بصوا يا جماعه حصل خطأ امبارح بس دة مش منى واللهى دة النت حيوان وبيستعبط اانا كنت كتبت البارت كامل كله ولما جيت أنشرة اتمسح كله ماعدا الجزء الى اتنشر دة وانا مش ببص على البارت بعد ما بينزل فمخدتش بالى من كدة لكن لما لقيت اجماع ان البارت كلمتين وقصير انا شوفتة انهردا لقيت المصيبه دى... صدقونى انا مكنتش اعرف وزى زيكوا بالظبط انا اتصدمت كمان عشان اضطريت اكتب دة كله من تانى.... ارجو انكوا مش تزعلوا وتتفهموا الموقف وانا هصالحكوا كمان فى آخر البارت
:
:
:
عند الثنائي الاخير حازم ونور.
ما ان ابتعدوا حتى بدأت الغناء بمزاح.
: نسينى وانا جمبك كل الدنيا واخطفنى من الاحلام.
رد عليها بسخرية : حاضر هخطفك من الاحلام وهصحيكي على احلى كابوس.
نظرت له بسعادة : مش هتقولى مبروك يا حبيبتى.
جذبها من معصمها اليه حتى تأوهت .
حازم بقسوة : اوعى تفتكرينى اتجوزتك عشان حبيتك انا اتجوزتك عشان امثل بيكي مصلحة وبس.
انفجرت ضاحكة ونظرت لة : بطل هزار يا ولا .
رد بجدية : انا مش بهزر يا نور.
بدأت الضحكة فى الانحدار : ما احنا مش فى ابريل عشان نقول انها كدبة ابريل.
ضحك بسخرية : لا انا مش بكدب ولا بهزر.
تجمدت حواسها لدقائق : يعنى قصدك اية يا حازم ؟
حازم : يعنى مراتى اللى دخلتها السجن لبست التهمه للست اللى كانت معاها وخرجت هى بكل سهولة واتجوزت على طول وانا مكنش ينفع ابينلها انها اقوى منى.
حركت رأسها يمينا ويسارا بعدم تصديق : و.. وبينتلها.؟!!
حازم : اه بينتلها ان انا كمان اتجوزت ومبقتش فاكرها اصلا وانى هعيش من غيرها كمان.
نظرت له بصدمة واضحه : واخرة اللى انت عملته دة اية؟!
حازم : عادى سنه ونطلق من سكات.
نور : هو انت جايبنى من الشارع انا بنت ناس.
حازم : مش مهم بالنسبالى قد ما كان مهم بالنسبالى انى ابينلها انى اتجوزت وعايش حياتى ومبسوط من غيرها.
نظرت له وقامت بجمود : خلاص تمام وانا موافقة ادينى معاد عشان نخلص فيه المهزلة اللى حصلت دى.
حازم : كمان شهر نعمل فرحنا وبعدها بسنه نطلق .
نور : خلاص تمام سنه ونطلق وانا مش عاوزة فرح وانا هقنعهم ...ثم نظرت له بشر ...وانا هوريك حوا هتنتقم منك ازاى.
تركته كالجرثومة وخرجت .....تجمع الجميع مرة أخرى فى ساحة القصر من ضمنهم حازم ونور ذات الملامح الممتعضة.... قاطع جلستهم دخول مجيدة أرسلان التى تترنح فى مشيتها ويظهر عليها الثمل.
مجيدة أرسلان بغناء :انا لمسطول ولا بطوح انا جاى اجامل ومروح.
أنت تقرأ
شقاوة حب(الجزء التانى )
Romanceتعالوا نكمل الشقاوة بتاعة اطفال ابطلنا ولغاية ما يكبروا ونضحك معاهم... بس شخصية تيتا مجيدة المحبوبة جدا من الكل ممكن متكملش معانا لغاية آخر الجزء. **ممنوع النقل بدون آذن ** بداية الكتابة :1\7\2019 نهاية الكتابة :4/8/2019 Cover by :xKoK_tommox
