#ما _لا_يحكى_يبكى
#الجزء_الثاني
________________
.
.
:- هاي بتمن الحلوة
عتيق:- بنتي
:- هاي ام عيون بتج؟
عتيق:- اي شبيهة متشبهني
:- اكلج تعاي انتي منو ماشايفتج
عتيق:- لا تشوفيني احسن
:-انتي مرت قيس ؟
عتيق:- اي
:- ها .. جا هاي عليمن طالعة بس لا علة حمييد (احمد)
عتيق:- اي
:- يااا . فلك طرة حمييد(احمد) طفر علة الاجانب عيون وطول .. جا ماتجين تاكلين ويانة شو عازلة
عتيق:- ما احب اكل هواي
:- جا اشون تكضين كلبج بهاذ
هزيت راسي :- يكض يكضة .. هسة شعليهة هاي
كو يلا طلعت .. كامن يدخلن يغسلن والمطبخ صار هوسة واني الهوسة عدوووتي
اكو بيهن شوية زينات مرتبات بس ذولي اقارب الحجية من العمارة حشاكم بس همة شوية همجيين اقاربهة اخواتهة وبنات اختهة وبنات اخوانهة .. اووو
بس اقارب الحجي كلش زينين يعني تعاملهم حلو عمامة وعماتة واخواتة وبعد اقاربة هواي
شفت هديل واكفة يم سمية لابسة فستان بني
رحت يمهة وكلت:- هلو هديل
هديل:- هلوو شلونج
عتيق:- الحمدالله . شوكت اجيتي اشو مشفتج
هديل:- هسة اجيت وي عمتي ورضى (رضى زوجهة)
عتيق:- هاا .. لعد وين زنوبة
هديل:- نايمة
عتيق:- والثانية ما اعرف شسمهة
هديل:- هم نايمة
سمية:- عتيق جيبي ياقوت اخذ وياهة صورة
عتيق:- بفلوس الصورة ههههه
سمية:- هههه ياقووت تعاي حبيبي
درت وجهي وشفت حنان كاعدة هية وامهة ويسولفن .. هاي شسوي هنا مو عالساس مزاعلين وميحجون وما اعرف شنو... اختفت الابتسامة من عندي . اباوعلهة متغيرة وسمنانة اكثر ولابسة فستان جلد النمر وضيييك عليهة يعني مفاتن جسمهة بارزة وكرشهة .وحجاب لافتة بدون ترتيب بلون الفستان
بقيت اباوع عليهة كاعدة وادك سوالف
رحت كضيت الحجية خطية تفتر كتلهة :- حنان شسوي هنا ؟
الحجية:- ها شتردين
عتيق:- حنان حنااان شسوي هنا
الحجية:- شسوي جا غير بت بت خالتي
أنت تقرأ
ما لا یُحكى يُبكى
Mystery / Thrillerبنت يتيمة اب وام . تذهب فصلية ..... قصة حقيقية منقولة . بقلم الكاتبة #رنين_الراوي
