صباح جديد أستيقظ جميع من فى المنزل فاليوم تكريم نون سين والجميع يستعد.
تصرخ نون سين:فستانى فين؟
حور: براحة بس يا نونى واكيد هتلاقية.
نون سين:بقالى ساعتين بدور علية... انا جيباه من حوالى شهرين واول مرة ألبسة انهردا ولما ادور عليه ميبقاش موجود.
ردت مى بحق:خلاص يعنى انتى معندكيش غيرة البسي اى حاجة تانى وخلاص.
نون سين:انتى بتكلميني كدة لية؟ لو تعبانة ومش حابة تقفي روحى استريحى شوية فى الاوضة.
مى:مش مستنية الاذن منك انا رايحة اوضتى.
ذهبت بينما نظرت نون سين خلفها بحزن.
ربتت حور على كتفها:معلش متزعليش منها انتى عرفاها عبيطة فى كلامها.
نون سين:مش زعلانة يا حور مجتش عليها هى يعنى.
:مامى.
التفت لها نون سين:نعم يا حبيبتى!
أظهرت من خلف ظهرها الفستان الضائع :انا مش عارفة البس الفستان دة... كبير عليا اوى يا مامى هاتيلي واحد غيره.
امسكتة منها بغيظ:دة بتاعى انا مش بتاعك انتى.
شوحت بيدها وهى تخرج من الغرفة:أحسن هو كان مش عاجبنى أصلا.
نظرت لأثرها بغيظ:شوفتى يا حور.
ضحكت:شوفت شوفت..
نون سين:دى هتجيبلى شلل.
حور:معلش استحمليها.
نون سين :طب خليكى هنا ثوانى هنزل لأدهم فى المكتب واطلعلك تانى.
حور:خلاص روحى وانا هكسب وقت وادورلك على فستان.
نون سين:تمام يلا باى.
ـــــــــــــــــــــــــــــــــــــــــــــــــــــــــــــــــ
فى غرفة مى دخلت فوجدت مجد يخرج من المرحاض.
مى:مجد كدة تسيبني ابات لوحدى وانت تبات لوحدك.
رد بفتور:انا جاى عشان تيتا مجيدة كلمتنى عشان عيزاني اكون معاها وانا اللى اوصلها.
مى:مجد انا آسفه معلشي مكنتش اقصد.
مجد:لا لا معلشي انا اللى آسف... ياريت تخرجى برة بقي عشان عاوز انام شوية قبل حفلة التكريم.
مى بسخرية:وانت هتخضر لية ان شاء الله اذا كان أدهم جوزها مش هيحضر.
مجد:ملكيش دعوة... هو يحضر او ميحضرش هى زى اختى وانا عاوز احضر الحفله.
مى:طب مجد بص تعالى نقعد ونتكلم بهدوء.
مجد:بجد عاوزة تتكلمى بهدوء؟!
مى:اكيد طبعا لازم نتكلم عشان بكرة انا نازلة ادور على شغل.
رد عليها وافزعها صوته:انا نازل تحت قبل ما أرتكب جناية يا مى... ويارب ترتاحى كدة.
ــــــــــــــــــــــــــــــــــــــــــــــــــــــــــــ
دخلت نون سين المكتب.
نون سين بخفوت:أدهم.
أنت تقرأ
شقاوة حب(الجزء التانى )
Romanceتعالوا نكمل الشقاوة بتاعة اطفال ابطلنا ولغاية ما يكبروا ونضحك معاهم... بس شخصية تيتا مجيدة المحبوبة جدا من الكل ممكن متكملش معانا لغاية آخر الجزء. **ممنوع النقل بدون آذن ** بداية الكتابة :1\7\2019 نهاية الكتابة :4/8/2019 Cover by :xKoK_tommox
