قلوب ***لا تعرف الرحمه
الحلقه التاسعة والعشرين.....................
عتاب... وزعيق... وبهدله... من صخر لجنه... وهيه كل اللي عليها تعيط من غير ما ترحم عنيها
صخر حس اخيرا انه بيدمرها بعتابه وزعيقه فيها... شالها لاوضتها.... دخلها وقعد ع طرف سريرها
بص للأرض... وخد نفس عشان يهدي ... لكنه مقدرش... قالها
(انتي عارفه اني بحبك... وبخاف عليكي.. انتي مش هتتخيلي انا الكام يوم دول عدوا عليا ازاي يا جنه... عاما انا مش هعتب عليكي اكتر من كده دلوقتي... انا بس عايزك تعقلي وتبطلي عياط.... الواد ده نصاب... وضحك عليكي... هوه لا بيحبك ولا زفت... دا باعك وقبض التمن.... اوعي تزعلي ع كلب زي ده... احمدي ربنا اني لحقتك منه.... جنه ابوس ايدك بطلي عياط.... محدش يستاهل دموعك ابدا)
صخر شاف ان كلامه ما أثرش بالمره.... حضنها بسرعه لانه هوه كمان قايد نار
بأس دماغها... وسابها وقام خرج... جنه بصت ع الباب... ورمت وشها ف المخده
وفضلت تصرخ وتضرب دماغها.. ف المخده.. بجنون... وتنده إسم زيد... وتعيط بهستريا
**********************
إيسر ساق عربيته... زي المجنون.... كان بيتخانق مع نفسه بعنف
(إزاي اقول عليها كده.... إزاي اسيب صخر يضربها
ط ما هيه برضو كانت ف حضنه.... ليه كانت ف حضنه.... وإزاي وامتي حبت صخر....ما انا ادامها بقالي سنين... ايه اللي شافته ف صخر ومالقتهوش فيا انا.... هيه مش قالت بتكرهه.... ازاي بقا كانت ف حضنه.... بس... بس انا الغلطان... انا اللي عمري ما اعترفت لها اني بحبها.... كان لازم اقولها من الأول ماهي بتدرس مع شباب .. وبتقابل ناس كتير... كان ممكن تحب وتتعرف ع اي راجل مش شرط صخر يا أيسر.... انت اللي ضيعتها من إيدك بسكوتك... جاي تلوم عليها دلوقتي ليه.... بس برضو هيه عملت حاجات وحشه كتير... ازاي تعمل ف جنه كده...... اهدي ممكن تهدي شويه عملت اللي عملته..... المهم دلوقتي ألقيها وبعدها كل حاجه تتحل)
كان بيكلم نفسه بهوس غير طبيعي..... راح ع أيمن ف المستشفى.... دخل
سلم عليه بحزن وقهر.... ايمن لاحظ الحزن اللي مالي عيون اخوه وصوته... سأله
(مالك يا أيسر... فيك إيه)
(ايمن... ايمن انا خربت الدنيا)
(عملت ايه... ازاي يعني مش فاهم)
حكي له ع اللي شافه بين صخر وشمس.... وع اللي قاله لصخر ... واللي صخر عمله فيها
ايمن أتضايق... منها وعليها.. ايمن وايسر مالحظوش ان بدر واقفه
كانت ف حمام اوضه ايمن لما دخل أيسر... استغربت وقرفت ف نفس الوقت
