#ما_لا_يحكى_يبكى
#الجزء_الثاني
هذة اخير بارت وبعد اسبوع اسبوعين انزل البقية تمام
،،،،،،،،،،،،،،،،،،،،،،،،،،،،
دخلت للمرسم وكاعدة ارسم للساعة ب ١٠ درت اباوع علة ياقوت باوعتلهة كاعدة ومبتسمة التفتت اريد اشوف زينب وين .. باوعت وفتحت عيوني وحلكي متفاجئة شجابة هناا .. رحت يمة وصحت
عتيق:- انتةةة شسووي هناا
يوسف:- بالبداية اكول السلام عليكم اشونج عتيقة
عتيق:- من شفتك صرت مو زينة.. شتررريد مني
اجت زينب وكالت:- شكو عتيق . منو هذا
يوسف:- الضاهر عتيق متدري اني شسوي هنا همم
هز راسة وكال:- اني اجيت هنا حتة اتعلم الرسم . ابتسم
عتيق:- اطلللع بررررا
كلهة اجت وتباوع عالصياح واني تخبلت من شفتة
اجة مؤيد وصاح:- شكووو شنو هذاا الصيااح
يوسف:- استاذ الضاهر عتيق مافرحت بشوفتي
من حركة كلبي تفلت بوجهة وكلت :- ما فرحت يوم واحد من شفتك ومن شفت ابوك وعمك وكل اقاربك يا وسخ ما شفتك يوم اذا مسويتلي مشاكل .. رحت اخذت جنطت واخذت ياقوت وردت اطلع
زينب:- عتييق اووكفي اوكفيي
عتيق:- خيرر
زينب:- شبيج احجيلي منو هذا
عتيق:- زينب عوفيني مو وكتج .
زينب:- عتييق اوكفي وين رايحة
عتيق:- من هسة اكلج بعد ما اجي للمرسم واشوف وجه هذا الحقير اعذريني حبي
زينب:- اوووكفي واحجي شكوو شبي وياج
عتيق:- تعاي وياي اريد ارتاح شوي
رحنة بالمنتزه كعدت وبقيت صافنة
زينب:- عتيق
عتيق:- ها
زينب:- هذا منو احجيلي ترا فضولية
عتيق:- ابن عمي
زينب:- وليش هيج عصبية انتي
عتيق:- زينب باوعي اني ماكايلتلج هوة لو مو يوسف جان هسة اني مامزوجة قيس ..
زينب:- مافهمت .. ليش
عتيق:- قيس عندة اخو اكبر من احمد . المهم . حجيتلهة كلشي هية بقت صافنة بوجهي وفاتحة حلكهة
زينب:- صدك تحجين
عتيق:- اي
زينب:- ليش ماكلتيلي
عتيق:- ماكو داعي اكلج اني فصلية
زينب:- بس قيس ممعتبرج فصلية وهذا مبين من تصرفاتة..
أنت تقرأ
ما لا یُحكى يُبكى
Mystery / Thrillerبنت يتيمة اب وام . تذهب فصلية ..... قصة حقيقية منقولة . بقلم الكاتبة #رنين_الراوي
