King
..............
အပိုင်း(၄)
.....................
သွင်သစ်
ရွာဦး ဘုန်းကြီးကျောင်းရှေ့မှာရပ်လိုက်တာနှင့် ကောင်လေး၂ယောက်ကကားနားလာရပ်ကာ
"ဟေ့ကောင်...လာကွာ...မင်းမိန်းမခိုးလာလို့ မင်္ဂလာပွဲစီစဉ်ခိုင်းကတည်းက ဝမ်းသာနေတာကွ...ဆင်း..."
မင်္ဂလာပွဲစီစဉ်ခိုင်းတယ်ဆိုပါလား။ သခင်လေးကတော့လုပ်လိုက်ရင် မထိတ်သာမလန့်သာနဲ့ပါလား။
အံ့သြလို့မှမဆုံးသေး...ကားပေါ်ကဆင်းလိုက်တော့ တွေ့လိုက်ရတာက ဘုန်းကြီးကျောင်းအဝမှာထောင်ထားသောဆိုင်းဘုတ်....
"မောင်ကျော်ကြား နှင့် မအသွင်သစ် တို့၏မင်္ဂလာဧည့်ခံပွဲ"
ကိုယ့်ဘာသာအသံထွက်ဖတ်မိပြီးမှ ကိုယ့်ပါးစပ်ကိုယ်ပြန်ပိတ်မိသည်။
"ဟာ....မင်းမိန်းမက မြို့သူလို့မပြောရဘူးကွာ...ချောချက်ပဲ...ရှက်နေတာထင်တယ်ကွ...လာ..လာ...ခေါ်ခဲ့...ဆရာတော်ဆီသွားရအောင်"
"အစ်မ....ကိုယ့်ရပ်ရွာလိုသဘောထားနော်..."
ကိုယ့်ရပ်ရွာပဲကို...ကိုယ့်ရပ်ရွာလိုသဘောထားဆိုတော့...ကျွန်တော်ခေါင်းပဲညိတ်ပြလိုက်ပါသည်။
သခင်လေးက ကျွန်တော့်ရဲ့လက်ဖျားလေးကို ဆွဲကိုင်လိုက်ကာ
"သစ်က မသိတဲ့လူဆို စကားသိပ်မပြောဘူးကွ...ဆောရီး"
"ရပါတယ်ကွာ...နောက်တော့ ခင်သွားမှာပေါ့"
ကျွန်တော်တို့ကအခုမှဘုန်းကြီးကျောင်းရောက်ပေမဲ့ ဧည့်သည်တွေကတော့ စားသောက်နေကြပြီဖြစ်သည်။ အချင်းချင်းပြန်ဧည့်ခံနေကြရင်းက စကားသံတွေစီညံနေသည်။ ကျွန်တော်တို့ အထဲကိုလှမ်းဝင်လိုက်တာနှင့်အားလုံးရဲ့အသံတွေတိခနဲရပ်သွားကာ ကျွန်တော်တို့ဆီလှမ်းကြည့်ကြလေသည်။
"အားလုံးပဲ အဝစားကြပါနော်။ အားမနာကြပါနဲ့"
"စားမှာတော့စိတ်ချ မောင်ကျော်ရေ...မင်းရဲ့မင်္ဂလာဆောင်ဆိုတော့ ကြီးဒေါ်ကသေချာစီစဉ်ပေးထားတာ"
"ဟုတ်ကဲ့...ကြီးဒေါ်...ကျေးဇူးတင်ပါတယ်ဗျာ"
သခင်လေးနှင့်ဒီရွာကလူတွေနဲ့ ဘယ်တုန်းကဒီလောက်ထိရင်းနှီးနေပါလိမ့်။
"မှန်းစမ်း....မင်းမိန်းမက အချောလေးပဲ...ငါ့တူကလူရွေးတော်တယ်တော့်"
"ဟုတ်ပ...ချောတာမှမှုန်နေတာပဲ"
"ဗီဒီယိုမင်းသမီးနဲ့တောင်တူသေးတယ်။"
တစ်ယောက်တစ်ပေါက်ပြောနေတာမို့ကျွန်တော်မနေတတ်ဖြစ်လာကာ သခင်လေးနောက်ကိုအနည်းငယ်ကွယ်လိုက်တော့ အားလုံးထရယ်ကြသည်။ လက်ခုပ်တီးတဲ့လူကတီးလို့....
"မင်းတို့က လျှောက်ပြောနေတော့ ငါ့တူမကြီးကရှက်နေရှာပြီ။ ကဲ...သွားကြ...ဘုန်းဘုန်းက တရားဟောမလို့စောင့်နေတယ်။ မင်းတို့ကနောက်ကျတော့ အချိုပွဲပဲကပ်လို့မီတော့မယ်။ တို့တွေအားလုံးပြင်ပေးထားတယ်။ မြန်မြန်သွားလိုက်"
ဦးကြီးတစ်ယောက်ကပြောတော့မှ အားလုံးကိုယ့်အာရုံနဲ့ကိုယ်ပြန်ဖြစ်သွားကြသည်။ တချို့တလေကတော့ ကွက်ကြည့်ကွက်ကြည့်လုပ်နေသေးရဲ့။
သခင်လေးက ကျွန်တော့်လက်ကိုတွဲကာ အပေါ်ထပ်ဆီတက်ခဲ့ကြလေသည်။
"ဒကာလေး နောက်ကျလှချည်လား..."
"မှန်ပါ့ဘုရား...မနက်က ပြင်ဆင်နေရတာနဲ့နောက်ကျသွားတာပါဘုရား"
"ကိုင်း....အလှူဒါနမြောက်သွားအောင် အချိုပွဲကပ်လှူကြကွဲ့..."
မေသူတို့နှစ်ယောက်နဲ့ကျွန်တော်တို့နှစ်ယောက် စားပွဲဝိုင်းလေးမကာ အချိုပွဲကပ်လိုက်ကြသည်။
ပန်းကန်တွေအားလုံးသိမ်းပြီးသွားကြတော့ ရေစက်ခွက်လေးတွေရှေ့မှာလာချပေးသွားသည်။
ဘုန်းဘုန်းက တရားအတိုလေးဟောပြီး အမျှအတန်းပေးဝေကြတော့ အမေတို့အဖေတို့ကိုပါသတိရမိသည်။ အမျှဝေနေရင်း မျက်ရည်တွေဝေ့တက်လာတာကို မျက်တောင်တွေပုတ်ခတ်ပြီးသိမ်းဆည်းရသေးသည်။ ဒါကို သခင်လေးက မြင်သွားကာ ချထားသောလက်တစ်ဖက်ကို ထပ်ကာလာကိုင်ထားသည်။ ကျွန်တော်က အသာလေးပြန်ရုန်းလိုက်တော့ သူကမော့ကြည့်လာသည်။ ကျွန်တော်လဲသူ့ကိုပြန်မော့ကြည့်လိုက်ကာ တခြားဘက်ကိုမျက်နှာလွှဲလိုက်သည်။
ကျွန်တော် သူ့ကိုမျက်စောင်းထိုးလိုက်မိတာထင်တယ်။ ဒုက္ခပါပဲ။ သွင်သစ်...စိတ်ထိန်းစမ်း...ဘယ်လိုအပြုအမူတွေလုပ်နေတာလဲ။
အားလုံးပြီးကြတော့ ဘုန်းဘုန်းမိန့်ကြားတာတွေကိုနားထောင်နေကြသည်။
"ဒကာမလေးကို ရင်းနှီးနေသလိုပဲ...ဒီရွာကိုလာလည်ဖူးလားကွဲ့"
"မ...မလည်ဖူးပါဘူး ဘုရား....."
အသံကို တစ်ဝက်လောက်ပဲသုံးပြီး ယောကျာ်းသံမထွက်အောင်မနည်းလုပ်ပြောလိုက်ရသည်။
"သူကရန်ကုန်သူပါ...အခုမှပဲဒီရွာကိုရောက်ဖူးတာပါ ဘုရား"
"မင်္ဂလာဦးမှာ ဒီလိုအလှူအတန်းလုပ်တာကောင်းတာပေါ့...သင့်မြတ်အောင်လဲနေကြပေါ့ဒကာလေးနဲ့ ဒကာမလေး...ဟုတ်ပလား"
"တင်ပါ့ဘုရား"
"ကဲ...ကဲ...ခရီးပန်းလာတော့အနားယူဖို့သွားကြလေ"
"မှန်ပါ့ဘုရား"
ဘုန်းဘုန်းကိုကန်တော့ပြီး အောက်ထပ်ကိုဆင်းခဲ့ကြကာ အားလုံးကိုနှုတ်ဆက်ကြရသည်။
ပြီးတော့မှ ကားပေါ်တက်ကာ ရွာထဲကိုမောင်းဝင်ခဲ့လေသည်။ကျွန်တော်တို့ကားနောက်ခန်းထဲမှာတော့ ဒီရွာက သခင်လေးရဲ့သူငယ်ချင်းနှစ်ယောက်ကလိုက်လာကြလေသည်။
အိမ်ဝိုင်းလေးတစ်ခုရှေ့ရောက်တော့ ရပ်လိုက်ကာ တစ်ယောက်ကဆင်းပြီးခြံတံခါးဖွင့်လိုက်လေသည်။ ခြံက တော်တော်ကျယ်ပါသည်။ ကားနှစ်စီး အထဲဝင်ပြီးတော့ ခြံတံခါးကိုပြန်ပိတ်လိုက်လေသည်။ အထဲမှာ သစ်သားအိမ်လေးတစ်လုံးနှင့် နောက်နားမှာတဲအိမ်လေးတစ်လုံးပါရှိလေသည်။
အားလုံးကားပေါ်ကဆင်းပြီးကြတော့....
"မေသူ....နင်တို့ကတစ်ညပဲနေမှာမလား။ ဟိုဖက်အိမ်မှာနေလိုက်"
သခင်လေးက တဲအိမ်ဘက် ညွှန်ပြကာပြောတော့
"ဟာ...ဘယ်ဖြစ်မလဲ...ဒီည လူပျိုပွဲလုပ်ရဦးမယ်လေ...မိန်းကလေးတွေဒီအိမ်ပေါ်သိပ်လိုက်...ငါတို့က လွတ်လွတ်လပ်လပ်ပေါ့ကွာ"
သူ့သူငယ်ချင်းကဝင်တားလိုက်တော့မှ
"ဟုတ်သားပဲ...မေ့နေတာ...ဒါပေမဲ့ သောက်ပြီးလဲ ငါ့မိန်းမနဲ့ပဲပြန်အိပ်မှာနော်"
"အေးပါကွာ...ဒီအိမ်ထဲမှာ အခန်းနှစ်ခန်းရှိတာပဲ...မေသူတို့တစ်ခန်း...မင်းတို့လင်မယားတစ်ခန်းနေလိုက်ပေါ့"
"ပြီးရောကွာ...ပစ္စည်းတွေနေရာချမယ်။ ဒါနဲ့ ရေချိုးခန်းရောလုပ်ပြီးပြီလား"
"ငါတို့လဲ ဟိုအိမ်ထဲမှာလိုတာတွေဝယ်ဖြည့်နေတာနဲ့..."
ကားထဲက ဟင်းချက်စရာတွေ၊ခေါက်ဆွဲခြောက်တွေယူကာ အိမ်ထဲဝင်ခဲ့လိုက်သည်။
"မင်းတို့ကတော့ကွာ....ငါ့မိန်းမက ရေဘယ်လိုချိုးမလဲကွ..."
"ငါ့မိန်းမ...ငါ့မိန်းမနဲ့....ပါးစပ်အရသာတွေ့နေပုံပဲ....ညကျမူးလာမှ ခေါင်းခေါက်ပစ်လိုက်...သိလား ကိုသွင်သစ်..."
မေသူက မဲ့ရွဲ့ပြောတာကို ကျွန်တော်လဲခေါင်းညိတ်ကာထောက်ခံလိုက်သည်။ လျှပ်စစ်မီးတော့ရမရမသိ။ သခင်လေးကတော့ အိုးခွက်တွေရော၊ ဂတ်စ်မီးဖိုနဲ့ ဒစ်ဂျစ်တယ်မီးဖိုနှစ်ခုလုံးဝယ်လာတာပင်။
ဂွမ်းကပ်အပါးသားလေးတွေပါဝယ်လာတာမို့ ကားထဲကသွားယူကာ ဖျာအပေါ်ကနေထပ်ခင်းလိုက်သည်။ ပြီးတော့ စောင်တွေ၊ခေါင်းအုံးတွေနေရာချ။ သံတွေအဆင်သင့်ရိုက်ထားတာတွေ့ရတာမို့ ခြင်ထောင်ပါ တစ်ခါတည်းထောင်လိုက်သည်။
နှစ်ယောက်အိပ်ခြင်ထောင်ကြီးကိုကြည့်ပြီး ရင်တွေခုန်လာသလိုလို၊လည်ချောင်းတွေပဲပူလာသလိုလို၊ အာခေါင်တွေခြောက်လာတာမို့ နောက်ဖေးဘက်က ရေအိုးစင်လေးဆီရေသွားသောက်လိုက်သည်။
နောက်ဖေး ပြတင်းပေါက်ကနေ ကြည့်လိုက်တော့ သခင်လေးက စွပ်ကျယ်နှင့် ဂျင်းဘောင်းဘီကိုလဲ ဒူးနားအထိခေါက်တင်ထားကာ ချွေးတွေလဲရွဲနေလေသည်။ ကျွန်တော်လဲမနေသာတော့ပဲ မျက်နှာသုတ်ပဝါအသေးလေးယူကာ အောက်ဆင်းသွားလိုက်သည်။
"သ...ကျော်...ခဏနားပါဦးလား။ ချွေးတွေလဲရွဲနေပြီ"
သူ့ကိုပဝါလှမ်းပေးတာကိုမယူပဲမျက်နှာထိုးပေးနေလေသည်။
"မိန်းမရှိတဲ့လူတွေများကျတော့လဲ...အေးပေါ့ကွာ...."
သူ့သူငယ်ချင်းက လှမ်းနောက်တာကိုတောင်အရေးမလုပ်ပဲ ကျွန်တော့်လက်ကိုလှမ်းယူကာ ချွေးသုတ်ပေးခိုင်းနေသည်။
အရင်ကလဲ လုပ်ပေးနေကျပဲလေ ဟုတွေးကာ သူ့မျက်နှာကိုသုတ်ပေးလိုက်သည်။
"ကျေးဇူး....မိန်းမ....ပြွတ်..."
ပါးကိုနမ်းလိုက်တာမို့ ကျွန်တော်ယောင်ယမ်းကာလက်နဲ့အုပ်လိုက်မိသည်။
"ကဲချင်ရင်လဲအိမ်ထဲဝင်ပါကွာ...ဒီမှာလဲ ပြီးတော့မှာပါ။ ရေဖြည့်ပေးခဲ့ပြီးရင် ငါတို့အိမ်ပြန်ရေချိုးပြီးပြန်ခဲ့မယ်"
"အေး....အဲ့ဒါဆိုလဲ ကူညီလက်စနဲ့ကူညီပါကွာ....ချစ်စကြင်နာစဆိုတော့လဲ..."
အိမ်နောက်ဖေးဘက်နဲ့ဆက်ကာ အခန်းပုံစံလေးဖြစ်အောင်လုပ်နေကြတာဖြစ်သည်။ ကျွန်တော့်ကိုမိန်းကလေးလို့ပြောထားတာမို့ ဒီတိုင်းချိုးရင် အလိမ်တွေပေါ်ကုန်မှာစိုးလို့ဖြစ်မည်။
သခင်လေးက ကျွန်တော့်လက်ကိုဆွဲကာ အိမ်ပေါ်တက်ခဲ့ရင်းက
"အခန်းထဲသွားမယ်။ ဒီနေ့မနမ်းရသေးဘူး..."
"ဟာ...သခင်လေးကလဲ"
ရုန်းကြည့်မလို့လုပ်ပေမဲ့ သခင်လေးက ကျွန်တော့်ကို ပွေ့ချီလိုက်တာမို့ လန့်ဖျပ်ကာ သူ့ကိုပြန်ဖက်ထားလိုက်မိသည်။ အခန်းထဲကိုရောက်တော့ သူက တံခါးကို နောက်ပြန်ပိတ်လိုက်ကာ
"မိန်းမကတော်တယ်...အိပ်ရာတောင်ခင်းပြီးနေပြီ။"
ကျွန်တော့်ကို အောက်ပြန်ချပေးရင်းကပြောလိုက်တာဖြစ်သည်။
"တိုးတိုးပြောပါ။ မေသူတို့လဲရှိတာကို...."
"ရွာထဲလျှောက်ကြည့်ဦးမယ်ဆိုပြီး ထွက်သွားတာကြာလှပြီ"
သူကအတင်းဖက်ကာ နမ်းမလို့လုပ်နေတာမို့သူ့ကိုတွန်းထားရသေးသည်။
"သခင်လေး....မိန်းမ...မိန်းမနဲ့မခေါ်ပါနဲ့လား။ အဲ့လိုခေါ်ချင်ရင်လဲ သခင်လေး မိန်းမအစစ်ယူလိုက်ရင် ရတာပဲ။ ကျွန်တော်က ဘေးကနေပဲ...."
"ဘာ...."
သူ့မျက်နှာပေါ်ကအပြုံးတွေချက်ချင်းပျောက်ကွယ်သွားကာ ကျွန်တော့်ကိုဆောင့်လွှတ်လိုက်သည်။
"နောက်တစ်ခါပြန်ပြော...."
ဒေါသမျက်ဝန်းတွေနဲ့ ကျွန်တော့်ကိုစိုက်ကြည့်ကာပြောတာမို့ ကျွန်တော်ဝမ်းနည်းသွားမိသည်။ မပြောသင့်တဲ့စကားပြောမိတာဆိုပေမယ့် ကျွန်တော့်ဘက်က ကြည့်ရင်တော့ ကျွန်တော်မမှားပါ။ မျက်နှာကိုမော့လိုက်ခြင်းနဲ့အတူ မျက်ရည်တို့က ပါးပြင်ပေါ်စီးကျလာသည်။
သူ့မျက်နှာကိုသေချာမမြင်ရတော့လောက်အောင် မျက်ရည်တို့က ဝေဝါးအောင်လုပ်ပစ်လိုက်သည်။
"သခင်လေးက မိန်းမ...မိန်းမနဲ့ ခေါ်ပြောချင်တာဆိုရင် မိန်းကလေးတစ်ယောက်ကိုလက်ထပ်လိုက်ရင်လဲ...."
မျက်နှာနားမှာရိပ်ခနဲတွေ့လိုက်တာမို့ မျက်လုံးတွေကိုမှိတ်ချလိုက်မိသည်။
သခင်လေးရဲ့လက်တွေက ကျွန်တော့်ပါးကို ငြင်သာစွာ ကိုင်တွယ်လိုက်ပြီးနောက် သူ့နှုတ်ခမ်းတို့က ကျွန်တော့်နှုတ်ခမ်းတွေကို စုပ်ယူပစ်လိုက်သည်။
သူ့ရဲ့ လျှာကဝင်ခွင့်ပြုဖို့တောင်းနေတာမို့ ကျွန်တော့်နှုတ်ခမ်းတို့ကိုဟပေးလိုက်သည်။ ကျွန်တော့်လျှာကိုသူ့ရဲ့လျှာက လာပွတ်သပ်နေတော့ ကျွန်တော်လဲ သူ့အနမ်းတို့ကို ပြန်လည်တုံ့ပြန်မိသည်။
နှစ်ယောက်လုံးမောသွားတော့မှ သူကလွှတ်ကာ
"ဒီမှာ ကိုသစ်....ဒီတစ်ကမ္ဘာလုံးမှာ ကျွန်တော်ချစ်တာ ခင်ဗျားတစ်ယောက်တည်းပဲ"
မျက်နှာကိုသေချာကြည့်ကာပြောပြီးတာနှင့် လူကိုသူ့ရင်ခွင်ထဲ တင်းတင်းကျပ်ကျပ်ဖက်ထားလေသည်။ ကျွန်တော့်မျက်ရည်မိုးတွေက အခုမှပိုပြီး ရွာလို့ကောင်းနေပုံပင်။ သူ့ကျောပြင်ကို ပြန်လည်ဖက်တွယ်ထားမိကာ ရင်ထဲမှာကြည်နူးခြင်းတစ်ဝက်၊ ဝမ်းနည်းနေမိသေးတာက တစ်ဝက်။
လူချင်းပြန်ခွာကြပြီးတော့မှ
"သခင်လေးတို့ ညကျ အရက်သောက်ကြမလို့ဆို...အမြည်းစီစဉ်ပေးမယ်လေ။"
"ဟိုကောင်တွေစီစဉ်ထားမှာပါ။ လာ...ခဏအိပ်ရအောင်"
"နေ့ခင်းဘက်ကြီးကို...သခင်လေးပဲအိပ်ချင်အိပ်လေ"
"ဒီအတိုင်းပဲအိပ်မှာကိုပြောတာပါဗျာ။ လာပါ။"
လူကိုအတင်းအိပ်ခိုင်းနေတာမို့ ကျွန်တော်လဲ သူ့ဘေးမှာလှဲအိပ်လိုက်ရသည်။ သူက ကျွန်တော့်ခေါင်းကိုဆွဲကာ သူ့လက်မောင်းပေါ်မှီစေရင်းက
"ဘာလို့အခုထိ သခင်လေးလို့ခေါ်တာလဲ"
"ကျွန်တော်နှုတ်ကျိုးနေလို့ပါ။ ကြိုးစားကြည့်ပါ့မယ်။"
"အဲ့ဒီ ကျွန်တော်ကလဲ ပြင်လို့မရသေးဘူးပေါ့။ ထားပါတော့....ကိုသစ်...ကျွန်တော်ပြောပြမယ်။ ဒီလိုနေရာထိရောက်လာပြီဆိုမှတော့ သခင်လေးတွေ ဘာတွေမရှိတော့ဘူး။ အားလုံးအတူတူပဲ။ ပြီးတော့ ကျွန်တော် ကိုသစ်ဆီက လိုချင်တာ အဲ့ဒီလိုသည်းခံမှုတွေမဟုတ်တော့ဘူး။"
ကျွန်တော်ဘာမှမပြောပဲ ငြိမ်နေတော့ သူကလှိမ့်လိုက်ကာ ကျွန်တော့်ကိုယ်ပေါ်အုပ်မိုးလိုက်သည်။
"သစ်...နှုတ်ကျိုးနေတာကိုပြင်ဖို့ game တစ်ခုဆော့ရအောင်...ဘယ်လိုလဲ"
"ဘာgame လဲ သခင်လေး"
"ဒီလို game လေ..."
နဖူးပေါ်ကို သူအနမ်းခြွေလိုက်တော့ ကျွန်တော် ကြည်နူးသွားမိသည်။
"သခင်လေးကလဲ..."
"ခေါ်ပြန်ပြီ..."
ဒီတစ်ခါတော့ ညာဘက်ပါးလေး...
"ခုနက ပြန်နမ်းတော့ကျတော့အကောင်းပါ။ အခုတော့မျက်နှာကိုရဲနေတာပဲ"
"ကျွန်တော့်မျက်နှာလား"
ကျွန်တော်ကမေးလိုက်ကာ သူ့ကိုတွန်းလိုက်တော့ သူက ကျွန်တော့်ကိုယ်လုံးကိုပါဆွဲသွားတာမို့ သူ့ကိုယ်ပေါ်မှာကျွန်တော်မှောက်ရက်လေးဖြစ်နေသည်။ ခါးမှာထိန်းကိုင်ထားတဲ့လက်တွေကမြဲနေတာမို့ရုန်းလို့ကမရ။
နောက်ထပ် ဘယ်ဘက်ပါးကိုအနမ်းတစ်ပွင့်ခြေချသွားပြန်သည်။
"မှန်အောင်ပြောလေ....တစ်ကိုယ်လုံးတော့ကုန်တော့မှာပဲ"
သူက ရယ်ရင်းနဲ့စနေတာမို့ ကျွန်တော်ပါလိုက်ရယ်မိသည်။ သူ့ပါးပေါ်က ပါးချိုင့်လေးကိုတို့ထိကြည့်ရင်းနဲ့
"ကျော့်ရဲ့ပါးချိုင့်လေးကိုအရမ်းချစ်တယ်။"
"ကျွန်တော်က ကိုသစ်နဲ့ပတ်သက်တဲ့အရာရာတိုင်းကိုချစ်တယ်"
ရှည်ကြာသောအနမ်းတို့အစီအရီပေါ်ထွက်လာပြန်သည်။
ကျွန်တော့်ကိုသူ့ဘေးနားမှာဘေးစောင်းလေးပြန်ချပေးပြီး လက်ဖျားလေးကိုတော့ဆုပ်ကိုင်ထားသည်။ နှစ်ယောက်သားတစ်ယောက်မျက်နှာတစ်ယောက်ကြည့်နေမိရင်း ဘယ်လောက်ထိကြာသွားသည်မသိ။
"ဟဲ့....ကျော်ကြား....ငါတို့ပြန်ရောက်ပြီနော်..."
ကျွန်တော်လန့်ကာတုန်သွားမိသလို သူကလဲထအော်လေသည်။
"ဖြည်းဖြည်းအော်ပါဟ....သေမလိုပဲ..."
"နင်တို့မဟုတ်တာလုပ်ရင်လဲအသံတွေကျယ်ထွက်လာမှာစိုးလို့ဟေ့ ...သတိပေးတာ"
မေသူက ပြန်အော်သွားတော့မှ နှစ်ယောက်သားရယ်မိကြလေသည်။
"ရွာထဲလျှောက်ရင်းနဲ့ အကြော်စုံတွေ့လို့ဝယ်ခဲ့တယ်။ စားချင်ရင်လာခဲ့လေ....ဟိုအောက်က အလုပ်လုပ်နေတဲ့ ကောင်တွေလဲစားချင်ရင်လာခဲ့..."
ရင်းရင်းနှီးနှီးပြောဆိုနေကြပုံကြည့်ရတာ
မေသူက ဒီကကောင်လေးနှစ်ယောက်နဲ့ပါခင်နေတာထင်တယ်။
သခင်လေးကရုတ်တရက်ထကာ စွပ်ကျယ်ကိုချွတ်လိုက်ပြီး ဘောင်းဘီပါချွတ်လိုက်သည်။
ကျွန်တော်လဲ ယောင်ပြီးမျက်နှာကိုကွယ်ထားလိုက်မိသည်။ ခဏနေတော့မှ သူ့ထံမှ ရယ်သံထွက်လာကာ...
"အကြော်သွားစားမယ်လေ..."
ပုဆိုးဝတ်ထားတာမို့တော်ပါသေးသည်။ အပေါ်ကတော့ ဘာမှဝတ်မထား။
"အင်္ကျီဝတ်လေ ကျော်ရဲ့....အအေးမိနေဦးမယ်။"
"ဟိုကောင်တွေအခန်းလုပ်တာပြီးရင် ရေချိုးမလို့လေ။ သစ်နဲ့တူတူချိုးမှာ"
ကျွန်တော့်ကိုလက်ကမ်းပေးနေတာမို့ ကျွန်တော်လဲထလိုက်ကာ နောက်ဖေးဘက်ကိုအတူတူဝင်ခဲ့ကြသည်။
"နင်ကဘယ်လိုဖြစ်လို့လူရိုင်းဒီဇိုင်းဖြစ်နေတာလဲ"
ဇင်မာက လှမ်းစလိုက်တာမို့အားလုံးက သူ့ကိုလှမ်းကြည့်ကြသည်။ ပြီးတော့ ကျွန်တော့်ကိုကြည့်ကာ အားလုံးက ခေါင်းတညိတ်ညိတ်ဖြစ်သွားကြလေသည်။ ကျွန်တော်ကိုယ့်ကိုကိုယ်ငုံ့ကြည့်မိတော့ အင်္ကျီတွေကအနည်းငယ်ဖရိုဖရဲဖြစ်နေလေသည်။
ငိုထားတာဆိုတော့ မျက်နှာမှာလဲ မျက်ရည်စီးကြောင်းတွေနဲ့ကြောင်ချီးရုပ်ဖြစ်နေလောက်ပြီ။
"ဟို....ဟိုဟာလေ....အိပ်ရာက ကြမ်းပြင်မှာဖြစ်နေတော့...."
ပြောလိုက်မိမှ သူတို့က ထရယ်ကြတော့သည်။
"စတာပါ ...လာ...စားကြပါ"
မေသူကလှမ်းပြောလိုက်တော့မှ သူ့သူငယ်ချင်းကပါ စကားဝင်ထောက်လေသည်။
"ဟိုကောင်စထားလို့ အစ်မငိုထားတယ်ဆိုတာသိပါတယ်ဗျာ"
အားလုံးစားပြီးကြတော့ သခင်လေးက သူ့သူငယ်ချင်းတွေကို ပြန်ကူညီပေးနေလေသည်။ ကျွန်တော်က အခန်းထဲဝင်ခဲ့ကာ ဗီရိုလေးထဲ ကျွန်တော့်အတွက်ဝယ်ပေးထားသောအဝတ်အစားတွေနှင့် သခင်လေးရဲ့အဝတ်အစားတွေကိုတစ်ကန့်စီခွဲထည့်လိုက်သည်။
"ဘာကြောင့်များချစ်လဲ....ဒီလိုမေးရင်ခက်သားကွယ်....အချစ်မှာ အကြောင်းပြချက်များမလိုဘူး...."
ဖုန်းမြည်သံလိုလိုကြားရတာမို့ ကြည့်လိုက်တော့ သခင်လေးရဲ့ဘောင်းဘီအိတ်ထဲကဖြစ်နေသည်။ ကျွန်တော်လဲထုတ်ယူကာဖုန်းခေါ်တဲ့လူကိုကြည့်လိုက်တော့
~~~~~~~~~~~~~~~~~~~~~~~~~~~~~~
