ما لا یُحكى يُبكى

البارت30

#ما_لا_يحكى_يبكى

#بارت_30
~~~~~~~~

قيس:- عتييق تعاي افطري

عتيق:- ها.. لا ما اريد

خزرني وكال :- تعاي هنا

اني بسرعة رحت وكعدت بصفة اخذت ملعقة واكل شوية ما اكل هواي اكل شوووية ..

قرب راسة مني وهمس:-يولي اكلي عدل ترة انتي مو جاهلة

عتيق:- لعبانة نفسي ودايخة ما اكدر اكل هواي

قيس:- دايخة لان متاكلين .. اخذ برياني بالملعقة وكال:- بلا لشوف افتحي حلكج

ضحكت واكلتهة والحجية تباوع وتضحك .. انتبهت لاحمد يخزر بيه هزيت راسي بمعنى شكو

كام يحجي بس ما افهمة شيريد كام ياشر علة قي وعلي هذا شبي

قيس:- احمدد شبيك

احمد:- كاعد اتسرطن شعليك

نعيم:- تؤ تؤ لا شنو تسرطن الله يبعدنة من هيج امراض عمي

احمد:- ويبعدك منة

الحجي بسرعة ضربة علة راسة وكال:- دحترم ابن الزمال غير عمك

احمد:- بوية ليش تغار ميانة بيناتنة مو صح نعيم

نعيم:- يا كواد اني عمك

احمد:- ورب الكعبة ادري بس احنة بيناتنة ميانة ميانة

حميد:- اكلك قيس

قيس:- كول عمي

حميد:- شوكت طلكت حنان

باوعت لنور شركت بالمي وهية تشرب كامت تكح وكلهة تباوعلهة

الحجية:- اطيهة مي..

احمد:- يمةةة هية اصلا غصت بالمي

حميد:- اي قيس شوكت طلكتهة

قيس:- ما صار هواي قبل رمضان يمكن بأسبوع هيج

حميد:- ليش شنو السبب

قيس:- مشاكل بيناتنة..

نور:- ليش ماكتولي

الحجية:- عليمن نكلج راحت اولت

نور:- يعني قيس خلصت منهة وابتسمت

قيس:- عتيق اطيني مي من يمج

اطيتة الة فتحة وشرب

حميد:- شسمهة شسمهة

قيس:- منو عتيق؟

حميد:- اسمهة عتيق

قيس:- اي.. باوعلي وابتسم

حميد:- اسمهة حلو وهية حلوة عمي شتردون بعد اجتكم شكيرة ..

قيس:- شكيرة بس وكحة

ضربتة علة رجلة وخزرتة

نعيم:- اي بوكتهة كوة قنعتك