قلوب***لاتعرف الرحمه
الحلقه الواحد والعشرين...........
أيمن نايم ع سريره....الدكتور بيحط سماعته ع قلب أيمن
وبالكشاف ف عينه.....لكنه قاله
(يا أيمن بيه كده مش هينفع انت لازم تيجي لي المستشفي....عايز اعمل لك شويه تحاليل واشاعات...ولو مكسل تيجي..انا هكتب لك ع التحاليل والاشاعات اللي انا عايزهم منك...وتقدر تعملهم و تبعتهم مع اي حد)
أيمن بزهق
(لازمته ايه كل ده...مش انت قلتلي ف اول كلامك...تلاقيها انميه ولا ضغط...بسبب الشغل والاهمال وكده...ف مالوش لازوم يا دكتور)
الدكتور بجديه وصرامه
(إيمن الصحه مفيهاش هزار...انت مش هتخسر حاجه لما تطمن ع نفسك...انا هكتب لك روشته بالتحاليل والاشاعات....وهستني انك تجيبها لي بنفسك....ماشي)
هز إيمن رأسه بضيق..... الدكتور خلص واكد عليه تاني وتالت انه يعمل اللي طلبه منه
بدر وصلته للباب....رجعت لأيمن لقته بيطبق الروشته ويرميها ع الارض
بصتله مذهوله قالت
(انت بتعمل ايه...رميت الروشته ليه كده)
أيمن قام قعد ع السرير وهوه متعصب منها...قالها بزعيق
(بقولك إيه مش انتي اللي هتقولي لي اعمل ايه وما اعملش ايه...انا مش هعمل الكلام الفارغ ده...انا عندي شغل ومش فاضي....وبعدين هحذرك لأخر مره لو حد عرف بالحوار ده....انا هرفدك فورٱ سامعه....يلا روحي ع شغلك وما تدخليش ف اللي مالكيش فيه تاني يلا)
بدر بصت له بحزن وشفقه...وطت خدت الروشته...فردتها وحطتها ف جيبها
ما ردتش عليه وسابته وخرجت...وقفلت وراها....أيمن بص لها بقرف ولام نفسه بعنف
(انا اللي غلطان من الاول اني شغلتها هنا...اهيه بدأت تعيش الدور عليا و تعمل اللي ع كيفها....انا مستحيل اسيب نفسي للبنت دي...معرفش ليه بضعف ادامها واحنا لوحدنا......انا لازم اوضع حد نهائي للموضوع ده انا غلطان اني جبتها هنا ...ازاي بس انا احس بحاجه ناحيه البنت دي...دي واحده كانت شغاله ف النضافه...كنت بحسن عليها وف الأخر تتمسك بتهمه الدعاره...طلعت بريئه ولا مش بريئه المهم بقت نقطه سودا ف حياتها....وكمان اختها اللي لسه شغاله ف القرف ده...ازاي انا ادخل الاشكال دي بيتي.....بس خلاص انا لقتها...مفيش غير حل واحد عملي وهيريح دماغي من القرف ده كله....انا لازم افاتح ابويا ف موضوع الجواز....هيه دي الحاجه اللي هتغور بدر من هنا...وكمان انا كبرت ولازم استقر....بابا هوه اللي هيقدر يساعدني اختار البنت اللي من مستوايا...واللي معاها ومع اهلها هكبر امبراطوريتي ف السوق...دا احسن حل...لازم أبدا ف تنفيذه...قبل....قبل ما اعمل حاجه احتقر نفسي عليها بقيت عمري)
