تعرفنا قديما')🚸

-part24🚸

-الرائد ماذن السنوسي فين!!؟
-'قالها علي بسرعه للاستقبال'__
-مستر ماذن ف اوضه العمليات الدور الاخير دلوقتي حضرتك__
-'جرت رزان بسرعه وطلعت من ع السلالم كان الاسانسير مزدحم..ووراها علي بيحاول يلحقها'__
*عند اوضه العمليات*
-'واقفه رزان قدامها بعياط ملهوش حد وبيحاول علي انه يهديها..واقفه مستنيه اي خبر يطمنها علي حياتها وانها لسه بخير..وف ساعتها لقت ممرضتين طالعين بسرعه من الاوضه والاتنين جروا بعيد عنهم كإنهم ف سباق..زادت دموع رزان اكتر وهيا بتمسك ف علي جامد بتحاول تقوي بيه..جت ممرضه من الممرضتين اللي خرجوا وقبل ما تدخل الاوضه تاتي وقفتها رزان وهيا بتقول بسرعه':لو سمحتي لو سمحتي طمنيني عليه هوا كويس صح!؟
-الممرضه بسرعه اكبر:الرصاصه قريبه من القلب اوي وكل شويه القلب يقف عن النبض دا+انه فقد دم كتير اوي وفصيله دمه نادره جدا جدا هوا ف مرحله الخطر ربنا يستر__
-'ودخلت الممرضه بسرعه الاوضه تاني وساعتها انهارت رزان بعياط علي الارض وهيا حاسه ان روحها بتتسحب بالبطئ'___
-الممرضه التانيه وهيا بتقوم رزان من ع الارض مع علي:قومي بس حضرتك قومي ان شاء الله دكتور مراد هيعمل اللي عليه هوا من امهر الدكاتره هنا_
-رزان بضعف:انا انا فصيلتيo-هتبرعله لو سمحتي__
-الممرضه:بجد تعالي معايا بسرعه حضره الضابط فصيلته زيك..
-'مشت رزان بضعف ف ايد الممرضه وابتسامه باهته اترسمت علي وشها'__
-الممرضه بفزع:لالالالا حضرتك مستحيل تتبرعي بدمك لحضره الضابط دا فيه خطر كبير علي حياتك.....
-رزان بمقاطعه وعياط:لو سمحتي انا لازم اتبرعله انا حياتي مش هيبقي ليها لازمه من غيره ابوس ايدك ونا همضي علي اقرار ان انا مسئولة عن كل اللي هيحصلي__
-الممرضه:طيب طيب اهدي بس الاول هتمضي علي اقرار..
-رزان:ماشى ماشي هاتيه بس بسرعه بالله عليكي__
-'وراحت الممرضه تجيب الاقرار وسابت رزان بتحاول تهدي نفسها..وساعتها دخلها علي بفزع وهوا بيقول':رزان انتي هتعملي اي!؟
-رزان بشبه فرحه:ماذن هيصحي ي علي هيصحي انا هتبرعله بالدم اللي محتاجه وهوا هيقوم..
-علي:تتفرجي بمين بدمك اذا كنتي انتي عندك فقر دم وسرعه خفقان ف القلب يعني خطر عليكي تتبرعي بدم لاي حد..
-رزان:علي انا قررت هتبرع لماذن يعني هتبرعله وهوا لما يفوق اه هيعرف ان انا اللي اتبرعتله بس مش هيعرف كل اللي انت بتقوله دلوقتي نهائي__
-علي:رزان انا ماليش غيرك انت بتقولي ولا بتعملي اي........
-'وقطع كلام علي دخول الممرضه وهيا بتقول':بسرعه ي انسه بسرعه حضره الضابط حالته ساءت اكتر__
-'وبسرعه وخوف وعياط مضت رزان علي الاقرار قدام علي المصدوم..وف لحظات كانت رزان متخدره وهما بيسحبوا اكياس الدم منها وضربات قلبها بتزيد بمعدل خطير'____
                                 🚸..🚸
*ف طرقه الدور*
-'واقف علي قدام بابين..باب العمليات اللي فيه ماذن..وباب الانعاش اللي فيه رزان..وبضعف فتح تليفونه ولقي اخر مكالمه كانت مع صابرينا قبل خطوبتهم..وبدون تفكير رن وهوا متأكده انه هيرتاح اول ما يسمع صوتها..وكان عنده حق فمسافه ما قالت*الو*حس ان هموم الدنيا انزاحت من علي كتفه'__
-صابرينا:الو علي انت معايا!؟
-علي بهدوء:معاكي__
-صابرينا:مالك ي علي انت تعبان صوتك ماله؟!
-علي:انتي وحشتيني__
-صابرينا:لا والله محنا لسه سايبين بعض من ساعتين..بعدين لحظه انت لي لسه منمتش لحد دلوقتي؟!
-علي:رزان ف المستشفي__
-صابرينا بخضه:اي مالها خير!!؟
-علي:ماذن جوزها كان ف مأموريه واتصاب و..........
*وحكي علي لصابرينا كل اللي حصل*__
-صابرينا:علي انا عايزه اكون معاك عايزه اجيلك..
-علي:تجيلي فين دلوقتي ابقي اطلعي من بيتك كدا__
-صابرينا:طب طيب خلاص اهدي بس انت هتعمل اي دلوقتي__
-علي:الممرضه خرجت من شويه وقالتلى ان ماذن حالته استقرت وشويه وهينقلوه اوضه عاديه__
-صابرينا:ورزان؟!
-علي:لسه ف الانعاش__
-صابرينا:ان شاء الله هتطلع فتره وهتعدي..
-علي بحب:ربنا يخليكي ليا__
-صابرينا:ويخليك ليا__♥
-'وقفل علي مع صابرينا وفعلا ارتاح وفاجأه اتصال من عامر فعرف انها ميرال'__
-علي:الو..
-ميرال:الو علي ازيك؟!
-علي:الحمدلله__
-ميرال:بقولك ي علي هوا تليفون رزان مقفول لي؟!
-علي ببعض الهدوء:رزان ف المستشفي ي ميرال__
-ميرال بفزع وخضه:ايييي لي؟!
*وبتعب حكي علي لميرال كل اللي حصل..اللي قفلت معاه بسرعه علي انها جايه*____
🚸..🚸..🚸..🚸..🚸..🚸..🚸..🚸..🚸..🚸..🚸
*في بيت عبدالنظير*
-'قفلت مع علي بسرعه وراحت تتصل اتصال جماعي بروفان ورؤي'__
-ميرال وهيا بتلبس:ردوا بقي بسرعه..
*وانتهت المكالمة بدون رد اي منهم وحاولت ميرال مره تانيه وتالته لحد ما ردوا*__
-روفان بنوم:الوو__
-رؤي:مين اللي بيرن انا مش شايفه قدامي__
-ميرال بعياط وهيا بتحاول تكمل لبس بسرعه:رزان ف المستشفي__
-'وبخضه اتفزعوا الاتنين من علي السرير'__
-روفان بخضه وهيا بتقوم وبتروح لدلابها بسرعه:اي ازاي وامتي مستشفي اي؟!
-رؤي بفزع:ازاي دا حصل ي ميرال اتكلمي وامتي احنا سايبنها بعد خطوبه علي كويسه في اي؟!
*وحكتلهم ميرال على اللي علي قالهولها والتلاته كانوا بيلبسوا*
-ميرال:انا خلصت..
-روفان:ونا__
-رؤي:ونا هننزل؟!
-ميرال:اه يلا بسرعه هنروح بتاكسي..
-'ونزلوا ال3بنات كل واحده من بيتها متفقين انها هيتقابلوا ف مكان معين'__
                               🚸..🚸
*عند بيت ماجد السندوبي*
-'نزلت رؤي من البيت بخوف فهيا بقت منقسمه اتنين ف الوقت دا..نص خايف علي رائد اللي لسه ف اشرافه علي عماره جديده وقلقانه جدا عليه..والنص التاني خايف علي رزان اللي ف المستشفي'__
-'ومن غير ما تحس لقت نفسها وصلت عند مكان التجمع ولقت روفان بس اللي واقفه لان المكان كان قريب من بيتها'__
-رؤي:لسه ميرال مجتش__
-روفان:لسه زمانها جايه..
   _     :مالك ي رؤي!؟
-رؤي:قلقانه اوي علي رائد ي روفان اوي__
-روفان:لي ماله هوا مش ف البيت؟!
-رؤي:لا اكتشف انهارده قبل خطوبه علي وصابرينا ان ف مهندس من مهندسين الشركه عامل خطأ كبير غير طريقه بناء برج ف الاساس ذات نفسه وف اقل من الثانيه البرج ممكن يقع ومن ساعتها ونا معرفش عنه حاجه وبرن عليه تليفونه مقفول مش عارفه اعمل اي__
-روفان:اي دا طب ما تروحيله..
-رؤي:هوا لو عرف اني نزلت الساعه6الصبح اصلا هيقلب الدنيا..
-روفان ببعض الخوف:بصراحه ولا انا قولت لريان وشكل ميرال كمان مقلتش لمروان..
-رؤي بقلب موجوع:ياارب احميه قلبي واجعني اوي__
-روفان:مش هتستريحي الا لما تروحي تطمني عليه بنفسك ي رؤي..
-رؤي:طب ورزان برده عايزه اشوفها واطمن عليها__
-روفان:انا وميرال اول ما نوصل هرن عليكي واطمنك__
-رؤي:طيب خلاص هروح بس اكيد ي روفان ابقي طمنيني علي رزان_
-روفان:حاضر متقلقيش ان شاء الله خير..
-'ومشت رؤي وركبت تاكسي وراحت لمكان ما رائد موجود..لمكان ما ربنا كاتبلها حياتها انها تنتهي'__
-'اما عند روفان ففضلت واقفه مستنيه ميرال وهيا قلقانه علي رزان وخايفه من ريان ورده فعله*وللاسف متعرفش هوا فين دلوقتي*'__
#وفجأه#
-راجل لروفان:انتي خطيبه الضابط البحري ريان عمران؟!
-روفان بضربات قلب سريعه وتوجس:اه..
-الراجل:هوا اتصاب ف مأموريه بحريه اتفضلي معانا..
-'وبدءت دموع روفان تنزل بدون وعي ووصلت حالتها لدرجه اللاوعي التام حتي محستش بالرجاله اللي شالوها من مكانها ودخلوها العربيه بسرعه وطلعوا بيها'____
-روفان بعياط:ريان ريان انت اكيد مش هتسبني ريان انا خايفه اوي تعالى ارجوك__
-الراجل لزميله:رن علي ممدوح بيه وقوله ان اول هدف معانا..
-'وعمل التاني زي ما الاول قاله'____
🚸..🚸..🚸..🚸..🚸..🚸..🚸..🚸..🚸..🚸..🚸
*ف القاعده البحريه*
-'قاعد امهر واكفء القباطنه والضباط ف مكتب الترتيبات والاجتماعات وهما بيتعاونوا مع بعض ف اكبر واصعب قضيه..وفجأه وف نص كلام الضابط ريان حط ايده علي قلبه بوجع وسكت فجأه'__
-مروان بهمس لريان:ريان مالك في اي؟!
-ريان:معرفش ي مروان قلبي واجعني فجأه اوي__
-مروان:طب اي السبب؟!
-ريان بخوف:انا هروح اطمن علي روفان وارجع__
-مروان بسرعه:ريان انت كدا هخليها تقلق احنا الساعه6الصبح__
-ريان بخوف اكبر:مش قادر ي مروان مش هرتاح الا لما اطمن عليها__
-مروان:طب اقولك رن علي عبدالله يطمنك عليها__
-ريان:ماشي__
-'وخرج ريان من مكتب الترتيبات والاجتماعات وهوا بيفتح تليفونه بسرعه وبيتصل بعبدالله'__
🚸..🚸..🚸..🚸..🚸..🚸..🚸..🚸..🚸..🚸..🚸
-ي غبي متسألش الزعيم علي حاجه انا عارف هنجبها ازاي..
-ي ابني عشان منغلطش ف حاجه زي المره الاولي__
-المره الاولي كانت لراجل وناس تانيه والمره دي لراجل وناس تانيه__
-طب قولي بقي هنجيب الهدف التاني ازاي ي فلحوس!!
-الاول بخبث ومكر:اقولك انا__
-'وبص لروفان اللي بتعيط بصمت بعد ما عرفت انها اتخدعت ودلوقتي هيا مخطوفه وقال':بقولك ي حلووه!؟
-'مردتش روفان عليه واكتفت بضم جسمها اكتر بخوف'__
-الراجل وهوا بيمد ايده ويحركها علي دراعها بقرف:خايف من اي يجميل دا لسه بدري__
-'وبسرعه وشجاعه متمتلكش منها ذره كانت روفان طابعه صوابعها علي خد الراجل فقال التاني بغل':شرسه بس تعجبيني__
-الراجل الاول:بن انتي اتعدلي كدا والا واقسم بالله..شايفه الكام راجل اللي معانا دول بقالهم شهور مشافوش نساوين مزز كدا__
-الراجل التاني:بصي ي حلوه هتكلمي صحبتك خطيبه القبطان مروان السوهاجي دي وتقوللها تجيلك ضروري ف المكان اللي احنا فيه دا__
-روفان بسرعه وهيا بتهز راسها يمين وشمال:مستحيل مستحيل ي حيوانات انتوا عايزين مننا اي انتوا مين اصلا__
-'وبسرعه وقوه كانت ايد روفان مربوطه والطرحه مشدوده من علي شعرها واجزاء من هدومها متقطعه وهيا بس بتصوط وتعيط وتنادي بإسم ريان'__
-'خد الراجل التاني تليفون روفان وبسهوله فتحه من كتر ما روفان كررت الاسم ف عياطها ورن علي رقم ميرال'___
🚸..🚸..🚸..🚸..🚸..🚸..🚸..🚸..🚸..🚸..🚸
-ياربي لسه مجوش لي دول لحد دلوقتي..
-'قالتها ميرال وهيا واقفه عند مكان التجمع مستنيه روفان ورؤي تحسبا منها انهم لسه موصلوش..وفجأه رن تليفونها بإسم*روفان*ردت بسرعه وهيا بتقول':ايوة ي روفان انتي فين انا وصلت لمكان التجمع ملقتكيش ولا رؤي كمان جت ا..........
-'سكتت ميرال لما سمعت همهمات روفان وكإن بؤها مكتوم وفجأه وقع قلبها وهيا بتسمع صوت راجل مزعج بيقول':قول لرجلاتنا اللي هناك يجيبوها بسرعه__
-'وسابت ميرال لرجليها الهوا يجريها لما سمعت روفان بتقول بسرعه وعياط':اهربي ي ميرال اهربي روحي لمروان__
-'تجري وهما يجروا وراها..تجري وهما يجروا وراها..بدور الوقت وفضي الشوارع مش مساعداها محدش ف الشوارع يساعدها..طول ما كانت بتجري كانت بتمسح دموعها عشان تشوف قدامها وهيا بس بتنادي علي مروان بضعف..وف لحظه تشوش منها محستش بأي حاجه حواليها لما جسمها اترفع بقوه واترمت علي الارض تاني..كإنها اترفعت لسابع سما واترمت بقوه لسابع ارض..محستش بأي حاجه بعد بروده جسمها وتنميله..بعد خطوات جري الرجاله اللي كانت وراها..بعد صوت وشكل الراجل اللي قدامها وهوا بيقول بقلق*ي انسه انتي كويسه*..بعد صوتها اللي طلع بضعف ووهن شديد بإسم مروان'____
🚸..🚸..🚸..🚸..🚸..🚸..🚸..🚸..🚸..🚸..🚸
-شكرا جدا__
-'قالتها رؤي لسواق التاكسي اللي وصلها لمنطقه البناء اللي رائد فيها'__
-'دخلت رؤي المنطقه بحذر وهيا شايفه انها محاطه بلاصق مانع الدخول..وبعند وخوف علي رائد تعدت اللاصق ودخلت..فضلت ماشيه لحد ما شافت تجمع عدد شبه كبير من العمال راحت نحيتهم بسرعه وهيا بتقول':لو سمحتوا!!؟
-'بصلها بعض العمال اللي من ناحيتها وقال واحد منهم وكان شبه كبير ف السن':انتي دخلتي هنا ازاي ي بنتي؟!
-رؤي:انا..انا عايزه البشمهندس رائد المنشاوي هوا فين؟!
-الراجل:البشمهندس رائد فوق مع البشمهندس كريم بيحاولوا يشوفوا حل لتعديل البرج__
-رؤي وهيا ماشيه ناحيه الطلوع:طيب شكرا ي عمو..
-الراجل:ي بنتي ي بنتي استني__
-'لكن فات الاوان وخوف رؤي هوا اللي كان بيحرك رجليها بسرعه'__
. . . .
*ف نص البرج*
-كريم:ي رائد مفيش حل الاساس ذات نفسه بايظ..
-'مردش رائد علي كريم وفضل يبص ف ورق البناء وبيحاول يشوف حل لحد ما قال كريم':رائد مش حاسس بهزه بسيطه؟!
-رائد:لا لي!؟
-كريم بخوف:لالا في هزه صدقني__
-'قام رائد من ع المكتب وهوا فعلا بدء يحس بهزه ف البرج..فقال بهدوء':هيقع ي كريم..
-كريم بفزع:هيقع ونت واقف عادي__
-رائد ولسه علي هدؤه:امشي ي كريم قدامي امشي__
-'جري كريم بخوف حقيقي ومشي رائد وراه بس رجع تاني خطوتين وخد تليفونه ورجع مشي بزعل واضح ورا كريم اللي خلاص طلع من البرج من كتر سرعته'__
-رائد لنفسه:ما نيجي نبص مره كمان ع البرج انا حاسس ان في حاجه__
-عقله:تبص اي انت مجنون البرج خلاص علي وشك الوقوع ونت بتقول تبص__
-قلبه:بص ي رائد بص__
-عقله:انت كمان تخرس خالص سرع رجلك دي بقي ي عم رائد وانجز انزل__
-قلبه:لا ي رائد لا بص بالله عليك لو ربنا مقدرلك الموت هتموت بس بص__
-عقله:اسكت...........
-رائد بمقاطعه:بس بقي خلاص اسكتوا انتوا الاتنين انا مخلي البرج من لما عرفت ان في غلط يعني مفيهوش حد__
-'ونزل رائد للدور الارضي خالص لحد ما شاف كل العمال قدامه وبعدوا عن البرج مسافه كبيره منتظرين شقاهم وتعبهم يتهد قدامهم..وصل رائد ليهم ولا يقل عنهم حزن وزعل..واخيرا خوف وقلق وميعرفش لي'__
-واحد من الرجاله:بشمهندس رائد هوا خلاص هيقع؟!
-رائد بهدوء متناقض تماما عن الدوشه اللي جواه:اه ي سيد__
-الراجل الكبير:بس البت لسه منزلتش انا مشوفتهاش__
. . . . .
-ياربي هوا بيتهز كدا لي انا خايفه اوي وفين رائد..
-'كان كلام رؤي لنفسها بخوف..تجنبت السلم الضيق وطلعت من السلم الواسع اه بصعوبه طلعت بسبب الطوب اللي ماليه..كل اللي شالغ بالها دلوقتي هوا رائد..مسكت ف عمود كان جنبها بفزع وهيا اهتزاز البرج بسرعه رهيبه ومحاولتش تفكر تعمل اي وهيا لاقيه جسمها بيتحرك مع العمود وايدها سابته وكل حاجه بقت تقع عليها..عرفت ساعتها ان ربنا ارادلها الموت..وبعياط فضلت تتشاهد وتدعي بس ان رائد يكون بخير'____
. . . . .
-'ومش عارف لي قلبه دق بعنف وملامحه اختفت وصوته ارتعش وهوا بيقول':بت!؟ب.بت مي ين ي اسطا ابراهيم؟!
-ابراهيم:معرفش والله ي بشمهندس بس هيا لسه جايه من شويه وسألت علي حضرتك وطلعتلك فوق__
-'وللحظه جت ف باله انها هيا وقال بهمس*رؤي*؟!..وف لحظه اسرع نفض الفكره من باله نهائي وهوا بيزعق وبيقول':وممنعتهاش لي ي عم ابراهيم مم....................
-'وقطع صوت رائد صوت وقوع قوي..لف براسه بسرعه وكان شكه ف محله وهوا بيشوف البرج كله بيتهد وبيقع علي الارض..ومعداش من قدام عينه بسهوله جسمها اللي بيتهاوي وسط الخشب والطوب والاعمده..وبعزم ما فيه وبكل نبره فزع ورعب وبكل سرعه يمتلكها كان بيجري للبرج وبيمد ايديه كإنها هتوصل ليها وتشدها':رؤييييييييييييي__
-'وقرب كتير من كل حاجه بتقع كان بيشده منظرها وهيا بتتحرك من مكان لمكان بفعل الاعمده التقيله جدا جدا وهيا بدون مقاومه بس بتتحرك كإنها اله..شده اكتر منظرها وهيا واقعه علي الارض وكل حاجه نازله تقع وتثبت عليها لحد ما اختفت تحت كل الاعمده والطوب اللي وقع عليها..وبإراده من ربنا وقع عليه عمود كبير من الاعمده..فوقع مكانه وبدءت عينه تغمض بضعف وهوا شايف جري كل العمال عليه..وبدموع نازله لا اراديا بص لناحيه ماهيا مختفيه تماما..ودموعه نازله بغزاره اكتر وحاجه واحده بس حاسس بيها*ان ربنا كدا عادل*'____#
🚸..🚸..🚸..🚸..🚸..🚸..🚸..🚸..🚸..🚸..🚸
-"وبكداpart24من رواية 'تعرفنا قديما')🚸من سلسله:توارث عشق#👪خلص"..
*توقعاتكوا عن اللي هيحصل ورايكوا ف الاحداث واتمني تفاعلكوا*!
_By:'basmala yasser')💞