قلوب***لا تعرف الرحمه
الحلقه الرابعه عشر....................
شمس فتحت عينها أخيراً.... لقت نفسها ف مستشفى... وصخر قاعد جمبها
حاولت تقوم لكن رأسها وجعتها اوي قالت وهيه بتحط ايدها ع رأسها
(اااااااااه.... انا فين)
صخر اتنفض ووقف وقرب عليها... كان قاعد ع كرسي بعيد عنها شويه قالها
(الحمد لله... أخيراً قمتي... بجد خضيتيني عليكي)
شمس بصت له باستغراب وقالتله
(انت مين)
صخر برق لها اوي وقالها
(ايييييه انا مين.... دكتور... دكتور)
خرج صخر بسرعه ونده ع الدكتور قاله ان شمس مش عارفاه
الدكتور دخل لها وسلط الكشاف ع عنيها.... لكنه زفر وقال
(اكيد جالها فقدان ذاكره مؤقت بسبب الطوب اللي وقع ع دماغها.... عاماً هيه كويسه دلوقت... ومع الوقت هتفتكر كل حاجه حضرتك جوزها)
(لالالا... احنا شغالين مع بعض... هيه عميله عندي مش اكتر بس انا عارف أهلها)
شمس كانت بتبص لهم وهما بيتكلموا عليها ...... بأستغراب.... خرج الدكتور بعد ما طمنه
صخر قعد جمبها ع السرير ومسك ايدها... بصت له اوي قالها
( الدكتور طمني يا شمس انتي هتبقي كويسه وهتفتكري كل حاجه مع الوقت.... انتي اسمك شمس وانا صخر... انا المهندس اللي ببني لك الميني مول بتاعك... انتي تبقي بنت الفرماوي.... انا هوصلك دلوقتي لبيتك.... وهبقي اجي اتطمن عليكي بنفسي.. و.... عايز اشكرك يا شمس عشان انقذتي حياتي ... انا دلوقتي هسيبك تقومي توضبي هدومك وتظبطي نفسك عقبال ما اخلص حساب المستشفى وارجع لك)
شمس بصت له بتوهان وحيره.... صخر ساب ايدها ع السرير ببطء
وقام خرج.... شمس بصت اوي ع الباب وهوه بيتقفل وفجأه
ابتسمت ابتسامة نصر عريضه قالت بصوت عالي
(اول ضربه جت ف الجون يا صخر... استني عليا لسه التقيل مجاش... انا هضرب مليون عصفور بحجر واحد... يااااااااه يا شمس شكلك هتعرفي تاخدي حقك منه... ومش هتغرقي زي ما كنتي فاكره.... كل بني آدم ف الدنيا ليه وقت ويتغير فيه وليه نقطه ضعف وليه مخاوفه.... انا بقي يا صخر اللي هغيرك.. وادمرلك نقطه ضعفك.... وهتعيش ف رعب ع ايدي أنا... اصبر يا صخر وهتعرف بنفسك ان ربنا يمهل ولا يهمل.... وان اللي زرعته بأيدك هتحصده بدموعك)
الباب اتفتح فجأة... شمس اتنفضت مكانها.... صخر ابتسم وقالها
(ما تخافيش ده انا لحقتي تنسيني ولا بقت ذاكره سمكه ولا إيه)
