ما لا یُحكى يُبكى

البارت السادس

#ما_لا_يحكى_يبكى

ثم ماذا ؟!

ثم انني ابتليت بشخص ،

لايغيب عن بالي،

حتى في انشغالي....💜

~~~~~~~~~~~~

عتيق : اطللعع ..

بسرعة طلع بس متت من الخجل ..

كملت سعاد كالت : ترة امي هسة تجي هنا تنام اذا ردتي افرشي فراش ب الكاع

عتيق: هسة اكوم بس حيل ديحركني

طلعت كوة كمت ولبست .. الحرك صاير يم ركبتي وجوة مو زين ما طاح بوجهي

فرشت ونمت .. متت من الالم

ساعة وأجت مرة ما اعرفهة كالت : هييي انتي مو كيفتي محتركة ونايمة كووومي يلاا . يلاا

باوعت عليهة وكتلهة .. : ما اكدر الألم ذبحني

: دكوومي كوومي ماجنهة فصلية عبالك عروس محد يحجي وياهة

عتيق: خالة والله اكوم بس الألم ذبحني

: كومي لج شنو ابقة اتوسل بيج اني

كمت ومشيت ولكيتهم متغدين ومكملين وعايفين المواعين ب السنك .. محد ذكرني .. يذكروني بس ب المواعين

غسلتهن وكملت .. والبيت هدوء كلهة طاشه لغرفهة ..

المطبخ حار والألم يحرك بية

رحت لغرفة الحجية وكتلهة ..

عتيق: حجية الحرك يوجعني

الحجية : شو تعاي اشوفج

اجيت يمهة وباوعتلي وكالت

الحجية : يلا يمة جا شسوين تكتلينهة اسكتي واتحملي

اهوو هاي كلساع كالت تحملي ليش لهل درجة ايطمطمون لحنان

نمت . ساعة وأجت المرة نفسهة الكعدتني

: يعني اني اكومج منا وترجعين تنامين منا .. كوومي شوفي المطبخ والميز . شوفي الكراج شصاير بيه مترب كوومي

عتيق: كمت والله كمت

كمت ونضفت المطبخ بقيت بي ساعة بس كنستة ومسحتة .. حتة الميز والسنك ممسحتهم