تعرفنا قديما')🚸

-part8🚸

*في الباص*
-محمد:جني انتي في سنه1ثانوي صح!!
-جني:اه ي عجوز داخله 2..
-محمد:تعرفي ان انا ف سنه اولي كليه هندسه..
-جني:يعني عندك19سنه!؟
-محمد:بالضبط..المهم بقي انتي نفسك تدخلي كليه اي!؟
-جني:صحافه واعلام..
-محمد:وعندك صحاب!؟
-جني:اه عندي5اصحاب..4 قدي وواحد اكبر مني بسنه بس..
-محمد وهوا بيعدل قعدته بحزر:واحد!!؟
-جني بتأكد:اه ياسين ابن عمو امجد اخو بابا..
-محمد:ونتي بتكلميه كتير!؟
-جني:يعني مش اوي..
-محمد:طيب وال4التانين!؟
-جني:جنه بنت عمتو عايده وجميله اخت ياسين وجيهان بنت خالتو شيماء وجينا صحبتنا كلنا..
-محمد:يعني كلهم قرايبك ماعدا جينا..
-جني:اه صحابي الوحيدين!!
-محمد:واشمعنا ياسين الولد اللي فيكوا مفيش غيره ف العيله!؟
-جني:لا استني ف سر..ياسين وجنه بيحبوا بعض فهوا داخل شلتنا بس عشان كدا..
-محمد:بس انتي وعدتيني انك مش هتكلمي صبيان تاني صح!؟
-جني:دا كان يزيد بس لكن ياسين ابن عمي واخويا ف الرضاعه كمان!!
-محمد ببعض الراحه:بجد!؟
-جني:اااه..
-محمد:واحنا بقينا اصحاب مش كدا!؟
-جني:طبعا ي عجوز..
-'وبلحظه كان محمد ماسك تليفون جني ومسجل رقمه ورن منها عليه عشان يحفظ رقمها..وسجل رقمه عندها بالعجوز ورجع ادهلها تاني'..
-محمد:انا سجلت رقمي وسجلت رقمك كمان وهبقي اكلمك ماشي!؟
-جني:اتفقنا ي عجوز..
-'وكمل محمد مع جني كلام عمتا وكان بيقصد كل شويه يسألها عن حاجات خاصه بحياتها عشان يعرف اكتر عنها'#
🚸..🚸..🚸..🚸..🚸..🚸..🚸..🚸..🚸..🚸..🚸
*في عربيه ريان*
-'سكوت مريب ف العربيه قطعه رنه تليفون روفان برقم غريب..كنسلت اول مرة وملهاش خلق ترد علي حد متعرفهوش..رن الرقم مرة كمان وكنسلت كمان مره وسط نظرات ريان الخافته والمستغربه..رن الرقم للمره التالته وهنا قررت روفان انها ترد'..
-روفان:الو!!
-الشخص:الو معايا روفان الصادق!؟
-روفان:ايوة انا مين معايا!؟
-كريم:الو ي روفان انا كريم صاحب عبدالله ازيك!!
-روفان:اه كريم ازيك عامل اي!؟
-كريم:انا تمم الحمدلله المهم انتي!؟
-روفان:كويسه تمم بس جبت رقمي منين!؟
-كريم:انتي ناسيه انو كان معايا قبل ما اسافر..
-روفان:اه صح صح افتكرت حمدالله ع السلامه..
-كريم:الله يسلمك..
-روفان:كلمت عبدالله!؟
-كريم بكدب:اي اه منا رنيت عليه لقيته مغلق فقولت ارن عليكي لو جنبك اديهوني..
-روفان:مش جنبي والله ي كريم اول اما اشوفه هقوله واخليه يكلمك..
-كريم:تمم هستني مكالمته او كالمتك!!
-روفان:تمم ماشي..
-'وقفلت روفان مع كريم وسط نظرات ريان المتعصبه وجسمه اللي عضلاته اتشنجت ويقطع سرحانها صوته الاجش وهوا بيقول':مين كريم!؟
-روفان بتشتت:هه..
-ريان بنفاذ صبر:مين كرييم!!؟؟
-روفان:كريم دا يبقي..وانت مالك صحيح!؟
-ريان:روفان متعصبنيش بقول مين كريم!؟
-روفان:لا حول ولا قوه الا بالله صاحب عبدالله ي عم ف اي!؟
-ريان:وصاحب عبدالله يرن عليكي انتي لي ويجيب رقمك منين؟؟
-روفان:سؤال بس وانت ماالك!؟
-ريان بمكر:مش انا حبيبك بتاع امبارح!!
-روفان بقوه:اكيد لا ي ريان انا كنت بهزر..
-ريان بصدمه حاول اخفائها:بتهزري!؟
-روفان:اكيد يعني انا ونت صحاب بس من وحنا صغيرين ومفيش حاجه هتجمعنا غير كدا اكيد..
-'ريان مذهول وساكت لتكمل روفان':وبعدين مش عشان اصحاب واصابنا كلهم مرتبطين ببعض يبقي احنا كمان نبقي كدا اكيد لا وكمان انا بعتذر علي كلام امبارح انا كنت بهزر مكنتش اعرف انك هتاخد الموضوع بجد كدا..وكملت وهيا بتدوس علي قلبها:وبعد فتره انا هتجوز وانت هتتجوز وهنحضر افراح بعض وعادي ما احنا صحاب!!
-'فضل ريان ساكت لحد ما بلع ريقه وقال بهدوء عكس تماما اللي جواه':اه صح..
-'وكملوا الطريق وكل واحد فيهم ف نفسه حاجه ومش عارف يقولها'.......#
🚸..🚸..🚸..🚸..🚸..🚸..🚸..🚸..🚸..🚸..🚸
*في عربيه رائد*
-'كانت رؤي بتتكلم مع رنا في مواضيع عامه وبصوت شبه واطي لحد ما قال سيف':ما تخلوني اتكلم معاكم الله!!
-رؤي بضحك:تتكلم في اي ي ابني مع اتنين بنات مش فاهمه!؟
-رائد بضحك:اديك اتكسفت اخرس بقي!!
-سيف لرنا:ونتي مش هتقولي حاجه!!؟
-رنا:صحيح هتتكلم في اي معانا يعني مش فاهمه!؟
-'ضحكوا رائد ورؤي جدا علي موقف سيف ورنا كمان شاركتهم في الضحك وشويه وضحك سيف علي ضحك رنا من غير ما يحس زي الابله وبعدين قال سيف':انا اقول حاجه حلوة بما ان الطريق لسه طويل كل واحد يحكي موقف حلو حصل معاه اي رايكوا!؟
-'وافقوا كلهم وبدءوا برائد'..
-'بدء رائد يضحك من قبل ما يتكلم حتي لحد ما قال':من زمان اوي ونا لسه صغير تيتا كانت بعتاني للبيت اللي جنبنا عشان اودي حاجه ولما رحت وخبطت طلعتلي واحده اوزعه كدا وهيا بتقول بقرف لاني قطعتها عن اسبونچ بوب ونا كنت قاصد الصراحه نعم..
-'وف نفس الوقت بدءات ابتسامه رؤي تظهر شئ فشئ وهيا بتسمع ذكرياتها مع رائد'..
*Flash back*
-زينب:روح يلا ادي لطنط نعمات الاطباق دي!!
-رائد:حاضر..
-وينزل رائد للبيت اللي جنب بيت ننته علي طول ويخبط علي الباب براحه..تفتح بنت صغيره اقصر منه بكتير وهيا بتقول:نعم!!
-رائد:انا عايز طنط نعمات!!
-تجري البنت وهيا بتقول:تيتا ي تيتا تعالي شوفي ابو طويله اللي ع الباب!!
-لا اراديا منه ضحك ع لتتها ف حرف الراء واللام..وفضل يضحك لحد ما جتله نعمات وهيا بتقول:تعالي ي حبيبي ادخل..وبصت للبنت وقالت:عيب كدا ي رؤي هوا اكبر منك!
-دخل رائد وهوا بيقول:سبيها ي طنط انا مزعلتش منها هيا لسه صغيره!!
-بصتلها نعمات وهيا بتقول:شوفتي رائد احسن منك ازاي!!
-بسرعه جرت رؤي علي رائد اللي واقف قدمها وهيا بتقول بلتتها اللي وقع ف حبها من اول حرف سمعه بيها:معلش ي رائد انا بهزر معاك!!
-رائد:عادي ي رؤي انا بحبك وبحب اهزر معاكي!!
-بصت رؤي لنعمات وهيا بتقول:شوفتي ي تيتا احنا صحاب وبنهزر ونا احسن منه هه!!
-نعمات:ماشي ي شقيه..وبصت لرائد وهيا بتقول:عايز حاجه ي حبيبي!؟
-رائد:تيتا بعتالك الاطباق دي ي طنط!!
-نعمات:قولها طنط نعمات بتقولك شكرا..
-رائد:حاضر..وبص لرؤي وقال:تعالي نلعب يرؤي!!
-رؤي:ماشي تعال ي رائد!!
*End flash back*
-'ومع نهايه حكايه رائد ضحك سيف ورنا جامد لحد ما قالت رنا':مش عارفه لي حسا ان البنت دي اعرفها ي رائد والصراحه حاسه كمان انك بتحبها..
-سيف وهوا بيمدلها ايده يسلم عليها:اهنيكي علي ذكائك والله ي بنتي!!
-رائد:طب مش حابه تعرفي مين!؟
-رنا:حابه جدا!!
-'بص رائد لرؤي من المرايه وهوا معتش شايف وشها من كتر ما هيا منزلاه ومتاكد دلوقتي انه فراوله من الكسوف وخد باله من ضوافرها اللي ف بوءها ودا يدل علي توترها اكتر..لكن حسن رائد القرار وانه لازم بعترف ليها بحبه بدل ما تروح لحد غيره ودا اللي مش هيستحمله نهائي..قال رائد ولسه نظره علي رؤي من المرايه':قاعده جنبك اهيه..
-رنا بصدمة وهيا بتشاور علي رؤي:رؤي!!!!؟
-'اكتفي رائد بهز راسه وهوا شايف رؤي اللي خلت ايدها تداري وشها كله من الكسوف..فضحك سيف ورنا وهيا بتقول':الصراحه لايقين علي بعض#
-سيف:الصراحه اه زي ما انتي لايقالي كدا!!
-'ابتسمت رنا بكسوف وسيف لسه باصصلها وبيغمزلها..وسايبين اتنين سرحانين ف بعض..واحد ف كسوفها وعشقه ليها..والتانيه ف ذكرياتهم وحبه'_♥_
🚸..🚸..🚸..🚸..🚸..🚸..🚸..🚸..🚸..🚸..🚸
*نرجع للباص تاني*
-مجد:بيانسيه هوا انتي وعامر مش بتكلموا بعض؟!
-بيانسيه:مش عارفه..
-مجد:ازاي يعني!؟
-بيانسيه:معرفش ي مجد معرفش..
-مجد بهدوء وحكمه كالعاده:بيانسيه حبيبتي متخليش حاجه تأثر علي علاقتكوا انتوا دلوقتي ف حكم اللي قارئين فاتحه وعامر بيحبك ودخل الباب من بيته لو مكنش بيحبك مكنش جه قالي وخلاني قولت لبابا كمان متخليش حاجه تبعدكوا عن بعض مهما ان كانت اي هيا انتوا معرضين لحاجات كتير والمشوار لسه كبير وكل ما بيزيد الحب بتزيد معاه المسئوليه فهمتيني!؟
-بيانسيه:فهماك ي مجد فهماك..
-'وبدون كلام تاني قام مجد من جنب بيانسيه وبلحظه سرت قشعريرة ف جسم بيانسيه من اثر لمسه عرفاها كويس جدا..بصت جنبها لقت عامر قاعد وبيبوس كف بيانسيه بهدوء ورقه كالعاده وبيقول':مش عايز الكلام بتاع اخر مرة دا تاني وبرضاكي او غصب عنك انا هاجي اتقدملك وهتجوزك برده!!
-بيانسيه بدموع:انا اسفه..
-عامر وهوا بيمسح دموعها بإبهامه:زهرتي متعيطش ولو حتي عشاني#
-بيانسيه:متزعلش مني!!
-عامر:تؤ انا عمري ما اقدر ازعل منك اصلا دا ازاي يعني!!
-بيانسيه بضحك:هتيجي تقابل بابا امتي بقي!؟
-عامر بضحك:بعد بكره ع طول يكون مجد اتفق معاه..
-بيانسيه وهيا بتنام علي كتفه:بحبك علي فكره#
-عامر وهوا بيبوس راسها وايدها:ونا بعشقك ي زهرتي..
🚸..🚸..🚸..🚸..🚸..🚸..🚸..🚸..🚸..🚸..🚸
*في عربيه مروان*
-'كان عبدالله وعليا بيتكلمواwhatsوباين عليهم اوي انهم بيكلموا بعض..بص مروان لميرال من مرايه العربيه وهوا بيشاور بعينه علي عبدالله وهيا كمان شاورتله بعينها علي عليا..فغمزوا الاتنين لبعض بمكر..وف نفس اللحظه كان مروان شادد تليفون عبدالله وميرال شاده تليفون عليا وهما بيضحكوا جامد علي شهقاتهم اللي طلعت مره واحده وبدء مروان يقرء ويقول':عليا ي عليا تعالي نتكلم هنا احسن..
-لترد ميرال عليه وهيا بتقرء هيا كمان:احسن برده الطريق ملل اوي..
-ويرد مروان ويقول:ملل ونا موجود عيب!!؟
-وكانت لسه ميرال هترد لكن سكتت وقالت:مروان ايموشنز الضحك والقلب ف الاخر يتقلدوا ازاي دول!؟
-'ومن غير ما حد يرد اتفتحت ماسورة ضحك بطريقه خرافيه وكمان ميرال ضحكت بس علي ضحك مروان لحد ما قال مروان من وسط ضحكه':خد ي عم تليفونك هنعمل حادثه بسببكم!
-عبدالله ولسه بيضحك:حد قالت تاخده يعم!!
-ميرال:طب ما نتكلم كلنا لازم تتكلموا ف الخباثه!!
-عليا:طب اشطا يلا افتحوا موضوع ونتكلم فيه..
-مروان:اهم حاجه ي عبدالله تبعد عن يوم خطوبتي انا بقول اهه..
-عبدالله:لا معلش منا هعمله قبلك اصلا..
-ميرال:لا مليش دعوه انا الاول!!
-عليا بضحك:ميرال حبيبتي هوا انتي مفكراها شيكولاته نوتيلا مين هياخد الاول!!
-ميرال:هي هي هي هي ضحكتيني!!
-مروان:الصراحه هيا النوتيلا ذات نفسها#
-عبدالله:لا ي حبيبتي تعالي نسيب النوتيلا وعود الجرجير ف رومانسيتهم وتعالي احنا نكمل كلامنا..
- ميرال:ملكش دعوه بعود الجرجير ي حبيبي احسنلك..
-عليا ومروان ف نفس الوقت:حبك برص وعشره خرس ي زفته!!
-ميرال:سوري ي عود الجرجير اااااي قصدي ي حبيبي اصلو عصبني..
-مروان بإستخلاف مصطنع:حسابك معايا بعدين ي مرمر هانم..
ميرال بشمحطيه:ما خلاص يعم القبطان..
-مروان بمعاكسه:ماشي ي مرات القبطان!!
-'وهنا اتكسفت ميرال ونزلت وشها بعد جو الشمحطيه اللي عملته اما عبدالله وعليا فهما كملوا كلام مع بعض ع الفون من زمان غافلين عن اللي حواليهم'_♥_
🚸..🚸..🚸..🚸..🚸..🚸..🚸..🚸..🚸..🚸..🚸
*في عربيه ماذن*
-'كانوا بيتكلموا ف مواضيع عامه عادي لحد ما قطع كلامهم صوت تليفون علي وكان من*عادل*استغرب علي جدا وطلب منه ماذن انه يفتح الspeakerوفتح علي الخط وفتح الspeakerكمان وهوا بيقول':الو عادل!!
-عادل:طبعا مش متوقع اني اكلمك صح!؟
-علي:خير يارب في حاجه!؟
-عادل:كنت عايز اقولك حاجه كدا بس ي علول..
-علي:انجز!؟
-عادل:كنت عايز اتقدم لاختك!!
-'صدمه احلت علي لسان الجميع لحد ما قال علي بصدمه وذهول':اختي انا!!
-عادل:اه ي ابني هيا رزان!!
-'وف اللحظه دي كان ماذن شادد التليفون من علي وقفل الspeakerوهوا بيقول':اسمع يلا تبقي تجيب اسمها تاني علي لسانك انت سامع مش انت اللي تيجي تنادي علي مراتي بإسمها سمعت الكلمه دي كويس م ر ا ت ي..مرات الرائد ماذن السنوسي فإبقي قربلها ونا اعرفك قيمتك وبدل ما ماكانوا يومين حجز هيبقوا سنتين!!
-'وقفل ماذن الخط وادا التليفون لعلي بعصبيه وقبضه ايده بقت بيضه جدا علي الدريكسيون وعضلات رقبته ظهرت وجسمه كله اتشنج وعينه بدل ما كانت بني اتحولت لاسود..محدش قدر يتكلم نص كلمه ومعتش فيه صوت في العربيه غير صوت تنفس ماذن المتعصب جدا والسريع وتنفس علي الهادئ نوعا ما واللي بيسأل اي اللي غير عادل كدا وفجأه طلب ايد اخته..وصوت تنفس صابرينا الخافت اللي تاني مرة تشوف ماذن كدا ورغم كدا لسه خايفه..اما رزان اللي كانت بتدعك ايدها الاتنين ببعض من كتر الخوف والتوتر..وكملوا الطريق في حاله السكون المريبه دي'#
🚸..🚸..🚸..🚸..🚸..🚸..🚸..🚸..🚸..🚸..🚸
*في مكان تاني خالص في القاهره*
-'اتقفل في وشه السكه منه من اللي بيحقد عليه وبيكرهه طول الوقت..اتعصب ورما التليفون علي الارض وهوا بيقول':مش هسكتلك والله ما هسكتلك ي سياده الرائد ووريني بقي هتعمل اي لما اخدها منك وقدام عينك'#*
🚸..🚸..🚸..🚸..🚸..🚸..🚸..🚸..🚸..🚸..🚸
*نرجع تالت مره للباص*
-قاعده سانده راسها علي الشباب سرحانه في قدرها اللي زرع في قلبها حب لواحد مينفعهاش بأي طريقه كانت وكمان قدره اللي زرع في قلبه حب مينتميش ليه بأي صله كانت وفجأه قطع سرحانها حد قعد قدامها وبيقول:قاعده لوحدك لي!!؟
-شذي:الهوا حلو من الشباك سرحت معاه..
-محمود:حلو عشان انتي اللي قاعده قدامه بس مش اكتر..
-'نزلت شذي راسها بكسوف وابتسم محمود اللي كسوفها اللي بيحبه جدا فيها لحد ما اتحط علي كتفه كف بكل غضب وبيقول':اي اللي مقعدك هنا!!؟
-'وعلي اثر الصوت دا رفعت شذي وشها للي واقف قدامها وللحظات خافت من ملامحه اللي لا تنم علي خير ابدا فقال محمود':في اي ي يوسف قاعد مع شذي..
-يوسف بهدوء ما يسبق العاصفه:طب قوم..
-'قام محمود بإستغراب شديد من دا شخص راسم علامه الصليب عند شرايينه وطريقه تعامله..ومسافه ما بعد محمود بص يوسف لشذي وهوا بيقول':هوا انا قولت اي!؟
-شذي ببرود حاولت اظهاره ببراعه:قولت اي!؟
-قعد يوسف قدامها وهوا بيمسك ايدها بقوه وعصبية وكإنه بيطلع فيها كل غيرته ووجعه:قولت مفيش كلام مع ولاد تاني مين من كانوا ولا لا!؟
-شذي بوجع:اااه يوسف انت بتوجعنيي!!
-يوسف وخفف ايده شويه لما حس انها هتعيط وهوا بيقول:متغيريش الموضوع اي الللي جاب محمود يتكلم معاكي؟!!!!
-شذي:هوا اللي جه فجأه انا كنت قاعده لوحدى..
-'شال يوسف ايده من علي ايد شذي وهوا بيقول':بعد كدا لو جالك تقومي وتسبيه من غير ولا كلمه وتيجي تقولي ماشي!؟
-شذي:ماشي ماشي امشي بقي قبل ما شروق تاخد بالها..
-يوسف ببرود:ما تاخد بالها واحد وبيكلم مراته المستقبليه اي اللي حشرها!؟
-شذي:يوسف انا مش ناقصه كلامك دا دلوقتي ويلا امشي...
-يوسف وهوا بيقوم:انا همشي المرة دي لكن مش همشي المرة التانيه انا قولت وخلاص#
-'ومشي يوسف وهوا سايب شذي مش عارفه تفكر في حل لدي مشكله ملهاش حلول'__💔__
🚸..🚸..🚸..🚸..🚸..🚸..🚸..🚸..🚸..🚸..🚸
-"وبكداpart8من روايه 'تعرفنا قديما')🚸من سلسله:توارث عشق#👪خلص"..
*توقعاتكوا عن اللي هيحصل ورايكوا في الاحداث واتمني تفاعلكوا*!
_By:'basmala yasser')💞