آخر أيام رمضان.
الجدة مجيدة: خير يا حور في اية؟
نظرت حور الى أرسلان : ما تتكلم انت.
رد أرسلان بحدة : انا مش هتكلم يا حور عاوزة تتكلمى اتكلمى انتى.
مجيدة: جرى اية هو انتوا هتتخانقوا مع بعض قدامى ولا اية ؟!!
أرسلان: مش هنتخانق ولا حاجة ...انا قايم عشان اروح الشغل.
مجيدة: اقعد يا أرسلان مفيش مرواح فى حته....خير يا حور في اية وهو اللى عامل كل دة بينكوا.
حور: بصراحة يا تيتا انا عاوزة امشي واسيب القصر.
مجيدة: تسافرى تغيرى جو يعنى!
حور: لا انا عاوزة اخد عيالى وجوزى ونروح نقعد فى اى حته تانية.
أرسلان بغضب: متقوليش وجوزى....انا قولتلك انى مش هاروح فى اى حتة يا حور.
مجيدة: وعاوزة تمشي لية مش فاهمة يعنى يا حور .
حور: عشان المكان مبقاش امان ...بنتى اتخطفت وقبلها مى سقطت ومنعرفش اية اللى ممكن يحصل تانى ....اضمن حاجة انى اخد عيالى واسيب البيت وامشي انا والعيال.
مجيدة بعنف: وهتبعدى العيال عن بعضها بعد ما اتربوا مع بعضهم وكبروا مع بعضهم ...وبعدين دة بنتك ومجيدة التانية طفشوا الراجل وانتى خايفة عليهم.
حور: متغيريش الموضوع ونبى يا تيتا.
مجيدة : طب وانتى جيالى لية؟
حور: عشان تقنعى معايا أرسلان عشان هو رافض.
مجيدة: طب ما انا كمان رافضة...وبعدين انتى لية مصالحتيش مى؟
حور : عشان انا مش شايفه انى غلطانة ...انا كنت قلقانة على بنتى اللى اتخطفت من البيت.
مجيدة: طول عمرى اعرف انك جدعة اول مرة اعرف انك قليلة الاصل.
حور: لية بتقولى كدة يا تيتا انا معملتش حاجة.
مجيدة: لا عملتى لما مقدرتيش ان هى وحدة لسة ابنها ميت وكمان بتزعقى وزعلانه عشان هتطلع مع بنتها الاوضة ....بصي يا حور انا لما جمعتكوا كلكوا هنا عشان الحب اللى جواكوا يكبر وينتقل لولادكوا مش عشان يبقي فيه زعل بينكوا .
حور: طب ما انا مكسوفة اروح اكلمها.
مجيدة : انا هطلبهالك وتنزل هنا وهسيبكوا مع بعض وتتصالحوا .
حور: طب ما تصلحينا انتى عشان انا مكسوفة بصراحة.
مجيدة : ماشي يا حور واعقلى كدة ...البيت دة ابقوا اطلعوا منه زى ما انتوا عاوزين لما انا اموت .
حور بلهفة : بعد الشر عليكى يا تيتا متقوليش كدة تانى.
دقائق ودخلت مى الغرفة وجلست امام حور.
مى : نعم يا تيتا.
أنت تقرأ
شقاوة حب(الجزء التانى )
Romanceتعالوا نكمل الشقاوة بتاعة اطفال ابطلنا ولغاية ما يكبروا ونضحك معاهم... بس شخصية تيتا مجيدة المحبوبة جدا من الكل ممكن متكملش معانا لغاية آخر الجزء. **ممنوع النقل بدون آذن ** بداية الكتابة :1\7\2019 نهاية الكتابة :4/8/2019 Cover by :xKoK_tommox
