تعرفنا قديما')🚸

-part9🚸

-'عدوا ال6ساعات علي البعض بشرود وحزن وعلي البعض التاني ببهجه وفرحه وكلام مش بيخلص..ووصلوا ال4عربيات والباصين قدام بوابه الجامعه والكل بدء يتفكك وكل واحد يمشي في طريقه ونزل الكل من العربيات وكل واحد خد الناس اللي تخصه ومشي بيها'..
-'محمد وجني وعامر وبيانسيه ومجد وشذي وشروق واصحاب صابرينا كلهم نزلوا من الباص..
راح عامر مع عليا وميرال لعربيتهم وخد بيانسيه ومجد معاه عشان يوصلهم..
شذي وشروق سلموا علي عليا ومشيوا بعد سلام العيون بين شذي ويوسف..
عبدالله خد روفان وركبوا عربيتهم ومشيوا..
مروان خد جني ومشي..
محمد راح ركب مع رائد ورؤي وسيف ومشوا..
رنا رجعت لريان وخدها ومشي..
ماسي راحت تسأل صابرينا اذا كانت هتمشي معاهم ولالا لكن علي قالها انو هيوصلها..
اما عربيه ماذن فمنزلش منها حد ولا زاد عليها حد وبعد ما اتأكد ان الكل رجع لعربيته مشي برزان وعلي وصابرينا'..
*وفعلا كانت الرحله مصدر بدايه لتعارف وتكمله لتعارف زي ما كانت برده نهايه لتعارف*:(
-'الكل وصل علي بيته وكانت الساعه12الضهر تقريبا وناموا لتاني يوم طبعا وصحي كل واحد علي المعاد اللي عنده بإختلاف الواجهه'....
-'اتجمعوا البنات زي كل مره في مكان التجمع وراحوا مع بعض وانتهي اليوم بسرعه رهيبه علي غير العاده يمكن بسبب شرود وحزن المعظم'#
🚸..🚸..🚸..🚸..🚸..🚸..🚸..🚸..🚸..🚸..🚸
*في بيت وليد عبدالنظير*
-عامر:ي حج وليد..
-وليد:نعم ي ابن الحج وليد!؟
-عامر بضحك:والله وهتخلص مننا كلنا مره واحده ي حج وليد وهتنفرد بعبعب!!
-وليد:في اي يلا..
-عبير:ما تنجز ي اوزعه ي صغير!!
-عامر:بالله عليكي ي ماما بلاش الكلمتين دول بالذات قدام العروسه!!
-وليد:عروسه!!؟؟
-عامر:لا ومش كدا وبس والعريسين كمان بتوع بناتك مش ناقص فضايح#
-عبير:عريسين ولبناتي!؟
-وليد:دا ايى ماسوره الافراح اللي انفتحت فجاه دي!!
-عامر بجديه:بص ي بابا..عارف عبدالله محمد الصادق اخو روفان صاحبه ميرال!؟
-وليد:طبعا عارفه يعني دا جارنا واخو صحبت اختك دا+انه معروف بنجاحه في شغله وشركته..
-عامر:تمام اوي..عبدالله بقي متقدم لعليا وعايز معاد عشان ييجي يتقدم رسمي..
-وليد:اممم واختك رايها اي!؟
-عامر بضحك:ما المشكله ان عبدالله متقدملها هيا الاول وهما الاتنين بيحبوا بعض ولما وافقت بقي جه قالي اقولك واخد معاد رسمي لقرايه الفاتحه..
-وليد:وانتي رايك اي ي عبير!؟
-عبير:لو انت موافق وعليا موافقه خلاص انا كمان موافقه واللي نعرفه احسن من اللي منعرفوش..
-وليد:تمم قوله بكرة بعد صلاه المغرب كويس..
-عامر:تمم..'وراح عامر في وقتها بعت رساله لعبدالله وقاله وقفل تليفونه وقال':الموضوع التاني بقي..عارف طبعا القبطان وقائد البحريه مروان احمد السوهاجي!؟
-وليد:برده كان جارنا وابوه صاحبي وكمان مشاكله هوا وميرال وهما صغيرين يعني اكيد فاكره!!
-عامر:مروان بقي متقدم لميرال!!
-عبير:انا بقي مش موافقه علي دا!؟
-عامر:لي بس ي حاجه!؟
-عبير:من صغره وهوا بتاع مشاكل!!
-وليد:بس انا رايي غيرك ي عبير..يعني من صغرهم وهما ميالين لبعض والولا كبر ولسه متمسك بالبت نيجي دلوقتي ونقول لا!!
-عبير:انت شايف كدا ي وليد!؟
-وليد:كدا جدا..
-عبير:تمم انا موافقه!!
-عامر:طبعا دي مش هتسألني عن رايها!!
-وليد بضحك:لا دي انا متأكد متقلقش..المهم قول لمروان يجي بكرة بعد صلاه العشا..
-عامر:تمم..'وراح عامر بعت رساله لمروان قاله وقفل تليفونه وقال':الموضوع التالت بقي..انا بقي عايز اتجوز..
-وليد:التلاته مرة واحده!!
-عامر:فرج ربنا بقي..
-عبير بفرحه:مين دي ي عمور!؟
-عامر:اسمها بيانسيه عارف ف كليه العلوم وعندها19سنه واخوها الكبير مجد عارف دكتور اسنان معروف وباباها عارف الدمنهوري تاجر كبير اوي!!
-وليد:طيب انت اتقدمتلهم!؟
-عامر:كلمت مجد واحنا ف الرحله ماهوا كان طالع مرافق ليها وخد معاد من والده وبيقولي الاتنين بعد العصر..
-وليد:تمم ونا موافق..
-عبير:ونا كمان موافقه..
-'وقام عامر وقف وبيمسك تليفونه وهوا بيقول':لا دي مينفعلهاش رساله دي عايزه يوم كامل..
-'ومشي عامر وسط ضحك وليد وعبير..وطبعا مش هنغفل عن اللي واقفين ورا باب اوضتهم بالضبط بيسمعوا اي اللي بيحصل واللي مع انتهاء الكلام وموافقه ابوها وامها..كل واحده مسكت تليفونها قالت لاصحابها وسهرت بقي مع حبيب القلب':)👫
🚸..🚸..🚸..🚸..🚸..🚸..🚸..🚸..🚸..🚸..🚸
*في بيت محمد الصادق*
-'كانت روفان سرحانه ف اللي حصل معاها ف الرحله لحد ما جلها رساله علي فونها ولما فتحت لقتها رساله من الجروب بتاعها هيا واصحابها وكانت من ميرال وانبسطت اوي منها وباركت لميرال وف نفس الوقت لقت دوشه برا اوضتها سابت الفون وطلعت تشوف ف اي'..
-'ولما خرجت لقت ساره مامتها بتزغرط وفدوي اختها الصغيره شبه بترقص وباباها بيضحك..وبسرعه فهمت ان اخوها اتقدم لحبيبته عليا واهلها وافقوا ولما وصلتلهم قالت ساره':الف مبروك ي روفي ي حبيبتي..
-'استغربت روفان جدا لي مامتها بتباركلها هيا فقالت':هيا مش عليا وافقت علي عبدالله!؟
-عبدالله:اه ي حبيبي وهنروح نتقدم رسمي بكرة بعد المغرب..لكن في خبر حلو عشانك كمان!؟
-روفان:خير!!
-عبدالله:عارفه كريم صاحبي اللي كان مسافر اليونان من فتره لشغل!؟
-روفان بتوجس:اه ليه!؟
-ساره:اتقدملك وجاي رسمي يوم الاتنين بعد المغرب!!
-'وبدون مقدمات كانت روفان قعدت علي الكرسي اللي وراها بهبده من خضتها فقال احمد':مالك ي روفان في اي!؟
-روفان وهيا بتكتم دموعها:لا ابدا ي بابا دخت شويه بس..عمتا انا موافقه اقعد مع كريم بس موعدكوش اني اقبل غير لما اقعد معاه..
-احمد:طبعا ي حبيبتي!!
-عبدالله:متقلقيش ي روفان محدش هيقدر يتدخل في قرارك!!
-ساره:ومتوافقيش عليه لي هوا كريم يعيبه اي!!؟
-احمد:بس ي ساره..ادخلي ي روفان ي حبيبتي كملي اللي كنتي بتعمليه..
-'هزت روفان راسها ودخلت علي اوضتها ودموعها بتسبقها..دخلت واول ما دخلت اتصلت علي اصحابها بمكالمه فيديو جماعيه'..
-رزان:مالك ي روفان في اي!؟
-رؤي:اما مبستريحش لمكالمات الفيديو الجماعيه دي..
-ميرال:فعلا شكلك متغير ي روفي في اي!؟
-روفان:كريم صاحب عبدالله اخويا اتقدملي وجاي يوم الاتنين عشان يتقدم رسمي__
-رزان:اوبس..
-رؤي:ونتي قولتي اي ي روفان!؟
-روفان:قولتلهم هقعد اشوفه وبعد كدا هقرر..
-ميرال:احسن رد..
-روفان:طب وبعد ما اشوفه!؟
-رزان:بصي ي روفي كلنا عارفين اللي فيها كويس بس اقولك علي حاجه قابلي كريم يوم الاتنين عادي وفكري ساعتها عادي جدا ولو لقيتي في قبول من ناحيته وافقي واللي عايزه ربنا هيكون..
-ميرال:اتفق جدا..
-رؤي:ونا كمان مع كلام رزان..
-روفان:انتوا شايفين كدا..
-رزان:الصراحه اه!
-روفان بتأكيد:خلاص هعمل كدا واللي عايزه ربنا هيكون..
-رؤي:ومتقلقيش ان شاء الله خير..
-رزان:بإذن الله..
-روفان:صحيح عرفتوا لن عبدالله رايح يتقدم لعليا بكرة..
-ميرال:انا عرفت وانبسطت اوي!!
-رؤي:انا مكنتش اعرف غير علي مروان وميرال..
-رزان:ونا كمان!
-ميرال:اصل عبدالله جاي لعليا بكرة بعد المغرب لكن مروان جايلي بعد العشا..
-روفان:ربما يتمملهم ويتمملك ي مرمر علي خير..
-ميرال:يارب ي روفي!
-رؤي:انا هقفل ي بنات بابا بينادي عليا..
-رزان:ونا كمان هروح اشوف علي..
*وقفلوا رؤي ورزان وفضلوا ميرال وروفان يتكلموا هيعملوا اي بكرة لما يتقابلوا لان نص اليوم هيكونوا مع بعض وبعد فتره كبيره من الكلام قفلوا*
🚸..🚸..🚸..🚸..🚸..🚸..🚸..🚸..🚸..🚸..🚸
*في بيت احمد السوهاجي*
-مروان:بابا لو سمحت عايزك ي موضوع!!
-احمد:تعال ي حبيبي عايز اي!؟
-مروان:انا عايز اتجوز ميرال..
-كوثر:انا كنت عارفه انك بتحبها بجد!#
-احمد:انا موافق ومعنديش مشكله طالما بتحبها وبتحبك وكمان احنا واهلها جيران من زمان فأكيد مش هرفض#
-كوثر:ونا كمان موافقه!!
-مروان:تمم انا كنت كلمت عامر في الرحله ياخدلي معاد من عم وليد وهوا قاله ييجي بكرة بعد صلاه العشا!!
-احمد:تمم اوي ي مروان ي ابني بكرة ان شاء الله في نفس المعاد نكون عندهم..
-مروان:ان شاء الله#
🚸..🚸..🚸..🚸..🚸..🚸..🚸..🚸..🚸..🚸..🚸
*في بيت ماجد السندوبي*
-ماجد:رؤي ي رؤي..
-رؤي وهيا طالعه من اوضتها:نعم ي بابا..
-احمد:تعالي ي بنتي اقولك..
-'قربت رؤي من ماجد وهاجر ومحمد وقعدت قدامهم وهيا بتقول':في اي!؟
-ماجد:متقدملك عريس ي رؤي..
-رؤي:اييي عريس مش موافقه طبعا!!
-ماجد:مش لما تعرفي مين الاول!؟
-رؤي:ودا مين بقي عريس الغفله دا!!
-هاجر بضحك علي بنتها واللي متأكده انها هتوافق اول اما تسمع الاسم:رائد..
-رؤي بدهشة:رائد رائد مين!؟
-ماجد:رائد المنشاوي جارنا اللي قدمنا ي بت..
-رؤي بكسوف:اااه طب ي بابا اديلوا المعاد المناسب دا جارنا يعني!!
-ماجد:جارنا برده ي بنت السندوبي!!؟
-رؤي:اه اه طبعا ي بابتي بص قوله الاتنين باليل خالص كويس اوي..
-'وجريت رؤي علي اوضتها بسرعه وكسوفها سبقها واداري تحت السرير كمان'..
-هاجر لماجد:شوفت مش قولتلك!!
-ماجد لمحمد:قوله ي محمد بكرة بعد المغرب ي ابني..
-'واتحرك محمد ورن علي رائد يقوله واللي الفرحه مكنتش سيعاه'..
-'اما محمد فبعد يوم واحد بس من بعدها معتش طايق حياته وعلي طول سرحان فقرر انو هيرن عليها طالما معاه رقمها'..
*رن..رن..رن..وترد جني مع الجرس الرابع*
-'فتحت جني الخط وهيا بتنهج وبتقول':ازيك ي عجوز عامل اي!؟
-محمد بتساؤل:مالك ي جني بتنهجي كدا لي!؟
-ضحكت جني جامد وهيا بتقول:كنت انا وياسين وجميله وجنه بنجري ورا بعض ونلعب!!
-محمد بضيق:لي مش وراكي مذاكره!؟
-جني:محنا بنذاكر مع بعض برده..
-محمد:وياسين!؟
-جني:ماله!؟
-محمد:بيذاكر معاكوا!؟
-جني:ازاي يعني وهوا مش ادنا!؟
-محمد:طب المهم انتي عامله اي!؟
-جني:الحمدلله ي عجوز وانت!؟
-محمد:كويس جدا ي انستي..
-جني:يارب دايما#
-محمد بحب:ليا وليكي~~
-'وفجأه ارتفع صوت جني وهيا بتقول لغير محمد':ياسييين متلزقش جنب جنه عمتو هتيجي..
-'ضحك محمد لا اراديا فقالت جني ليه':بتضحك علي اي ي عجوز!؟
-محمد:علي كلامك ي انستي..
-جني:محمد انا هقفل ياسين مش سايب جنه وعمتو اكيد هتنزل دلوقتي..
-'ومن غير ولا كلمه زياده كانت جني قافله الخط حتي ملحقش محمد يتصدم وف نفس الوقت يتبسط انها نادته بإسمه..كان ليه احساس تاني منها..وكإنه اول مرة يسمع اسمه علي الاطلاق'___🚸___
🚸..🚸..🚸..🚸..🚸..🚸..🚸..🚸..🚸..🚸..🚸
*في بيت عارف الدمنهوري*
-مجد:بوسي..عامر جاي بعد بكرة يتقدملك رسمي بعد العصر..
-بيانسيه بفزعه:اي بتقول مين!؟
-مجد:عامر ي بيانسيه في اي!؟
-بيانسيه:جاي امتي قوليى كدا تاني!!!؟
-'وقبل ما تلاقي رد مجد كان تليفونها بيرن بنغمه مخصصه اوي فجرت عليه وبسرعه كانت فاتحه الخط ومطلعه مجد برا اوضتها وقافله في وشه الباب وبالمفتاح كمان'#
-مجد بصدمه ودهشه:ي بنت المجانيين..
-عارف:مجددددد!!
-مجد:خلاص ي حج..
🚸..🚸..🚸..🚸..🚸..🚸..🚸..🚸..🚸..🚸..🚸
*في بيت ظهران*
-علي:الو ي صابو خدتيلي معاد من باباكي!؟
-صابرينا:انا قولتله ان في عريس جايلي بس ي علي لا اكتر ولا اقل..
-علي:تمم والمعاد امتي!؟
-صابرينا:قالولي التلات..
-علي:التلات امتي بالضبط!؟
-صابرينا:علي8يعني قبل العشا بشويه عندكوا ي علي صح!!
-علي بإبتسامه حب رغم انها مش قدامه:صح ي روح علي!!
-'وقفل علي مع صابرينا بعد شويه كلام ولقي رزان جايه عليه وهيا بتقول':امتي ي عريس!؟
-علي:يوم التلات قبل العشا..
-رزان وهيا بتحضن علي:الف الف مبروك ي روحي!!
-علي وهوا بيحضن تؤامهه:الله يبارك فيكي ي روز لكن دا لسه مشوار كبيييييييييير اووي....
-رزان:هتتخطوه سوا ي علي طالما بتحبوا بعض..
-علي:ان شاء الله..
-رزان:انا بقي بكرة مش هنروح الجامعه وهنروح عند ميرال مع روفان ورؤي عشان مروان اتقدملها ولازم نكون معاها وكدا..والاتنين كمان مش هنروح كلنا وهنروح عند روفان عشان متقدملها عريس برده والتلات كمان مش هروح وهاجي معاك..
-'وقبل ما تخلص كلام كان وصلها مسدج من الجروب بتاعهم وكانت من رؤي وبتقول ان رائد اتقدملها وجاي يوم الاتنين باليل خالص فقالت رزان':وادي كمان رؤي رائد اتقدملها وهنطلع من عند روفان يوم الاتنين عليها..
-'ضحك علي جامد وهوا بيقول': اي كميه الافراح والعرسان اللي جت مرة واحده دي!؟؟
-ضحكت رزان هيا كمان وقالت:الرحله ي علول وسحرها..
-'وكانت فعلا رزان عندها حق'#
🚸..🚸..🚸..🚸..🚸..🚸..🚸..🚸..🚸..🚸..🚸
*في بيت المنشاوي*
-رائد:ي حجه زينب..
-زينب:نعم ي حبيبي..
-رائد بفرحه:هنروح نتقدم لرؤي يوم الاتنين الاتنين ي حجه#
-'وبدون مقدمات اشتغلت زينب في زغروطه من بتوع الستات المصريه الاصيله لدرجه ان سيف نزل عليها من اوضته وهوا بيقول بخضه وضحك':اي في اي انا حامل!!؟
-زينب:يوه جتك اي ي واد قطعتلي زغروطه الفرحه!!
-سيف:وهوا انتي كنتي لسه هتكملي!؟
-رائد:المهم ي سيف هنروح نتقدم لرؤي يوم الاتنين بعد المغرب..
-سيف:اه ونروح نتقدم لرنا يوم التلات ع طول بقي بدون تضيع وقت..
-زينب:رنا مين دي ي واد!؟
-سيف:البت اللي حبتها ي امي اخت ريان عمران صاحب رائد..
-زينب بعياط فرحه:فرحتوني انتوا الاتنين سوا ي عيال فرحتوني اوي..
-'قعد سيف ورائد كل واحد جنب زينب وهما بيبوسوا ايدها وبيقول رائد':لي العياط دلوقتي ي امي!؟
-زينب:عياط الفرحه ي ولا..
-سيف بمشاكسه:وبتعرفي منين ي ام رائد بيكون مش متعلق فيه لمض الافراح ولا مشغل اغاني!؟
-رائد:يخربيت زرافتك ي اخي..
-سيف:المهم بقي هنروح لريان يوم التلات بعد المغرب برده!!
-رائد:هكلمه واقوله..
🚸..🚸..🚸..🚸..🚸..🚸..🚸..🚸..🚸..🚸..🚸
*في بيت عمران*
*كان قاعد ريان بيفكر في اللي حصل في الرحله وقطع تفكيره تليفونه اللي رن وكان*رائد**..
-ريان:البشمهندس رائد مرة واحده بيتصل ازيك ي سلف اختي عامل اي!!؟
-رائد:لا دنا كدا اطمن اللي قاعد قدامي بقي..
-'ضحك ريان جامد علي كلام رائد لحد ما قال رائد':دا مش سايبني عايز يجي يتقدم رسمي يوم التلات..
-ريان:انت تشرف في اي وقت ي عم..
-رائد:خلاص تمم يبقي معادنا يوم التلات بعد المغرب..
-ريان:تمم جدا..
-'وقفل ريان مع رائد وطلع عشان يقول لاخته ومامته وكان معدي من جنب اوضه اخته وسمعها بتتكلم في التليفون وبتقول بشبه صدمه':روفان..روفان محمد الصادق!!انتي متأكده ي لوچي!؟
-لوچي:اه ي بنتي يعني هتكون عروسه اخويا ونا هنسي اسمها مثلا!!؟
-'رنا لما شافت ريان واقف قدامها:طيب معلش ي لوچي هقفل بس دلوقتي وهرجع اكلمك تاني!!
-'وقفلت رنا مع لوچي صاحبتها وهيا بتبص لريان اللي بيبصلها بتساؤل لحد ما قال':كنتي بتكلمي مين ي رنا وملها روفان!؟
-رنا:اصل روفان اتقدملها عريس كريم اخو لوچي صحبتي وصاحب عبدالله اخو روفان..وكمان روفان قبلت انها تشوفه وتقعد معاه__
-'انصدم اندهش نار لبست فيه جسمه اتيبث مكانه عضلاته اتشنجت..كل دي حاجات حصلت لريان وهوا واقف لمجرد سماع الخبر..هوا مهتمش لاعترافها طب لي حصله كدا..هوا واخدها كصديقه طب لي خس ان في نار مشتعله في جسمه ودمه دلوقتي'..
-خبي كل المشاعر دا جواه وببراعه اظهر بس برود وهوا بيقول وبيجوه كلامه لامه اللي دخلت عليهم ورنا اللي قاعده':سيف اخو رائد صحبي جاي يتقدملك يوم التلات بعد المغرب..
-'وخرج من غير كلمه زياده ومشي من الشقه خالص ومن المنطقه كلها بالعربيه..بصت هناء لبنتها بٱستغراب من تصرفه..فحكتلها رنا اللي قالتهوله فقالت هناء بزعل علي ابنها':انا قولتله هيضيعها من ايده..ربنا يساعدك ي ريان ي ابني وتفوق من دلوقتي..
🚸..🚸..🚸..🚸..🚸..🚸..🚸..🚸..🚸..🚸..🚸
-'مشي ريان بالعربيه بسرعه وراح مكان الجيم بتاعه وبدء يكسر في كل حاجه يلاقيها قدامه بعصبيه مفرطه ولما لقي الاوضه انتهت ومعتش فيها حاجه خد نفسه بسرعه وهوا بيقول وبينهج':تبقي توريني هتتجوزه ازاي!!؟
🚸..🚸..🚸..🚸..🚸..🚸..🚸..🚸..🚸..🚸..🚸
*في بيت تاني خالص متكلمناش عنه قبل كدا*
-'كان بيت شذي وشروق ومامتهم لان باباهم متوفي'..
-شروق:شذي عليا صحبتي جيلها عريس بكرة وهروحلها عشان اكون معاها..تيجي معايا!؟
-'كانت شذي سرحانه كالعاده ومسمعتش شروق فوقفت شروق قدمها وحركت ايدها وهيا بتقول':شذيييي انتي معايا..
-شذي:اي اه معاكي في اي!؟
-شروق:واضح انك معايا..كنت بقول ي ستي ان عليا اتقدملها عبدالله اخو روفان صاحبه ميرال اخت عليا ورايح بكرة يتقدم رسمي فأنا هروح عشان لازم اكون معاها فتيجي معايا!؟
-شذي:لالا روحي انتي..
-'هزت شروق راسها بهدوء وراحت قالت ل*شيرين*مامتها ووافقت'#
🚸..🚸..🚸..🚸..🚸..🚸..🚸..🚸..🚸..🚸..🚸
*في مركز الشرطه*
-'كان قاعد ماذن في مكتبه بيشتغل..وفجاه مسك تليفونه ورن علي رزان وجاله ردها بسرعه فقال بضحك':دنتي مستنيه تليفوني بقي!!؟
-رزان بضحك:كنت بكلم روفان ورؤي وميرال علي الواتس والله فكنت كدا كدا مسكاه..
-ماذن:سيبك من كل دا انتي وحشتيني..
-ابتسمت رزان بكسوف ورغم انه مش قدمها لكن حس بكسوفها فقال:هوا مش البيت جنب البيت انا هاجي بكرة اخطبك مينفعش كدا..
-رزان بضحك:مغلطش علي لما قال اي كميه الافراح والعرسان اللي جم فجأه دول!!؟
-ماذن:اااه قصدك علي مروان ورائد!!
-رزان:اه بس عرفت منين دا في غيرهم كمان كتيير..
-ماذن:قالولي ع التليفون بس في مين غيرهم!!؟
-رزان:بص ي ماذون...
-'وقاطعها ماذن وهوا بيقول':ماذون!!؟
-رزان:ماتقطعنيش ي سياده الرائد..
-ماذن:هوا بقي في سياده الرائد بعد اللي قولتيه..المهم كملي ي حرم سياده الرائد..
-'ورغم كسوف رزان الا انها بدءت تحكي برحابه صدر وبدء ماذن يسمعلها بإنبساط من نبره صوتها وهيا بتتكلم':بص ي ماذون عبدالله اخو روفان اتقدم لعليا اخت ميرال ورايح يتقدملها بكرة بعد المغرب..
وزي ما انت عارف ان مروان اتقدم لميرال وهيروح برده بكرة بس بعد العشا..
وكمان رائد اتقدم لرؤي ورايح يوم الاتنين باليل خالص..
وسيف اخو رائد اتقدم لرنا اخت ريان ورايح يوم التلات بعد المغرب..
وروفان اتقدملها كريم صاحب عبدالله اخوها واخو لوچي صاحبه رنا اخت ريان ورايح يوم الاتنين بعد المغرب..
وعامر اخو ميرال اتقدم لبيانسيه ورايح يوم الاتنين بعد العصر..
وعلي بقي رايح لصابرينا يوم التلات قبل العشاء..
وو.....
-ماذن:ونا هجيلك الجمعه ي كل حياتي..
-رزان:تنور ي ماذون..المهم بقي في كل دا اني مش هروح الجامعه لا الحد ولا الاتنين ولا التلات..
-ماذن:لي كل دا وبعدين هتذاكري كل دا ازاي!؟
-رزان:متقلقش ي ماذن بعرف اعوضهم..وكمان مش انا لوحدي اللي مش هروح يبقي معايا ميرال وروفان ورؤي كمان..
-ماذن:اكيد في حاجه من كل دا!!
-رزان:ااااه ما انا ورؤي هنروح لميرال بكرة عشان نكون معاها وروفان هتكون هناك اصلا..ويوم الاتنين هنروح انا وميرال بعد ما تيجي من عند بيانسيه مع عامر ورؤي لروفان وهنطلع من عندها كلنا تاني وهيا هتكون معانا ونطلع علي رؤي..ويوم التلات بقي هروح مع علي عند صابرينا..
-ماذن:كل اللفات دي!!
-رزان بضحك:حظي..
-ماذن بجدية:اولا انا اللي هوصلك وارجعك في كل دا..ثانيا اني اصلا هروح معاكوا انتي وعلي لصابرينا..
-رزان:حااضر ي سياده الرائد..
-ماذن:بكرة قبل ما تنزلي رني عليا و هتلاقيني تحت البيت..
-رزان:حااضر تاني ي سياده الرائد..
-ماذن:حضرلك الخير ي حرم سياده الرائد..
-'وبعد فتره قفل ماذن مع رزان والاتنين جواهم كميهpositive energyتكفي العالم كلو'.........
🚸..🚸..🚸..🚸..🚸..🚸..🚸..🚸..🚸..🚸..🚸
-'ونام الكل استعدادا ليوم مليئ بالمفاجأت والحاجات الحلوة الكتير اللي كلنا بنحبها'##
🚸..🚸..🚸..🚸..🚸..🚸..🚸..🚸..🚸..🚸..🚸
-"وبكداpart9من روايه 'تعرفنا قديما')🚸من سلسله:توارث عشق#👪خلص"..
*توقعاتكوا عن اللي هيحصل ورايكوا في الاحداث واتمني تفاعلكوا*!
_By:'basmala yasser')💞