قلوب ***لا تعرف الرحمه
الحلقه السابعه عشر......................
وصل صخر للمستشفي....دخل بعربيته لجوه كالعاده...ركن عربيته
وسند دماغه ع الدريكسيون ...ونفخ بضيق...كان متوقع اللي هيشوفه ويسمعه من جنه
لكنه رجع دماغه لورا تاني...واخد نفس طويل...وفتح باب عربيته ونزل
مشي لمبني المستشفي...لكنه وقف فجأه...شافها قاعده ف الجنينه
كان ف طفله جميله واقفه بتأخد منها حبه فراوله...صخر حس انه هيعيط
دي فعلا جنه اخته...جنه اللي ماتت نفسيا من سنين طويله
رجعت تاني رجعت سعيده بتضحك....شكلها مبسوطه اوي
صخر مفكرش جنه سعيده ليه ولا ايه السبب اللي رجعها تضحك من تاني بعد
محاولات كتيره طول السنين اللي فاتت وكانت كلها محاولات فاشله
صخر مفكرش كتير....قرب منها لكن بحذر...جنه لمحته وقف مره واحده
جنه ابتسمت ف وشه...صخر ضحك...ضحك اوي كل مخاوفه كانت ع الفاضي
جري عليها ونزل ع دماغها باسها بحب اخوي....ركع ع الارض نص ركبه
وقالها وهوه ماسك ايدها
(جنه...جنه حبيبتي انتي صحيح رجعتي تتكلمي تاني انطقي يا جنه أبوس ايدك)
ابتسمت وقالت من غير صعوبه
(ااااه يا صخر الحمد لله...انا رجعت اتكلم تاني بس ...بس يا تري انت كمان رجعت لحياتك القديمه تاني ولا زي ما وعدتني انك سبتها للإبد)
(واللهي واللهي العظيم انا سبت الحياه دي نهائى.... ومستحيل ارجع لها تاني....بس انتي قوليلي...سامحتيني يا جنه...بالله عليكي يا جنه قولي انك سامحتيني والإ اقسم بالله العظيم اطلع ارمي نفسي ادام اي عربيه دلوقتي واريحك مني خالص)
جنه اتفزعت من جديته ف الكلام مسكت إيده بقوه وقالت
(انت مجنون...ازاي بتقول كده ف وشي يا صخر...انا طبعا لسه زعلانه منك...بس فرحتي بنفسي النهارده خلتني اضحك ف وشك واكلمك...بس دا مش معناه انك تحرمني منك...انا اللي فيه دا بسببك...بس ربنا بيسبب الاسباب وانا مش حزينه ولا ندمانه ع اللي حصل وما تسألش ليه اهوه كده وخلاص)
صخر رغم انه مستغرب...وحاسس بالغموض ف كلامها بس محبش
يزعلها ضحك ف وشها وقالها
(وانا مش هسألك كفايه عندي اسمع ضحكتك وكلامك...ويارب اشوفك واقفه تاني ع رجلك)
