التفتوا جميعهم على صوت مى المتأوه.
انتفض مجد وذهب اليها:مالك يا حبيبتى .
مى:بطنى بتوجعنى شوية.
مجد: طب يلا قومى إطلعك فوق.
مى:لا لا انا هطلع وانت خليك هنا .
مجد:طيب ماشي إطلعى وخدى مجيدة معاكى ولو فية اى حاجة نادينى.
صعدت مى مع مجيدة وعيون مجد تحاصرها...لحظات ووجدوا مجيدة تنزل جرياً وهى تبكى.
مجيدة:الحق يا بابى مامى وقعت ومش بترد عليا وبتجيب دم.
صعد مجد بسرعة الصاروخ وتبعه الجميع وجدها مغشي عليها وتنزف حملها سريعاً وهو يصرخ.
"أدهم سخن اى عربية بسرعة"
ما أن نزل بها وخرج من باب الفيلا حتى وجد أدهم ينتظرة صعد بها وتحرك أدهم على الفور.
فى الفيلا كانوا يتأكلون خوفاً عليها والاطفال يبكون ارتدت نون سين ملابس سريعاً وهمهمت وهى تخرج..
"خليكوا قاعدين هنا وانا هاروح لازم ارسلان يفضل هنا عشان مفيش حرس وانا هتصل على ادهم وانا فى الطريق واعرف رايحين على فين "
انطلقت هى الاخرى خلفهم وصلوا جميعهم الى المشفى ونون سين خلفهم.
دخلت مى غرفة العمليات والجميع فى الخارج ينتظروها ....مرت ساعة ولا يوجد اى اخبار.
مجد بأهتياج:محدش طلع لية؟ محدش طمنى على مراتى لية؟!
ربت أدهم على كتفه:اهدى بس هما شوية وهيطلعوا.
لحظات وخرجت ممرضة.
مجد بلهفة:مراتى ....مراتى عاملة اية ؟
الممرضة بسرعة وآسف:الحاله مش مستقرة وفقدنا الجنين ومحتاجين دم فصيلة الام عشان نلحقها .
نون سين: طيب طيب هى فصيلتها اية؟
الممرضة:متخافوش هى متوفرة وانا هنزل اطلبها من بنك الدم بعد آذنكوا.
ذهبت الممرضة دقائق وعادت وهى تحمل الاكياس ودخلت الى الغرفة بدون حديث....نصف ساعة وخرج الطبيب....جرى جميعهم عليه.
مجد:هى عاملة اية يا دكتور؟
الطبيب:حضرتك جوزها؟!
اومأ مجد برأسه فأكمل الطبيب:تمام الحالة دلوقتى شبه مستقرة هى هتتنقل دلوقتى للعناية المركزة وهنشوف اية اللى هيحصل....ياريت حد يعدى على الحسابات ...وياريت حضرتك تجيلى عالمكتب.
ذهب الطبيب....والتفت أدهم الى مجد.
أدهم:هانروح الحسابات ازاى واحنا خارجين من غير ولا جنية.
نون سين:لا لا انا جبت الكرديت كارد بتاعك.
أدهم:طب كويس هاتية وانا هاروح احاسب وروح انت يا مجد للدكتور شوف عاوز اية وانتى خليكى هنا لغاية ما تخرج.
ذهب كل واحد منهم فى طريق .
وصل مجد الى غرفة الطبيب طرق ودخل.
الطبيب:اهلا اتفضل يا فندم.
أنت تقرأ
شقاوة حب(الجزء التانى )
Romanceتعالوا نكمل الشقاوة بتاعة اطفال ابطلنا ولغاية ما يكبروا ونضحك معاهم... بس شخصية تيتا مجيدة المحبوبة جدا من الكل ممكن متكملش معانا لغاية آخر الجزء. **ممنوع النقل بدون آذن ** بداية الكتابة :1\7\2019 نهاية الكتابة :4/8/2019 Cover by :xKoK_tommox
