قلوب*** لا تعرف الرحمه
الحلقه العاشره
شمس فضلت واقفه كتير قصاد بدر ....لكن بدر كانت شغاله ومخدتش بالها من اللي بتراقبها
شمس مسحت دموعها ....ودخلت لايمن ع مكتبه حكت له ع اللي عملته طول اليوم مع صخر
ايمن كان متحمس وسعيد بالجديه اللي شمس بتنفذ بيها المشروع
ايمن اكد لها انه هيفضل داعمها ع طول.... خلصت شمس كلام ورغي ف الشغل
قامت عشان تمشي لكنها..... وقفت عند باب المكتب ايمن سالها
( ف حاجه نسيتيها يا شمس)
شمس بعد تفكير طويل قالت له
(هيه بدر اللي بره دي جديده... انا اول مره اشوفها )
ايمن
(اااه جديده ليه....)
شمس
( شكلها شاطره وبتشتغل بضمير... ما تخليها تيجي تشتغل عندنا ف البيت... لحسن ام كريم كبرت اوي ع شغل البيت لوحدها ايه رايك!!!!)
ايمن فكر شويه وشاف انها فرصه كويسه عشان يخليها تحت عنيه
ويراقب تصرفاتها رد ع شمس
(صح عندك حق... خلاص انا هكلمها واتفق معاها)
ضحكت شمس بسعاده وحست بامل كبير بانها هتتجمع باخواتها عن قريب
**'***********************
زين مشي عليها... ومسكها من شعرها بعنف... قمر خافت زين صرخ فيها
(مين اللي زي البهايم.... مين اللي حيوان يابنت الكلب انا هعرفك ازاي تغلطي فيا... وتشتميني يا زباله)
دب.... طخ.... دب دب
زين هجم عليها بوحشيه.... ونزل فيها ضرب ع وشها وع جسمها
هيه تصرخ وتستنجد بالعالم اللي بره لكن.... اوضتهم بعيده عن الصاله
وكمان زين كان رزع الباب قفله... فضلت تصرخ وهوه يزيد ضرب فيها
ما بعدش عنها غير لما شاف الجرح ف وشها ورقبتها بيجيبوا دم
زين وقف وبص لها وصرخ فيها
( عشان تتعلمي الادب يا بنت**** ومن النهارده هعاملك اوسخ معامله عشان تعرفي ازاي تتكلمي معايا يا ****)
زين خرج ورزع الباب وراه قمر حطت ايدها ع الدم وفضلت تعيط بهستريا
*************************
شمس ما رجعتش ع البيت.... رجعت تاني ع المستشفي دورت بعينها ع زيد
شافته كان بيوطي يلم الزباله من ع الارض راحت عليه ومسكت ايده
زيد وقف ع رجله وبص لها مستغرب قالت له
( انت بتخلص شغلك امته)
زيد استغرب بص لايدها اللي ع ايده وقالها باستغراب
(وده من ايه يعني شيلي ايدك من عليا انتي مين وعايزه ايه)
شمس بصت له بقرف وقالت له
( خلاص انا غلطانه انت ما تستاهلش كنت هعمل معاك مصلحه.... تاخد فيها 100000 ج)
زيد سمع الرقم وبرق اوي... قالها وهوه بيبلع ريقه
( بتقولي كام..... ليه يا ابله هوه انتي عايزاني ااقتل لك حد ولا ايه)
شمس ابتسمت بمراره وقالت له
( مش هينفع نتكلم هنا تعالي معايا ع عربيتي ثواني وارجع كمل شغلك تاني يلا)
زيد راح معاها من غير اعتراض..... ركبوا عربيتها قالها
(ها يا استاذه.... عايزه مني ايه بالظبط ومبدئيا انا موافق)
ابتسمت بخبث وقالت له
( جنه اللي جوه اللي كنت بتبص لها انت تعرفها كويس)
(قصدك جنه المشلوله)
(ايوااا هيه)
(اااه عارفها بس مش اوي انا لسه شغال هنا جديد وهيه صعبت عليا)
هيه بمراره
(ما يصعبش عليك غالي اسمعني كويس وكويس اوي ف اللي هقولهولك.... ولو تعرف تعمله اعمله..... وهتاخد المبلغ اللي قلت لك عليه واكتر كمان... ولو مش هتعرف خد ال5000 دول وكانك ما سمعتش حاجه)
زيد نتش من ايدها الفلوس وشمها كانها أكل... هيه استغربت قالها
(معلش اصل عمري ما مسكت مبلغ زي ده المهم انا موافق ع بدايه الكلام يلا قولي المطلوب)
(انا مش هطلب منك المستحيل يااااا انت اسمك)
بصت ع البدج بتاعه اللي اسمه مكتوب عليه لكن هوه قالها
( زيد اسمي زيد يلا قولي بقا)
( ماشي يا زيد انا عايزاك تمثل عليها انك حبيتها.... وتحاول تخليها تتعلق بيك.... وبعدها تطلب منها انك تهربها.... وتتجوزوا ف السر... عشان اخوها هيرفضك ولو قدرت توصل للمرحله دي هتاخد نص الفلوس... وهقولك ع الخطوه الاخيره.... وهتكون سهله اوي.... وبسيطه ايه رايك)
زيد برق اوي وضحك وقالها
( انتي بتهزري صح.... هاتديني الفلوس دي كلها عشان كده بس ط ازاي)
شمس بصت له ولقت نفسها دمعت زين بص لها مستغرب قالها
(ف ايه يا انسه.... انتي زعلتي اوي كده ليه ما تقوليلي ايه الحوار فاهميني)
قالتله
(انا اسمي شمس يا زيد قولي شمس بس وع فكره انا كنت فقيره زيك.... ويمكن افقر منك كمان... وغلطتي الوحيده اللي غلطتها ف حياتي اني كنت طموحه كان نفسي ااقب ع وش الدنيا.... قربت من اخو البنت دي وحبيته.... حبيته من كل قلبي.... لكن هوه.... هوه بكل حقاره اغتصبني وانا بنت 15 سنه.... واتهمني انا واخواتي بجريمه كانت هاتودينا ورا الشمس.... لكن انا هربت عشان انقذ اخواتي.... البنت دي اخوها دمر حياتي انا مستعده ااقطع لحمي وابيعه حته حته بس انتقم منه..... اذله زي ما ذلنا... انا واخواتي.... انا مش عايزاك تأذي جنه.... ولا انا هأذيها.... انا بس هنتقم من اخوها.... لكن هيه محدش هيمسها ابدا..... ها يا زيد هتساعدني اخد حقي من الكلب ده... ولا تاخد ال5000 جنيه دول وتنسي انك شوفتني)
زيد حط ايده ع كتفها وقالها
(وانا موافق اساعدك... هيه مش هتاخد ف ايدي اكتر من شهر.... صدقيني انا اكتر واحد حاسس بيكي.... وعارف يعني ايه تهربي عشان تنقذي اهلك.... انا كمان عملت مصيبه وهربت عشان انجد نفسي..... وما اعرضش اهلي لمصيبه جديده..... انا هعمل كده عشان اساعدك تاخدي تارك.... وعشان ابدا حياه نضيفه بالفلوس دي.... ماشي هاتي رقمك وهنبقي ع اتصال مع بعض ماشي)
(ماشي وشكرا اوي يا زيد)
*****************************
قمر من كتر عياطها ....ما خدتش بالها من الدم اللي غرق جسمها
الجرح ف رقبتها كان بينزف لكنها حست بيه لما نزل ع صدرها بصت ع صدرها
...وحطت ايدها ع صدرها مسكت الدم...بصت له بتوهان وعدم تركيز كانت
لسه هتقوم تجري تلحق نفسها لكنها قالت ف سرها
(سبيه يا قمر خليه يتصفي خليني اموت واخلص بقا وانا يعني هعيش ليه ولمين يارب انا مش عايزه انتحر...لا انا بس تعبت انا عارفه اني عمري ما كنت حلوه زي باقي البنات ولا فيا حاجه مميزه .....بس كنت دايما بحلم باليوم اللي هتجوز فيه وانام ف حضن الراجل اللي اختارني... بس خلاص الحلم دا اتدمر للابد ....هوه يعني كان لازم اكون جميله عشان اتحب من حد ...ليه ياربي قدري وحش اوي كده انا اللي زيي مش لازم تعيش خليني اموت وارتاح)
ام زين كانت قاعده بره استنت قمر تخرج عشان ترتب معاها البيت
لكن قمر ما خرجتش ام زين زهقت منها راحت خبطت ع اوضتها لكن قمر ما ردتش قالت لها من بره
(ما تيلا يا قمر عشان نوضب البيت خلصي يا بنتي انا مش هروق واعمل الاكل واغسل المواعين لوحدي يلا يا قمر خلصي اللي بتعمليه واطلعي)
الست مشيت وسابتها وهيه ما تعرفش انها بتموت جوه بالبطئ
قمر ما كانتش سامعه اي كلمه قالتها حماتها.... قمر كانت ف ملكوت تاني خالص
زين بعد ما خرج ...ومشي لاخر الشارع حط ايده ف جيبه يطلع سيجاره
لكنه اتفاجا ان السجاير والولاعه والمفاتيح كمان مش ف جيبه.... نفخ بعصبيه وقال
(اكيد وقعوا مني وانا بضرب بنت الكلب دي)
لف ورجع ياخد حاجته من البيت ....وصل ودخل وقف قصاد اوضته
مكنش عايز يشوف وش قمر المقرف بالنسبه له.....لكنه زق الباب بعنف ودخل لكن زين اتصدم صدمه عمره
.....شاف قمر قاعده ع الارض ودمها سايح ع جسمها ولسه بتعيط لكن
بصمت غريب..... دموع نازله لكنها ما بتنوحش...ما بترمش....ساكته خالص
زين صرخ وجري عليها....حط ايده ع الجرح بقوه عشان يبطل نزيف
فضل ينادي عليها لكنها مش ف الدنيا قمر باصه ادامها لكنها
مش ف وعيها كأنها ف حاله صدمه ....زين مسك وشها وصرخ فيها
(قمر.....قمر فوقي انتي بتموتي وانتي قاعده قمررررررر)
قمر بصت له ببرود ولامبالاه... وغمضت عنيها...كانت مستسلمه تماما
كانت منتظره ظهور ملاك الموت يجي يقبض روحها ويخلصها
وفعلا قمر حست ان الهوا قل حواليها والارض بتختفي من تحت رجليها وغابت عن الدنيا كلها
*********** **************
بدر فركت ايدها ف بعضها ...خدت نفس طويل حاولت تهدي توترها
وهيه واقفه ع باب مكتب ايمن... خبطت قالها تدخل دخلت وقالت له برجفه
(صباح الخير يا ايمن بيه حضرتك طلبتني)
(تعالي يا بدر اقعدي عايزك ف حاجه)
قعدت بدر وقالتله
(خير يا ايمن بيه هوه انا عملت حاجه لاسمح الله)
ابتسم ايمن عشان فهم قصدها قالها
(لا يا بدر انتي فهمتي غلط بدر لو قدامك...شغلانه بمرتب اعلي لكن شروط الشغلانه صعبه شويه هتوافقي)
( انا مش فاهمه يا ايمن بيه هوه حضرتك عايز تمشيني من هنا)
(امشيكي ايه يا بدر انا عايزك عندي ف البيت فاكره لما جيتي نضفتي عندي من كام سنه حتي وقتها انتي مشيتي من غير ما تاخدي فلوسك مش عارف ليه المهم شغلك عجبني اوي وانا دلوقتي محتاجك اكتر من قبل كده هاااا ايه رأيك)
بدر بصت له اوي فكرت بينها وبين نفسها وقالت لنفسها
(اشتغل عنده ف بيته.... يعني هقدر اشوفه ع طول... ط اوافق ولا ﻷ.... انا خايفه اقول ااااه.... ومرعوبه اقول ﻷ)
لكن بدر لقت نفسها بتهز رأسها موافقه من غير ما تسأله عن الشروط الصعبه اللي قال عليها
يتبع ف الحلقه 11
