لهفة عشك

البارت ٢

......لهفة عشك.......

لكاتبة(zainab) عطر الورد

.........البارت ٢.......
مرت الايام واني مخلصتها بين دوام وقراية لان جان ثالث كالولي اهلي اذا اترسبين راح نبطلج...وصراحة اني خفت كمت ادرس حتى لو ع كد النجاح اهم شي انجح سارة صارت علاقتي بيها قوية صحيح هي عندها علاقات بس ما دخلني بهاي الأشياء...
بس ما دخلني بهاي الأشياء وحتى من تخابر جانت بحمامات المدرسة ..

مره هي دتخابر وكالت راقبيلي الوضوع واني اول مره اسوي هيج وكفتلها باب الحمامات وهي دخلت ..تخابر اني ضليت ارجف احس ع ساعة طالبه لو مدرسة تجي واشوفنه غير ننفصل واذا وصل الحجي لاهلي اكيد بابا راح يموتني هي تخابر واني كلساعه اكوللها خلصي وهي ابد ولا كانما تسمعني..جان عندنه درس رياضيات ومدرسه ماجايه وطلعنه ..
شفت ام علي تشتغل بمدرسه فراشة اجت عليه واني افرك بايدي من خوف ومبين عليه الارتباك اتقربت مني واني اخاف تسمع ساره وتروح تكول لمديرة واثنينه نطيح بيها ...
وصلت يمي واني بصوت عالي علمود اسمع سارة ..
ها خالة اشلونج شخبارج..
ام علي ..هلا شمس شعندج اهنا واكفة...وحدج ومنا مدرسه ولد ..
شمس..ها مو منتظرة سارة بحمامات وتلعب نفسي من ادخلها كلت انتظرها هنا..
ام علي ..هو اني اجيت انظف الحمامات..
بعدني ما حاجيه وهي راحت اريد الهيها بشي ماكو وخفت خاف سارة ما سمعتها..ضليت اكل باضافيري
وادعي كون سمعتنه ساره ..بسرعة رحت وراها..
واني اشوف سارة طلعت من حمامات ...
سارة...ها خالة اشلونج..
ام علي ..هلا يمه انته اشلونج ..
سارة ... زينه الحمد لله

اني احس روحي ارتاحيت همزين ما سمعت شي ..
اشرت لسارة علمود نطلع لان بعد ما اتحمل هبطة ثانية..

طلعنه اني وسارة ..لزمت ايدي وشبكتني...
سارة ..انتي احسن صديقة الا اخذج لاخويه..
شمس..واني اضحك عليها ولج يا صديقة غير من وراج اجيت اموت ..بعد ما اسويها ابد ..
سارة ...غير انتي مرت اخويه اشلون ما ساعديني
شمس ..ولج يا مرت أخوج شو صدكتي الشقة يمعودة اني ما اريد هسة ازوج ولا شي ..
ضلت تشاقة وياي وتحجلي عن حبيبها..

رجعت للبيت ميتة تعب ...دخلت لكيت خالي جاي علينه كاعد يم بابا ...شفته رحت سلمت عليه ..
شمس..هلو خالو اشلونك مشتاقتلك..
رافد...هلو شموستي انتي اشلونج بمدرسة اشلونها درجاتج ..
شمس ..زينة خالو ...وياها وياها
رافد...شدي حليج واطلعلي من الثالث ..
شمس..الله كريم ...ورحت واني داصعد درج اسمع خالو صاح وراية ..
رافد ...ليش شمس ما لابسة جواريب ورجليج طالعة
اني باوعت جنت ناسيتهن اصلا ما لابستهن اشوف خالو يخزر بيه وصدرية شوي بيها قصر ..نظرات خالي تخوف ..ماعندهم بنية هيج تطلع حتى احنا ما يخلينه بابا هيج نطلع بس جان ما منتبه صبح عليه واني طلعت مستعجلة ...ونسيت البسهن..

ضليت اباوع ع خالي واني حايرة شجاوبه هو يباوعلي وبنفس خزرة عيونه التخوف..
رافد..بعد ما اريد هيج اشوفج منا ناس وتعرفنه شتريدين يحجون علينه وانتي صرتي جبيرة مرة عروس ...وناس ماعندها لا شغل ولا عمل بس تحجي ....
هزيت راسي ورحت صعدت ..