قلوب ***لا تعرف الرحمه
الحلقه الرابعه والثلاثون..... والأخيرة
خرج زيد وسابه.... زين بص للحاجه ف إيده... دموع عينه نزلت ع كفه
رمي كل حاجه وقعد ع الأرض بحسره... حط إيده ع دماغه وبكي.... فضل يعيط يعيط مش عارف ليه
فضل يشكي حاله لربنا
(ليه بس يارب... ليه كل ما اقول الدنيا اتعدلت أخيراً.. بلقيها تطربق ع دماغي اكتر... ليه انا دايما موعود بالنكد والهم.... ليه مكتوب عليا أحزن وبس ... اتحسر ع اللي راح مني وبس.... حتي بعد ما رزقتني ببنت طيبه وغلبانه..... انا قسيت عليها وضيعتها مني... ليه كانت الغشاوه ع عيني... بصيت للحلوه من بره وسوده من جوا.... وسبت اللي حلوه من بره وجوه.... سبت اللي كانت ملكي... حلالي... رحت بصيت لواحده خدعتني بجمالها... ليه انا بستغبا.... انا قرفت... تعبت... نفسي اهج واسيب الدنيا كلها... ليه يا رب يوم ما ترزقني بعيل... تحرمني منه ومن أمه.... يارب انا اذنبت ف ايه بس... انا اذيت مين ف حياتي.... هيه اذيتها هيه.... ط ما كل راجل بيضرب مراته ف ساعه غضب.... يارب انا آسف... آسف اني بعترض ع حكمك بس انا تعبااااااااان)
*******************************
زينه لسه بتعيط.... جسمها واجعها من كتر ضرب زين فيها..... تلفونها رن كذا مره
بصت ف الرقم كان أيسر... ما ردتش عليه... مش عشان محملاه ذنب اللي حصل لها... لأ
عشان هيه تعبانه... وموجوعه.... فضلت باصه للتلفون... وتعيط أكتر.... اتفتح باب اوضتها
بصت بخوف.... دخل زين.. قامت وقفت ورفعت ايدها ع وشها خافت ليكون داخل يضربها تاني
زين قرب عليها.... وشدها لحضنه.... عيطت أكتر... غمض عينه بآسف وقالها
(انا آسف.... ما تزعليش مني يا زينه.... يا احلي زينه... حقك عليا ... كانت اتقطعت ايدي قبل ما تتمد عليكي يا حبيبتي)
زينه مسكت إيده... وهزت رأسها لأ.... خد ايدها باسها بحب أخوي... باست إيده هيه كمان ورجعت لصدره
قالت له وهيه بتمسح دموعها
(انا اللي آسفه... والنبي ما تزعل مني يا زين... واللهي ما هعمل كده تاني... انا عارفه انك كنت هتتجنن عليا عشان اتأخرت... بس وحياتك عندي ما هعملها تاني)
زين دموعه نزلت ع شعرها.... حضنها اوي واتآسف لها تاني
*******************
ف سرايا الفرماوي
أيسر قاعد مكتئب .... ابوه وأيمن وبدر وشمس وصخر قاعدين
صخر قرر انه يبقي زاير دايم ف سرايا الفرماوي لحد ما ياخد شمس منها
هوه مش ناسي كلام أيسر... كان خايف لياخدها منه ويهرب مثلا... ف كان دايما موجود طول ما أيسر موجود
ايمن لاحظ شرود وحزن أيسر... افتكر انه لسه زعلان بسبب عمر... لكز ايمن ابوه.. وشاور له ع أيسر
الراجل نده لابنه... بص له أيسر... سأله
(مالك يا أيسر... لسه موضوع الواد ده مض...)
قاطعه أيسر باصرار وقاله
(لالا... واد ايه.. دا ما يستهلش حتي اني افكر فيه... انا بس مش عارف زينه فين.... بقالها يومين مختفيه... عايز اكلم زيد اسأله عليها بس محرج)
