*في بيت وليد عبدالنظير*
-عليا:يلا ي شروق بقي عايزه اروح الكوافير معاكي..
-شروق:حاضر ي بنتي انا نازله من البيت اهه..
-'وقفلت عليا مع شروق وراحت وقفت قدام ميرال وهيا بتقول':ونتي مش هتيجي معايا!؟
-ميرال بقله حيله:مروان مش راضي..
-عليا بضيق:لي يعني..هاتي ونا اكلمه..
-'مدت ميرال التليفون اللي كان علي ودنها لعليا..فخدته عليا وكلمت مروان عشان تحاول تقنعه':الو..مروان ازيك!!
-مروان:ازيك ي عليا!؟الف مبروك..
-عليا:الحمد لله..الله يبارك فيك..
-مروان:من قبل ما تتكلمي ي عليا ميرال مش هتروح الكوافير..
-عليا:لي بس ي مروان انا اختها وعايزاها تيجي معايا انا وشروق صحبتي..
-مروان:لا معلش انا مش عايزها تدخل كوافيرات وتلبس فيها تلبس في بيتها احسن..
-عليا:طب اقولك تلبس هنا في البيت وتيجيلي قبل ما عبدالله ييجي بساعتين كدا تكون معايا ونت اللي تجبها ماشي..
-'سكت مروان بتفكير مش عارف يرد يقول اي..لو رفض هتزعل ميرال منه جامد رغم انها محاولتش معاه كتير..ولو وافق هيتغصب هوا عشان اكيد الكوافير هيكون فيه راجل علي الاقل'..
-عليا:لو سمحت ي مروان انا عيزاها تكون معايا..
-مروان:الكوافير هيكون فيه رجاله!؟
-عليا بيأس:وهوا الاستاذ عبدالله كان هيرضي يوديني لو كدا..
-مروان:عنده حق طبعا..
-عليا:طبعا ما انتوا كلكم زي بعض__
-ميرال من جنب عليا:ما تخلص انت وهيا مجبلكوش اتنين ليمون بالمرة..
-مروان بضحك لعليا:اديني الشرشوحه اللي جنبك دي..
-'وادت عليا بضحك التليفون لميرال اللي واقفه بضيق واضح واول اما تاخد التليفون تقول':هتقفل ولا اقفل انا!؟
-مروان:يعني مش عايزه تروحي الكوافير؟؟
-ميرال:ولا انت تقفل ولا انا اقفل قول هروح ازاي!!
-مروان بضحك علي استسلامها:زي ما سمعتي عليا..
-ميرال:يعني برده هلبس هنا!!
-مروان:ميرال لو مش عايزه بلاها كلها انا اصلا مش موافق علي انك تدخلي الكوافير من الاساس بس عشان انتي متزعليش وتكوني مع اختك..
-ميرال:شاكرين افضالك ي عم القبطان..
-'واتفق مروان مع ميرال علي كل حاجه وبعد كدا قفل معاها..وف نفس الوقت جت شروق وخدتها عليا وعامر وصلهم علي الكوافير'__
🚸..🚸..🚸..🚸..🚸..🚸..🚸..🚸..🚸..🚸..🚸
*في جروب ع الواتس*
-ميرال:ي بنات انا هنزل كمان شويه الكوافير بعد عليا مروان هيوديني..__
-رؤي:تمم انا هروح ع القاعه مع رائد..
-روفان:انا هروح لميرال علي الكوافير مع عبدالله..
-رزان:هشوف لو علي جاي او مش جاي وفي الحالتين هروح ع القاعه__
🚸..🚸..🚸..🚸..🚸..🚸..🚸..🚸..🚸..🚸..🚸
*في بيت محمد الصادق*
-محمد:عبدالله انت هتروح تجيب عليا من الكوافير امتي!؟
-عبدالله:علي بعد العشا كدا..
-ساره:طيب انا وابوك وفدوي وروفان هنسبقك علي القاعه عشان نستقبل المعازيم..
-روفان:لا انا هروح مع عبدالله..
-محمد:وهتركبي مع مين وانتوا رايحين علي القاعه!؟
-عبدالله ببساطه:ريان__
-ساره بصدمه:وهوا اي دخله الولا دا احنا مش قطعنا علاقتنا بيه!!
-محمد لعبدالله بصرامه:عبدالله ورايا علي الاوضه..
-'راح عبدالله ورا باباه بعد ما طمن روفان بنظره اللي كانت قاعده بتوجس وخوف'__
🚸..🚸
*في اوضه محمد وساره*
-محمد:انت بقيت مستهتر كدا لي مع اختك!؟
-عبدالله:لي اي اللي حصل!؟
-محمد:عبدالله بلاش الشغل دا عليا انا ابوك وعارفك__
-عبدالله:ايوة يعني اي اللي حصل لكل دا ي بابا!؟
-محمد:مش ريان دا هوا اللي خطف اختك..ها!!؟
-عبدالله:ي بابا انت عارف ان ريان وروفان بيحبوا بعض فلي كل دا بقي!؟
-محمد:عشان احنا مش واثقين فيه ولا في كلامه..
-عبدالله بدون قصد:ي بابا ريان عمل كتير عشان يرضي روفان بعد ما فشكل خطوبتها من زيد..
-محمد بصدمه:اي!!فشكل خطوبتها من زيد!!انت واعي للي بتقوله!!يعني ريان هوا السبب في فشكله خطوبه روفان!!؟
-عبدالله:استني ي بابا ونا هحكيلك انا عارف كل حاجه..بس بلاش ماما تعرف عشان متقفش ضد ريان اكتر من كدا!!
-محمد:اتفضل احكي ي استاذ ي محترم..
-'وبدء عبدالله يحكي من لما كان بيكلم عليا ع التليفون يوم خطوبه زيد وروفان بعد ما روفان نزلت لرزان المستشفي'___
*Flash back*
-'كان عبدالله بيكلم عليا وبيشكلها تعبه من كل اللي حصل واول اما قفل معاها لقي مروان بيرن عليه وبيقوله خبر صعقه':عبدالله..ريان خطف روفان__
-'ساعتها نزل عبدالله يجري بالعربيه للمستشفي لمروان ورائد وحاولوا كلهم يوصلوا لريان..وماذن ساعدهم ببرود وهوا جنب رزان بإنه اتواصل مع شركه اتصالات وخلا واحد منها يتتبع رقم ريان او روفان..وف الوقت دا جت مكالمه لعبدالله من زيد بيطلب منه انهم يتقابلوا انهارده ودلوقتي..
وبسرعه وخوف كان عبدالله قاعد مع زيد في كافيتريا المستشفي__
-زيد:عبدالله هيا فين روفان!؟
-عبدالله بتوتر:روفان!!
-زيد:اه__
-عبدالله:يعني الصراحه ي زيد..روفان..
-زيد بمقاطعة وهوا بيطلع تليفونه:اقولك انا روفان فين!؟
-'ومد زيد تليفونه لعبدالله اللي خده بإستغراب شديد وبدء يقرء الرسالة اللي زيد فاتح عليها..وبعد ما خلصها كان مصدوم مش عارف يتكلم لحد ما قال زيد':كان ممكن ترفضني ببساطه لكن اللي حصل اهاني..لما اختك المصون ترجع من هروبها مع حبيبها قولها ان خطوبتنا انا فشكلتها وان هيا كمان متلزمنيش..
-'ومشي زيد من قدام عبدالله المصدوم من غير ولا كلمه تانيه'____
*End flash back*
-محمد:يعني اختك اتهانت قدامك بسبب البني ادم دا ونت لسه مصدقه!!
-عبدالله:اسمعني للاخر بس ي بابا__
-'وراح عبدالله يكمل لمحمد ازاي عرف من روفان اللي حصل بالضبط'__
*Flash back*
-'بعد ما رجعت روفان تاني يوم الصبح خدها عبدالله علي اوضتها لواحدها بالعافيه بسبب ساره ومحمد اللي مش راضيين يسبوها'..
-عبدالله:اي الرساله اللي اتبعتت لزيد دي!!؟
-روفان:ريان اللي بعتهاله عشان يفشكل الخطوبه_
-عبدالله:عملك حاجه هناك!؟
-'هزت روفان راسها بمعني لا فقال عبدالله':عايز اسمع اللي حصل منك__
-روفان:هحكيلك..
أنت تقرأ
تعرفنا قديما')🚸
عاطفية-من لما بتتخلق علي وش الارض..وبتبدء علاقاتك بالحياه وباللي حواليك تتفتح..ساعتها بس بتبدء معاها المشاعر..ايا كانت المشاعر دي..بحلوها ومرها..من مشاعر الطفوله لمشاعر المراهقه لمشاعر الشباب لمشاعر الامومه والابوه لمشاعر الجد والجده..كلها مشاعر بتواجهك ل...
