مالا يحكى يبكى
.
.
.
.
عتيق ...
مر يومين واحمد بالبيت ميطلع خطية متأذي . اني تعبانة من ضهري والحمل ديأذيني .
اليوم رحت للمرسم . الصبح وزينب خبلتني . شكد تحجييي ومواضيعهة التافهة متخلص . كلتلها .
عتيق.. لج زينب كافي شكد تحجين سدي حلكج شووية رحمة لدين محمد
زينب.. اهوو انتي دمج ثكيل شسويلج
عتيق .. كبر . انوب زينب واحمد شلووون بينة احنة
زينب.. شبي احمدد عيني
عتيق .. لج هوواي يحجي ويضحك يدووخ
وبقت تهذي براسي واني كاعدة وصافنة علة الستاند اريد افكر برسمة حلوة . لان راح يسوون معرض واني شاركت بي
لحد ما اجة ابالي ارسم شي غريب . مثل وحش او غير شي . يعني شي حلو .. صفنت ورجعت اذكرت الحرامي . كلت اييي ارسمة
وبديت ارسم المعاني الي انتبهتلهة اني بوجهة .
وبديت ارسم بي لحد ما اجة قيس وطلعت ويا .. اخذنة اني وياقوت لمطعم تغدينة ورجعنة
وبدت ست عذراء بحجيهة الفارغ . شنو تطلعين وتفترين والبيت وصخ ولوك لوك لوك . خبصتني
اني منا ضهري يوجعني .. كضيت وكمت انضف امري لله . ومنا منال ليييل ونهار كاعدة ابد ما تكوم وتنضف وياي . يعني بس اني وسعاد بالبيت انوب خالات قيس يمنة وهارجين البيت هرج وتعاي نضفي من جواهم وجهاال يبووو
وكلساع يضربون ياقوت لو يوكعونهة وهية منا متسكت تبقة تبجي
طكت روحي . رحت دخلت عليهن وكلت.. يمعودات عااد الزمن الجهال مو دانضف دوخوني وكحين
وياريتني ما كلت هيج اكلني حاصل فاصل .شنو احنة خطار وهيج تعاملينة
ادري خطار بس مو هيج تغثون الواحد بالجهااال الوكحين
خلصت شغل واخذت ياقوت وصعدت فوك . بوكتهة قيس راح وي جماعتة عندة شغل
كعدت وطلعتلهة بالتلفزيون كارتون . واني كعدت طلعت اوراق واقلام وبديت افكر شأرسم بالفريمة
وارسم بورقة وما تعجبني اكضهة امرعدهة واشمرهة . بقيت اباوع علة افكار رسم بالموبايل . يعني راااسي صار طبل
اريد فكرة ارسمهة .. لحد ما اجت ابالي رسمة حلوة رسمتهة بالورقة ودخلت للمكتب مال قيس . وعلكتهة علة السبورة الي مخليهة قيس بالمكتب ويعلك بيهة اوراق وخرابيط صايرة . خليتهة وكمت اباوع عليهة .
اااف دخت .. طلعت اوراق مال افكاري قديمات رحت طلعت ولكيت منال داخلة للغرفة وتحجي وي ياقوت .. باوعت عليهة واني ملتهية بالاوراق الي بيدي والأفكار الي بعقلي خليت الاوراق عالميز وكمت اكلب بيهن . كلت واني اكلب بألاوراق .. ها منال شتردين
أنت تقرأ
ما لا یُحكى يُبكى
Bí ẩn / Giật gânبنت يتيمة اب وام . تذهب فصلية ..... قصة حقيقية منقولة . بقلم الكاتبة #رنين_الراوي
