ما لا یُحكى يُبكى

البارت 27

# ما_لا_يحكى_يبكى

_______________

سمية:- امي استغلت الفرصة وركضت زوجتة حنان حنان وحنان من زمان حاطة عينهة علي منيكول ما مخلية سحر لنور ..

عتيق:- اسكتتي هية فسخت الخطوبة بعدين هاي شبيهة

سمية:- انتي لو شايفتهة تتخبلين هااادءة  وفاااهية هية حلوة بس الصدك انتي احلة منهة اني ما احب اجذب انتي احلة

عتيق:- يعني اذا اعتذرت لقيس . قيس يخطبهة

سميه:- ما اعتقد صارلهة ٤ سنوات مدري ٥

عتيق:- واذا قبل

سمية:- شمدريني خلي يقبل خطية لو تشوفينة من عافتة ضاااج وعصبي بكل الاوقات حتة حنان ميحجي وياها ومن يجونة بيت عمي اصلا ميدخل للبيت بس اكلج هية عبالهة يبطلهة وهية تعبت علة دراستهة

عتيق:- اااف اريد اكمل دراستي راح ابجي

سمية:- اني عادي اكدر اكمل بس رسبت ب ٦ بأخير السنة وما كملت وراها

عتيق:- انتي شكد مرتاحة مخلينهة تكمل دراسة وترسب امداج لو اني اجيب معدل دكتورا

سمية:- دروحي اطلع دكتورا هية

:- لعد وذا مو سرور بت عمتي ومسرة طلعن دكتورا ومسرة عمرهة بكدي وهية هسة مرحلة ثانية تدرين ليش لان طلعت كلة امتياز راحت كبل للسادس

:- هنيالهن ذني

:- والله انتي هنيالج هزيت ايدي ورحت للهول  بس بقت ابالي نور

نزل مبتسم باوع علي وكال:- صباح الخير

ابتسمت :- بعد وكت جنت يمك فوك

قيس:- شسوي غير خرعتيني نسيتيني روحي

عتيق:- هههه لاتذكرني رجاءاً

طلعت الحجية وباوعت علة قيس:- ها يمة صباح الخير راح تروح

قيس:- صباح النور راح باس راسهة

الحجية:- يمة الله يوفقك

طلع وراح طلع سيارتة وراح .. اني بقت ابالي الي اسمهة نور متت اخذت تفكيري اريد بس اشوف شكلهة وطول الوقت اني

نضفت البيت كلةوسعاد وخيرية وبنات خيرية راحن للسوك تعبت ..

الساعة ب4 اجة قيس

دخل سيارتة ودخل سلم عليهم باوع علي وكال:- شلونهة مرتي

ابتسمت بدون ما ارد

قيس:- سعاد وين ؟

عتيق:- راحت وي خيري

قيس:- ها . من تجي خل تصعدلي احاجيهة

هزيت راسي . راح صعد واني بقيت واكفة وافكر واكول بله لو صدك تطلع نور تحجي ويا بس اني لازم  اسويلة الي يريدة هفف اتعب