King
................
အပိုင်း(၆)
.......................
သွင်သစ်
တေဇာနဲ့ဦးလေးနဲ့က သားအဖတွေဆိုပါလား။ ဒါဆိုသခင်လေးကရော။ အဖေတူအမေကွဲ ညီအကိုများတော်နေကြတာလား။
"နောက်ဆုံးတော့လဲ ကိုယ့်သွေးသားအရင်းရဲ့ဆန္ဒကိုပဲ ပိုလိုက်လျောမယ်ဆိုတာ သိနေပြီးသားပါ။"
"မဟုတ်ဘူးသား။ ဖေဖေ ပြောပါရစေဦး"
"အခု အဖြစ်အပျက်တွေကရှင်းပြစရာမလိုတော့လောက်အောင်ပြည့်စုံနေပါပြီ ဦးနန္ဒ"
"အဲ့ဒီကိစ္စတွေကထားလိုက်ပါ။ သွင်သစ်က ဘယ်သွားတာလဲ။ မင်းသူ့ကို ဖွက်ထားတာမလား"
တေဇာ့အသံက သေချာနေသလိုပြောနေတာမို့ သိများသွားပြီလားလို့ ကျွန်တော်စိတ်ပူမိသွားသေးသည်။
"ဟိုနေ့က ငါမိန်းမခိုးမှာမို့လို့ သူ့ကိုပါအဖော်ခေါ်လာတာ။ ဒီက ကိစ္စတွေပြီးတော့ သူ့ဘာသာထွက်သွားတာဖြစ်မှာပေါ့။ ငါမသိဘူး။ မင်းနဲ့ အရင်းနှီးဆုံးမလား။ သူရှိမယ့်နေရာခန့်မှန်းပြီးရှာလိုက်ပေါ့။ အခုတော့ ထွက်သွားလိုက်တာကောင်းမယ်"
"မင်းကိုယ်မင်းလည်လှပြီထင်နေတယ်ပေါ့....အေးပါ....စောင့်ကြည့်နေလိုက်"
တေဇာက စိမ်ခေါ်သလိုပြောကာ အိမ်ပေါ်မှ ဆင်းသွားလေသည်။
"ဦးနန္ဒ လဲသွားလို့ရပါပြီ"
"သား....မင်းအဲ့ဒီလောက်အထိဖြစ်ဖို့မလိုပါဘူး။ မင်းဘယ်သူပဲဖြစ်ဖြစ် မင်းကိုဖေဖေတစ်သက်လုံးစောင့်ရှောက်လာခဲ့တာ။ သားအရင်းနဲ့ဘာမှမခြားပါဘူး။ အတိတ်ကအကြောင်းတွေသိလဲ သားအဲ့လိုပြောင်းလဲတာတော့မဖြစ်သင့်ဘူးထင်တယ်။"
"ကျွန်တော်သိနေတာကြာပါပြီ။ ဒါပေမယ့် ဒီနေ့မှပဲ မျက်မြင်တွေ့လိုက်ရတာလေ။"
"မဟုတ်ဘူးလေ....သား..."
"ဟိုမှာ စောင့်နေတယ်။ ဦးလေး ပြန်လိုက်ပါတော့"
သခင်လေးစကားဆုံးတာနှင့်ခြေသံက အခန်းဘက်ကိုဦးတည်ပြီးလာနေလေသည်။ အခန်းဝမှာခြေသံရပ်သွားပြီး ကားတံခါးပိတ်သံနှင့်ကားထွက်သွားသံတို့ကို အစဉ်လိုက်ကြားလိုက်ရသည်။
အိပ်ခန်းတံခါးပွင့်သွားပြီး သခင်လေးကဝင်လာကာ အခန်းထဲရောက်တာနှင့်ဒူးထောက်ကျသွားသည်။ ကျွန်တော်အမြန်ထကာ အခန်းတံခါးပိတ်လိုက်ပြီး သခင်လေးကိုတင်းတင်းကျပ်ကျပ်ပွေ့ဖက်ထားလိုက်သည်။ ကျွန်တော်မမြင်ချင်ဆုံးသခင်လေးရဲ့မျက်ရည်တို့ ကျွန်တော့်အင်္ကျီတွေပေါ်စိုစွတ်သွားပြန်သည်။
"ကိုသစ်.....ကျွန်တော်...ကျွန်တော် အခုတစ်ကောင်ကြွက် ဘဝရောက်သွားပြီ။ ....ကျွန်တော့်ဘဝမှာ....ဘာဆိုဘာမှမရှိတော့ဘူး။..."
ငိုနေရင်းက ကျွန်တော့်ကိုမော့ကြည့်ကာ ပြောနေသေးသည်။ ကျွန်တော်လဲသူ့ကိုဆွဲလိုက်ကာ အနမ်းတွေခြွေလိုက်သည်။ သူ့ရဲ့နှုတ်ခမ်းသားလေးတွေတုန်ရီနေပေမဲ့ ကျွန်တော့်အနမ်းတွေကိုတော့တုန့်ပြန်ပါသည်။
"သစ် တစ်ယောက်လုံးရှိပါတယ်။ ကျော့် အနားမှာ အမြဲအတူရှိနေပါ့မယ်။"
သူက ကျွန်တော့်ရင်ခွင်ထဲကနေထလိုက်ကာ မျက်ရည်တွေကို လက်နှင့်ခပ်ကြမ်းကြမ်း ပွတ်သုတ်ပစ်လိုက်သည်။ ပြီးတော့မှ ကျွန်တော့်လက်တွေကိုလှမ်းကိုင်ကာ
"ကျွန်တော်တို့ ဒီနေရာလေးကနေ ဘဝသစ်ပြန်စကြရအောင်နော်...သစ် ပါရမီဖြည့်ပေးမယ်မလား"
"ဒါပေါ့ ....ကျော်ရဲ့...ကဲ...လာ မနက်စာသွားချက်ကြမယ်။"
စိတ်ပြေလက်ပျောက်ဖြစ်အောင်သူ့ကိုမီးဖိုထဲခေါ်ခဲ့ကာ ထမင်းကြော်နှင့် ကော်ဖီဖျော်ကာ မနက်စာစားကြသည်။
"မွှေးနေတာပဲ...မေသူတို့ဖို့ရောပါလား ကိုသွင်သစ်...."
"ပါပါတယ်ဗျာ...အိုးထဲမှာ ကျန်သေးတယ်။ ကော်ဖီလဲ ဒီဓာတ်ဗူးထဲမှာရှိတယ်"
"ဟုတ်ကဲ့...ကျေးဇူး...."
"အငတ်မတွေ..."
သူကမဲ့ရွဲ့ကာပြောတော့ ကျွန်တော်ရယ်လိုက်မိသည်။
"ငတ်တော့ ဘာဖြစ်လဲ...နင့်အပူလား..."
စားပွဲမှာဝင်ထိုင်ကာ သူတို့ဘာသာထည့်စားနေကြသည်။
ခုနကဖြစ်ပျက်နေတာတွေကိုသူတို့လဲကြားမှာပါ။ မသိချင်ယောင်ဆောင်နေသင့်တဲ့ကိစ္စမို့လို့သာ မသိသလိုနေနေကြတာဖြစ်မည်။ မေသူနဲ့ သခင်လေးနဲ့က ရင်းနှီးတဲ့သူငယ်ချင်းတွေမို့ မေသူ ကတော့ကိစ္စတော်တော်များများကိုသိနေမှာပါ။
သခင်လေးမရှိတဲ့အချိန်မှ သေချာမေးကြည့်ရဦးမည်။
"လာပါ...ကျော်ရယ်...သူတို့အေးအေးဆေးဆေးစားပါစေ။ ကျော်လဲ ပြန်အိပ်ချင်အိပ်လေ..."
"သစ်လဲအိပ်လေ..."
"ထိုင်စောင့်နေပေးပါ့မယ်။ ဟုတ်ပြီလား"
"အင်း..."
တစ်ခါတစ်လေ ကလေးလေးလိုချစ်စရာကောင်းသော သခင်လေးကို ကျွန်တော် ပိုပိုပြီးချစ်မိလာသည်ထင်ပါရဲ့။ သူ့အပြုံးတွေအမြဲရှိနေအောင် ကျွန်တော်ကြိုးစားနေချင်မိသည်။ တစ်လောကလုံးက သခင်လေးကိုတိုက်ခိုက်ကြရင်တောင် ကျွန်တော် သခင်လေးနှင့်အတူလက်တွဲကာ ရင်ဆိုင်ချင်မိသည်။
ကိုယ့်အတွေးနှင့်ကိုယ်မျောနေရာကနေ သတိရတော့ ကျွန်တော်က သူ့ရင်ခွင်ထဲရောက်နေပေပြီိ။ ကျွန်တော့်ကို သူ့လက်မောင်းပေါ်ခေါင်းအုံးနေစေရင်း ဖက်ထားကာ သူကတော့အိပ်ပျော်နေပြီဖြစ်သည်။
တေဇာ...ဟုတ်တယ်...တေဇာတို့ကျွန်တော့်ကိုများလိုက်ရှာနေလေမလား။
ငယ်သူငယ်ချင်းတွေမို့ ကျွန်တော့်ကိုသခင်လေးက ပစ္စည်းတစ်ခုလိုသဘောထားနေတာကိုမကျေမနပ်ဖြစ်နေတာပဲနေမှာပါ။
ပြည့်စုံတဲ့မိဘတွေက ပေါက်ဖွားလာပေမဲ့ တေဇာကမာနမကြီးတတ်။ သူတို့မိသားစု ဘုန်းကြီးကျောင်းမှာအလှူလာလုပ်ကြရင်း ဘုန်းတော်ကြီးသင်ပညာရေးကျောင်းမှာတက်နေတဲ့ ကျွန်တော့်ကိုတွေ့ပြီး သူ့ဘက်ကစကားစပြောလာခဲ့သည်။
သူ့အမေတားနေတဲ့ကြားကနေမကြာမကြာ ကျောင်းကိုလာကာ ကျွန်တော်နှင့်အတူ လာကစားပေးတတ်သည်။ အိမ်ကိုလဲအတူလိုက်ပေးတတ်တာမို့ အဖေတို့အမေတို့နဲ့လဲ ရင်းနှီးလေသည်။ ပြောရရင်တော့ ကျွန်တော့်ဘဝရဲ့ ပထမဆုံးသူငယ်ချင်းပေါ့။ ကျွန်တော် တေဇာကိုတကယ်ပဲခင်ပါသည်။ ဒါပေမယ့် သခင်လေးအနားမှာပဲနေချင်မိတာကတော့ ဘယ်လိုမှမတတ်နိုင်။ သခင်လေးအတွက်ကျွန်တော်လိုအပ်သလို ကျွန်တော့်အတွက်ကလဲ သခင်လေးရှိမှ ဖြစ်မှာပါ။
အိပ်ပျော်နေတဲ့ သခင်လေးရဲ့မျက်နှာကို မော့ကြည့်လိုက်ကာ ရင်ခွင်ထဲတိုးဝင်ကာ ဖက်ထားလိုက်သည်။ ကိုယ်သင်းနံ့တွေကိုတဝကြီးရှူရှိုက်ပစ်လိုက်ရင်း ရင်ထဲမှာ ကြည်နူးသွားမိသည်။ အခုလိုနေ့မျိုးရောက်လာမယ်လို့ စိတ်ကူးတောင်မယဉ်ကြည့်ဘူးခဲ့ပါ။ သခင်လေးဆီက အနိုင်ကျင့်မှုတွေပဲရမယ်လို့ထင်ထားခဲ့ပေမဲ့ အခုတော့ သခင်လေးဆီက နူးညံ့သောအချစ်တွေရခဲ့ပြီ။
"ဒီလို ဘဝမျိုးနဲ့ပဲ တစ်သက်လုံးနေရလဲ သစ် ကျေနပ်နေမှာပါ။ အရမ်းချစ်တယ် ကျော်..."
တစ်စွန်းတစ်စပေါ်နေသော သူ့ရဲ့ ရင်ဘတ်လေးကို နမ်းလိုက်ကာ လှဲနေရာကနေထလိုက်သည်။
သူမနိုးအောင်ဖွဖွလေးနင်းကာ အပြင်ကိုထွက်ခဲ့လိုက်သည်။
အိမ်ရှေ့ကိုထွက်ခဲ့လိုက်တော့ မေသူတို့ကိုတွေ့ရတာမို့ သူတို့အနားမှာပဲထိုင်လိုက်သည်။
"မေသူ..."
ခေါ်တော့ခေါ်လိုက်ပေမဲ့ ဘယ်ကစမေးရမှန်းမသိ။
"ကိုသွင်သစ် မေးစရာရှိနေတာမလား။"
"ဟုတ်တော့ဟုတ်ပါတယ်....ဒါပေမဲ့ ဘယ်ကစမေးရမှန်းမသိဘူးဖြစ်နေတာ"
"ဒါဆိုလဲမေသူပဲ ပြောပြတော့မယ်။"
ခေါင်းညိတ်ပြလိုက်တော့မှ မေသူက စပြောဖို့ဟန်ပြင်လေသည်။
"ကျော်ကြားရဲ့အမေက သူ့ရည်းစားနဲ့နယ်ကျွံခဲ့ကြတာ...သူ့အဖေကတော့ နယ်ကနေအလုပ်လာလုပ်တဲ့ လူတစ်ယောက်ပေါ့။ ကျော်ကြားရဲ့ အမေတွေက မျိုးရိုးစဉ်ဆက်ချမ်းသာလာတာ။ မိဘတွေကိုလဲမပြောရဲတော့ ကျော်ကြားရဲ့အမေက သတ်သေမယ်လုပ်တာ။ အဲ့ဒီမှာ သူ့အဖေက ကယ်တင်လိုက်တာပဲ။ စစလက်ထပ်ချင်းကတော့ လုံးဝသဘောမတူဘူးလေ။ နောက်တော့မှအဖြစ်မှန်တွေသိသွားကြပြီး ကျော်ကြားအဖေကို ကျေးဇူးတွေတင်ကြတာပေါ့။ ကျော်ကြားကတော့ လွန်ခဲ့တဲ့ ၃နှစ်လောက်ကမှသိတာပါ။ သူ့အဖိုးမဆုံးခင်က သူ့ကိုပြောပြသွားတာ။ ဘယ်သူတွေဘာလာပြောပြော ဦးနန္ဒက သူတို့တစ်မိသားစုလုံးရဲ့ကျေးဇူးရှင်မို့လို့မပစ်မှားရဘူးလို့မှာခဲ့တာတဲ့။ အဲ့ဒါကြောင့်လဲ ကိုသွင်သစ်ရဲ့သူငယ်ချင်းရောက်လာပြီး ဦးနန္ဒက သူ့အဖေမဟုတ်ဘူးဆိုတာသိတာတောင်မအံ့သြတော့တာပေါ့။"
"ဒါဆို တေဇာနဲ့ကရော ဘယ်လိုသားအဖတော်နေတာလဲ"
"ကိုတေဇာရဲ့အမေတွေချမ်းသာတာကိုတော့ ကိုသွင်သစ်လဲသိပြီးသားနေမှာပါ။"
ကျွန်တော်ခေါင်းညိတ်ပြလိုက်တော့မှ
"သူ့အမေက ဦးနန္ဒ နဲ့ငယ်ရည်းစားတွေ။ ရုပ်ရှင်တွေထဲကလိုပဲ ဘဝတွေရှုပ်ထွေးခဲ့ကြတာပေါ့။ အလုပ်လုပ်ဖို့ရွာကနေထွက်သွားပြီးတော့မှ ကိုတေဇာရဲ့အမေကိစ္စလဲပေါ်တော့တာပဲ။ သူဋ္ဌေးသမီးပီပီ စိတ်ဓာတ်ကြံ့ခိုင်တဲ့ ကိုတေဇာအမေက ကိုတေဇာကိုမရအရမွေးခဲ့တာပေါ့။ ဦးနန္ဒက ရွာမှာလဲ ဆွေမျိုးသားချင်းမရှိတာမို့ သူတို့အချင်းချင်းဘာသတင်းမှမရခဲ့ကြဘူးလေ။ ကိုတေဇာအမေလဲ၅နှစ်လောက်စောင့်ပြီးတော့မှ အိမ်ထောင်ပြုလိုက်တော့တာပဲ။ သူမဆုံးခင်ကမှ ကိုတေဇာကိုပြောပြခဲ့ပြီးလိုက်ရှာခိုင်းခဲ့တာ။ အဲ့ဒါကြောင့်လဲ ကိုတေဇာက ရန်ကုန်ကိုပြောင်းပြီးအခြေချလိုက်တော့တာပဲ။"
"သြော်..."
ဒီတစ်လုံးကလွဲပြီး ဘာမှလဲပြန်မပြောနိုင်။ လူကြီးတွေကတည်းက ရှိခဲ့သည့် ဇာတ်လမ်းတွေကို ဘယ်ကဘယ်လိုအစဆွဲထုတ်ရမှန်းလဲမသိ။ တစ်ဖက်ကသူငယ်ချင်းဖြစ်သလို တစ်ဖက်ကလဲချစ်ရတဲ့သူ....ဘယ်သူမှားပြီးဘယ်သူမှန်တယ်လို့လဲမပြောချင်။ လူဆိုတာ ကိုယ့်ဘက်ကကြည့်ရင်တော့ ကိုယ်မှန်နေကြတာပဲလေ။
စကားပြောပြီးကြတော့ နေ့လည်စာကိုသုံးယောက်သားပြင်ဆင်ကြသည်။ မေသူတို့က ဒီနေ့ပြန်မလို့ပေမဲ့ ရွာအနီးအနားလည်ချင်သေးလို့ဟုဆိုကာ မနက်မှပြန်မည်တဲ့လေ။ ညနေဘက်ကျ ရွာဦးစေတီလေးဆီလိုက်ပို့ပါတဲ့။ ၁၀တန်းစာမေးပွဲတွေပြီးကတည်းက သခင်လေးက ဆံပင်ရှည်ထားခိုင်းတာမို့ ၉တန်းလောက်အထိတော့ ဒီရွာကိုတစ်နှစ်တစ်ခေါက်တော့ပုံမှန်ရောက်ဖြစ်ခဲ့သည်။ ကိုယ့်မွေးရပ်မြေမို့လဲ ရင်ထဲမှာအမြဲတမ်းတရင်းတနှီးရှိနေခဲ့ရတာဖြစ်သည်။
"ကျွန်တော့်ကိုလာလဲမနှိုးဘူးဗျာ။ နေ့လည်တောင်ရောက်နေပြီ။"
"အခုပဲလာနှိုးတော့မလို့ပါ။ မျက်နှာသစ်လေ...ထမင်းစားကြမယ်။"
"သစ် လုပ်ပေးလေ"
ကလေးလိုဂျီကျနေသော သူ့ကိုကြည့်ကာ ကျွန်တော်ပြုံးလိုက်မိသည်။
"အဲ့ဒါ ဘာဖြစ်နေတာလဲ...နင် ကိုသွင်သစ်ကိုသိပ်မနိုင်စားနဲ့နော်။ ငါတို့ပြန်ခေါ်သွားလိုက်မယ်"
"လုပ်ကြည့်လိုက်လေ။ နင့်အိမ်ကိုပါပြောင်းပြန်လှန်ပစ်လိုက်မှာ"
သူတို့အချင်းချင်းစနောက်နေတုန်း ကျွန်တော်က အခန်းထဲဝင်ကာ သွားတိုက်ဆေး၊ သွားတိုက်တံနှင့် မျက်နှာသုတ်ပဝါပါ ယူခဲ့လိုက်သည်။
"လာပါ...ကျော်ရယ်။ ပေါက်ကရတွေပြောနေတယ်။"
ရေချိုးခန်းထဲရောက်တော့ သွားတိုက်တံကိုအဆင်သင့်လုပ်ပေးကာ သူ့လက်ထဲပေးလိုက်သည်။ သူက သွားတိုက်နေရင်းက ကျွန်တော့်ကိုလှမ်းကြည့်နေသေးသည်။ သွားတိုက်လို့ပြီးသွားတော့ facial foam ဗူးကိုလှမ်းပေးတာကိုမယူပဲ ရပ်နေလေသည်။
"မျက်နှာသစ်လေ ကျော်ရဲ့"
"အရင်ကဆို အကုန်လုပ်ပေးနေကျပဲကို"
"ဟုတ်ပါပြီ"
မျက်လုံးတွေမှိတ်ထားပြီး မျက်နှာကိုရှေ့တိုးပေးထားလေသည်။ သူ့ရဲ့နဖူးကိုအရင်နမ်းလိုက်ပြီး မျက်နှာသစ်ပေးလိုက်သည်။ ပြီးတာနှင့်ရေသုတ်ပေးကာ အိမ်ပေါ်ကိုအတူတူပြန်တက်လာခဲ့ကြသည်။
ထမင်းအတူစားပြီးကြတော့ မေသူတို့က အခန်းထဲဝင်သွားကြတာမို့ ကျွန်တော်တို့နှစ်ယောက်လဲ ခြံထဲဆင်းလာခဲ့ကြသည်။ အနောက်ဘက်မှာ မြေပြင်လေးရှိတာမို့ သူက နောက်ဖက်တဲလေးထဲက ဖျာတစ်ချပ်သွားယူကာ ခင်းလိုက်လေသည်။ အပင်ရိပ်လေးမှာနှစ်ယောက်သားထိုင်လိုက်ကြသည်။ သူကပင်စည်ကိုမှီလိုက်ကာ ကျွန်တော့်ကိုပါ သူ့ရင်ခွင်ထဲမှာဖက်ထားလေသည်။
ကျွန်တော်လဲ ငြိမ်သက်နေမိရင်း သူ့ရဲ့နှလုံးခုန်သံတွေကိုခံစားနေလိုက်သည်။
"သစ်..."
"ဟင်..."
ခပ်တိုးတိုးပြန်ထူးလိုက်ပြီး သူပြောမယ့်စကားကိုနားစွင့်နေလိုက်သည်။
"ကျွန်တော်တို့ဒီရွာလေးမှာအကြာကြီးနေကြမလား။"
"ကျော့်သဘောလေ....ဒါပေမယ့် ဒီမှာဘာအလုပ်လုပ်ကြမလဲ။ ဒီအတိုင်းထိုင်စားနေလို့မှမရတာ။"
"ဈေးဆိုင်ဖွင့်ကြမယ်လေ။"
"အင်း...မဆိုးပါဘူး။ ဘယ်မှာဖွင့်မှာလဲ..."
"ဒီဝိုင်းထဲမှာပဲဖွင့်မှာ...မြို့ကလိုဆိုင်မျိုးလေ...convenience store ပေါ့။"
"အဲ့လောက်ကြီးကျတော့ဖြစ်ပါ့မလား ကျော်ရဲ့"
"ဒီမှာ လျှပ်စစ်မီးလဲရနေပြီပဲ။ ဖွင့်လို့ရလောက်မှာပါ။"
"အဲ့ဒါဆိုလဲ ကျော့်သဘော"
"သစ်ကိုချစ်ချင်တယ်"
ပြောရင်းကသူကအနားကပ်လာတာမို့ ကျွန်တော်သူ့ကိုတွန်းထားရသေးသည်။
"ကျော်...ခြံထဲကြီးမှာနော်။"
"ဒါကျတော့ ကျော့်သဘောလို့မပြောတော့ပါလား။ ....ဟားဟားဟား....အရမ်းချစ်ဖို့ကောင်းတယ်ဗျာ"
တွန်းထားတဲ့ကြားကနေတောင် ကျွန်တော့်မျက်နှာကိုမော့ယူလိုက်ကာ အနမ်းတို့ဖြင့် နှုတ်ခမ်းတွေကိုနွေးထွေးစေလိုက်သည်။
ခဏနေတော့မှပြန်ခွာကာ ကျွန်တော် သူ့ရင်ခွင်ထဲမျက်နှာဖွက်ထားမိသည်။
"ညနေမှ ကျွန်တော် လူကြီးတွေနဲ့သွားတိုင်ပင်ကြည့်လိုက်ပါဦးမယ်။"
"ညနေကျ မေသူတို့နဲ့ ရွာဦးစေတီသွားကြမှာ...ကျော်က မလိုက်တော့ဘူးပေါ့"
"လူကြီးတွေဆီက ခွင့်ပြုချက်ရမှ ဆက်လုပ်လို့ရမှာလေ သစ်ရဲ့။ အကယ်၍အဆင်ပြေတယ်ဆိုလဲ မေသူတို့နဲ့တစ်ခါတည်းတိုင်ပင်ပြီးစီစဉ်ကြရမှာလေ။ သစ်က ရွာခံပဲ...လိုက်ဧည့်ခံလိုက်ပေါ့။"
"ဟုတ်ကဲ့ပါဗျာ"
"အဲ့ဒီလိုလိမ္မာလို့ပိုချစ်နေရတာ"
စကားသံတွေရဲ့အဆုံးမှာ အနမ်းပန်းတွေဝေဝေဆာဆာပွင့်သွားကြပြန်သည်။
.......................................
"စေတီလေးပေါ်မှာအေးချမ်းနေတာပဲနော်။ ညနေစောင်းလေးဆိုတော့ လေညှင်းလေးတွေကလဲ တဖြူးဖြူးနဲ့..."
မေသူတို့နှစ်ယောက်ကပျော်နေကြကာ တစ်ယောက်နဲ့တစ်ယောက်ဓာတ်ပုံတွေရိုက်ပေးနေကြသည်။
ကျွန်တော်ကတော့ သောကြာထောင့်ဆီသွားဖို့ပြင်လိုက်သည်။ လက်အုပ်ချီကာ စေတီတော်ကိုမော့ဖူးရင်း လက်ယာရစ်ပတ်လာခဲ့သည်။
"ဘုတ်"
"အင့်..."
လူတစ်ယောက်နဲ့တိုက်မိသွားတာမို့ မော့ကြည့်လိုက်တော့
"တေဇာ"
~~~~~~~~~~~~~~~~~~~~~~~~~~~~~
