تعرفنا قديما')🚸

-part21🚸

-كنتي واقفه بتعملي اي معاه..فهمينيي..واحد بيقولك زفت بحبك واقفه بتعملي اي معاه..انطقيي_
-'كان دا كلام ريان اللي بيسوق العربيه بسرعه رهيبه بدون واجهه..كان متعصب ووشه احمر وتنفسه سريع لدرجه ارعبت روفان'__
-ر ريان لو سمحت هدي السرعه..
-ردي عليا متستفزنيش قالك اي تاني قبل ماجي!؟
-التانيه بعياط:و والله م ما قال ا اي حاجه ت تانيه..
-ماشي انا هوريه وهوريكي_
-ريان خفف السرعه..
-'وبعند من ريان زود السرعه اكتر فمكنش من روفان غير انها زادت في العياط بخوف اكتر واكتر..صوتها ازعج قلبه..حس بوجع رهيب فيه..وبهدوء خفف السرعه حاجه حاجه..ومعاها خف عياط روفان وانتهي صوته تقريبا الا من صوت الشهقات وبزعل وحنيه من ريان خدها في حضنه بسرعه ومكنش من التانيه الا انها تمسك في قميصه بضعف وعياطها يزيد..فيتوجع قلب ريان اكتر ويقول بندم صادق':اسف انا اسف متزعليش مني..خلاص بطلي عياط قلبي بيتقطع معاكي عشان خاطري بطلي عياط..
-'وعلي اثر كلامه هدت روفان نسبيا وانتظم تنفسها فجأه فبصلها ريان بطرف عنيه لقاها نامت في حضنه بتعب..شد علي حضنه اكتر وهوا بيبوس راسها وينقل نظره تاني العربيه فتتغير لمعه عنيه تماما..من الحنان والطيبه والعشق..لغضب الغيره وانتقام التملك'____✨
🚸..🚸..🚸..🚸..🚸..🚸..🚸..🚸..🚸..🚸..🚸
-هاااا..مالها رؤي ي رائد!؟
-'كان دا صوت زينب القلق موجهه سؤالها لرائد اللي دخل الشقه وهوا شايل رؤي المغمي عليها علي ايديه'__
-لو سمحتي ي امي اتصلي علي الدكتوره بسرعه..
-'وبسرعه وقلق راحت زينب زينب ترن علي الدكتوره اما رائد فطلع برؤي فوق علي اوضته وحطها علي السرير بحظر وقعد علي الارض جنب السرير وهوا ماسك ايدها وبيقول بترجي':عشان خاطري فوقي ومتزعليش مني انا انا مكنتش اقصد انا كنت اعمي..رؤيا يلا فوقي ونا هصالحك صدقيني..
-زينب ودخلت الاوضه:حصلها اي ي رائد!؟
-رائد بسرعه:طلبتي الدكتورة!؟
-زينب:اه وجايه في الطريق..
-رائد:طيب معلش ي امي استأذنك تجيبي ازازه البرفان بتاعتي وميا..
-'وقامت زينب تجيب الحاجه بسرعه وخوف علي رؤي وبعد شويه جت الدكتوره ونزلت زينب تفتح بسرعه وخدتها وطلعوا علي الاوضه..فضلت زينب مع الدكتورة وطلع رائد بره الاوضه'__
*مسك رائد تليفونه بسرعه وهوا بيرن علي محمد اهو رؤي وقال بسرعه*:محمد من غير ما حد يعرف تجيلي علي البيت حالا..
-محمد:في حاجه ي رائد رؤي حصلها حاجه!؟
-رائد:تعالى دلوقتي ونت تفهم..
-'وقفل رائد الخط بسرعه وف نفس الوقت طلعت الدكتورة من الاوضه فقال رائد بسرعه وخوف':هيا كويسه صح طمنيني!؟
-الدكتورة بإبتسامه:متقلقش ي بشمهندس حاله اغماء صعبه شويه لان دماغها خبطت في حاجه قويه الخدوش بتبين كدا وكمان واضح انها مأكلتش حاجه من الصبح..هيا لما تصحي هتحس بدوخه وصداع وعشان كدا انا كتبتلها علي دوا للصداع اما الدوخه فبمجرد ما تاكل وترتاح هتروح علي طول..
-رائد:تمم شكرا..
-الدكتورة:لا شكر علي واجب ي بشمهندس..
-'ونزل رائد مع الدكتورة للبوابه ولقي محمد جه راح معاه الاول جابوا الدوا ورجعوا تاني لرؤي'__
*ف الوقت اللي كان رائد مع محمد بيجيبوا الدوا*
-'فاقت رؤي بصداع مميت..حطت ايدها علي راسها بتعب وهيا مابين الوعي واللاوعي وهيا بتقول':اااااه ي رائد سيبه خلاص عشان خاطري..
-زينب:حمدالله علي سلامتك ي رؤي ي حبيبتي انتي كويسه!؟
-رؤي بفوقان:ماما زينب!!انا اي اللي جابني هنا!؟
-زينب:احكيلي بس الاول اي اللي حصل!؟
-'بدء كل اللي حصل يمر علي ذاكره رؤي بسرعه فتبدء تحكي لزينب اللي حصل بهدوء فتقول زينب وكإنها شابه مش ست عندها ولدين خاطبين':ي بت دا بيغير..
-رؤي:ي ماما زينب بيغير يبقي قاتل يعني انا خفت عليه..
-زينب:بس انتي ليه محاكتيلوش عن الولد دا من الاول!؟
-رؤي ببراءة صادقه وهيا بتمثل بإيدها بحركات مضحكه:بصراحه بقي ي ماما زينب ابنك بيخوفني..لمعه عينه وهوا متعصب وتنفسه السريع وزعيقه وعصبيته بيرعبوني مش بيخوفوني فخفت اقوله..
-زينب:كل دا دليل علي انه بيحبك ي بت وبيغير عليكي ودي حاجه حلوة مش وحشه بس خليكي زكيه وهاديه ساعتها بمعرفتك هتفضلي خايفه دا هيعفرته اكتر لكن كام كلمه حلوين الموضوع هيتحل..
-رؤي بضحك:شكلك مجرب بن زنوبه..
-زينب بإبتسامه تذكر:ذاك الشبل من ذاك الاسد ي بنتي..
-رؤي:احكيلي احكيلي..
-زينب:مش وقته..المهم ازاي تتعاملي مع رائد..
-'انتبهت رؤي بكل حواسها ونست الصداع تماما فقالت زينب':اتعلمي ازاي تتعاملي مع كل موقف..في موقف ازعلي وموقف عيطي وموقف خليكي حنينه اوي عشان تهديه وف موقف تاني بقي تقفي ضده بس بسلاسه كدا خليكي انتي الذكيه..فهماني ي بت!!
-رؤي بتفكير:بس رائد طيب اصلا ومش بيعمل حاجه بس فجأه بلاقيه بيخوف...
-زينب بتعلم من ماضيها:ميغركيش انه مهندس ومتعلم يختي ما ابوه كان كدا بس ي حبيبتي الراجل لما بيتعلق الموضوع بمراته ولا خطيبته ولا حبيبته بيقلب وبيتحول لهمجي وراجل بدائي مهما ان كان مستوي معيشته او تربيته دا بيكون غصب عنه وابني بقي بيتعمي وبيقلب واحد متعرفيهوش خالص متعرفيش تهديه الا بحضن دافي بكلام حلو بمسكه ايد تديله حق التملك اللي عيزه..الغيره في الحب بتخلي الراجل مهما ان كان كبير بتخليه طفل ميرضيهوش الا الامتلاك_
-رؤي:ياااه ي ماما زينب باين عليكي فاهمه ومجربه اوي..
-رؤي بضحك:مش بقولك ذاك الشبل من ذاك الاسد..
-'وبطلوا ضحك خالص لما لقوا رائد ومعاه محمد طالعين فتتحول ملامح وشهم تماما محذره عن بدء انتقام حواء'____
🚸..🚸..🚸..🚸..🚸..🚸..🚸..🚸..🚸..🚸..🚸
-م مروان..مروان هدي السرعه..
-مروان بهدوء غير عادي:عملك اي!؟
-ميرال بمحاوله تهديته:م معملش حاجه..
-وبعصبيه مفرطه خبط مروان جامد علي الدركسيون بقبضه ايده خلي ميرال تنتفض في مكانها بخوف فقال بصوت عالي جدا مداريه شبابيك العربيه اللي مقفوله كلها:بقول عملك ايي مسكك من ايدك ازاي فهميني..
-ميرال بعياط:والله انا كنت بكلمه عشان.....
-'وبسرعه دفع مروان بالعربيه للركن بعشوائيه علي جنب خلي ميرال تتحرك من مكانها وتندفع لقدام بقوه وحمتها ايد مروان اللي مسكت بكتفها بسرعه وقربتها نحيته بعصبيه اكبر وهوا بيقول':بتكلميه!!بتكلميه ازاي ولي وازاي تقفي مع راجل اصلا_
-ميرال بصعوبه بسبب ضربات قلبها السريعه جدا:مروان استني هفهمك..
-مروان بملاحظة سريعه لضربات قلبها اللي شبه سامعها وخوف زايد:طب اهدي بصي اهدي انتي عارفه اني بحبك وني يستحيل ااذيكي فإهدي..
-'حطت ميرال ايدها علي صدرها مكان قلبها في محاوله لتهديه ضرباته وهيا بتتنفس بسرعه..وبسرعه بديهه من مروان قفل تكييف العربيه وفتح شبابيك العربيه كلها عشان يكون في هوا كافي'_
*(ميرال من  صغرها وهيا عندها اضطراب في صمام القلب بتزيد ضربات قلبها جدا وتنفسها مع اي موقف تتعرضله سواء ان كان مفرح او محزن)*
-مروان بهدوء عكس تماما اللي كان عليه:هديتي صح..وبعدم تفكير شال ايدها اللي علي قلبها وحط ايده يستشعر ضربات قلبها وقال بخوف حقيقي وندم صادق:خلاص هديتي صح ضربات قلبك هدت خلاص انا اسف اسف مش هتعصب تاني ولا هزود سرعه العربيه انتي بس اهدي..
-'بصت ميرال بإستغراب من تغير حاله وقالت بهدوء':مروان اهدي انا كويسه خلاص..
-مروان وكإنه طفل:لا اكيد هتزعلي مني..وبسرعه كان لاففلها بكل جسمه ورجله اليمين طلعها علي الكرسي وتناها وقعد عليها والشمال لسه علي البنزين ومسك ايدها الاتنين جامد بإيده الاتنين وهوا بيقول:بصي انتي عارفه اني غبي واني بتعصب بسرعه..وفجأه اتحولت نظراته من ندم وخوف لشراره الغيره والتملك وهوا بيقول:انا انا اتحرقت لما لقيته كدا انا بغير..عارفه يعني اي بغير!؟يعني احرق الاخضر واليابس لو بس شوفت حد بيبصلك..انا متملك في حبي ليكي..انتي ليا انا وبس..انتي حقي اللي مش هتنازل عنه ابدا___#
-'بصتله ميرال بضعف وهيا مش عارفه تقول اي هيا المفروض اتعودت علي كل دا من وهما مراهقين..بس دا غصب عنها هوا بيتحول لوحش محدش يعرف يهديه مبتعرفش تتعامل معاه وقطع سرحانها في كل دا صوت مروان اللي اتحول تماما وهوا بيقول بهدوء ظاهري':اي اللي حصل!؟
-ميرال بتوتر محاوله اخفاءه ولكن فشلت:م محصلش حاجه..
-مروان بنفاذ صبر:ميرااااااال__
-ميرال:طيب بس اهدي ونا هحكيلك..
-مروان:انجزي..
-'وبدءت ميرال بتوتر وخوف تحكي لمروان كل اللي حصل من فتره غيبوبه رزان للوقت الحالي مغفله عن تحول التاني بطريقه مرعبه'__#
🚸..🚸..🚸..🚸..🚸..🚸..🚸..🚸..🚸..🚸..🚸
-اي اللبس دا!؟
-'كان دا صوت ماذن العصبي موجهه سؤاله لرزان اللي قاعده جنبه في العربيه بخوف وتوتر محاوله اخفاءه بالبرود'__
-رزان ببرود:ماله لبسي!؟
-ماذن بنفاذ صبر:رزااان هعتبر نفسي مشوفتش القرف اللي لبساه دا وهتطلعي تتزفتي تغيريه وتنزلي اذا كنتي عايزه تكملي اليوم غير كدا هتطلعي مش هتنزلي#
-رزان بعند:مش طالعه ومش مغيره و....
-'قاطعها قرب ماذن منها فجأه وايده اللي اتلفت حوالين وسطها بتملك وراسه اللي اتسندت علي صدرها مكان قلبها وتسمعه وهوا بيقول بخفوت وكإنه طفل بيهرب من مامته فيروح لحضنها':انا مش هتعصب لا مش هتكرهني اكتر هفهمها اني غيران....
-'رق قلب رزان لخفوته اللي وصل لودنها وبتلقائيه مشاعر حطت هيا كمان ايدها علي كتفه ولاحظت تنفسه اللي زاد وايده اللي اتشدت علي وسطها اكتر لدرجه حست ان عمودها الفقر هيتكسر وقالت':ماذن حبيبي في اي لي بتقول كدا!؟
-'وبتغير حال مفاجئ حست رزان بضحكه ماذن وهوا بيقول':حبيبك!!انتي لسه بتحبيني صح اه اكيد مش بتكرهيني..
-'دمعت عنيها وقلبها اتوجع من كلامه..مكنتش عايزه من افعالها انها تحسسه انها بتكرهه بالعكس هيا عشان بتحبه بتعمل كدا هيا بس هيا كانت عايزه تعلمه انه يتحكم في غضبه وغيرته وقالت بنبره الم':ماذن حبيبي انت عارف اني بحبك بس....
-'وفاجأها طلوع ماذن فجأه من حضنها وهوا بيمسح بكف ايده حاجه جنب عنيه فحست انه كان بيعيط':من غير بس انا عارف اني غلطت بس والله كنت اعمي كلام علي والزفت التاني وكلامك خلاني عايز اثبتلك انك ملكي وليا انا بس لكن والله ماكان قصدي اني ااذيكي انا ااذي نفسي ومجيش جنبك..وكمل وهوا بيمسك ايدها الاتنين جامد:رزان انتي عارفه اني مستحيل اتعب في طريق اخره حضنك وحتي لو مسامحتنيش دلوقتي مش همل وهفضل وراكي وهفضل ضلك..وشاور علي قلبه وهوا بيقول بوجع:بس دا واجعني اوي عايزك جنبه ومعاه..عايز يفضل علي كتفك..بين ايديكي..في اعماقك..في اقرب أيه لقلبك..عايز يفضل ف ادق تفاصيلك__!
-'كان كل كلمه بيقولها ماذن مصحباها دمعه من رزان..عياط العيون من غير صوت لكن القلب بيصرخ..بيطلب الرحمه..نفس الرحمه اللي هيا عيزاها..ابتسمت بوهن علي ايده اللي اتمدت تمسح دموعها وهوا بيقول بأمل':سامحتيني صح..
-رزان بشبه همس:انا مسمحاك من يوم ما فوقت من الغيبوبة ولقتك جنبي بحالتك___
-'ضحك ماذن بفرحه ودموعه نازله من عينه بإنسيابيه وكان دور رزان ف انها تمسحله دموعه وتحضنه جامد وكإنها لقت نبض قلبها اللي هيديها الحياه اذا مكنش هوا الحياه..وانقلب السحر علي الساحر وبدل ما كان ماذن بيتمني انه ياخدها ف حضنه بقت هيا اللي حضناه بكل احتواء وحنيه وهيا بتقول':سياده الرائد بتاعي ميعيطش..
-ماذن بصدق:الا ليكي وعشانك__#