تعرفنا قديما')🚸

-part15🚸

*في المستشفي*
-روفان:غيبوبه!
-ميرال:ايي!؟
-رؤي:ازاي انا عايزه اعرف!؟
-علي:طب يعني هتفوق امتي؟!
-الدكتورة:اهدوا ي جماعه من فضلكوا الغيبوبه دي محدش يعرف مدتها كل اللي عليكوا الدعاء وبعدين كل الناس دي لي هيا مش عايزه ولا اي حد معاها واللي هيقعد مش مستفيد حاجه..واه عشان تعرفوا اللي بيدخل في غيبوبه بتكون بإرادته..
-روفان:مش فاهمه..
-الدكتورة بتوضيح:يعني لو عدي72ساعه وهيا لسه مفقتش تبقي الاجهزه الطبيه بس هيا مخلياها تتنفس ولو شلناها يبقي توفت فإحنا هنستني72ساعه وربنا يقدم اللي ف الخير....
-'ومشت الدكتورة والكل بص لبعضه بخوف وقلق وروفان ورؤي وميرال كانوا بيعيطوا وواقفين مش عارفين يعملوا اي فقال مروان بتساؤل':فين ماذن!؟
-'انتبه الكل لصوت مروان وبدءوا يدورا بعنيهم علي ماذن لكن وسط كل اللي واقف مشافوهوش'__
-ريان:دا كان واقف معانا والدكتورة بتتكلم..
-رائد:ليكون دخل لرزان الاوضه..
-ميرال:منا واقفه جنب الاوضه اهه ومحدش دخل او خرج..
-روفان:يمكن مشي هوا كان شبه ميت اصلا من لما جينا وهوا متكلمش ولا اتحرك..
-'وهنا خرجت رزان من اوضه العمليات علي السرير المتحرك وممرضتين بيحركوه والاجهزه محاوطاها من الجانبين..بصلها الكل بحزن وسألت رؤي الممرضة هيا رايحه علي فين فقالتلها الممرضة انها رايحه علي اوضه عاديه..فمشوا كلهم وراها ونزل مروان يدفع حساب المستشفي لكن لقاه اتدفع فطلع بإستغراب بس قال ان ماذن هوا اللي اكيد دفعه'...

*في اوضه رزان*
-علي:انا اللي هفضل معاها..
-ريان:علي ممنوش فايده انت مسمعتش الدكتورة!؟
-عامر:اه ي علي ريان عنده حق احنا هنروح كلنا وبكرة نبقي نيجي كلنا نشوفها..
-'وبعد المناقشات نزلوا كلهم وروحوا ومروان خد علي معاه روحوا واتفقوا كلهم انهم هييجوا تاني يوم بعد صلاه الجمعه'___
                              🚸..🚸
-'نرجع بالزمن شويه لوقت ما كانت الدكتورة بتتكلم عن حاله رزان..كان اللي واقف قدامها بالضبط ماذن..ومع ذلك لما سمع كلامها مشي بهدوء تام من غير ما اي حد ياخد باله منه..نزل من المستشفي بعد ما دفع الحساب وخرج منها وراح لاول جامع لقاه جنب المستشفي..دخله ودموعه بتسابقه اتوضي وخرج يصلي ركعتين طلب من ربنا..كان بيصلي وبيطول في السجده كان بيقول كل حاجه ف قلبه بدموع ملهاش نهايه صلي وكان طول الصلاه بيدعي بس انها مترحش منه اكتر من كدا..وطلع من المسجد بعد ما صلى الفجر كمان وراح ع المستشفي وطلع علي اوضه رزان'_______
                                🚸..🚸
*في اوضه رزان*
-'دخل ماذن بهدوء وسحب كرسي وقعد جنب سرير رزان ومسك ايدها بإيده الاتنين وعينه اتجمعت فيها الدموع وهوا بيقول':انا عارف ان اللي بيكون ف غيبوبه بيبقي حاسس بالناس اللي حواليه وبيسمعهم..انا..انا معرفش ازاي عملت كدا انا كنت اعمي..غيرتي خلتني اعمي مكنتش شايف اي حاجه قدامي غير اني اثبتلك انك ملكي وليا والله كنت اعمي مكنش قصدي أأذيكي..رزان لو سمحتي متسبنيش لوحدي انا من غيرك يتيم حياتي هتبقي سراب..طب انا اسف والله اسف قومي زعقي اتعصبي بس متسبنيش اكبر عقاب ليا سكوتك صدقيني..
-'سكت ماذن ودموعه نزلى علي وشه..اللي يشوفوا يقول مش دا الرائد ماذن السنوسي..ووسط عياطه وكلامه وهوا باصص لرزان بترجي انها تقوم..لقي دمعه يتيمه نازله من عنيها..قام ماذن من علي الكرسي ووقف بفزع وهوا بيقرب اكتر منها وبيمسح الدمعه بإبهامه وهوا بيقول':انا اسف والله اسف انا مكنتش اقصد لو سمعاني وحاسه بيا والدمعه دي عشان خذلتك فلو سمحتي متزعليش مني عشان خاطري_