*مش عارفة انتوا عرفتوا الموضوع اللى هقوله ده ولا لا بس انا حابه اقولكوا.
الواتباد هيخلى قراءة القصص بفلوس عشان احنا اللى بنكتب يبقي دعمنا فلوس وهيبقي كل فصل بسعر بس حاجات فارغة يعنى المبلغ مش هيبقي واو .
الواتباد اختار رواية شقاوة حب الجزئين يدخلوا من ضمن القصص اللى بفلوس بس انا مش هعمل كدة هنفضل عادى زى ما احنا مش فى دماغى موضوع انى آخد فلوس دة من الاول كفايا عليا رائيكم الحلو انا بكتب عشان حابه اكتب وإنمى موهبتى مش عشان فلوس .....
استمتعوا بالبارت بقي.
اسندوها الاثنان وصعدوا بها بينما نظرت نون سين الى أدهم بغضب.
نون سين:انت بتستهبل.
نظر لها ببراءة:وانا عملت اية ياحبيبتى دلوقتى بس.
نون سين:لية مسكتنى ومخلتنيش اسند معاهم ميجو.
احاط خصرها وأردف بعبث:يعنى بقالك سنين عايشة مع مجيدة ولسه معرفتيهاش لغاية دلوقتى وكمان عاوزة تساعديها يا شيخة دة عيبه فى حقك.
نظرت له بخبث:اه منك يا ميجو يا لئيمة انتى.
ضغط على خصرها:شوفتى بقي.... بقولك اية.
نظرت له بأستفهام:نعم.
حرك حاجبيه بخبث:نحتفل بالبيبى بقي.
نظر يميناً ويسارا ثم حملها. شهقت ولفت يدها حول عنقه حتى وصلوا الى غرفتهم دخل بها.
همست:دومتى.
رد بعبث:روح دومتك.
ردت بخبث دفين:نفسي فى ملوحة مملحه.
تغيرت نظراته من الخبث الى القرف ثم القاها على الفراش.
أدهم بغيظ:وانا اللى عامل فيها رومنسي وشايلك وانتى شراب معفن متستهليش.
ضحكت بأستمتاع فرماها بأحدى الوسدات ودخل الى المرحاض.
ــــــــــــــــــــــــــــــــــــــــــــــــــــــــــــ
وصلوا الى غرفة مجيدة وهم يسندوها عندما وصلت الى السرير تركت أيديهم وسارت بكل سهولة ويسر.
شهقت مى:تيتا انتى مش تعبانة؟!
مجيدة:لا انا زى الفل اصل اوضتى اللى يدخلها مريض يخرج منها شافى.... ثم نظرت لهم نظرة ذات معنى.... واللى يدخل حزين يخرج فرحان.
نظروا الى بعضهم وكل منهم ينظر الى الاخر بعتاب ثم نظروا لها مرة أخرى.
اقتربت من مجد وربتت على كتفه :انت العاقل بتاعى وعارفة انك هتحكم بعقلك وهتعرف تتحكم فى كلامك.
ثم ذهبت الى مى:وانتى انا اتكلمت معاكى كتير فى العربية او فى الجامعه متخلنيش زعلانة منك كدة كتير.
ثم نظرت لهم :رمضان بعد كام يوم يرضيكوا يبقي داخل علينا رمضان وانتوا لسة زعلانين من بعض... عاوزة رمضان دة يبقي زى كل سنه يبقي البيت عمران بالحب اللى بينا كلنا... انا طالعة برة معاكوا نص ساعه وهاجى تانى .
أنت تقرأ
شقاوة حب(الجزء التانى )
Romanceتعالوا نكمل الشقاوة بتاعة اطفال ابطلنا ولغاية ما يكبروا ونضحك معاهم... بس شخصية تيتا مجيدة المحبوبة جدا من الكل ممكن متكملش معانا لغاية آخر الجزء. **ممنوع النقل بدون آذن ** بداية الكتابة :1\7\2019 نهاية الكتابة :4/8/2019 Cover by :xKoK_tommox
