#ما_لا_يحكى_يبكى
_______________________
رحت سبحت .. وطلعت لبست ثوب الحجية ودنبستة من الخصر لأن حيل عريض
طلعت وشفت حنان تحجي وي قيس هوة كاعد ع الأريكة وهية واكفة .. باوعو علية وسكتو
وخرت منهم .. بس الفضول كتلني
دخلت لغرفة الحجية وفتحت الباب شووية
واسمعهم .. ما كدرت اسمعهم لان يحجون بهمس
شوي وسمعتة كال .. : حناان السويتي مو سهل اسألج وين جنتي تكولين وي أخوي وأسال اخوج ايكلي ما جنت وياهة
وكام... بسرعة رحت للفراش
الحجية نايمة وتشخر يمي بقيت لل١ كاعدة اذكر خالتي وأبجي .. وأكول لو يم خالتي جان دخلتني معهد رسم بدون ميدري عمي وصافنة وكول
زين اني ابقة هنا للأبد يعني ما يودوني يم خالتي لو لبيت عمي .. لا يودوني شسالفة لعد ابقة مكابلتهم وكاعدة .. صراحة اني ما ادري شنو فصلية الي ادري تروح اصير خدامة ابيتهم ولا زواج ولاشي.. لان اصلا ممجربة شعورهة بس هسة يلة دريت واحد يعقد عليهة وتخدمهم ولازم متحجي شي ااابد .. الله يساعد كل وحدة تروح فصلية وأكو ناس من يردون فصلية ميشفي غليلهم الة يكتلونهة خلاص يلة يرتاحون
تفكير ابالي الى ان نمت .. لل ٨ الصبح كعدتني الحجية تكول : كومي سويلي ريوك وسوي لقيس وأحمد راح يطلعون خطية وهاي حنان نايمة متكعد هسة
عتيق: هاي لو اني انام بكد متنام هية تكلولي عروس
الحجية: خاب متسكتين انتي اجيتي فصلية هية زوجت قيس
عفتهة تمضرط وكمت .. لفيت شعري وشمرت حجاب
علة شعري وغسلت ورحت سويت ريوك كملت نزل قيس وهوة رافع خشمة وميتحاجة
كعد بدون ما حجة حطيت الريوك وأخذت ريوك الحجية ورحت انطيتهة كالت : اكعدي اكلي وياي
عتيق: هوة اكل وياج لعد المن جبت صمونتين حاسبة حسابي
اتريكت وكملت شلتة وقيس طلع للدوام
هوة وأحمد والحجي طلع مدري المن
وخيرية كل شوية وتأمر علي .. سعاد كعدت الساعة ب ٩ ونضفت وياي شوية .. والعروس حنان كعدت ب ١١ حتة ممغسله وجهة الهايشة .. نزلت وكالت صباح الخير
عتيق: مساء الشر
حنان: انتي محد حجة وياج فهمتي بس الضاهر تردين جدر ثاني بس هل مرة مال باجة وضحكت
عتيق: عاد والله وجهج يلوكلة الحرك صدك مال باجة
حنان : اكلي خرا يل فصلية
أنت تقرأ
ما لا یُحكى يُبكى
Mystery / Thrillerبنت يتيمة اب وام . تذهب فصلية ..... قصة حقيقية منقولة . بقلم الكاتبة #رنين_الراوي
