#مالا_يحكى_يبكى
.
.
رجعنة للبيت والاميرة ياقوت هرجتنة بس تبجي تغيد (تريد)البزونة
وقيس يسكت بيهة وماكو
هية تكول:-قيث اغيد البذونة بث ثبوند بوب عدة بذونة . (قيس اريد بزونة بس سبونج بوب عدة بزونة )
قيس:- اجيبلج احلة بزونة بس مو هسة العصر
ياقوت:- لا هثة(هسة)
عتيق:- ياقوت كافيي
كامت تبجي وتكول:- اني اغييد بذوونة هذا الذلمة عدة بذوونة واني ما عندي بذونة (اني اريد بزونة هذا الزلمة عدة بزونة واني ماعندي بزونة )
ومبرطمة وتحجي ودموعهة بعيونهة
الحجية كالت:- هسةة اشلون بأم بزونة
ياقوت:- اغييدهةة
حضنتني وكامت تبجي قيس يضحك وكال:- اشوون بياقووتي . لك حبيبي والله اجيبلج احلة بزونة . ولو هوة انتي بزونة
دخل احمد وكال:- السلام عليكم
كلها ردت . كال:- قيس اليوم ليش ما اجيت
قيس:- ليش شكو
احمد:- والله دخت اني وهذا محسن هرجنة يكول شنو قيس يهددني واجة للشركة بس الحمدالله اني طلعتلة خليتة يروح مكسر
قيس:- عاشت ايدك اني اليوم اروح وانعل ابو لابو الجابة
سعاد تسمع وصافنة . خطية حيل ضايجة
الحجية:- ج هذا ميتووب شنهي قضيتة كليومية مودينة لبيتة مكسر . وانتم علكيفكم ويا مو هيج كالوهة
احمد:- يمة ما تسكتين . هوة دخل يفكر يغث اختي الحلوة ويشوف مصيرة . اذا ما اخلي يعفن بالسجن
باوع لسعاد وكال:- والله اذا ما ابنيلج قصر واكعدج بي وحدج اني مو احمد . اذا ما اكسر راس محيسن خرا .. هذا اني مو احمد علي
هية تباوعلة وتبتسم ..
كال:- بس يمة اني ناسيني يعني متفكرين تخطبيلي زينب ؟
الحجية: سد حلكك الاعوج . مدري اشون دست علة نفسي واقنع بنفسي
احمد:- يبووو منج يومين وغيرتي رأيج
قيس:- حمادة . اريد الجمعة اروح لأربيل....
احمد:- اوكف لحضة . تريد تذب الشغل علة راسي وتروح . لا لا مامقبولة
قيس:- يابة اسبوع وارجع
احمد:- يمعود روح لمهند اني ما ادخل
قيس:- لك حمادة اسبوع واحد .
احمد:- اففف ماشي
اني عفتهم وصعدت ياقوت لان كلبت الدنيا عالبزونة
أنت تقرأ
ما لا یُحكى يُبكى
Mistério / Suspenseبنت يتيمة اب وام . تذهب فصلية ..... قصة حقيقية منقولة . بقلم الكاتبة #رنين_الراوي
