ما لا یُحكى يُبكى

البارت 22

#ما_لا_يحكى_يبكى

_________

قيس رجعت للبيت طبكت سيارتي وردت ادخل صاح علي ابو كرار واجة يمي :- اشلونك قيس

قيس:- الحمدالله انتة اشلونك ابو كرار

ابوكرار:- الحمدالله اليوم شكو شو صياح ببيتكم مسموع

قيس:- والله ما ادري خاف هاي الجهال دوم هارجينة

ابو كرار:- اي والله . رحت دكيت بابكم وطلعتلي وحدة شكرة كالت شتريد . كتلهة اجيت علة الصوت خاف عدكم مريض صوتكم عالي خوماكو شي .  هية كامت تصيح وتكلي انتة شعليك وما اعرف شنو وطبكت الباب وطردتني

بسرعة عرفتهة عتيق لان وكحة وشكرة:- ها . والله ما ادري اعذرني ابو كرار خاف متعرفك عبالهة غريب  المهم اعذرني ابو كرار . البيت بيتك شوكت ما تجي

ابو كرار :- تسلم قيوسي حبيبي

قيس:- سالم راسك يلا اني اترخص

دخلت جوا وسلمت وصحت لعتيق ام لسان احب وكاحتهة

كامت تشرحلي شكتلة ..

____________

نزلت العصر وكعدت احمد فتح موضوع كريم . وكلهة كامت تباوع علة عتيق وتخزر

انتبهتلهة ضاجت وطلعت رحت طلعت وراها لكيتهة كاعدة عالمرجوحة وتباوع كدامهة عالحايط اتكتفت وانتجيت عالحايط

خبلتني افهمهة شتريد بس هية لو تلزم لسانهة من اللغوة تهذي وتخليني اعصب

اجة جعفر وكامت تحجي ويا تحسسني حيل ضالمهة  من كد ما تبجي . واني مو بيدي اذا اذكرت اسم كريم ابقة الوم بنفسي واذكر اشون كاعدين اني ويا

اكول من وراي مات اني عفتة ورحت

اندارت وشافتني .......( بالبارت 21 كتبتلكم شصار )

____

راحت واني بقيت بالحديقة اجاني اتصال من سجاد بقيت احجي ويا عالشغل

شوية وسمعت صوتهة تصيح قفلت الموبايل ورحت دخلت صحت:- شكوو من جدديد

الحجية:-  يمة شوف اشون تكول علة اخوك قذر سخيف ميستحي مات لان تحارش بية  لجججج الفصليةةة اممم الولدددد

قيس:- لجج يمةةة بس اسكتي خل اشوف شكووو

رحت دكيت الباب وفتحتة مقفول صحت:- عتتتيق افتحي الباب

ماكو رد:- عتتتتيق .. افتحي لا ااكسررة علة راااسج

باوعت علة امي وكلت :- يمةةةة مفتاح ثااني عندج

تحجي من ورة خشمهة :- اي عندي

طلعتة من جيبهة واطتنيا اخذتة وفتحت الباب

باوعت عليهة بالكاع اتفاجئت وفتحت عيوني ايدهة تنزف وكلهة دم اني صحت :- شسووووييتي

بسر كضيت ايدهة حيل وصحت:- يمةةةةةة سعاااااد