻬﻤﺎ ﺟﺎﻧﺖ ﺍﻟﻀﺮﻭﻑ .. ﻭﺍﺫﺍ ﺟﺎﻥ ﺣﻀﻨﻚ ﺳﺠﻨﻲ ﻓﻬﻮ ﺍﺣﻼ ﺳﺠﻦ ..
ﺣﻀﻨﻲ ﻟﺼﺪﺭﺓ ﺍﻛﺜﺮ :.. ﺍﻟﻠﻪ ﻻ ﻳﺤﺮﻣﻨﻲ ﻣﻦ ﻫﺎﻟﻌﻴﻮﻥ ..
ﺍﺑﺘﺴﻤﺖ ﻭﻛﺘﻠﺔ : ﻏﺰﻭﺍﻥ ﺷﻨﻮ ﺍﻛﺜﺮ ﺷﻲ ﺗﺤﺒﺔ ﺑﻴﺔ ..
ﻏﺰﻭﺍﻥ ﻭﻫﻮ ﻳﺒﺎﻭﻉ ﻟﻠﺴﻤﺎ : ﺟﻤﺎﻝ ﺍﻟﺴﻤﺎﺀ ﻓﻲ ﻧﺠﻮﻣﻬﺎ ﻭﺟﻤﺎﻝ ﺣﺒﻴﺒﺘﻲ ﻓﻲ ﺷﻌﺮﻫﺎ ...
...... ﺍﻟﻨﻬﺎﻳﺔ
ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤
ﻭﻟﻬﻨﺎ ﺗﻨﺘﻬﻲ ﺍﻟﻘﺼﺔ ﺣﺒﺎﻳﺒﻲ ﺍﺗﻤﻨﻰ ﺣﺒﻴﺘﻮﻫﺔ ﻭﻧﺎﻟﺖ ﺍﻋﺠﺎﺑﻜﻢ .. ﻭﺳﺎﻣﺤﻮﻧﻲ ﺍﺫﺍ ﻓﺪ ﻣﺮﺓ ﺯﻋﻠﺘﻜﻢ ﺑﺎﻟﺒﺎﺭﺗﺎﺕ .. ﻫﻮﺍﻱ ﺑﻨﺎﺕ ﻛﺎﻟﻮ ﺣﺮﺍﻣﺎﺕ ﺭﺍﺡ ﺗﺨﻠﺺ ﻭﺗﻌﻮﺩﻧﺔ ﻋﻠﻴﻬﺔ 😘 ﺷﻨﺴﻮﻱ ﻳﺎ ﻛﻠﺒﻲ ﻛﻞ ﻗﺼﺔ ﻭﺍﻟﻬﺔ ﻧﻬﺎﻳﺔ ﻭﺍﻟﺤﻤﺪﺍﻟﻠﻪ ﻧﻬﺎﻳﺔ ﺍﺑﻄﺎﻟﻨﺔ ﺳﻌﻴﺪﺓ 😘
ﺍﻋﺬﺭﻭﻧﻲ ﺍﺫﺍ ﺧﻠﻴﺘﻜﻢ ﺗﻨﺘﻀﺮﻭﻧﻲ ﻫﻮﺍﻱ ﻭﺍﺳﻔﺔ ﺍﺫﺍ ﻣﺮﺍﺕ ﺍﺗﻌﺼﺐ ﻋﻠﻰ ﺍﻟﺒﻌﺾ .. ﺑﺲ ﻭﺍﻟﻠﻪ ﺍﻛﺜﺮﻛﻢ ﻛﻼﻣﻜﻢ ﺯﺭﻉ ﺑﻜﻠﺒﻲ ﺍﻟﺘﻔﺎﺋﻞ ﻭﻣﺤﺒﺘﻜﻢ ﺧﻠﺘﻨﻲ ﺍﺳﺘﻤﺮ ﺑﻬﺎﻟﻘﺼﺔ 😘
ﺩﻣﺘﻢ ﺳﺎﻟﻤﻴﻦ ﺣﺒﺎﻳﺐ ﺳﺎﺭﺓ ️👍