.......لهفة عشك.......
للكاتبة(zainab) عطر الورد
........البارت ٨.......
كلنه فزينه ع الباب الخوف اتملكني كل البالي داعش هجمت ع البيوت حاظنة اخوية وابجي وارجف ..
الباب اكسر من الدك..جدتي طلعت كالت اذا هم انهزمي لاتخليهم يشوفج..ضليت ابجي جدتي راحت
واني ضليت بمكاني احس رجلي مربطة من الخوف..
ما تتحرك..مغمضة عيوني وادعي ..استسلمت لأمر الواقع كلت خلي يكتلوني..
بهل الاثناء اسمع صوت خالي ..من سمعت صوته احس روحي هسة اتنفست...
رافد ...بسرعة حظرو ملابسكم وجناسيكم راح نطلع داعش دخل لتكريت وبعد مو امان خلينه نطلع قبل لايسدون السيطرات وبعد مانكدر نطلع ابد آخذو اي شي تحتاجوه..
سمعت هيج خفت بزايد بيت بشار اسمعهم طالعين الناس ع القصف كلها طلعت الجوء كلش يخوف ..
المنطقة دخلت انذار ..جان بيت عمتي همين بتكريت
كالو راح نروح بسيارتنه بس وياكم كلشي يصير اختي جابها خالي وحدها لان حامل ..بداية أشهرها
زوجها كال ابقى هنا لحد مانشوف بيت ما قبل تبقى
وهي بس تبجي ...
دنيا ليل صوت القصف ماهدى خوف بعيون الكل
حظرنه الجنط مالتنه خالي راح يخليهن بسيارة خطية ام بشار اجتنه من سمعت باب مالتنه يندك عبالهم واحد دخل علينه حتى ابو بشار اجه ..
حجه وي خالي وخالي فهمه راح نطلع لاربيل ...
اجت رهف حظنتي جايبه وياها موبايل ..
همزين جانت دنيا ليل..محد يشوف بسرعة اخذته
ضميته بصدري خالي كال استعجلو ..
ودعتهم بشار همين موجود ودعته بعيوني ...
هلمرة تختلف رحنه والخوف بكلوبنه مانعرف اذا نوصل لو لا ..
اختي بس تبجي اخوية همين الزغير اني ع واهس وياهم ...جانت سيارة بيت عمتي كدامنه هي ورجلها وابنها جان جبير ومزوج ماعندها بنات بس ٣ ولد ..
كلساعة نوكف بسيطرة وين ماجان سيطرات بس شنو ع ما نطلع من السيطرة احنا نقرا الف اية ...
دخلنه لمنطقة كالو هنا بيها يمكن داعش بس لازم نمر منها وخصوصا جان دنيا ليل وطريق ما معروف ..
من الخوف والرهبة...
احنا بعد شوي عن سيارة بيت عمتي شفنهاها وكفت بسيطرة خالي وكف كال خلينه نشوف الأوضاع اذا يمشوهم او لا كال انتو نزلو راسكم بس جدتي بقت
أديان اشوفها ترجف ...
منزلين راسنه وخالي مطفي الاضوية مال السيارة
احس الموت شوي شوي يتقرب من يمنه ..ضليت اقرا ايات الحافضتهن..سمعت صوت عمتي ومرت ابن عمتي يصرخون...
زاد الخوف عندي كمت اشهك من الخوف خالي اشوفه اتوتر حيل اول مرة اشوفه وهو كلساعة ينبهنه نزل راسنه خابر ع أبويه...
وكلاله ابن اختك عند داعش اخذوه وهسه احنا بسيطرة اسمع بابا ايكله خليني اجي ...انتظروني
رافد ...وين تجي اصلا طرق مسدودة ..وسيطرات وين ماجان ووضع ابد مو امن...
ابو أديان..خابر عليهم كولهم اي شي عندكم فلوس ذهب انطوها الهم ...هم راح يخليكم ترحون..
اسمع امي تبجي ..
الخوف بذيج اللحظات يمكن قطرة دم ما بقت عندي
