*يا جماعة هو انتوا كنتوا مضيقين انى نزلت البارت امبارح ومصر خسرانه.... اصل فية واحدة بعتتلى خاص وبتقولى ازاى تنزلى بارت وبلدك خسرانة... انا حبيت أرد عليها قدامكوا.
بصي حضرتك هو واللهى مش انا اللى خسرتهم يعنى لحسن تكونى فكراني كنت بلعب معاهم... ولا انا اللى شيلتهم الجون.
ثانياً انا مش كروية يعنى كسبنا خسرنا بالنسبالى بلح.
ثالثا ودة الاهم حضرتك مضايقة كنتى تقدرى متقريش البارت فى نفس يوم الخسارة.
وأخيرا نهاية الاستفتاء ان مجيدة هتعيش تمام وانا هحاول اخليه اكثر واقعية.
سيبوكوا انتوا من كل دة وخلينا فى بارت انهردا.
بعد الصلاة نزلوا السداسي سريعاً ليقوموا بعمل الكيكة وخرجوا سريعا بعد دقائق بسبب أزعاج مجيدة منهم وصعدوا الى غرفهم...ونزلت نون سين جلست بجانب حور ومى ومجد وأرسلان و أدهم.
دخلت خادمة وتوجهت الى نون سين:الجواب دة وصل لحضرتك دلوقتى يا هانم.
نون سين:اية الجواب دة؟
الخادمة:معرفش يا هانم حضرتك تقدرى تفتحية.
أخذتة منها وصرفتها وبدأت تفتحه.
فتحتة وقرأتة وأغلقته مرة أخرى.
مى:خير يا نونى؟؟
نون سين :دة جواب من الجامعه ولسة هتصل بيهم عشان أفهم اية الجواب دة.
حور:طب أبقى طمنينا.
لحظات ووجدا مجيدة أدهم تنزل سريعاً من على السلم وتهتف بصوت عالى :بابى عايزة بوديكا ويجاز.
نظروا لها بسعقه... بينما نظر هو لها بقلق.
أدهم:انتى عاوزة اية يا حبيبتى.
اقتربت منه وأجابت ببراءة كادت تصيبة بأزمة قلبية:عايزة بوديكا... لا لا يا بابى عاوزة فوديكا ويجاز.
ضرب على صدرة كالنسوة:يا فضحتى... يا فضحتى يا فضاااااحتى.
وضعت يدها على وجنتة:مالك يا بابى؟
تسائل بقلق:وانتى بتسمعى الحاجات دى فين يا حبيبتى؟
ردت بفخر:دة حمو بيكا يا بابا.
أرسلان:طب وحد بيسمعه تانى ولا انتى بس.
ردت ببساطة:لا يا أونكل كله بيسمعه فوق.
نظر لها بغيظ:وعايز الجاز لية بقي؟
نظرت له بأنبهار:عشان ابقي زى الفنان الكبير اللى بيغنى الاغنية.
تسائل أرسلان:أغنية اية يا حبيبتى؟
رددت بغناء وهى تحرك يدها بحركات بلهاء: ينعل ابو الجواز دة الحرام هو المراد هاتلى فوديكا ويجاز.. ومش حفظت الباقى يا بابى.
صرخ فى وجهها :الحرام هو المراد.
صححت له نون سين:لا قصدها الغرام.
أنت تقرأ
شقاوة حب(الجزء التانى )
Romanceتعالوا نكمل الشقاوة بتاعة اطفال ابطلنا ولغاية ما يكبروا ونضحك معاهم... بس شخصية تيتا مجيدة المحبوبة جدا من الكل ممكن متكملش معانا لغاية آخر الجزء. **ممنوع النقل بدون آذن ** بداية الكتابة :1\7\2019 نهاية الكتابة :4/8/2019 Cover by :xKoK_tommox
