قلوب ***لا تعرف الرحمه
الحلقه الثانيه والثلاثون......
هنا زينه فجرت المفاجأة الأخيره... قالت لايسر بهدوء أخيراً
(ولا حتي دي كانت الحقيقه كامله.... فعلاً ابوك اتقبض عليه مع خالك ومراته... ابو وأم صخر.... بس مش عشان تجاره الأعضاء يا أيسر.... اتقبض عليهم عشان لقوا ف المخزن بتاعهم البضاعه المتخزنه فاسده... وعارف مين اللي بلغ عنهم.... أمجد بنفسه كان لسه ظابط متخرج... والقضيه دي نقلته نقله كبيره... الكلام ده محمود أبو صخر اكتشفه ف الأخر خالص..... الحكومه طبعاً فتشت كل مخازنهم... لكن المخزن ده الوحيد اللي لقيوا فيه بضاعه فاسده .... وبسبب محامي عقر.... خدوا كل واحد فيهم ١٥ سنه .. وابوك محدش وجه له أي اتهام بالعكس... دا جري ورا ابو صخر عشان يخرجه من القضيه.... لكن للأسف كان متوصي عليهم أوي... ف رجع ياسر بيه يدور ع صخر و جنه..... لكن جارهم قاله انهم هربوا ... خافوا من الناس.... ما تعرفش مين اللي نشر الاشاعه دي عليهم من الأول... بس انا عارفه... وهقولك بس الأول فاكر انت لما حكيت لي وقولت ان خالك قالك بنفسه انه هوه ومراته وابوك شغالين ف القرف ده.... عارف قالك كده ليه....)
زينه كانت باصه ع باب الفيلا وهيه بتتكلم بثقه... قطعت كلامها وشاورت ع باب الفيلا
الكل بص بدهشه... إلا صخر اللي اتصدم... كانوا امه وابوه... كمل الراجل كلام زينه وقال
(عشان عمر صاحبك جالي قبلها... وقالي ان ابوك رمي عيالي ف ملجأ.... قالي ااقولك كده عشان انتقم من ابوك واكرهك فيه... واخليه عايش حياته تعيس.... زي ما رمي عيالي ف ملجأ وخلاني تعيس انا ومراتي ف السجن.... سمم عقلي زي ما سمم لك عقلك سنين طويله... يا أيسر يابن أختي... انا آسف اوي... زينه جت لنا ف بيتنا القديم... وحكت لي كل حاجه... وانا كمان حكيت لها.... وعرفت ان عمر كداب... وان صخر ابني وجنه بنتي مش ف ملجأ ولا حاجه... قالتلي انهم موجودين.... وصخر مصدق عليا انا وأمه وابوك كل الكلام اللي انت مصدقه.... انا يابني مفيش كلمه هقولهالك هتخليك تغفر لي اللي عملته فيك ... انا آسف يابني... زينه كلمتني وهيه جايه تلحقك... انا ما استنتش جيت انا ومراتي عشان انجدك واوعيك وافتح عينك ع الحقيقه كلها)
أيسر بص له مش مصدق... مش مستوعب... صخر كان مصدوم اكتر منه
امه وابوه واقفين قصاده ومش عارفينه.... ابوه وأمه طلعوا ابريا.... ما طلعوش سفاحين زي ما كان فاكر
مبقاش قادر ينطق... مش قادر يقولهم انا أهوه... مش لاقي كلمه يبدأ بيها ... مش عارف ينادي عليهم
