ما لا یُحكى يُبكى

البارت 29

#ما_لا_يحكى_يبكى

#البارت_29

#بقلم_رنين_الراوي

~~~~~~~~~~~~

عتيق:- انتة مو ردتني

قيس:- اي تعاي شبيج واكفة

رحت يمة وابتسمتلة ابتسامة خفيفة

قيس:- جبتلج شغلة

عتيق:- شنو هية

اندار فتح المجر وطلع بوكس حلو جبير

قيس:- هاذة جبتة لأحلة وحدة

ضحكت وكتلة:- الييي ؟

قيس:- لا لأمي

عتيق:- ها... لعد اني شعلي تصيحني روح اطيهة لامك لو صيحلهة لو انتة انزللهة بس قصدكم اني خدامة اروح واجيب وفوكاهة سويتوني ساعي البريد اودي هدايا وهسة راح اسووني السايق مالتكم والمربيه مالتكم وبعد وبعد و....

قيس:- هوووب هسة اني شكلت لخاطر ربج هسة امي وينهة وين الرسم .. اكيد جبته الج

ابتسمت وضحكت وكتلة:- الييي

قيس:- لا لأمي

ضحكت واجيت يمة وحضنتة وكلتلة:- شكرااااا

قيس:- يولي مسويت شي

ابتعدت منة وباوعت عالبوكس شكد حلوو .. فتحتة بي تقريبا ٢٠ورق فريمات مال ستاندات بس صغار والوان الباستيل ومائية وزيتية وخشبية واقلام رصاص ٦ احجام وقلمين فحم كبار كللش حلوووات عشقتهن بس شفتهن

عتيق:- ياااي حلووواات عجبووني شكرااا

رجعت حضنتة وطايرة من الفرح احس صارت عندي جناحات وطرت بيهن من كد ما فرحت .. لو يهدولي سيارة ما افرح بكد ما افرح للرسم ..

حضني وباسني من راسي وكال:- ههههه تدلل مرتي

انتبهت لنفسي اوخرت منة وكلت:- اني راح انزل محتاج شي

بقة يباوع علي .. شوية وكال:- اي رايد اكلج شي

ابتسمت وكلت:- شنو

قيس:- رحت وحددت يوم الجمعة اعقد عليج

ارتبكت :- ها..ا.. اي ..يلا اني راح انزل

وصلت يم الباب فتحتة ورجعت باوعت علي لكيتة باقي بمكانة وايدة بجيوبة ويباوع علي ومبتسم ...

ابتسمتلة وطلعت .. اااه طلعت وارتاحيت واتنفس قبل شوي حابسة نفسي ما اعرف ليش ومرتبكة ..

نزلت جوا وبيدي البوكس لاكاني احمد يريد يصعد لغرفتة

احمد:- هلو مرت قيس

عتيق:- اهلاً

احمد:- انتي بتتكلمي ايه ..

مارديت بقيت بس اباوعلة اشون يمسلت