قلوب*** لا تعرف الرحمه
الحلقه التاسعه .................
شمس اشترت الارض... ورجعت مع صخر والراجل اللي اشترت منه عشان يسجلوا الارض رسمي ف الشهر العقاري
خلصوا التسجيل ف الشهر العقاري الراجل مشي شمس بصت لصخر وقالت له
( انا مش عارفه اشكرك ازاي يا صخر لو مكنتش معايا كنت اشتريت الارض دي بضعف تمنها متشكره ممكن بقا نرجع ع شركتك عشان نمضي العقد ونبتدي شغل بقا )
صخر بص لها .....وبص ف ساعته ووشه اتقلب شمس استغربت سالته
(هوه ف حاجه يا صخر مالك كشرت ليه كده )
صخر قالها بنفاذ صبر
(ممكن نخلي العقد دا لوقت تاني عشان انا اتاخرت اوي ع اختي)
شمس قلبها وجعها لما افتكرت جنه لانها حبتها اوي لكنها بعد اللي اخوها عمله فيها كرهتها اوي
واتمنت انه يحصل فيها نفس اللي حصل لها ...شمس اتصنعت الجهل وقالتله
( انت عندك اخت.... اسمها ايه)
صخر باقتضاب( جنه )
شمس سالته
(طب اتاخرت عليها ف ايه هيه فين )
صخر بص لها وشافت حزن غريب ف عنيه قالها بوجع وحزن
( اختي ف مستشفي الامراض العقليه)
شمس كتمت صرختها وقالت له بخوف
( ليه يا صخر هيه حصل لها ايه )
صخر استغرب من خضه شمس ع اخته قالها
( هبقي احكيلك بعدين بس دلوقتي انا رايح لها)
شمس نسيت نفسها وقالتله تترجاه
( ط ممكن تاخدني معاك عايزه اشوفها لو سمحت)
صخر حيرته زادت لكنه هز راسه موافق ركبوا عربيته وطلع ع المستشفي
★********************
زيد شاف امل واقفه جمب جنه ....فضلت قعده جمبها شويه وقامت فجاه
وقالت لها حاجه زيد ما سمعهاش... وسابتها ومشيت زيد جري عليها وقف قصادها وقالها
(امل بقولك ايه هيه ايه حكايه البت المشلوله دي )
امل كانت معجبه بزيد من اول ما اشتغل معاها ف المستشفي...
ابتسمت وقالتله بحماس
(دي يا زيد حكايتها حكايه دي رمت نفسها من بيتهم ف حراميه نطوا ع بيتها يسرقوه .....لكن لما لقوها اغتصبوها...... كانوا 3 حاولت تقاوم وفضلت تصرخ وتنادي ع اخوها ....لكن الله اعلم هوه كان ف انهي داهيه وساب اخته يحصل فيها كده..... المهم البت الله اعلم ما اتحملتش اللي حصل لها ولا ماتفهمش ايه حصل معاها هيه والحراميه...... المهم هربت منهم ورمت نفسها ومن ساعتها وهيه عاجزه.... طبعا جسمها اتكسر..... فضلت شهور ف المستشفي وبعد كده جاتلها حاله نفسيه واخوها جابها هنا..... ما كانتش بتتكلم ولا تتحرك خالص ....عندها شلل نصفي.... لكن ساعات بتحرك ايدها وساعات تانيه ما بتقدرش...... الدكتور قال ان اللي عندها ده بسبب نفسيتها المتدمره ......وكمان عدم استجابه جسمها للعلاج الطبيعي والادويه دا بسبب نفسيتها برضو...... يعني هيه لو نفسيتها اتعدلت هتتحرك وتتكلم ويمكن تخف كمان ع العلاج بس يا سيدي دي قصه جنه الراوي....... شفت بقا ان القدر ظالم ازاي ساعات....... واللهي انا كل ما بشوفها بحمد ربنا اني...................)
امل فضلت ترغي لكن زيد بص لجنه باشفاق كبير قال لنفسه
(وانا اللي كنت فاكر نفسي مظلوم ف الدنيا .....ولا اني الراجل الزباله الوحيد.... لا دا ف ناس اسوء مني بكتير اوي)
امل اتخضت لما دكتور نده عليها سابت زيد وراحت تجري زيد كمان راح يكمل شغله لكن عقله وتفكيره كله ف جنه وبس
**************************
ايسر كان قاعد متضايق من ساعت ما رحمه السكرتيره بتاعته مشيت
وهوه محتاس ف المكتب..... عمل اعلا ن عايز بنت للشغل ف المكتب لكن لسه محدش جه
كان زهقان وجعان بعت رساله ع الواتس لشمس
" انتي فين "
شمس كانت لسه مع صخر ف طريقهم لجنه شافت رسالته ردت عليه
" انا مشغوله ف حاجه مهمه"
ايسر"لا بس انا زهقان ابقي عدي عليا لما تخلصي"
شمس"ماشي هبقي اكلمك سلام "
ايسر"سلام"
صخر لاحظ انها بتكلم حد بص لها ابتسمت وقالتله
(دا ايسر اخويا بيسأل عليا )
صخر فكر شويه وقالها
(ايسر ....اخواتك اسمهم ايمن وايسر ...غريبه دي)
ضحكت وكذبت عليه
( ااااه حاجه تضحك.... شفت بابا وعمايله من قله الاسامي مسمي ايمن وايسر )
صخر بص لها ومعلقش فكر بينه وبين نفسه .....ان ولاد عمته اسمهم كده برضه
لكن عمته ما خلفتش بنات صخر قال ف نفسه
(صدفه غريبه صحيح انا بعد ابويا وامي ما اتحبسوا ما اعرفش حاجه عن عمتي وجوزها وولادهم بس مستحيل يكونوا خلفوا شحطه زي دي دي صدفه ف الاسامي مش اكتر )
***********************"
ايسر رمي كل الملفات المتلخبطه ادامه ع المكتب وقام خرج
نزل يجيب حاجه يأكلها لكنه وقف لما شاف زينه عند بياع بتشتري حاجه قرب منها وكح
هيه لفت وبصت له قالها
(ازيك يا انسه)
هيه( اهلا ازي حضرتك يا استاذ ايسر )
هوه(عملتي ايه ف الموضوع اللي سالتيني فيه)
هيه(موضوع ايه )
هوه(الواد اللي شوه وش البنت)
هيه(اااااه لا دا موضوع اتحل خلاص)
هوه باستغراب(وهوه بقا يطلع مين ياتري حد انا اعرفه)
هيه باحراج (ااااه تعرفه دا يبقا اخويا بس خلاص صلح غلطته واتجوزها )
ايسر برق اوي..... لكنه هز كتافه بلامبالاه وقالها
