لهفة عشك

البارت ١٠

.......لهفة عشك......

للكاتبة (zainab) عطر الورد

.......البارت ١٠.......

مساء الورد ❤❤

تصويت ....تفاعل...

شمس..
ما مستعوبة الاسمعة اكيد يشاقة اني اعرف بشار مستحيل يعوفني لا ما اصدك ...
التفت اخذت موبايلي دكيت عليه منتظرة يجاوبني
كمت اروح واجي متوترة كلبي يكولي جذب بشار ما تركج ..ما فتح عليه خط ...
رجعت اتصلت مرة ثانية...واني ادعي بس يفتح عليه ويكون كلشي جذب ..لغاه هو ...
بعدين جهازه انغلق ...

اباوع ع موبايلي اصلا طفى...كعدت بكاع اذكرت كلامه من كال بعد لا اعرفج ولا تعرفيني ولا اريدج
نزل شي حار ع خدي وبعدها انفتحت عيوني ع بجي

شمس..ليش عفتني ولك شمسويتلك مو انتظرتك كل هل سنين وارفض اليجيني ليش هيج جذبت عليه
وتركتني مو اني حبيبتك ليش عفتني  ...

ضليت احاجي بروحي...واني حتى ما اعرف السبب
الخلاني حسيت نفسي ضاق كمت كوة اخذ نفس جنت لابسة تراك بيه سحابه فتحتها شوي اريد بس اجر النفس ...عيوني ما بطلت بجي واني ترن باذني
حجاية بشار من كال بعد ما اريدج ...
حسيت روحي اختنكت..فتحت الشباك مال غرفتي
اريد هوة ماكو شي يطفي النار الشعلت بيه ..
اريد واحد اشكيله احجيلي بقت غصة بكلبي ما اكدر
حتى ابجي بصوت عالي ...جانو اهلي كلهم نايمين
وخاف يسمعون ...

ضلت العبرة خانكتني واني اقنع نفسي اكول هسه
يرجع يتصل بيه ..هو ما يتركني واعدني نزوج

نمت ع جربايتي بوضعية الجنين ...اذكر اول ما شفته من اعترفلي حتى رسالته لحد هسة حافظتها
كلشي اذكرت وآخر شي اليوم..هو مو من حقه ينهي
البيناتنه بدون ما يوضحلي...

اذكرت حجي أديان من كالت الشباب يلعبون ع البنات بس ياخذلهم فترة وياهم ويتركوهم  ..
بس بشار مو هيج يعني معقولة من وصلت الزواج
تركني بس هو كال ضامه عليه شي ...يا ربي شيقصد
حسيت ع نفسي انهاريت الأفكار كلها براسي ماكو
سبب يخلي يتركني ...

في مكان ثاني ..

بشار كاعد ع شط وادخن كل ما اضوج اشرب جكاير
من سمعت من ابوية الحجي لحد هسه احس نفسي مو الي مخنوك اشلون شمس أضم عليه وهي كلشي تحجيلي حسيت انضحك عليه اشوفها تتصل عليه
غلقته الجهاز ما اريد اسمعها واخاف اجرحها بزايد
وخصوصا اني بهيج وضع ...
صفنت واذكر اشلون اول يوم شفتها ومن يومها حبيتها...

اني بشار مواليد ١٩٨٦ شكلي عادي موظف بجامعة
حبيت شمس من اول يوم النا بتكريت من نزلنا بيتنه
بتكريت جنت انزل بغراض من السيارة واشوف بنية
تمشي وبيدها جنطتها مال المدرسة صفنت عليها
واني اشوف اخدودها الحمر من الشمس ونمش بوجها منطيتها اكثر جاذبية اجت بتجاهي واني ضايع بتفاصيلها ابوية يصيح عليه علمود انزل الغراض واني بالي مو يمه يم هاي البنت الاخذت كلبي من اول نظرة بعدين انتبهت دخلت بيت عمي
ابو أديان معقولة هاي بنته حتى استحيت من نفسي
لان باوعتلها رجعت كملت شغلي واني كل ما اصفن
اذكرها ارتاحيت لان طلعت بنت عمي طبعا هو وابوي
اصدقاء وكرايبه بس من بعيد ...
كمت كل يوم اتابعها من تروح ومن تجي حسيت نفسي اتعلقت بيها كمت اخاف عليها اليوم الما اشوفها بيه احس ناقصني شي حسيتها كامت تنتبه
عليه من اراقبها كلت لازم اعترفلها اعرف جانت حالتي المادية مو هلكد واحنا عندنه الولد هو يعتمد
ع روحة بزواج كلت خليني اكول الها مشاعري واشوف ردت فعلها حرت اشلون احاجيها وخاف اصدني لو تكول لأهلها وعيب من أبوها فكتبت الها
رسالة واعترفت الها بكلشي بس الصدمني ردها ع رسالة ما اتوقعت تفهمني هيج غلط وبيوم جنت بلباب شفتها تنظف الباب ومحد بشارع هي ماتبين
لان جان بلبابهم شجر فصايرة بسدة كلت هاي فرصتي أوضح الها وصدكت حاجيتها بيومها شفت
بعيونها نظرت حب جان أسعد يوم الي ..
ومرت الأيام واحنا حبنا يزيد.....
لحد هذا اليوم الغير حياتي وخلاني اعيد
كل حساباتي . ...
         
شمس..نايمة ع جرباية واني اباوع ع السكف..
افكر بصار واكول ليش بشار يتركني اني ما ضامة
عنه اي شي ليش هيج يسوي بيه وين راح حبه الي
معقولة كل هل وكت جان يضحك عليه بس هو لا ما يسويها لو ما يردني جان من بداية كلالي زين ليش
اليوم حاجني هيج وما وضحلي حتى السبب وخلاني بدوامة وي نفسي اوف ياربي ما طالبة
منك شي بس اريدة يرجعلي....
احس بروحي غفيت واني اردد بين نفسي اكيد هذا
حلم ومن اكعد راح يخابرني جنت مقتنعه بهاي الفكرة...