ما لا یُحكى يُبكى

البارت الأول

#ما_لا_يحكى_يبكى
.
.السلام عليكم.. انشاءالله تعجبكم القصة .. صوتو للقصة حبايبي .. ..
..كل يومين او ٣ ايام انزل بارت  .. لان والله حيييل ماعندي فراغ انزل دوم
____________________

.. "عتيق : عمري ١٨ سنة عايشة بأربيل بنت عادية كباقي البنات .. بس الي يميزني هية شجاعتي وما أخاف من أي شخص.. عيوني عسلية شعري لونة بني طولة شوية نازل من اكتافي  ما احب أطولة صح خالاتي يردني اطولة بس اني اكصة ما اهتم بيهن شيسون أيسون ما أحب اطولة .  طولي ١٦٨ ورشيقة  لأن ما أكل هواي  اكلي ضعيف ..

"قيس : عمرة ٣٠ سنة طويل وضخم وعيوني  عاديات أسود .. عايش ببغداد

ابو رجال مريض بي سكر . وعندة أخوان ٢ اصغر منه واحد اسمة كريم عمرة ٢٥  مزوج وعندة ٢ أطفال والثاني اسمة احمد عمرة ٢١  يدرس جامعة مرحلة ٢ ..  وأما اخواته  ثلاثة مزوجات وحدة ممزوجة عمرهة ١٧ سنة .. يشتغل ب مدير شركة هوة و٢ من اصدقائة  ....

_____________

"عتيق : بعمري ال ٤ سنوات مامة صارت حامل وبابة طاير من الفرحة .. بس مامة بدت تتمرض وتتخربط  شوي شوي .. ف بابة دوم صار ياخذهة للدكتور ويشوف حالتهة .. بس للأسف مامة صار بيهة سرطان ب الكبد .. بابة   حيييل تأذة وضاج وانقهر صارت حالتة موزينة وصار دوم تروح تاخذ دوا .. ورة فترة مامة فقدت الطفل .. بس ضاجت وانكسرت وتحطمت .. وصارت دوم تبجي ومرات تبقى وحدهة ..بس بكل الأوقات تباوع علية وتحضني وتبجي .. جنت طفلة ما افتهم شي . . الى ان اجة يوم ومامة تخربطت وبابة نخبص راحو للمستشفى . واجت خالتي للبيت يمي لان بقيت وحدي .. حضنتني وضلت تبجي .. ما اعرف شبيهة الى ان اجاهة اتصال وضلت تبجي .  كعدت بالكاع وتبجي حييل .. فألي فهمتة مامة ماتت... ف بابة خلاني يم خالاتي لان ميكدر يعتني بيه وهوة عندة شغل ومشغول

مرت سنين من ماتت مامة وصار عمري ٨ سنوات واني دوم اذكرهة وأريدهة .. وخالاتي دوم ايحاولن اينسني بس ما انسة دوم من اريد انام ابجي اريد امي  .. عمامي وجدي ابو ابوي . كلمو ابوية وقنعو  يتزوج .. كالولة تربي بنتك وترعاهة وهية تحتاج ام اداريهة الى اااان

ازوج بابة وحدة اسمهة كريمة  ورجعنة لبيتنة القديم الي مامة ماتت بي لان بابة  ميدخلة بس يجي يمي من يرجع من الشغل يبقى ٣ ساعات وياخذني ويا لبيت جدي المهم رجعنا لبيتنة القديم شكد اشتقتلة .. بس زوجة ابوي مراضية ع البيت تكله مترب وقديم وما أريد اكعد بي شكد كرهتهةصح طفلة بس افتهم .. واذكر امي ترة الام متنسي .. الله يبعد والدتكم من الامراض ..

المهم صار عمري ٩ سنوات وكريمة صارت حامل
وبابة فرح وكال را ايصير عندج اخو سند الج .. بس اني حيل اتضايقت .. كتلة مو اخوي هذة ...اني مامة ميتة ومايصير عندي اخو اله من مامة  . .. باوع علي وسكت... بابة من ماتت مامة حيل تغير  مو مثل قبل يعني حيل متغير وضعفان .. شكلة يقهر  ... وكريمة الورد مجيسة نايمة وبابة يجيب اكل اله من المطعم وأني فضلت اروح يم خالاتي ..