King
..............
အပိုင်း(၂)
...................
သွင်သစ်
"ဘယ်လို....ရွာကိုသွားမှာ....ဟုတ်လား။"
မယုံနိုင်စွာမေးလိုက်တာကိုသူက ဘာမှမထူးဆန်းသလိုခေါင်းညိတ်ပြလေသည်။
"ဒီ....ဒီပုံစံနဲ့...ဘယ်ဖြစ်မလဲ...ဘုန်းဘုန်းကဆူမှာ...ဆံပင်ညှပ်မှ ဖြစ်မယ်။"
ဘုန်းဘုန်းက ယောကျာ်းလေးဆို ဆံပင်အတိုနဲ့ ယောကျာ်းပီပီသသ ကျားကျားယားယားနေမှ အမြင်ကြည်တာဖြစ်သည်။မဟုတ်လို့ကတော့ ကြိမ်လုံးစာမိပြီပဲ။ ကျွန်တော်ကလဲ သူ့အမိန့်ကြောင့် ဆံပင်မညှပ်ရတာ ၅နှစ်လောက်ရှိပြီမို့ ကျောလယ်အထိရှည်လျားနေကြသည်။ အဲ့ဒီဆံပင်တွေကိုကိုင်ကာ ကျွန်တော်က အလန့်တကြားပြောတော့ သူက လှည့်ကြည့်လာကာ ကားကို လမ်းဘေးမှာထိုးရပ်လိုက်လေသည်။
"ဘာတွေဒီလောက်လန့်နေတာလဲ။ ခင်ဗျားပုံစံပြောင်းရမှာပါ။ဒါပေမယ့် ဆံပင်တော့မညှပ်ရဘူး။"
"သခင်လေး အဲ့ဒါတော့မဖြစ်ဘူးထင်တယ်။ ကျွန်တော့်ကိုဒီပုံနဲ့မြင်ရင်ဘုန်းဘုန်းစိတ်ဆိုးမှာ။"
"ခင်ဗျားရဲ့အဆက်ဟောင်းကြီးက ရွာကိုလိုက်မလာဘူးလို့ပြောလို့ရမလားဗျ။ ခင်ဗျားကိုတခြားလူတစ်ယောက်ဖြစ်အောင်ပြောင်းမှာ။ အတိအကျပြောရရင်တော့ ကျွန်တော့်မိန်းမဖြစ်အောင်ပြောင်းမှာ...."
သူက လူကိုပါးလှမ်းဆွဲလိုက်ရင်းက ရယ်နေသေးသည်။
"ဘယ်လို....သခင်လေး....ကျွန်တော်နားမရှင်းလို့....ကျွန်တော်က ဘာလို့သခင်လေးမိန်းမ..."
"ဟုတ်တယ်....အဲ့ဒါကြီးပြင်ဖို့ကျန်နေတာ...အိမ်ရဲ့အပြင်ရောက်နေပြီပဲ။ ခင်ဗျား ကျွန်တော့်ကို သခင်လေးလို့ခေါ်ဖို့မလိုတော့ဘူး"
"ကျွန်တော် သခင်လေးနဲ့စတွေ့ကတည်းက အဲ့လိုပဲခေါ်ခဲ့တာပဲလေ..."
"ခင်ဗျား စိတ်ဆိုးတုန်းက ခေါ်သလိုလေ...ကျော်....အဲ့လိုခေါ်...လေသံတော့နည်းနည်းပျော့လိုက်ပေါ့ဗျာ။ ဟုတ်ပြီလား။ မနက်လောက်ဆို မန္တလေးရောက်ပြီ။ ဘုရားကြီးဖူးပြီး မနက်စာစားကြတာပေါ့။ ပြီးတော့မှ ကျွန်တော့်သူငယ်ချင်းဆီသွားကြမှာ။ ခင်ဗျားအိပ်ချင်ရင်ပြန်အိပ်လိုက်ဦး။"
သူကပြောပေမယ့် ကျွန်တော်ကတော့ ပြတင်းပေါက်ဘက်ကိုလှည့်ကာ အပြင်ကရှုခင်းတွေပဲ ကြည့်နေလိုက်တော့သည်။ အရာရာ သူ့စိတ်တိုင်းကျပါပဲလား။ ကျွန်တော် ဘယ်လိုဖြစ်စေချင်လဲဆိုတာကို မေးဖော်တောင်မရ။ တကယ်ဆို တေဇာကို နားလည်အောင်ပြောပြကြည့်ရင်ရနိုင်မှာပါ။ ပြောသာပြောရပေမယ့် တေဇာကလဲ ကျွန်တော့်စကားကိုလက်ခံဖို့ မခံဖို့ဆိုတာကမသေချာ။ ဘာမှလဲမတွေးတတ်တော့တာမို့ ဒီအတိုင်းပဲငြိမ်နေလိုက်တော့သည်။
မနက်အာရုဏ်ဦးလောက်မှာ ဘုရားကြီးကိုရောက်ခဲ့ကြသည်။ဘုရားပန်းကပ်၊ ရွှေသင်္ကန်းကပ်လှူကြရင်း ဘုရားဝတ်ပြုကြသည်။ ရှေ့ဆက်လျှောက်ရမယ့် ဘဝခရီးလမ်းမှာအေးအေးဆေးဆေးနဲ့လျှောက်လှမ်းခွင့်ရရပါလို၏ဘုရား။ ကိုယ့်ဘာသာ အသံတိတ်ဆုတောင်းလိုက်ရင်း သက်ပြင်းကိုမသိမသာခိုးချလိုက်မိသည်။
"သစ်....မနက်စာဘာစားမလဲ..."
"ဟမ်..."
ဘေးနားကနေ နူးညံ့သောခေါ်သံထွက်ပေါ်လာတော့ ကျွန်တော်ကြောင်သွားမိသည်။ ဘေးကိုကြည့်လိုက်တော့ သခင်လေး။
"ဘာလို့အဲ့လောက်တောင်အံ့သြနေတာလဲ...အလေ့အကျင့်ဖြစ်အောင်အခုကတည်းကလေ့ကျင့်နေတာ။ လာ...သွားကြမယ်။ မနက်စာစားပြီးရင် အဝတ်အစားနဲ့ လိုတာတွေဝယ်ရမယ်။"
"ဟုတ်သားပဲ....ကျွန်တော့်အဝတ်အစားတွေမပါခဲ့ဘူး။သက်သက်မဲ့ ပိုက်ဆံကုန်နေတော့မှာပဲ"
"ခင်ဗျား အဝတ်အစားတွေပါလဲဝတ်လို့ရမှာမှမဟုတ်တာ။ လာပါဗျာ...."
ထိုင်နေရာကနေမထသေးသော ကျွန်တော့်ကိုသူကဆွဲထူကာ အတင်းပဲဆွဲသွားလေသည်။
မနက်စာကို နန်းကြီးသုတ်နှင့်ကော်ဖီ စားကြသောက်ကြပြီးနောက် shopping center ရှိရာဆီ ထွက်ခဲ့ကြလေသည်။
သူက အသင့်စားအသားငါးဗူးတွေနှင့် ခေါက်ဆွဲခြောက်တွေဝယ်နေတာမို့
"သခင်လေး....အဲ့ဒီလောက်အများကြီးက...."
"ဟိုမှာက ဘယ်လောက်ကြာကြာနေရမလဲမှမသိတာ...တစ်သက်လုံးလဲ ဖြစ်သွားနိုင်တာပဲလေ...ဟားဟား..."
သူ့ဘာသာသဘောကျသလိုရယ်ကာ မုန့်တွေရောင်းတဲ့ဘက်ကိုလျှောက်သွားပြန်သည်။ မုန့်ထုပ်တွေတစ်မျိုးပြီးတစ်မျိုးကို ပါကင်လိုက်ဝယ်နေလေသည်။ ကျွန်တော်လဲဘာမှမပြောတော့ပဲ ဒီအတိုင်းသူ့နောက်ကလိုက်ခဲ့လိုက်သည်။
Coffee mix ထုပ်တွေစီထားတဲ့နေရာကိုရောက်တော့ ကွေကာအုပ်၊ coffee အမျိုးမျိုး သူ့စိတ်ကြိုက်ဝယ်နေတာ အထုပ်၂၀လောက်ရှိသည်။ပြီးတော့မှ အချိုရည်တန်းဘက်သွားကာ သံဗူးတွေရော ဘူးကြီးတွေပါဝယ်နေပြန်သည်။ တွန်းလှည်းကတစ်ခုနှင့်မဆန့်တော့ နောက်တစ်ခုပြေးယူရပြန်သည်။
ငွေရှင်းပြီးတော့ ကားပါကင်ရှိရာဆီ ဝန်ထမ်းကောင်လေးကပါလိုက်ပို့ရလေသည်။
"အဝတ်အစားဝယ်ဖို့မေ့နေတာပဲ....လာ....ပြန်တက်ကြမယ်။"
ကားထဲဝင်ထိုင်မလို့လုပ်ပြီးကာမှ သူက တံခါးကိုပြန်ပိတ်ကာ ဓာတ်လှေကားဆီလျှောက်သွားပြန်တာမို့ ပြန်လိုက်ခဲ့ရပြန်သည်။
အမျိုးသမီးအဝတ်အစားနှင့်အသုံးအဆောင်တွေရောင်းတဲ့ဆိုင်ထဲကိုသူကဝင်သွားကာ လှည့်ပတ်ကြည့်နေလေသည်။ အရင်ကလဲကောင်မလေးတွေကိုလိုက်ဝယ်ပေးဖူးတယ်ထင်ပါရဲ့။ သူ့အတွက်ကတော့ဘာမှမထူးခြားပုံပင်။ ကျွန်တော်လဲမျက်နှာပူပူနဲ့ပဲသူ့နောက်ကထပ်ကြပ်မကွာလိုက်နေရသည်
"ဘာများကူညီပေးရမလဲရှင်....ဇနီးအတွက်ဝယ်မလို့ထင်တယ်။ ဆိုဒ်နံပါတ်လေးပြောပေးပါရှင်။ ဒီဇိုင်းစုံရှိပါတယ်။"
"ဆိုဒ်က သူ့ဆိုဒ်...ဒီဇိုင်းကတော့ ....ဒီတစ်စုံ...ဟိုနားကတစ်စုံ....ပြီးတော့ ဟိုစင်ထဲက ပုံစံအစုံပေး။ အပေါ်ရောအောက်ရောပါပြီးသားမလား။ မပါလဲလိုက်တာနဲ့တွဲပေးလိုက်။"
သူကပြောချင်ရာပြောကာ ဖုန်းခလုတ်တွေနှိပ်ရင်းထွက်သွားလေသည်။ အရောင်းစာရေးမလေးက ကျွန်တော်ကိုကြည့်ကာ ပြူးကြောင်ကြောင်။
"ဟို....သူ့ရဲ့ဇနီးက ကျွန်တော့်ရဲ့အမြွှာမို့လို့ပါ။ အခုက အစ်မနေမကောင်းလို့လာဝယ်ကြတာ"
ယုံတာမယုံတာတော့မသိ။ စိတ်ကူးထဲပေါ်လာသလိုလှည့်ပတ်ပြောလိုက်ရသည်။ ကောင်မလေးက ယုံသွားတယ်ထင်ပ။ အခုမှ ဟီးခနဲရယ်ပြကာ
"လာ....အကို....ဒီဘက်လိုက်ခဲ့....ညီမအဆင်ပြေအောင်လုပ်ပေးပါ့မယ်။"
စားပွဲခုံတစ်ခုနားခေါ်သွားကာ အံဆွဲထဲကပေကြိုးထုတ်လိုက်လေသည်။ ပြီးတော့မှ
"အကို....လက်လေးတစ်ချက်လောက်မြှောက်ပေးထားပါ။"
"ဗျာ..."
"ဟိုအကိုပြောသွားတဲ့ထဲက ၃စုံက ဒီဆိုင်ကဒီဇိုင်းထုတ်ထားတဲ့ဟာပါ။ အဆင်မပြေတာရှိရင်တစ်ခါတည်းပြင်ပေးလိုက်မလို့ပါ။ ကိုယ်တိုင်းလေးယူထားချင်လို့..."
"သြော်...ဟုတ်..."
ကျွန်တော်လက်နှစ်ဖက်ကို ဘေးကိုတန်းပေးလိုက်တော့ ကောင်မလေးက ပေကြိုးနဲ့ လက်တွေပခုံးတွေကိုအရင်တိုင်းလေသည်။ အနားကို ပိုကပ်လာကာ ကျွန်တော့်ခါးမှာပေကြိုးပတ်မလို့အလုပ်
"ရပ်စမ်း...."
"အမလေး..."
ကောင်မလေးလန့်ကာနောက်ဆုတ်သွားသလို ကျွန်တော်လဲ တောင့်တောင့်ကြီးရပ်နေမိသည်။
"အဲဒါဘာလုပ်နေတာလဲ။ ဈေးဝယ်တဲ့လူကို ဘယ်လိုဆက်ဆံတာလဲ။ မင်းရဲ့တာဝန်ခံခေါ်လိုက်။ အရောင်းစာရေးလုပ်နေပြီး အဝတ်အစားဆိုဒ်တောင်မမှန်းတတ်ဘူးလား။ ဒီလိုဆိုင်မျိုးတစ်ခါမှမမြင်ဖူးဘူး။"
သခင်လေးကဒေါသတကြီးနှင့်အော်ငေါက်နေတော့ ဟိုကောင်မလေးမျက်နှာက ဇီးရွက်လောက်ပဲရှိတော့သည်။ ဆူညံသံကြားလို့ထင်ပ။ ဝန်ထမ်းတွေပါရောက်လာကြလေသည်။
"ကျွန်မကတာဝန်ခံပါ။ ဘာများဖြစ်လို့လဲရှင့်..."
"အင်္ကျီကိုပြင်စရာရှိရင်ပြင်ရအောင်လို့ ကျွန်မက ကိုယ်တိုင်းယူနေတာပါ။အဲ့ဒါကို ဒီအကိုက....."
"အပိုတွေပြောမနေနဲ့. ...ခင်ဗျားတို့ဝန်ထမ်းကိုဘယ်လိုလူတွေခန့်ထားတာလဲ။ တော်ပြီ....မဝယ်ဘူး။"
"ဒီကအကိုအမြင်မှားတာလဲ ဖြစ်ရင်ဖြစ်...."
"ဘာ...."
ကျွန်တော်လဲကြောင်ပြီးရပ်ကြည့်နေရာမှ သူ့ကိုသွားဆွဲလိုက်ရသည်။
"သ....ကျော်.....လွန်ကုန်မယ်။"
သခင်လေးလို့ခေါ်မိတော့မလိုဖြစ်သွားသောပါးစပ်ကိုအမြန်ပြန်ပိတ်ရသေးသည်။ မဟုတ်ရင်သူ့ဒေါသတွေက ကိုယ့်အပေါ်အကုန်ရောက်လာတော့မှာပင်။
"ဟဲ့.....ကျော်ကြား.....ဘာဖြစ်နေတာလဲ..."
မိန်းကလေးနှစ်ယောက်က သူ့ကိုခေါ်တာကြားလိုက်ရတော့ အားတက်သွားမိသည်။ သူ့သူငယ်ချင်းဆိုတာထင်ပ။
"ဟာ...မေသူ.....လုပ်ပါဦးဟာ....နင်တို့သူငယ်ချင်းက ပြောလို့မရဘူး။"
ကျောင်းတုန်းကအတူတက်ခဲ့ကြသူတွေမို့ အကူအညီတောင်းလိုက်တာဖြစ်သည်။ သူ့ရဲ့တခြားကသူငယ်ချင်းတွေမဟုတ်လို့တော်ပါသေးရဲ့။
"နင်ကလဲဖြစ်လိုက်ရင် အရာရာနဲ့အကြောင်းကြောင်းပဲ..."
"ငါမှားတာမဟုတ်ဘူး။ သူတို့က....တောက်.....ငါကွာ"
"ကိုသွင်သစ်....သူ့ကိုခေါ်သွားလိုက်တော့ ညီမတို့ရှင်းလိုက်မယ်။"
"အေး....ကျေးဇူး"
သူ့ကိုမနိုင်မနင်းဆွဲကာ အမျိုးသားသန့်စင်ခန်းဆီဆွဲခေါ်ခဲ့ရသည်။ ဒါတောင်အထဲရောက်တဲ့အထိ သူကဒေါသမပြေနိုင်သေး။
"သခင်လေး ထင်သလိုမဟုတ်ပါဘူး။ စိတ်လျှော့....အင့်..."
သူက ရုတ်တရက်တွန်းလိုက်တာမို့ကျောပြင်နဲ့နံရံကပ်သွားသည်။
"ဘာ....သူတို့က ခင်ဗျားကို ထိတွေ့ကိုင်တွယ်နေတာကို ကျွန်တော်က ပျော်နေရမှာလား။ ဘယ်နားကိုထိတာလဲပြော....ခင်ဗျားရဲ့ဘယ်နားကိုထိတာလဲ"
ဘေဇင်ကနေရေဖွင့်ကာ သူ့လက်နှင့်ရေကိုယူပြီးကျွန်တော့် လည်ပင်းကိုပွတ်သုတ်ပစ်သည်။
အင်္ကျီကြယ်သီးတွေကိုဖြုတ်ပစ်ကာ ရေတွေနှင့်ပွတ်သုတ်ပြန်သည်။
"လာ..."
ကျွန်တော့်အင်္ကျီတစ်ထည်လုံးလဲရေတွေနှင့်စိုရွဲနေပြီဖြစ်သည်။ သူက လူကိုဆွဲသွားပြန်ကာ အိမ်သာအခန်းထဲဝင်လိုက်သည်။ တံခါးကို lock ချလိုက်ပြီးတာနှင့် ကျွန်တော့်ပါးပြင်ကိုသူ ဖိကပ်နမ်းပါတော့သည်။
ပြီးတော့ လည်တိုင်...နမ်းရုံနဲ့အားမရပဲ ခပ်ကြမ်းကြမ်းစုပ်ပစ်သည်။ အနီကွက်တွေထင်ကျန်ခဲ့မှာတော့သေချာလေသည်။ ရင်ဘတ်တွေဆီအထိဆင်းသွားကာ သူ့အနမ်းတို့က တရစပ်....ကျွန်တော့်ရင်ဘတ်ပေါ်မှာ စိုစွတ်မှုခံစားရတာမို့ သူ့မျက်နှာကိုဆွဲမလိုက်တော့ ....
"သခင်လေး...."
သူ....သူ...ငိုနေတာလား။ ယောကျာ်းပီပီခန့်ညားသောသူ့မျက်နှာမှာ မျက်ရည်စီးကြောင်းတို့ကအကျည်းတန်စွာ...ကျွန်တော်သိပ်ချစ်ရသော သူ့ရဲ့ပါးချိုင့်လေးလဲ ကွယ်ပျောက်လို့....
ကျွန်တော်သူ့ကိုတင်းတင်းကျပ်ကျပ်ဖက်လိုက်မိသည်။
"ကျွန်တော်ကလွဲပြီး တခြားသူတွေခင်ဗျားကိုမထိပါစေနဲ့....ကျွန်တော်မကြိုက်ဘူး။ အတွေးနဲ့တောင်ရူးတော့မယ်။ ခင်ဗျားကိုကျွန်တော်ပိုင်တယ်။ ကျွန်တော်သေတဲ့အထိ ခင်ဗျားကျွန်တော့်နားမှာနေရမယ်။ ဒါအမိန့်ပဲ"
ကျွန်တော့်ကိုခပ်တင်းတင်းပြန်ဖက်ထားရင်းက သူက ပြောနေတာဖြစ်သည်။
"ဟုတ်ကဲ့ပါ....ကျွန်တော့်ကိုသခင်လေးပိုင်ပါတယ်။ သခင်လေးနှင်ထုတ်ရင်တောင်ကျွန်တော်ထွက်မသွားပါဘူး။"
ခဏနေတော့မှ အဝတ်အစားတွေသပ်သပ်ရပ်ရပ်ဖြစ်အောင်ပြန်ဝတ်ပြီး အပြင်ထွက်ခဲ့ကြသည်။
ကျွန်တော့်ရှပ်အင်္ကျီကရေစိုသွားတာမို့ သူ့လက်ထဲကဝယ်လာသောအထုပ်ထဲကတစ်ထည်ကိုဝတ်ပေးလေသည်။
ပြီးတော့မှအပြင်ထွက်ခဲ့ကြလေသည်။ သူ့သူငယ်ချင်းတွေကို ဖုန်းဆက်လိုက်တော့ မိတ်ကပ်တွေဝယ်နေတယ်ဆိုလို့လိုက်ခဲ့ကြရပြန်သည်။
"ဆံပင်က ရှည်နေပြီးသားဆိုတော့ ဆံညှပ်လေးတွေပဲဝယ်တော့မယ်။"
"စုံရောစုံရဲ့လား။ ငါကပေါင်းရမယ့်လူနော်။ ဂွမ်းနေဦးမယ်။ နို့အတုတွေဘာတွေရောဝယ်ခဲ့လား"
သူက ပြောချလိုက်တာမို့ ကျွန်တော်ကမျက်နှာပူသွားမိကာ တစ်ဖက်ကိုလှည့်နေလိုက်သည်။
"ပါပါတယ်ဟယ်။ နင်ကလေ....လျှာကိုရှည်တယ်။ ကိုသွင်သစ်ကိုနင့်ထက်အဆတစ်ရာသာအောင်ပြင်ပေးမှာ။ ချောချောလေးကရုပ်ဆိုးဆိုးနဲ့ကောင်ကိုယူထားတယ်ဆိုပြီးတော့ကိုဖြစ်စေရမယ်။"
"စိမ်လိုက်လေ...."
သူက ပခုံးတွန့်ရင်းပြောကာ တခြားဘက်လျှောက်သွားလေသည်။ သူငယ်ချင်းကောင်မလေးနှစ်ယောက်ကလဲ ကလစ်တွေ၊ဆံထိုးတွေကို ကျွန်တော့်ဆံပင်နဲ့ကပ်ကြည့်ပြီးသဘောတွေကျနေလေသည်။
"ပြီးပြီလား..."
ခဏနေတော့မှသူကရောက်လာကာ အားလုံးပိုက်ဆံရှင်းပြီးထွက်ခဲ့ကြလေသည်။ သူငယ်ချင်းတွေအိမ်ရောက်တော့...
"ငါတို့အတွက် အခန်းရော"
"ပြင်ထားပြီးပါပြီ။ တော်တော်စေတနာရှိစရာကောင်းတဲ့ဧည့်သည်ပဲ"
"စေတနာမရှိလဲနေပေါ့....ဂရုကိုမစိုက်တာ"
မနိုင်နိုင်အောင်ပြန်ပြောပြီး အခန်းတံခါးကိုဖွင့်လိုက်လေသည်။ ပြီးတော့မှ ကျွန်တော့်ကိုလာပြန်ဆွဲခေါ်လေသည်။
"လာ....ရေချိုးမယ်။"
"မြန်မြန်လဲလုပ်ဦးနော်။ ကိုသွင်သစ်ကိုက မိတ်ကပ်လိမ်းနည်းတွေဘာတွေပြရဦးမှာ...အဝတ်အစားဝတ်ဖို့ရောပဲ"
"နားညည်းလိုက်တာဟာ...."
သူက ပြန်အော်ပြောပြီး အခန်းထဲဝင်ကာတံခါးအမြန်ပိတ်လိုက်သည်။ ဒါတောင် မေသူပစ်ပေါက်လိုက်သော ခေါင်းအုံးလေးကပါ အခန်းထဲပါလာသေးသည်။
သူက ရယ်နေရင်းက ကုတင်ပေါ် လှဲအိပ်လိုက်လေသည်။
"ဒါနဲ့ သခင်....ဆောရီး....ကျော်.....မေသူတို့ကိုကြည့်ရတာတစ်မျိုးပဲနော်"
"သူတို့နှစ်ယောက်က လင်မယားတွေလေ...ကျွန်တော်ကိုယ်တိုင် အောင်သွယ်ပေးလိုက်တာ...ဟားဟား...."
"ကျွန်တော် ဆက်မတက်ဖြစ်တော့တဲ့နှစ်အတွင်း တော်တော်ပြောင်းလဲသွားတာပေါ့"
"ကျွန်တော်လို့မပြောနဲ့လေ....မန္တလေးသူယူထားလားမေးနေလိမ့်မယ်။"
"ကျွန်တော် အသားမကျသေးလို့ပါ သခင်လေး"
"တစ်ခုပြင်ဖို့ပြောကာမှ နောက်တစ်ခုပါထပ်မှားနေပြန်ပြီ။ တော်ပါပြီ။ရေချိုးကြမယ်။ ဟိုငှက်မတွေက နားလာပူနေဦးမယ်။"
ရေချိုးပြီးကြတော့အပြင်ထွက်လာကာ သူက အိမ်အပြင်ဘက်ထွက်သွားလေသည်။ ကျွန်တော့်ကိုတော့ ကောင်မလေးနှစ်ယောက်က ဧည့်ခန်းမှာ ပစ္စည်းအစုံအလင်နှင့်စောင့်နေတာမို့ ကျွန်တော်လဲခုံမှာဝင်ထိုင်လိုက်သည်။
"မျက်လုံးမှိတ်ထားလိုက် ကိုသွင်သစ်..."
ကျွန်တော်လဲ သူတို့စိတ်တိုင်းကျထိုင်နေပေးလိုက်သည်။ မျက်နှာပေါ်တစ်ခုပြီးတစ်ခု လိမ်းပေးကာ ပါးစပ်ကလဲမနားတမ်းပြောနေသည်။ ဘာပြီးရင်ဘာလိမ်းရမယ်။ ဘယ်လိုပွတ်ရမယ် စသည်ဖြင့်ပြောနေရင်း လိမ်းလဲလိမ်းပေးနေသည်။ တစ်ယောက်ကလဲ အနောက်ကနေဆံပင်တွေကို သိမ်းယူကာစုချည်ပေးနေလေသည်။
ပြီးတော့မှ လည်ပင်းကိုပါ အနည်းငယ်လိမ်းပေးကာ ကျွန်တော့်ကို သူတို့အခန်းထဲခေါ်ခဲ့ကြလေသည်။
"ကိုသွင်သစ်...အင်္ကျီချွတ်လိုက်ပါလား"
မ်ိနးကလေးအတွင်းခံကိုဝတ်ပေးကာ အတုတွေပါထည့်ပေးလေသည်။အနည်းငယ်စိတ်ကျဉ်းကျပ်သလိုဖြစ်လာတာမို့ ချွေးတောင်ပြန်ချင်ချင်။
အပေါ်က ဇာအပါးသားလေးနှင့်အင်္ကျီကိုဝတ်ပေးမလို့လုပ်ပြီးမှ
"အကွက်တွေကိုလဲ ကြည့်ဦး....ဟိုမသာကတော့လေ...."
သခင်လေးကို လှမ်းပြီးဆဲနေရင်းက တချို့နေရာတွေကို မိတ်ကပ်အရည်အနည်းငယ်ယူကာ ဖုံးပေးနေလေသည်။ ကျွန်တော်လဲမျက်နှာပူကာ ဘာမှတောင်မပြောမိ။
"ကိုသွင်သစ်....ဒီအောက်ခံဝတ်လိုက်ပါ။ အတုပါပါပြီးသား။ ဟိုဘက်နားလေးမှာဝတ်လိုက်။ မေသူတို့ တခြားဘက်လှည့်ထားပါ့မယ်။"
"အင်း..."
ပုဆိုးဝတ်ထားတာမို့တော်သေးတယ်။ အမြန်အောက်ကနေစွပ်ကာဝတ်လိုက်သည်။
"ဒါလေးပါ စွပ်ဝတ်လိုက်ပါ။အပြင်ကစောင့်နေမယ်နော်။ ပြီးရင်မှန်ကြည့်လိုက်ဦး"
အားလုံးဝတ်လို့ပြီးတော့ ကိုယ့်ကိုကိုယ်မှန်ရှေ့မှာကြည့်လိုက်သည်။ ကိုယ့်ဘာသာတောင်ပြန်အံ့သြမိရမလိုပင်။ သူတို့ရဲ့မိတ်ကပ်တွေကပဲစွမ်းလွန်းလို့လားမသိ။မှန်ထဲကနေမိန်းကလေးတစ်ယောက်က ကျွန်တော့်ကိုပြန်ကြည့်နေလေသည်။
ကိုယ့်ရဲ့ ပုဆိုးနဲ့အင်္ကျီကိုပြန်ယူကာ အခန်းထဲကထွက်ခဲ့လိုက်လေသည်။
ခေါင်းမော့ကြည့်လိုက်တော့ သခင်လေးက ကျွန်တော့်ကိုသေချာကြည့်နေလေသည်။
သခင်လေးက အနားကိုလာမလို့ပြင်တာမို့ ကျွန်တော်လဲ ကျွန်တော်တို့အခန်းထဲအမြန်ပြေးဝင်လိုက်တော့သည်။
တံခါးကိုပိတ်ဖို့လုပ်ပေမဲ့ မမီလိုက်။ သခင်လေးကပါ အခန်းထဲဝင်လိုက်လာလေတော့သည်။
~~~~~~~~~~~~~~~~~~~~~~~~~
Bottom of Form
