#ما_لا_يحكى_يبكى
___________________
الصبح ب7:30
كمت سبحت وبدلت .. نشفت شعري ومشطتة وضفرتة طلعت ورحت للمطبخ سويت ريوك لقيس حطيتة عالميز وأخذت ريوك الي وللحجية
خليتة الحجية تتريك وأني صافنة بالصينية وأفكر بخالتي
دخل قيس باوعتلة ودرت وجهي
الحجية: ها يمة راح تطلع للعمارة
قيس: أي يمة الضهر من أرجع
عتيق: شسوي بالعمارة
قيس: هيج شغل .. أجة وكعد يتريك ويانة ويحجي لأمة علة الشغل
الحجية: يمة وشوكت ترجع أنتة
قيس: خمس أيام وأرجع
عتيق: بس ما أتصلت بخالتي
قيس: أمي تتصل بيهة
عتيق: انتة مو كلت اخذج الهة بعد يومين
قيس: والله مامتفرغ عندي شغل كومة..انتضري بس كم يوم
هزيت راسي
الحجية: عتيقة كومي اذا كملتي اغسلي الملابس
عتيق: حجية اكلج اريد ملابس متقبلين بس اذا اغسلي الملابس تجيني تركضين
الحجية: عود اجيبلج بس اغسلي
عتيق: لو أموت
قيس: ليش لعد ماعندج ملابس
عتيق: لاعندي كومة الكنتور مينسد
قيس: صدك ليش مكتيلي
عتيق: شسوي كايلتلك
قيس: يمة هاي البنية راح اكضهة وأنعل والديهة لعد اني منو . يمة اليوم روحي وجيبيلهة
الحجية: يمة مابية حيل
قيس: كولي لسعاد .. اطاهة فلوس وراح
روتين يومي حنان ومنال يفترن وراي ويسمعن حجي غسلت الملابس ونضفت وخلصت وصفاء ونقاء كاعدات ويتمضحكن وجهالهن هاجمين البيت والحجية راحت للسوك هية وسعاد . اجن وجايبات دشاديش اني اكرررره الدشاديش 😖😧بس حلوات
شسوي البسهن غصبا علي . سون غدا لل١ ونص اجة قيس
دخل وسلم عليهم وباوع علي : عتيق حضريلي ملابسي أريد اروح
كمزت حنان من مكانهة
حنان: اكعدي انتي اني اروح احضرلة خاف تبوكينة
قيس: حنااااان محد حجةةة وياااج فأكلي خرااا وانجبي
حنان: شكلت أني
قيس: لتحجين حيوانة اكو أحد حجةة وياج
رحت صعدت فوك حضرتلة ملابسة وأغراضة تغدة وصعد سبح وكل شوية يجي اتصال من اصدقاءة
أنت تقرأ
ما لا یُحكى يُبكى
Mystery / Thrillerبنت يتيمة اب وام . تذهب فصلية ..... قصة حقيقية منقولة . بقلم الكاتبة #رنين_الراوي
