ما لا یُحكى يُبكى

البارت 19

#ما_لا_يحكى_يبكى

ranin altawe
تٌرَاني لِمَ أٌحِبُكْ ؟؟

أُحِبُكَ لِأَنَّكَ أَنَا

أُحِبُكَ لِأَنَّكَ رُوْحِي

أُحِبُكَ لِأَنَّكَ نُبُضَي

أُحِبُكَ لِأَنَّكَ صَدِيْقَي

أُحِبُكَ لِأَنَّكَ سَعَادَتِي

أُحِبُكَ لِأَنَّكَ هَدِيَّة رَبِّي ، و أَمَانَة الْقَاضِي

أُحِبُكَ لِأَنَّكَ شَمْعَه تَنِيرِ لِي دَرْبِي

أُحِبُكَ لِأَنَّكَ صُنْدُوْق أَسْرَارِي

أُحِبُكَ لِأَنَّكَ شَفَّافَ ، عَفَوِيَّ ، دُوْن زَيْف ، كَمَا انْتْ

أُحِبُكَ لِأَنَّكَ دَوْمَاً بِقُرْبِي

أُحِبُكَ لِأَنَّكَ تَفْهَمِني رَغْم الْمَسَافَات الْبَعِيدَة ،

تَفْهَمِنِي حَتَّى ولَو كُنَّا خَلْف تِلْك الْشَّاشَات ..
_______________________

عتيق:

رحت بالمطبخ كعدت وأضحك عالحجية شتحجي

اندك الباب مال البرا طلع مهيمن وفتحة ودخلت بنية ما شايفتهة وزوجهة

اني بقيت كاعدة والحجية طلعت سلمت عليهم وفرحانة صفنت علة الحجية اشون فرحانة ببتهة وأبتسمت وياهة وشون تحضن بيهة دخلتهة والضحكة شاكة حلكهة كعدو بالهول ويسولفن ويضحن اني دخلت لغرفة الحجية

وكمت ابجي حيل اريد امي اريد تفرح بية اريدهة بكلشي اريده محتاجتهة حيل اريد حضنهة مليت بس اباوع علة الامهات اشون يحضنون بناتهم بالمدرسة ومرت خالي ومرت عمي وعمتي والحجية وبناتهة كلهم محضوضين بس اني اريد امي ابجي واسعمهن يضحكن

وكلما يضحكن ابجي اكثر واعض بالمخدة اطلع حركة كلبي . واكول اذا صرت ام ما اخلي بنتي محتاجة لاحد ابد

اعوض حنان الام الي محتاجتة بيهة

اااخ مامة اريدج يمي خالة زين انتي ليش عفتيييني

انفتح الباب واني ماباوعت بقيت ابجي

قيس: عتيق شبيج .. اجة يمي وكضاني من ايدي

: عتيق منو مأذيج شكو ليش تبجين . احجي

عتيق: اريد امي 

جراني وحضني وكال : شذكرج بأمج لاتبجين والله دموعج غالية

عتيق: كلهةة تذكرنني بيهة ام..ك تحضن ببناتهة وتبجي  ..عل.ة دمعتهن .. وتف..رح علة فرح..هن
ب..بس اني محد يحبني ويفرحلي

قيس: اشش كافي يولي لاتبجين اني يمج كافي امسحي دموعج

عتيق: ليش ايموتون الي احبهم