ما لا یُحكى يُبكى

بارت 46

ما لا يحكى يبكى.
.
.
.

مهند:- احمد مات

من كالها الحجية اتخربطت . وسعاد تخبلت كامت تبجي وتصرخ ومنال ركضت عالحجية اني رحت جبت مي واجيت  اكعد بالحجية . ما فاد تخربطت . ركضت جبت عطر واجيت اشممة الهة .

كوة كامت تفتح بعينهة

وسعاد تصرخ ما تعرف شسوي الحجية كامت وصرخت:- يمةةةةةة احمدددددد

اني من صراخها كمت ابجي

الحجية:- يمةةة ابنييي احمددد . ولك اليوووم حنتككك يمةةةة

اني وهية تصرخ ابجي . رغم كلشي ما فهمنة منهة 

شوية ورجع اتصل الموبايل ركضت علي باوعت قيس . بسرعة جاوبت ودموعي بعين:- الووو

- قييس احجيي شبي احمد

- عتيق . اصعدي بالغرفةة تلكين ملف لونة ازركَ اطي لمهيمن . بسررعة

- احجيي شبي احمد . قيس امك تخربطتت

- كليلهة متصوب فوك من كلبة يعني بأكتافة بس الطلقة قريبة يم كلبة . لو نازلة شوية جان مات اسم الله علي . تعدة مرحلة الخطورة

- الحمدالله .

ارتاح كلبي من كال هيج ركضت للحجية وكتلها هية فرحت كامت تبجي ازيد وتغلط علة مهند

نزلتلة غلط وفشار يبووو

. رحت صعدت لكيت ياقوت كاعدة وتبجي . باوعت عليهة جريت الملف . ونزلت اطيتة لمهيمن .

وبقينة نركض منا ومنا . رحت صعدت لياقوت لكيتهة نايمة ودموعهة بعينهة .شلتها بستها ونومتهة عالسرير .. اني حسيت بثكل ابطني حيل وجعتني . وكل شوية صاعدة نازلة صاعدة نازلة . واني داخلة الشهر الثالث

زينب خبصتني كل شوية متصلة وتبجي .

للساعة ب ٢ بليل بقينة منتضرين خبر

اتصلت بقيس كال طلعو الرصاصة من صدرة
وهسة معلكيلة مغذي .بعدة ما كاعد من البنج

بقينة منتضرين الحجية بنص الليل طلعت هية ومهيمن وسعاد . للمستشفى

واني بقيت وي منال نفتر .

لثاني يوم منعسة وكل شوية اغفى بمكان . الساعة ب ٩ يلا اجة قيس

رحت علي وسألتة علة احمد كال الحمدالله زين

كال:- يول اني اعلمة محسن علة هاي العملة

- ااف . الله يشافي لأحمد

بقينة منتضرين خبر علة احمد . لحد الساعة ب ٥ العصر كالو بليل حيجيبونة من المستشفى . احنا كمنا نضفنة البيت وسمية اجت الضهر . والحجية رجعت الضهر هية وسعاد .. نضفنا البيت كللة وطبخنا اكل . لليل عمامة وخوالة وخلاتة واقابهم كلها اجت