ما لا یُحكى يُبكى

البارت 38

#ما_لا _يحكى_يبكى

#بارت_38_الجزء_الثاني

#بقلم_رنين_الراوي

__________________

سميو:- يمة والله جذابة هية سوت ذاك اليوم

الحجية هزت ايدهة وكامت وغمتنة

عتيق:- المرتفهلة

سمية:- خاب دكافي نرفزتوني بكلمتكم

عوجت حلكي واقلد بصوتهة😂 وكلت:- انتي معليج

الحجي:- بوووية ولكم اني خلصت من هذا المسموط حمييد (احمد) واجيتيني انتي تمضرطيين فوك راسسي . ولا محصل منكم شي غير الفشلات والتمضرط وراسسسي رااااح ينسطر

كام وراح للاستقبال .. اويلي شوية شوية اخليهم يطشون لان سطروني بحجيهم مال سياسة وشغل وبيت عم وعماتي اووو شنو هاااي 😒

قيس:-  ياقوت وين

عتيق:- بغرفة الحجية دتباوع عالتلفزيون

راح للغرفة باوعت علي واخذت نفس .. كمت صعدت اخذت ملابس ودخلت للحمام وشغلت اغنية اجنبية وبعدتة من المي ..

كاعد اسبح واندك الباب مال الحمام صحت من ورا الباب

عتيق:- هااا

قيس:- نصيي اريد انطمرر

عتيق:- اي

نشفت ايدي وطفيتة وبقيت اسبح بملل

كملت ونشفت وبدلت ولفيت المنشفة علة شعري وطلعت

باوعت علي مطفي الاضوية ونايم علة بطنة ..رشيت عطر ومشطت شعري وضفرتة

فتحت الباب ونزلت جوا اشوف ياقوت . دخلت لغرفة باوعت الحجية نايمة وياقوت ماموجودة رحت كعدتهة وكلت

عتيق:- حجية ياقوت وين

الحجية:- والله ما ادري هسة جانت هنا . يجوز قيس اخذهة فوك

عتيق:- حجية اني جنت فوك ..

عفتهة وطلعت لغرفة سعاد :- سعاد ياقوت وين

سعاد:- ما سارحة بيهة

دورت بالغرف ماموجودة رحت للأستقبال الحجي نايم ومطفي الاضوية

عتيق:- حجيي

الحجي:- هااا هم لحكتيني

عتيق:- ياقوت وين ماشفتهة

الحجي:- لا غير يمكم

عتيق:- حجي ماموجودة بأي مكااان

ايدي كامت ترجف وكلبي يدك سريع وكوة احجي احس راح اوكع واموت من الخوف

ذب الغطى وكال:- بوية جا قيس وين

رحت بسرعة صعدت وفتحت الاضوية وباوعت ماموجودة .