King
.............
အပိုင်း(၇)
.....................
သွင်သစ်
နှုတ်ခမ်းတွေလှုပ်ခတ်မိရုံပဲရေရွတ်လိုက်မိလို့တော်ပါသေးရဲ့။ အမြန်ပြန်လှည့်ဖို့ပြင်လိုက်ပေမဲ့
"သွင်သစ်..."
ခေါ်သံကြားလိုက်ရပြီး လက်ကိုပါဆွဲထားခံလိုက်ရသည်။ လက်ကိုရုန်းကြည့်ပေမဲ့မရ။
"မင်းဘယ်လိုပဲ ပုံပြောင်းထားထား ငါမှတ်မိပါတယ်။ ဘာလို့လဲသိလား။ မင်းက ငါတစ်သက်လုံး စိတ်ကူးနဲ့ပုံဖော်ကြည့်ရင်း ချစ်ခဲ့ရတဲ့သူမို့လို့"
ပြောလိုက်ရင်းက လက်မောင်းနှစ်ဖက်ကိုဆုပ်ကိုင်ကာသူ့ဘက်ဆွဲလှည့်လိုက်တာမို့မျက်နှာချင်းဆိုင်ဖြစ်သွားသည်။
တေဇာ့မျက်နှာက ကြေကွဲနေသလိုလို၊ နာကြည်းနေသလိုလို သုန်သုန်မှုန်မှုန်ဖြစ်နေသည်။
"တေဇာ...မင်းကဘယ်လိုလုပ်..."
"မင်းက ကျော်ကြားဆိုတဲ့ကောင်ရဲ့အနားကနေ ဘယ်ကိုမှသွားမှာမဟုတ်တာကိုငါသိနေတယ်လေ။ ဒါကြောင့် စောင့်နေဖို့ဆုံးဖြတ်လိုက်တာ။ ညနေဘက်မင်းတို့ဒီဘက်ထွက်လာတာတွေ့မှ မသိအောင်လိုက်လာခဲ့တာ။ ငါနဲ့လိုက်နေပါလား သွင်သစ်...မင်းဘာအလုပ်မှလုပ်စရာမလိုဘူး။ ဒီအတိုင်း တယုတယလေးပဲထားမှာပါ။"
"မဖြစ်နိုင်ဘူးတေဇာ...ငါလဲမင်းကိုခင်ပါတယ်...ဒါပေမဲ့..."
ပြတ်ပြတ်သားသားပြောရမှာမှန်းသိပေမယ့် ငယ်သူငယ်ချင်းကိုမို့လို့လဲစိတ်ထင်တိုင်းပြောမထွက်။
"ငါ့ကိုမချစ်နိုင်သေးလဲရတယ်။ ငါ့ကိုချစ်ဖို့ပြောနေတာမဟုတ်ဘူး။ ဒီအတိုင်း....မင်းကိုဟိုကောင်က သူပိုင်တဲ့ပစ္စည်းတစ်ခုလို ကောက်ချင်ကောက် ပစ်ချင်ပစ်လုပ်နေတာတွေကို ကြည့်မနေနိုင်တော့ဘူး။ ဟိုကောင်အနိုင်ကျင့်သမျှ မင်းခံခဲ့တာလဲနှစ်ပေါင်းမနည်းတော့ပါဘူး။ အခုချိန်ရုန်းထွက်သင့်ပြီလေ"
ရုန်းထွက်ရမယ်တဲ့...မဖြစ်နိုင်ဘူးထင်ပါတယ်။ သခင်လေးဘယ်လိုပဲ အနိုင်ယူယူ ကျွန်တော်က ကျေကျေနပ်နပ်ကြီး အရှုံးပေးနေချင်တာပဲလေ။ ဒါကိုတေဇာသိအောင်ပြောပြရမည်။
"ငါ သခင်လေးကိုချစ်တယ် တေဇာ"
"ဘာ...."
သူ့လက်တွေကပိုတင်းကျပ်လာတော့ ကျွန်တော်အားထည့်ကာရုန်းလိုက်သည်။
"လက်တွေနာလာပြီ။ လွှတ်တော့....ငါပြန်တော့မယ်။"
"ရုတ်တရက်မို့လို့အံ့သြသွားတာပါ။ အေးပါ။ မင်းဆန္ဒဆိုတော့လဲ ငါဘာမှမပြောတော့ပါဘူး။ အခုတော့ ဘုရားတူတူဝတ်ပြုရအောင်လေ။ ငယ်ငယ်ကအတူတူလာဖူးကြတာမှတ်မိတယ်မလား။ တောပန်းလေးတွေလဲယူလာခဲ့တယ်။"
တေဇာကလက်ပြလိုက်တာနှင့် ကားပေါ်ကလူနှစ်ယောက်ဆင်းလာကာ တစ်ယောက်ရဲ့လက်မှာ တောပန်းဝါဝါလေးတွေနှစ်စည်းပါလာသည်။ တေဇာကလှမ်းယူလိုက်ကာ ကျွန်တော့်ကိုတစ်စည်းပေးပြီး သူနှင့်ယှဉ်တွဲကာလျှောက်စေသည်။ သူစိတ်လျှော့သွားတာလဲကောင်းပါတယ်လေ။ အခုလို သူငယ်ချင်းတွေလိုခဏတဖြုတ်စကားပြောကြရုံနဲ့တော့ ဘာမှမဖြစ်လောက်ပါဘူး။ သခင်လေးကိုလဲသေချာပြောပြလိုက်ရင် နားလည်ပေးမှာပါ။
ဘုရားဝတ်ပြုပြီးကြတော့ မတ်တပ်ရပ်လိုက်ကြကာ ရွာဘက်ကိုလှမ်းမြင်နေရသော ဘက်ကိုလှည့်ရင်း ငေးကြည့်နေမိကြသည်။
"မင်း ရန်ကုန်ရောက်ပြီးတော့ဘာတွေဆက်ဖြစ်လဲပြောပြပါဦးကွ..."
တေဇာကမေးလာတာမို့...
"သခင်လေးနဲ့ကျောင်းအတူတူတက်တယ်။ အတူသွား၊အတူစား၊ အတူကစားပေါ့...ပြီးတော့ သခင်လေးရဲ့ဝေယျာဝစ္စတွေလုပ်ပေးရတယ်။ သခင်လေးက သိပ်တော်တာကွ...ငါမလိုက်နိုင်တဲ့စာတွေဆိုလဲသူကပဲရှင်းပြပေးတာ။ သခင်လေးတို့မိသားစုရဲ့ကျေးဇူးနဲ့ ငါဘွဲ့တစ်ခုရခဲ့တာ။ ငါ့ဘာသာငါဆို မလွယ်လောက်ဘူး။"
"ရွာကိုရောမလွမ်းဘူးလား။"
"အင်း...လွမ်းတာပေါ့..."
"ငါ့ကိုရော..."
ဖြေရမှာအားနာပေမဲ့ ကျွန်တော် တေဇာ့ကိုမေ့နေခဲ့ဖူးသည်။ အခြေအနေချင်းလဲမတူတာမို့ ခဏတဖြုတ်အပျော်တမ်းလာခင်တာနေမှာပါလေဟုတွေးမိပြီး ခွဲခွာရလဲ ခံနိုင်ရည်ရှိနေအောင်ကြိုးစားခဲ့မိသည်ထင်ပါရဲ့။ တစ်ခါတစ်လေ သတိရမိပေမဲ့ ဘယ်လိုဆက်သွယ်ရမှန်းလဲမသိတာမို့ ဒီအတိုင်းပဲ မေ့မေ့ပျောက်ပျောက်ပြန်ဖြစ်သွားသည်သာ။
တေဇာရန်ကုန်ရောက်လာပြီး တွေ့ဖြစ်တဲ့နေ့ကမှ ငါ့ကိုတကယ်ခင်တဲ့သူငယ်ချင်းရှိသေးပါလားဆိုပြီး ဝမ်းသာခဲ့ရတာဖြစ်သည်။
"ငါကတော့ မင်းကိုတစ်ရက်မှမေ့လို့မရခဲ့ဘူး။ ကံတရားက ရက်စက်တယ်ပဲပြောရမလား။ ငါကိုက ကံဆိုးလွန်းတာပဲလားတော့မပြောတတ်ဘူး။ မင်းမိဘတွေဆုံးသွားပြီးတော့ မင်းကိုမွေးစားပေးဖို့ ငါ့အမေကိုငါပူဆာသေးတယ်။ ခရီးကပြန်လာရင်စဉ်းစားပေးမယ်ဆိုပြီး ငါတို့တစ်မိသားစုလုံးခရီးထွက်နေကြတုန်း မင်းကို ဦးနန္ဒက လာခေါ်သွားတာပဲလေ။ မအိပ်နိုင်၊မစားနိုင်ဖြစ်ခဲ့တာတောင် ဘယ်နှရက်ကြာသွားလဲမသိဘူး။ လူကြီးတွေက မေ့လိုက်ဖို့ပြောပေမဲ့...မင်းဟိုမှာအဆင်ပြေနေမှာပါလို့ပြောပေမဲ့...နေ့ရှိသရွေ့ မင်းကိုပဲသတိရနေမိတယ်။ ငါအဲ့လိုဖြစ်နေတာမမြင်ချင်လို့ဆိုပြီး ငါ့ကို တောင်ကြီးက အမျိုးတစ်ယောက်ဆီပို့လိုက်တယ်လေ။ ဘာတွေပဲပြောင်းလဲခိုင်းပါစေ၊ငါ့ရင်ထဲကဆန္ဒကိုတော့ သူတို့မပြောင်းလဲနိုင်ပါဘူး။ တစ်နေ့နေ့ မင်းနဲ့ပြန်တွေ့ရမှာပါဆိုပြီးတော့ပဲ ငါ့စိတ်ထဲမှာမှတ်ထားတယ်။ပြန်တွေ့တဲ့အချိန်မှာ မင်းကိုတာဝန်ယူနိုင်အောင်လုိ့ အခုလိုလူတစ်ယောက်ဖြစ်လာအောင် ငါကြိုးစားခဲ့ရတယ်။ အခုတော့...."
"မင်းငါ့ကိုတကယ်ခင်တယ်လို့သိရတော့ ဝမ်းသာပါတယ် တေဇာ..."
"ခင်ရုံပဲမဟုတ်ဘူးကွ...မင်းပုံရိပ်တွေပဲအမြဲမြင်ယောင်နေမိတာ...ဘယ်သူ့ကိုမှ ချစ်လို့မရပဲ...မင်းကိုပဲတမ်းတလွမ်းဆွတ်နေမိတာ...ငါ့ကိုယ်ငါစမ်းစစ်ကြည့်တော့လဲ မင်းကိုချစ်နေမိတယ်ဆိုတဲ့အဖြေပဲထွက်တယ်။ "
ကျွန်တော်ဘာပြန်ပြောရမှန်းမသိပဲ ငြိမ်နေမိသည်။ လေတိုးသံမှတစ်ပါး ဘာမှမကြားရ။ ခဏနေတော့မှ
"ငါပြန်တော့မယ် တေဇာ....သခင်လေးအတွက်....အ..."
ကျွန်တော့်စကားမဆုံးခင်သူက လက်မောင်းကိုဆွဲကာသူ့ဘက်ဆွဲလိုက်တာမို့ ကျွန်တော်နာသွားသည်။
"သခင်လေး...သခင်လေးနဲ့ပဲ....မင်းပြောတော့ငါ့ကိုခင်ပါတယ်ဆို...ငါပြောတဲ့စကားတွေရောမင်းနားထဲကြားရဲ့လား။ ငါနှစ်ပေါင်းများစွာ ရူးသွပ်တမ်းတခဲ့ရသမျှ ငါပြန်ရတာ ဒီလိုဥပေက္ခာတွေလား။ အချစ်နဲ့စစ်မှာမတရားတာမရှိဘူးတဲ့။ ငါလိုချင်တာကိုငါရအောင်ယူမယ်။ သူ့ကိုချုပ်ပြီးခေါ်ခဲ့ကြ"
အသင့်ရပ်နေတဲ့လူနှစ်ယောက်က အနားကပ်လာကာ ကျွန်တော့်ကိုတစ်ဖက်တစ်ချက်စီကချုပ်လိုက်သည်။ တေဇာက ကားဆီအရင်လျှောက်သွားကာ နောက်ခန်းမှာဝင်ထိုင်လိုက်သည်။ ကျွန်တော်အော်မလို့ပြင်လိုက်ပေမဲ့ လူတစ်ယောက်က ပါးစပ်ကိုလှမ်းပိတ်လိုက်တာမို့ အသံထွက်မလာတော့။ ကျွန်တော့်ကိုပါကားဆီဆွဲခေါ်သွားကာ တေဇာ့ရဲ့ဘေးမှာထိုင်ခိုင်းလိုက်သည်။ ကျွန်တော့်ရဲ့လက်နှစ်ဖက်ကိုနောက်ပြန်ကြိုးတုပ်လိုက်သလို ပါးစပ်ကိုလဲ တိပ်နဲ့ကပ်လိုက်သည်။
ကျွန်တော်ရုန်းကန်နေမိပေမဲ့ မလွတ်မြောက်နိုင်ပဲ ဖြစ်နေရသည်။ ကျွန်တော့်ကိုတုပ်နှောင်လို့ပြီးတော့ တေဇာ့ဘေးမှာထားခဲ့ပြီး တံခါးကိုပိတ်လိုက်ကြသည်။ သူတို့နှစ်ယောက်ကတော့ရှေ့ခန်းမှာနေရာယူပြီး ကားကိုစထွက်လာခဲ့ကြသည်။
အဝေးပြေးလမ်းမပေါ်ရောက်ခါနီးလောက်မှာ ကားကအရှိန်ပိုမြန်သွားကာ
"ဆရာ...နောက်ကနေ ကားနှစ်စီးတောင်ပါလာတယ်။"
"ဘာကွ...ဟိုကောင်တွေလား။"
"ဟုတ်တယ်ဆရာ...တစ်စီးကကျော်ကြားကား...နောက်တစ်စီးက သူ့သူငယ်ချင်းကောင်မလေးတွေရဲ့ကားဖြစ်မယ်ထင်တယ်။"
"ဒါဆို အရှိန်မြှင့်လေ...ဘာလုပ်နေကြတာလဲ..."
ကားက အရှိန်မြင့်သွားသလို နောက်ကကားတွေကလဲ အမီလိုက်လာကြသည်။
"မီလာတော့မယ်ဆရာ..."
"သံမှိုတွေပါတယ်မလား...ကြဲခဲ့လိုက်..."
သခင်လေးတို့ကိုစိတ်ပူသွားပြီးအော်ဟစ်ရုန်းကန်ပေမယ့်မလွတ်...အနောက်ကိုလှည့်ကြည့်လှည့်ကြည့်လုပ်နေရတာမို့လို့လဲ လည်ပင်းတွေတောင်နာလာသည်။ အားကုန်သုံးပြီးရုန်းကန်လိုက်တော့ ထောက်ခနဲပြတ်သွားသံကိုကြားလိုက်ရသည်။ သူတို့သုံးတဲ့ကြိုးက ဆွေးနေတာပဲလားတော့မသိ။ လက်လဲအတော်လေးနာကျင်သွားသည်။ သူတို့အာရုံများနေတုန်း တံခါးနားကိုတရွေ့ရွေ့တိုးလာခဲ့သည်။
"တစ်စီးတော့ကျန်ခဲ့ပြီဆရာ...ကောင်မလေးတွေကားက ဘီးပေါက်သွားပြီ။ကျော်ကြားရဲ့ကားတော့ပါလာသေးတယ်။"
"သူ့ကားကိုပိတ်မောင်းထား ...ကျော်လို့မရရင် ဒီကောင်ဘာမှမလုပ်နိုင်ပါဘူး။"
"ဝုန်း..."
ရုတ်တရက်နောက်ကနေဝင်ဆောင့်လိုက်တာမို့ကားက ရမ်းခါသွားသည်။
ကားကိုပြန်ထိန်းနေရတာမို့ အရှိန်လဲအနည်းငယ်လျော့သွားလေသည်။ လက်ကိုကြိုးစားပြီးဖြည်လိုက်တာလဲရနေပြီမို့ တံခါးကိုဖွင့်ကာ အမြန်ခုန်ချလိုက်သည်။
"ဒုတ်..."
မြက်ခင်းရှိလောက်မယ့်နေရာနားကိုမှန်းပြီးခုန်ချလိုက်ပေမဲ့ ခေါင်းနဲ့အရင်ကျတာမို့ ဘာကိုမှသေချာမမြင်ရတော့ပဲ မြင်ကွင်းထဲအမှောင်အတိဖုံးသွားတော့သည်။
................................
ကျော်ကြား
အလုပ်ကိစ္စတွေတိုင်ပင်ပြီး အိမ်ပြန်လာကြတုန်း ဖုန်းကမြည်လာလေသည်။
"ကျော်ကြား.....ကိုသစ်ကို သူတို့အတင်းခေါ်သွားပြီ"
မေသူ့အသံက အထိတ်တလန့်နဲ့မို့ ကျွန်တော်လဲရင်ထိတ်သွားမိသည်။
"ကိုသစ်က ရုန်းကန်နေတာ...အဲ့ဒါကိုအတင်းချုပ်ပြီးခေါ်သွားကြတယ်။ ငါတို့အခု အနောက်ကလိုက်နေတယ်။ ရွာထိပ်နားမှာပဲရှိသေးတယ်။အမြန်လာခဲ့"
ပြောပြီးဖုန်းချသွားတာနှင့်ကျွန်တော်လဲအိမ်ကိုအမြန်သုတ်ခြေတင်ကာ ကားကိုတရကြမ်းမောင်းထွက်ခဲ့လိုက်သည်။ ဟိုကောင်တွေလှမ်းမေးနေတာကိုတောင် မဖြေနိုင်တော့။
မေသူတို့ကားဘီးပေါက်သွားတာကိုလှမ်းတွေ့တော့ အမြန်ရှောင်လိုက်ကာ ဆက်လိုက်ခဲ့သည်။ကျော်တက်လို့မရအောင်ပိတ်ထားတာမို့ နောက်ကနေဝင်တိုက်ပစ်လိုက်သည်။ ထိုစဉ် ကားတံခါးတစ်ဖက်ပွင့်လာကာ သစ်က ခုန်ချလိုက်လေသည်။
"သစ်....မလုပ်နဲ့...."
ကားကို အမြန်ရပ်လိုက်ကာ သစ်ရှိရာဆီပြေးသွားလိုက်သည်။ ရှေ့ကကားလဲရပ်သွားကာ တေဇာတို့ဆင်းလာကြလေသည်။ ကျွန်တော် သစ်ရဲ့ကိုယ်လုံးလေးကိုပွေ့ယူလိုက်ကာ
"ဟေ့ကောင်...ရှေ့ဆက်မတိုးနဲ့ မင်းနဲ့ငါနောက်မှစာရင်းရှင်းမယ်"
ကျွန်တော်ဒေါသဖြစ်ဖြစ်နှင့်အော်လိုက်တော့ တေဇာကရယ်နေလေသည်။
"ဟားဟားဟား....မင်းကတစ်ယောက်တည်း...ငါတို့ကသုံးယောက်ပါကွ...သွင်သစ်ကို ငါပဲခေါ်သွားမယ်။"
တေဇာကပြောရင်းရှေ့တိုးလာတာမို့ ကျွန်တော်ကားဆီလှည့်ပြေးလိုက်သည်။ ကျွန်တော့်ကားနဲ့က သိပ်မဝေးတာမို့တော်သေးသည်။ ကားတံခါးကိုအမြန်ဖွင့်လိုက်ကာ နောက်က ပါလာသူကိုပါတံခါးနှင့်ပစ်တိုက်လိုက်သည်။ နောက်ခန်းထဲကိုပဲ ကျွန်တော်ပါဝင်ထိုင်လိုက်ကာ လော့ချပစ်လိုက်သည်။ ပြီးတော့မှ မောင်းတဲ့သူနေရာဆီ သွားပြီး ကားကိုအမြန်မောင်းထွက်လိုက်ရသည်။ ရှေ့ကနေပိတ်ရပ်မလို့လုပ်နေပေမဲ့ ကျွန်တော်ကအရှိန်မလျှော့တာမို့ အဲ့ဒီတော့မှပဲဖယ်လိုက်ကြတော့သည်။
အနီးနားကမြို့မှာဆေးရုံရှိတာမို့တော်ပါသေးရဲ့။ ဆေးရုံကိုရောက်တော့ ကျွန်တော်သစ်ကိုပွေ့ချီကာခေါ်သွားလိုက်သည်။ဆရာဝန်တွေ၊ သူနာပြုတွေရောက်လာကြကာ လိုအပ်တာတွေလုပ်ပေးနေကြလေသည်။ ဟိုကောင်တွေများလိုက်လာလေမလားလို့ အဝင်ပေါက်ကိုပဲလှမ်းလှမ်းကြည့်နေရသည်။
"သစ်ဒီလိုဖြစ်နေလို့ငါကရှောင်ပေးလိုက်တယ်မှတ်ပါ။ မဟုတ်လို့ကတော့ မင်းမလွယ်ဘူး..."
ကြိမ်းဝါးနေစဉ် ဆရာဝန်ရောက်လာတာမို့ မျက်နှာကိုပြေပြစ်အောင်ပြင်လိုက်ကာ
"ဆရာ...လူနာအခြေအနေလေး"
"ပွန်းပဲ့တာလောက်ပဲဖြစ်တာပါ။ ကျွန်တော်တို့ ဆေးထည့်ပေးထားပါတယ်။ ခေါင်းကတော့ ၄ချက်လောက်ချုပ်လိုက်ရတယ်။ အတွင်းဒဏ်တွေဘာတွေဖြစ်မဖြစ်သေချာအောင်တော့ ဓာတ်မှန်ရိုက်ကြည့်စေချင်တယ်။"
"ဟုတ်ကဲ့ပါ...လိုအပ်တာတွေအားလုံးလုပ်ပါ့မယ်။ ဒါနဲ့အခုထိသတိမရသေးဘူးလား ဆရာ"
"ခဏတော့စောင့်ကြည့်လိုက်ပါဦး...မကြာခင်သတိရလာမှာပါ။"
ဆရာဝန်ထွက်သွားတော့ ကျွန်တော်လဲ ကိုသစ်ရဲ့ ကုတင်ဘေးကိုအပြေးအလွှားသွားလိုက်သည်။
"ထပါတော့ သစ်ရယ်...ကျွန်တော့်ကိုလန့်အောင်မလုပ်ပါနဲ့...ကျွန်တော့်အတွက် သစ် မရှိရင်မဖြစ်ဘူး။"
ဆေးရုံက တစ်ယောက်ခန်းထဲမှာမို့ ကိုသစ်ရဲ့လက်ကလေးကိုကိုင်ကာ ကျွန်တော် အားရပါးရငိုနေမိသည်။
ကိုသစ်ရဲ့မျက်နှာကိုလဲတကြည့်ကြည့်လုပ်နေရသည်။ ခေါင်းမှာပတ်တီးလေးနဲ့ကိုသစ်ကိုမြင်တော့ ရင်ထဲမှာမကောင်း။ အတူတူ အဖော်မလိုက်ပေးမိလေခြင်းလို့လဲ နောင်တတွေရနေမိသည်။
လူပင်ပန်းတာရော စိတ်ပင်ပန်းတာရောစုပေါင်းကာ ကျွန်တော်မှေးခနဲအိပ်ပျော်သွားသည်။ သတိပြန်ဝင်လာလို့ ခေါင်းထောင်ထလိုက်တော့...
~~~~~~~~~~~~~~~
