قلوب ***لا تعرف الرحمه
الحلقه الواحد والثلاثون............
وصل صخر مع جنه لبيت أهل زيد.... الناس متجمعه.... زين رافض ياخد عزا أخوه
الناس بتكلم أبوه.... صحاب زين بيتكلموا.... دخلت جنه واترمت ف حضن حماتها
حضنتها ام زيد وفضلت تعيط.....وتقولها بحرقه
(زيد راح يا جنه.... زيد راح... جوزك راح ومش هيرجع تاني.... سامحيه يابنتي.... سامحيه والنبي دا كان بيحبك اوي... دا لا كان بيدوق الميا و لا الزاد من ساعه ما سبتيه.... سامحيه يا حبيبتي... سامحيه يا بنتي)
جنه انهارت من العياط... معرفتش تواسيها ولا تواسي نفسها.... زينه خدت جنه من حضن امها
وقعدتها ... شافت انها هتقع من طولها من كتر العياط.....
صخر راح ع ابو زيد يعزيه.... قاله
(البقاء لله يابو زيد... انا صخر اخو جنه مرات ابنك).
الراجل عيط زي العيل... قاله وهوه بيمسح دموع القهر والحزن
(عارفك يابني.... وعارف زيد عمل فيك ايه... والنبي تسامحه وتدعي له ربنا يسامحه..... ابني راح... ابني دفع تمن غلطاته.... بس التمن كان غالي اوي اوي)
انهار الراجل من البكا.. الناس سندوه.... قعدوه.... زين قام يسلم ع صخر ويعتذر له
صخر اتخض... افتكره زيد..... فهم زين وقاله
(انا زين اخوه زيد... انا تؤمه... بس انا الكبير.... انا آسف...)
صخر قاطعه... وهوه حزين... اشفق ع حزنهم... ودموعهم.... قال ف نفسه
طظ ف فلوس الدنيا... الإنسان ما يتعوضش... اي حاجه ف الدنيا تتعوض الإ الإنسان
وخصوصاً لو كان واحد له ناس بتحبه اوي كده... قال لزين يهديه
(ما تتآسفش يا زين..... انا اللي آسف اني حرمته من مراته.... هوه جالي وانا كنت قاسي عليه أوي... زين انا عايز اعرف انتوا وصلتوا لأيه.... تار زيد جوز اختي لازم اخده بأيدي... يمكن ده يخليه يسامحني وهوه ف تربته)
زين بكي أخيراً... وخرج اللي ف قلبه قال لصخر ببكا
(هيه فين تربته يا صخر..... فين جثته اصلآ...احمد اخو أمير خد جثته حرقها.... والله اعلم عمل فيه ايه ولا رماه فين)
(انت بتقول ايه يا زين.... يعني انتوا عارفين مين عمل فيه كده)
(ايوااا... اكيد انت عارف انه كان محبوس)
(اااه سمعت)
(اتحبس عشان قتل شاب ف خناقه.... بس مكنش ف وعيه وربنا... كان شارب ومتنيل ع عينه... مع الصيع اللي كان دايما مرافقهم.... قتل أمير واتحبس فيه... لكن اخوه كان مستني كل السنين دي عشان ياخد بتار اخوه منه)
