شقاوة حب(الجزء التانى )

16

تشدقت مى بقوة : انا مش موافقة يا تيالين.

تيالين : لية يا عمتو ...دة نادر محترم اوى.

مى : لا انا مش موافقة ولا ليكى ولا ليك يا حازم ....لازم ترجعوا فى كلامكوا انتوا مينفعش تأمنوا للناس دى.

أدهم: انا مش فاهم بس مالك يا مى.

مى : انتى ناسيهم يا أدهم دول شياطين.
ولأول مرة منذ اعوام كثيرة ينطق جاد بقسوة وغل لمى : انتى اللى شيطانه كبيرة ولازم نحذر منها.

شهق الجميع من نطقه...وجرت نون سين الية
نون سين بلهفة : جاد حبيبى انت بتتكلم ...اتكلم قول اى حاجة يا جاد.

رد مرة أخرى وهو ينظر لمى بغل : بتكلم وطول عمرى بتكلم وعمرى ما كنت اخرس لكن الفضل كله ليها هى .

مى ببوادر بكاء : وانا عملت اية يا جاد ؟

لم يلاحظوا ان الدائرة اُغلِقت عليهم وجميع العائلة من حولهم يشاهدون ما يحدث .
جاد : كفاية انك كنتى السبب فى ان تيتا مجيدة تبقي مشلولة ومش قادرة تتحرك.

وللمرة الثانية يشهقوا جميعهم وتغمض مجيدة أعينها بخوف من القادم.
هزت مى رأسها بلهفة : لا لا واللهى انا مليش ذنب.

جاد : الذنب كله عليكى انتى ...دة بسببك انتى خليتى الحيه دى تدخل ما بينا وتعمل الفخ دة فى حازم يعنى انتى جبتلنا كلنا الاذي.

مى : كنت صغيرة مش فاهمة حاجة ...دة حتى انا أتذيت وخلاتنى اسقط بيبى كنت بحلم انه يجي.

صرخ بغضب عظيم : ولسة بتنكرى بعد كل دة ....دة الحاجة الوحيدة اللى انا عمرها ما انساها طول حياتى مكالمتك انتى والست اللى أسمها مريم وانتى لتقوليلها خلاص نفذت اللى انت عوزاه ابعد عنى بقي .

انظار الاتهام كلها تحولت الى مى .
نفت مى بسرعة برأسها : لا لا واللهى مش انا هى كانت عوزانى انا اللى احطلها الدوا دة فى الشاي لكن انا مقدرتش واللهى وهى كانت مسلطة خدامة تانى تحط منه لكن انا مكنتش اعرف دة.ولو كنا احنا الاتنين حطينا الدوا فى الشاي كانت ماتت لكن عشان الخدامة بس هى اللى حطت الدوا فعشان كدة جالها شلل.

وللمرة الثانية يصرخ بمكنون صدرة : كان ممكن تقولى كان ممكن تبلغى كان ممكن تعملى مليون حاجة لكنك اخترتى السلبيه ....دة انتى حتى خلتينى كاره بنتك وانا بموت فيها .

ما قطع الكلام هذة المرة صفعة أدهم ل جاد وتحرك مجد واحتضانه لمى والدوار الذي اصاب مجيدة مجد.
أدهم: غبى وهتفضل طول عمرك غبى.

جاد : غبى عشان بكشف حقائق صح؟!!

ردت هذة المرة الجدة مجيدة: لا يا جاد ...مى عمتك طول عمرها طيبه وعلى نيتها واى حد يقدر يخدعها وعلى فكرة اول ما فوقت هى جت وقالتلى على اللى حصل.