#قلوب_لا_تعرف_الرحمه
#فريده _احمد_فريد
الحلقه الثانيه........................................
ف فندق رويال صخر كان عامل حفله كبيره بمناسبة انه أفتتح الفرع التاني من شركته شركه صخر الراوي للانشاءات والتعمير
كان فخور بنفسه وهوه واقف بين كبار رجال الاعمال ،،،،،،، الاكبر منه سنٱ ومقاما
كان سعيد انه قدر يحقق النجاح دا لوحده ،،،،بمجهوده
بص بعينه ع جنه كانت واقفه مع صحباتها اللي عزمتهم ع الحفله
صخر عينه لمحت شمس البنت اللي جنه ما بطلتش كلام عليها صخر بص لها بأستخفاف اوي لما شاف الطقم الفاخر اللي كانت لابساه
او بمعني أوضح اللي كانت شحتاه من أخته ضحك بسخرية لكن بص لجسمها اللي كان متناسق جداً جسم مش لايق ع طفله زي دي ،،،،،،،ف نظره طبعاً
شمس شافت أنه بص لها وركز معاها أوي افتكرت بغباءها أو لأنها صممت ع كده انها عجبته،،، ضحكت بأنتصار وقربت منه
هوه لما شافها جايه عليه استأذن من رجال الأعمال اللي كان واقف بيكلمهم وطبعاً بعد عنهم عشان البنت دي ما تحرجهوش قصاد الناس
قربت منه ووقفت قصاده ابتسمت ومدت أيديها وقالتله
(انت صخر جنه ما بتتكلمش غير عنك وعندها حق ع فكره انا بجد مبسوطه أني اتعرفت ع شخصية مهمة اوي زيك)
صخر حب يضايقها ويحطها ف مكانها الصحيح بص لها من فوق لتحت وقالها بأستهزاء
(حلو الطقم بتاع جنه عليكي اوي كويس انك خدتي منها حاجه تلبسيها وتيجي بيها حفلتي لو كنتي جيتي بهدومك انتي مكنش الأمن هيدخلك من البوابه أصلا)
شمس فهمت أنه بيحاول يحرجها لكنها كانت مصممه تعلقه بيها بأي شكل وبأي وسيله ابتسمت ابتسامه مزيفه وقالت
(شفت بقي كويس اني شغلت دماغي بقولك ايه تعرف ترقص سلو الاغنيه دي رقيقه اوي)
صخر إنسان مستفز لا يطاق قالها عشان يكمل عليها
(ودا ع أساس انك فاهمه الاغنيه بتقول إيه)
شمس أخيراً اتضايقت بصتله من فوق لتحت وسابته ومشيت لكن صخر مش الراجل اللي اي واحده تهزمه ولا تسيبه واقف وتمشي
شدها من دراعها ودخلوا وسط الناس اللي بترقص صخر حط أيده بتملك ع وسطها وقربها منه اوي لزقها ف جسمه
صخر كان عايز يشوف البت دي يجي منها ولا هتصده وتعمل عليه شريفه بنت ناس لكن لحد دلوقتي تخمينه كان صح
