#ما_لا_يحكى_يبكى
،،،،،،،،،،،،،،،،،،،،،،،،،،،،،،،،
الساعة ب ١٠ اجت جوارين الحجية
مرة وياهة بنت بعمر ال ٢٠
البنية حيل عادية قزمة وسمينة دبة وصوتهة خشن عبالك زلمة هنا
قيس كاعد ب الهول يريد يطلع وأمة كاضتة تكلة لاتروح انتضر شوية ..
الحجية: شونج يأم مروة نورتي بيتنة
ام مروة: هههه نورج هذا
مروة لابسة عباية .
اني واكفة وأباوع البنية تسلم وتضحك وتسولف ومندمجة وكل شوي تباوع علة قيس
الحجية: يمة قيس تعال سلم علة ام مروة وعلة مروة
قيس: خزر امة وكام سلم
شوي وكالت المرة
ام مروة: هاي منو بتج لو مرت كريم
منال: اني مرت كريم ههههه هاي فصلية لقيس
ام مروة: يااا كاتلي الحجية كالت عاقدلة علة فصلية
عتيق: وهسة شنو الي تردي
ام مروة: سلامتج بس باوعنة شوية .. اي انتي شكد عمرج
عتيق: شعليج
الحجية خزرتني: عتيق روحي سوي جااي
عتيق: والله اني شعلي اني ماكايلتلج روحي اخطبي لقيس
قيس: عتيق جيبي مفتاح السيارة بغرفتي بسرعة وخزرني
ام مروة: خية هيج تتوسلون بهاي الفصلية والكعبة احنة هم من كرايبنة اخذو فصلية والكعبة بس تخدم ومتكول كلمة غير تأمر .. وذاك اليوم الأربعينية مالتهة كاتلينهة والله ليهسة مانعرف ليش ..
ردت اصعد وسمعتهة هيج كالت رجعت وصحت بتهديد
عتيق: شنو شنو كاتلينهة . .. اكيد غير همج ومتخلفين لو مو همجية ومتخلفة محجيتي هيج ..
قيس: عتييق وخزرني
مروة: حبيبتي انتي شبيج عبالك سيدة البيت تتأمر ويخافون منهة شنو انتي . اليشوفج ينخرع شكلج مقزز قذرة ولابسة لبس مال العجايز رتبي نفسج شوية
اني بسرعة هجمت عليهة وقيس كاضني وسعاد كاضتني اريد بس اكضهة والحجية كامت تغلط علية وتخزر وتعض بأيدهة
قيس: عتيق كافي
عتيق: انتي منوو هااا انتي منو وتكليلي هيييج لج انننني عتيييق وحدة مثلج تكلي مقززة . كمت ادفع بيهم اريد اكضهة
قيس دفعني حيل وكال :عتييق كاافي عيييب
مروة: اووف بيتكم شكد جان هدوء من ادخلة حتة ارتاح بي اوووف بس من دخلت هاي لعبت نفسنة .. تحجي وتتموع كبال قيس
أنت تقرأ
ما لا یُحكى يُبكى
Mystery / Thrillerبنت يتيمة اب وام . تذهب فصلية ..... قصة حقيقية منقولة . بقلم الكاتبة #رنين_الراوي
